今日1號風球,不過都要返工,

今日返去都係做返平時0既野,

都冇咩點變,但係隻手就有好大分別啦,

因為真係長時間受壓,真係好痛呀,

不過點都好我都要係咁多人入面爭取表現,

因為我就係好勝我一定要快d上左位先,

所以我每做一件事都好盡力,做到最快最好,

但係我都係第三日返工,所以好多野我都未知點做住,

但我知道好快我就會識晒所有野,因為我學野好快,

機本上睇一眼做一次就會識點做,聽日我一定要試下做其他位,

因為屈鐵線隻手開始唔得啦,又起水泡又於晒咁樣,

但要搵錢冇辦法啦,我平時都好小用錢,

因為我真係想儲一筆錢,用黎做咩都好,

總之我有一筆錢我就可以做我想0既事,

因為平時我都好小出街,但讀書時真係想出街都冇錢架,

我要盡快搵返之前搵0既人工,因為宜家份人工仲未到我要求,

我放左工我打左電話比她,因為今晚我真係搵個人陪下我,

我都講過我呢排訓唔到,成日都零晨自己彈左起身,

跟住就訓唔返啦,所以我今晚會叫妳返黎陪下我,

其實咁耐冇見我係有掛住妳,但有時我真係原諒唔到妳,

到宜家呢一刻我都只可以當妳朋友咁對待,

我真係唔知幾時allen先唔會痴住妳,

我覺得佢真係唔搞到我地真真正正散,佢係唔會擺手架,

佢宜家都仲用緊一d手法比我睇,佢仲做緊咩,我話退出你又唔敢上,我話唔走你又死痴爛痴,

要玩就行遠d啦,唔好煩撚住我丫,係背後就陰d陰d,出黎丫。

《《聽日要打得成8號風呀》》

 今日知唔知我幾點起身呢?

我天都未光5點鐘起左身呀......頂,

唔知搞乜鬼琴晚已經累到仆街架啦,

仲要成12點幾先訓,5點起左身訓唔返,

唉.........姐係於左今日會累過琴日啦,

咁我都起左身,咁點姐咪刷牙洗面囉,

搞掂晒d野都係5點15分,上網睇下有咩搞仲好啦,

又冇心情打日記wo,咪上去facebook玩下古惑仔囉,

咁兩下都玩完啦,咁上左去youtube睇下有咩睇啦,

但係諗左好耐都唔知睇咩好,就諗起超級星光大道,

就打呢個名啦,上到去見到第三季0既pk賽就即時睇下啦,

睇完都6點45分啦,我就整頭換衫出去啦,因為唔想咁趕時間,

去到火炭都係搭小巴上,但我竟然掛住睇報紙唔記得落車= . =

去到環球我先知,咁只有行返後啦,好彩都唔係好遠,7點半都去到餐廳,

食埋野都係3個字時間,返到公司都係仲有大把時間,

今日我都係做返琴日d野,都係將d粗鐵線尾屈返實佢,

但過左一陣我個呀姨(姐係主管)就返左黎啦,叫我唔好做呢樣,

佢怕我長期咁做隻手會頂唔順,因為比佢睇到我隻手於晒,

手指公同埋食指第二節,因為要用好大力去握實d珠仔,

手指長期受壓就會出現咁借情況,就叫左我去做剪鐵線,

我仲諗住好好做啦,點知原來d鐵線尾會有膠紙,我要用介刀鏟晒d膠紙落黎,

因為鐵線粗剪都雖要一定0既力度,仲要係咁鏟做同一動作隻手仲累,

仲要坐係一舊好矮0既物體上面,基本上3個鐘頭隻手不停鍮住鐵線鏟膠紙,

坐係一個矮地方,條腰會好痛架,不過總好過屈鐵線丫,

到左晏就食飯,就同d同事去左飲茶,呀姨仲請左我地飲茶tim,

食到1點就返左去繼續我0既工作,

今日就全日做呢一樣野啦,但我今日冇野做所以6點鐘就走人啦,

我係火炭做左咁耐野,真係未試過6點收工架,

我6點收工見到好多人都係呢個時候收工,同d人一齊走真係好開心,

因為未試過嘛,返到屋企食完飯,就入房打埋呢篇日記,

不過今日都係好累,其實呢份工一d都唔辛苦,但係長時間要做同一動作,

令到本身肌肉長期受壓,真係好以抽根咁痛,

今晚真係要早d訓,唔好再無啦啦5-6點自己彈起啦唔該。

《《生理時鐘仲要調教好》》

 今日我早起身呀,7點起左身啦,

但係琴晚成晚好以冇咩點訓過咁,

因為成晚都係半睡半醒狀態,

所以起身真係好累,但今日要返工,

冇辦法都要起身架啦,一早就出到火炭,

我返8點鐘所以我7點就起身,搵到座工廠大廈,

我就係公司留下食埋早餐先上去,

其實我今日係見工架,不過個倉主管我識左成10年,

所以我上到去都係扮見工,填表格呀等呀.....

同普通見工冇咩分別,分別在係人地等見工,

我就比人叫左走,換公司衫同埋有張公司卡比埋我,

姐係我唔洗見走節徑即時工作,但我晏就都冇見過今日見工班人,

姐係唔請佢地請左我,識人真係好唔洗煩,

我做0既工作係將d鐵線穿入d珠仔到,排好d珠仔就用穿入去,

因為d鐵線係6合1,姐係粗鐵線所以要搵返男仔去做,

我見個倉有成10幾人係到,有幾張長台係到,個個都係做緊同樣動作,

我就講:點解我地好以係避護工場做緊野咁0既= . =

利志打黎問我做緊咩,我話係避護工場穿緊膠花,

基本上成日都係做排珠仔穿珠仔,直到晏就3點幾我就轉左位啦,

另一個工序就係將一d鐵線尾屈實,唔好比d珠仔郁黎郁去,

真係要好實,所以要用到鉗去幫手,仲要好大力,

玩左兩個鐘之後隻手已經好痛,我都算捱得果d人,

不過隻手真係好痛,算啦受得人地人工就要做野架啦,

我本身就5點收工0既,不過今日要同她食飯,所以我就留到7點,

OT兩個鐘囉,都差唔多成舊水架,7點她就收工啦,我都收工啦,

就去她公司留下接她啦,再出去沙田買我用晒好耐0既髮泥,

之後去左大家樂食飯,因為我唔想再亂用錢啦,

我想儲返d錢呀,所以好又一餐唔好又一餐,

她就話想同我食日本野,我就話不如留返d錢,儲走佢仲好啦,

我對食跟本就冇咩要求,仲有我宜家都食唔到多野呢,

好快咁就食完野啦,都冇行到街,就返屋企啦,

她要求同我起返埋一齊,但現在0既我真係唔想拍拖住,

我想處理好自己0既事先,最後我都冇送她返上水,

我太和就自己落車啦,叫她返到屋企沖埋涼先打比我啦,

因為我今日真係好累,第一平時慣左天光先訓,突然要7點起身,

迫自己12點就去訓,其實真係訓唔訓到呢,我真係覺得訓唔到囉,

第二我做野基本上都係企係到同不停彎腰,隻手仲要不停出盡力去扭d粗鐵線,

隻手真係好痛,夜晚仲要出沙田食飯,講真我真係好累,話晒咁耐冇做野,

岩岩出返黎做野我真係要休息多d,所以我決定左唔送妳返屋企,

我返到屋企沖埋涼,都成10點啦,打左一陣機,同妳傾埋電話,

都成12點幾啦,仲要傾傾下我係訓著左兩次,份工我唔覺咩辛苦,

只係長期做同一動作,手關節會勞損會痛,

應該過幾日就會習慣,希望聽日做其他位啦。

《《工作尚算順利》》

 今日一起身就想出去做gym啦,

但係入到廁所整黎整去個頭都好難整,

心諗不如去剪左佢啦,

就二話不說換衫出門口剪頭髮,

咁我行出大埔墟啦,今日唔係好熱wo,

去到髮型鋪見入面冇咩人就拿拿聲入去啦,

因為我真係好憎等剪頭髮,我覺得冇野做坐係到好悶,

不過我成日又係屋企冇野做坐係到wo= . =

入到就洗頭啦,其實我唔知點解要洗咁多次,

洗成4-5次,我睇住個鐘,洗左成15分鐘呀,

之後我就坐返去個位到,

又要吹頭又要盛,跟住就有人黎問我點剪啦,

我話剪返短d就ok架啦,我話平時抄唔起個頭,

可能太長定係可能太厚,咁佢就知道點剪啦,

一路剪頭髮一路係咁同我吹水,因為佢話想知道我平時點整個頭,

就會知道點剪我個頭,又話我個頭髮尾有d白色點點,

我問佢:咩黎架,佢話:可能係d定型水留左係到,

我話:我日日都洗頭架wo,咁佢話:我都唔知啦,

到最後剪完佢叫我整一次我平時個頭佢睇,

我話唔整啦,廢事比你笑啦,

我話:你幫我整啦,你覺得靚咪得囉,

最後佢都幫我整完,比埋錢我就走啦,

跟住有兩個選擇一係返屋企,一係去做gym,

我呀媽就打黎啦,話今晚唔煮飯wo,冇人返黎食,

咁我話幫我買個飯放係屋企,我遲d返黎食啦,

咁我就走左去做gym啦,去gym房之前買左個麵包食,

因為我去到gym房都差唔多6點啦,但我起身到宜家咩都未食過,

食完就開始操啦,我差唔多操完我個fd大隻佬先到,

咁我返到屋企都冇野做架啦,就陪佢一齊操啦,

佢舉完就到我舉囉,不過舉到第二組我都跟到0既,

去到第三組我真係唔同佢玩呀,痴線架舉咁鬼重,

我只好係旁邊幫佢,之後大隻佬個fd都黎埋,

我地就係到傾打機d野,同埋考警察同消防員d野,

傾下又操下,傾傾下都成8點半啦,我都要返屋企啦,

返到屋企我就開電腦啦,我發覺電腦好慢呀,

但又唔知出左咩問題,有時又上唔到網,

咁我就去我細佬房到睇下佢部電腦有冇問題啦,

一樣係有同樣0既問題,咁我最後就熄左個分插,

再重新開過啦,點知又冇問題正常返,

d分插係咁架,有時要熄下重新開先得架,

因為機器0既野長開就會慢,有時重新開入面就會自動重整,

問題就容易解決得多,聽日有野做呀,所以今晚早d訓先。

《《順順利利》》

 今日起身3點幾,冇野做丫,

星期又冇得做gym,又冇街去,

咁就留係屋企囉,呢排都係留係屋企多架啦,

因為都冇人理我0既,我只孤單一個過活嘛,

到左食晚飯0既時候我就同我媽咪兩個食啦,

食完我媽咪就返左工啦,到左9點幾我媽咪打電話黎,

話唔舒服宜家返緊黎,叫我落隻衫囉去,

跟住陪佢去急症室,我都唔知咩事只係見佢都幾辛苦下,

我就扶住佢去搭的士啦,去到拿打素醫院急症室落車,

我心諗大撚獲咁多人0既,咪姐係有排等,

入到去我就幫媽咪登記啦,搞好晒d野我就陪佢坐埋一面等嗌名,

但出奇地快,坐低好快就嗌名啦,

我就係出面等啦,媽咪出到黎都未知有咩事,

之後又要等見醫生,係到等等等等...................

等左都好耐下就又嗌名啦,又入去見醫生,

出到黎又係唔知咩事,又話要驗尿又盛,

跟住又等............又嗌名啦,

入到去都冇話咩事凈係比左幾粒藥打左枝針,

就叫妳走得架啦聽日返黎覆診啦,

等左咁耐仲要咩都唔知比果幾粒爛尻藥,

我叫我媽咪聽日去睇婦科好過啦,

玩玩下都成12點幾,我返到屋企都係冇野做,

等到天光我就訓教啦。

《《今年唔係一年好年》》