今日星期一,原本諗住好好休息一下,

等聽日可以有精神去見工,但她都冇返工,

係我屋企訓,其實我每次講野第一句說話都係我地係朋友,

但她仲未接受到呢個事實,我其實都接受唔到『佢』地兩個做0既事,

都係果句當我小器啦,每一個男人對女朋友0既限度都唔同,

有D男人真係佢女朋友做左D對唔住佢0既事就會分手,例如:比人搞左,鍚左。

宜我0既限度就係攬都唔得,出街都可以接受到,但我睇到張相去到攬我真係唔得,

仲要係她攬『佢』,如果『佢』攬她都仲有解釋,

宜家咩都明晒啦,她成日話我對佢唔住都有好多,

點解佢可以每次都原諒我,宜我唔得呢,

因為好簡單妳有冇實質0既證據比我睇下我有咩對妳唔住呢?

宜我就有大把妳對我唔住0既證據係手,妳跟本冇得同我嘈,

唔好再同我講咩機會咩原諒,宜家我真係接受唔到,

古語話:寧比人知莫比人見,宜家我就咩都睇晒,

我亦比左好多機會妳,問妳地兩個有冇影過貼紙相,我問左3次,

妳都死口話冇,有一句說話係妳自己話架,

(當比左3次機會妳去講真話,就算3次妳都係話大話我都當係真架啦)

我知妳唔想失去我,但係咪太遲呢?

好多人都話比次機會佢啦,可能妳地以後會幸福快樂呢,

我就會話:幸福快樂0既機會只有一半一半,有一半會幸福但有一半亦都會唔幸福,

如果在出現同樣0既事咁我點樣承受呢?有冇諗過我呢你地?

我寧願失去都唔想擔驚受怕,我只知道機會唔係冇,

宜係妳識唔識去爭取,如果妳覺得彩我都戇鳩0既,

咁就算啦,唔好再拉鋸落去,

我知道係呢3日妳有改變過,好過,對我關心過,就過我,

但我只係知道妳宜家好以受緊我前個星期受緊0既野,

以後有冇得一齊我仲未知,但我唔想妳有咩事,唔好做傻事,冇意思,

妳越做我只會越憎妳,可能眼淚會再心幢流,但我唔會再係妳面前流一滴真真正正0既淚!!

《《見工希望成功》》

今日算係第一日單身,同她<~~(前女朋友)凝然久前不清,

她成日都叫我比多次機會佢,原諒佢,佢會改變,

但我知道我唔能夠咁樣做,因為我真係好辛苦,

我唔想再為左呢D事宜令自己唔開心,

好無謂我覺得,所以我選擇做返朋友,

朋友係我心目中以經好大極限,

我唔希望佢會再做傻事,因為我以經冇感覺,

不過作為一個朋友凡都應該睇住妳,

我希望妳以後唔好為我諗呢樣果樣,應該為自己諗諗點生活落去,

係呢一年妳幫左我好多,我唔知點樣回報妳,

我做0既只有好好生活黎回報妳,我唔想將妳呢一年幫我0既,

轉化成愛黎回報妳,冇意思咁樣,

宜家我諗0既只會係工作,兄弟,屋企,

唔想再一齊,我怕愛/我怕驚/我怕傷心/我怕流眼淚,

因為我知道同返妳一齊(可能)會再發生同樣0既事令我擔憂,

嘈交鬧交第二日妳工作又會做唔好,我健身亦冇心機做,

對大家都冇好處,我亦唔希望我地到左最後妳先黎珍惜,

我要做0既事我係呢一個月我都做左好多,

妳唔珍惜我冇辦法,宜家先珍惜會唔會太遲呢,

古巨基都有一首歌《愛得太遲》,最後我送妳一首《死性不改》,

加多一首《三國誌》,差唔多就可以講晒我呢個月0既故事,

 故事以經完結,我亦都唔希望有續集,

琴晚我講左一個理論,

我話:我同妳咪當一個小說囉,第一本寫得唔好,我地可以搵第二個主角(男/女)寫一本新0既,

寫到一本可以好好睇睇咁咪結婚囉,我同妳呢本小說寫得太差啦,亦都冇可能去刪除,

再寫落去亦都冇意思,應該比佢去完結,

金庸先生都唔會寫第一本武俠小說就暢銷, 一定經過好多時間先會得到回報,

所以兩個人相識就如一張白紙,時間越耐紙上寫0既經歷就越多,

我會搵一張新0既白紙,妳亦都要,重新篇自己0既愛情故事。

《《聽日去見工,希望有新開始》》 

今日一早起身食早餐,然後上山搞我daddy 0既事,

11點左右都返到落黎香港,落到黎香港我就第一時間返屋企,

但我發現原來我女朋友(以經唔會用老婆稱呼)琴晚同『佢』 都傾左好多次電話,

傷心失望終於再一次發生係我身上,但我點都好都要搞掂我daddy係香港0既事,

我就再出去搞,半個小時左右返到黎屋企,

女朋友以經起左身,我問佢做咩同佢傾咁多次電話,

點解次次都係打黎我屋企,女朋友話飛左線返黎我屋企,

我話你又講大話,飛線飛咩線,我打比妳又唔見有飛線,

佢先開始講:『佢』話想打比我,我叫佢打黎呢個號碼,

我諗妳有冇尊重過我呢?我真係唔想再同妳講野,

之後我都冇理女朋友,我訓教當咩都聽唔到算,

之後佢又話要出去上水,搞上網d野叫我陪佢,

我話:妳都唔雖要我陪,不如妳打電話比『佢』叫佢陪妳啦,

仲有呀我比埋個電話妳,廢事妳去到等搞上網d野冇人陪妳,

咁妳都有我個電話同佢傾呀嘛,再唔係妳打比『佢』叫佢陪妳一齊等囉,

咁我就唔理佢我計續訓,直至佢出門口我都冇打比佢,

女朋友5點左右出去,8-9點都未返,我打比佢打左好多次多到我都唔知幾多次,

都係電話未能接通,我真係唔知點對佢,

我上網睇下野睇到兩張相,我個即時死左,

人地兩個咁幸福,我做咩要係中間阻住人地兩個,我開始覺得我先係第三者,

我宜家終於知道我做左咁多野係錯架,我唔應該奪去人地0既選擇權,

雖然我好唔鐘意『佢』,10分唔鐘意有100分,

但係人地兩個咁好我做咩一時之念去拆散人,

我知道如果要我地兩個有將來係冇可能,

人地0既將來佢地兩個決定,我諗得太多啦,

爭咩丫讓出黎先會最好0既選擇,

我自己問同佢3年半都未影過一張咁幸福0既相,

我就知道我以經衰左,

最後我地祝福佢地兩個,

相差十年0既年齡,都可以咁幸福,年齡原來係愛情上唔係一個問題,

我22歲都咁失敗,應該去學下佢30歲思想,

可能我下一段愛會好過呢後呢?

《《心以死不能番生》》
 

老婆講左今日要返工,返左工又返返黎,

返黎同我講佢今日唔洗返工,老婆4個星期六會有一個唔洗返工,

但我今日要學急救,點解妳唔選擇我得閒日子先放假呢 ?

咁好啦冇得選擇,咁我都要學急救,

咁我落左去學,學左一輪我都早走左,

4點半就走左,返到去話同老婆呀媽食野,

我一上到去就拿拿林放低d野就出去,

去到呀媽都好以唔係好鐘意我咁,

咁都要架啦鬼叫我唔岩過咩,

食完就送呀媽返去,呀媽話有新野試,咁我同老婆就過去試野,

係後門等左一陣呀媽出黎羅比我揸住,老婆去左廁所,

返到黎我就比佢食啦,傾左好多野都係話要出街呀唔帶我去呀要空間呀,

咁我都唔想傾落去,返到屋企過左一陣我就要返大陸整我daddy 0既事,

我搭火車去到上水我就打比老婆,我叫佢唔好做d令我傷心0既事,

佢都應承左,咁我放心返去,

返到去同麻麻傾計,佢問我:蔚蔚呢?

我話做野呀嘛,佢問:佢做咩架,我話:寫字樓果d,

麻麻仲叫我兩個好好地唔好嘈交,嘈交唔好,

一齊兩個比心機做野,仲叫我結婚,細有細搞,大有大搞,

我話:知道,遲d搵到錢先大搞啦好冇,麻麻話:好,

咁我就入房訓教啦。

《《我開始對人地講大話,我跟本開始唔鐘意佢》》

今日比平時早起身,因為我要搵我新工作,

其實我今日仲早架,我呀媽入黎拍醒我叫我食早餐,

佢一拍我我爭D一拳打落去幾驚呀,好彩收到手唔係打親我媽咪就大獲,

咁我再訓返啦,訓左一陣都起身啦唔想訓,

起身睇下媽咪買左咩早餐先,原來係腸仔,火腿,蛋,多士= . =

咁我將火腿用多士夾埋一齊食,跟手食埋腸仔,蛋唔食因為肥.............

食完就開始搵工啦,去勞工處睇下先,

見到有一份時間OK0既,可以就到我每一做健身,

但係人工唔高丫,得8000蚊左右,同我之前搵錢爭太遠,

不過我都打左電話去,佢叫我SEND履歷表比佢,

咁我就開始做我0既履歷表,MAIL比佢,

希望佢請我啦,等我唔洗諗咁多野.........

搞掂晒d野都差唔多3點幾,我又要出去做健身啦,

去到健身室都冇咩人,唔知點解呢排好小人玩,

可能d人忙啦,如果多人吹下水都快過d,

話咁快就做完,返屋企沖涼打日誌,

今日出好多汗好累,減磅到宜家都尚算成功,

比心機要有最好0既身型,最好0既工作,

我唔會輸比『佢』架,我要贏晒,我係好好勝0既人,

只要贏到『佢』肚餓行開.......食物行開..........飲酒行開。

原先我有一盒飯係到,但我冇食我留比老婆返黎食,

老婆返到黎食呢盒飯,不過佢成日都牙痛,

我估過幾日冇事架啦,放心啦,

傾下計到最後又係訓教。

《《我覺得我地兩個終於開始淡啦》》