不知不覺以經3日冇食飯啦,當然有食小小野啦,
不過小到係1日食0既野只有半碗飯0既份量,
訓教3日加埋只有10小時左右,精神壓力真係唔講得小,
今日一起身當然第一件事打比老婆同佢講我起身啦,
之後佢同我講隱形眼鏡爛左要攞去換,我緊係第一時間話陪佢啦,
到頭來只有一個答覆:『唔洗啦,唔洗啦』呢一句說話另我好擔心,
因為琴晚話幫佢屋企人整電視又係一句:『唔洗啦,唔洗啦』有幾擔心一陣先講,
我起身都係果句啦食唔到野,但係都要玩健身,因為唔停得,
玩左一大輪GMY都以經7點啦,咁打比老婆啦,佢話未收得工,
咁到左佢收工打黎.我之前話屋企冇飯食叫佢到左大埔打比我,我同佢一齊去買,
又係換來一句:『唔洗啦,唔洗啦』我真係好傷心,渣住個電話呆左一陣,
我叫老婆唔洗買我果份,因為我都食唔到野,買返黎都係晒左,
我就話買一份比小小我就夠啦,買完上黎一路睇電影一路食啦,
原來個餐跟左可樂,我老婆唔飲可樂架,好彩...........
我唔知點解佢返黎之前我就攞左包檸檬茶放左係冰箱,
等佢係咁熱0既天氣放工番黎都有包凍野飲,
食飯其間我不知不覺就會眼定定望住老婆,以前都唔會架,
唔知係咪我性格變左識得用心去睇一樣野,我覺得妳好靚呀,
傾傾下老婆話遲下去讀D會計,我話好呀我養你丫,到時我黎接你放學,一齊去食飯返屋企丫,佢話:『唔洗啦,唔洗啦』
食完飯就一齊去左沖涼啦,沖完涼睇電視冇野發生,跟住仲影左D相,老婆仲要去化妝,岩0既女仔應該靚0既,
突然間我個胃出現左問題,我衝入廁所,嘔番岩岩我食果小小飯出黎,唔知係我腸胃唔好,定係我精神壓力太大,
出到黎問我做咩喊,我話我食煙D煙攻到隻眼姐,冇事0既....我唔想同佢講我係因為一D事宜我食唔到訓唔到,我怕嚇到佢,
就係呢個時候老婆同我講:『你性格變左,我覺得我好以唔識你好陌生,你好以成日卑躬屈膝,好痴身咁,不如你變番之前咁丫。』
講下我變左咩性格先(以前唔SEND信息宜家SEND-以前唔識尊重佢宜家識-以前什至會大打出手宜家鍚佢都黎唔切)
我以前真係一個仆街黎架!!點解我會改變知錯?係因為我3日冇訓諗左好多野,我諗我以前做咩會咁,點解好以癲佬咁,
最後我鐘於發覺我要改變啦,我要搵多D錢比老婆唔好辛苦有好0既生活,老婆工作辛苦我會打電話比佢問今日做野辛唔辛苦呀,
想做咩我陪你去做呀(以前我唔會陪佢出街),總之咩都就晒佢,佢就話我做咩變到卑躬屈膝,我同佢講我唔係卑躬屈膝,
而係我以前唔識尊重妳,我宜家知道咩叫尊重,兩個人相處係應該尊重對方,我話咁你想我變番之前個仆街性格,定要我宜家呢個咩都就晒你講野都唔會大聲一句既我丫,當時都以經12點啦,我講左好多野佢都好以唔明,
我話我變到咁係因為我知道我錯,佢就話唔鐘意,咁我話好丫我會變番之前咁,跟手我出盡力一拳打左落牆到,我出左房,我性格就開始變番之前咁,佢出黎我就好大聲講,宜家要我變嘛,好.......我就變番之前咁,我就成個人真係變番之前咁,連我0既心態都一齊變埋,
變好果時好怕佢離開我,變番之前咁就冇左呢個感覺,佢話我精神分裂,我話我好清楚自己做咩,你性格唔變係你原則我明白,
我性格就係適者生存,以前我咁對你係因為我唔怕冇左你我戇鳩,到知道出左問題我去到山邊即時返轉頭諗,諗完知錯咩就變,
因為我唔變我知道會冇左你 ,我知道我真係愛你,冇左你我會好辛苦,我愛你
講講下都成2點幾啦,佢真係要訓,我話我地跟本傾唔到落去,我其實都只係想比佢訓姐,佢聽日仲要返早,。
唉.......我真唔知點好,我又好講冇左佢,但又覺得不如算啦真係分開啦,有時真係希望佢0既朋友會同佢認真傾傾,
因為我知佢只會聽佢朋友講,我講多一句都晒氣,今日講完聽日又話你都冇同我講過,
但係點解往往我變好你就嫌我太好,到我唔好你就話我唔好,我好辛苦呀, 我就黎頂唔住呢種壓力,我驚我有一日控制唔到我自己,
就去做傻事。
講番『唔洗啦,唔洗啦』我點解會擔心,因為係我地中間出現左個人,老婆講到佢好好,我問佢會唔會為左佢同我分手,佢諗左一陣,
同我講有機會,3年半啦一齊住左,我成日都好驚係因為個男人陪佢所以我提出任何陪佢幫佢都話『唔洗啦,唔洗啦』
我真係好驚,我真係好驚,我真係好驚....................................................我真係好怕..............我真係好擔心.................
我唔知我食唔到野,訓唔到教會去到幾時先會完結, 希望盡快可以解決晒所有誤會,同老婆有個好0既將來,開開心心過埋下半世啦。
|
2008 年 6 月 23 日 星期一 
