今日星期日所以可以訓晏d,

我就12點幾先起身啦,起左身媽咪話呀哥叫去飲茶,

但係我呀媽起身時打比呀哥,呀哥已經食左野啦,

佢先同我講11點時叫佢飲茶,我話宜家差唔多一點啦,

咁佢就話落去買野我食啦,好快就買左上黎,

佢就出去打麻雀,我就一路食一路睇卡通,

我dl左好多卡通落黎睇,食完就打機一打就打到5點幾,

呀媽返到黎又話冇米冇鹽叫我去百佳買,

咁我就換衫落去啦,出門口果時又話要買洗衣粉,洗潔精,

樣樣都係係重野,是但啦我應該鮏到0既,落到去我搵晒所以有要買0既野,

就行左去買野飲,屋企係有好多野飲不過唔岩我呢,

我就買左葡萄適,我真係好鐘意飲,

到走果時就知到重啦,因為我隻左手手肘今年6月斷過,

我覺得好返其實一直都未好,呢排做野辛苦我都掌上壓都做唔到啦,

唔係因為累,係因為手肘落去果野ok,上去果野就痛到仆街,

跟本宜家就伸唔直,但都買左啦,都要拎返去架啦,

返到屋企隻手好痛,真係好痛.............

今次曲都曲唔到,唉...............

隻手想點呀,但抖一陣就冇事啦,

食完飯我就入左房睇電視,兒歌金曲好無聊,

不過冇野睇都要睇架啦,今日全日都冇聽過她電話,

我以後都唔想聽她電話,宜家都成10點30分,贂左一陣電視我都訓啦,

因為好累呀。

今日31號星期日,妳屋企應該未有電腦啦,

點解妳可以上到黎我日記睇0既,姐係妳今日去左一個有電腦用0既地方啦。

《《好煩呀》》

 今日一早起身,食完早餐都快d返公司,

因為想快d返到去幫個工程師搞掂d野先,

但我知道冇可能搞掂只係做多d等佢唔洗等我d貨就得啦,

無論我做得幾快都好,始終要一條一條整真係唔夠時間呀,

佢返到黎做晒我今日比佢0既貨,佢又行過黎,

話:就黎冇貨啦wo,你後面果d貪搞掂未架,我話:搞左架啦,

佢話:洗唔洗我幫你搬過去呀,我話:唔洗我一陣拎過黎比你,

屌.........姐係咩呀,大佬我一早就趕返黎搞啦,

真係唔掘時間架咩,算啦收得人地人工就算啦,

當冇事發生,佢話呢d說話0既時間細姨係佢身邊,

但佢地兩個都唔可以管對方,所以細姨冇出聲,

到左食晏時間,我同呀健兩個食,

細姨打黎問係邊,我就講左比佢知,

過左一陣佢都落左黎一齊食,我同細姨講左點解會慢左,

講完佢都明白,叫我唔洗理佢,自己做好d野就ok啦,

細姨都話聽到佢頭先佢講0既野,話咩洗唔洗我幫妳搬過去果d,

上到去工程師都走左啦,因為星期六所有人都係放12點,

咁我就唔做住本身做0既野,轉左去幫呀健搞埋d要出0既貨,

2個人要清潔好d珠仔比我地入箱同埋封箱打帶上板,

到左5點清潔得返一個我就話我去清潔啦,

坐係到好以d呀姐係後行洗碗咁,原來都幾辛苦架,

條腰會好累架,隻手都會好累架,但一個鐘冇所謂啦,

放左工就返屋企啦,返屋企途中她打電話黎,

問我係邊,我話係火車,問我去邊,我話:返屋企,

我返到屋企,過左陣她又打黎話同個fd去食飯,

我都就咁答:哦...妳去啦,

但過左一陣我就諗做咩唔叫埋我去食呀,我又係火炭岩岩收工,

妳又係沙田食,她就話:你話返屋企嘛,我就話:當時妳有問過我去唔去食飯咩,

我就發脾氣,廢事聽佢電話,平時又話咩唔等佢一齊食飯,

宜家我咪又係自己一個食飯,咁妳咪姐係自相矛盾,

到左9點左右她自己走左上黎,話我冇食飯上黎陪你啦你開心啦,

我好以冇叫妳唔好食飯wo,就算妳上到黎都做唔d咩架啦,

跟住就話一陣要走啦,咁上黎唔夠一個鐘就話陪我呀,

我話妳唔洗一陣走啦,妳宜家走呀,我唔想見到妳,

就嗌左一輪交,佢就走左啦,我真係唔想同妳一齊,

我覺得我地真係有問題,性格跟本就唔岩,

係埋一齊都冇好結果,妳不如去選擇佢啦,唔好搵我啦,好嘛..............

我決定左唔會再聽妳電話,妳都唔好自己走上黎,

再係到煩我我改電話....不如妳搵個第二個啦,

我真係頂妳唔順啦。

《《呢排工作感情都好撚煩...我好辛苦》》

 今日同平時一樣,早上起身食大家樂,

返到公司都一樣係咁多人,但我收到風,

有一兩個將會比人抄,有二三個將會返學唔做,

所以下個星期應該會小左一d人架啦,

姐係多人又做死小人又做死,我隻手真係就黎頂唔順,

我隻手指公好以冇晒人指紋咁,唔知返大陸比唔比我過關tim呀,

隻手指公好滑呀,成日比d鐵線磨到平晒,

我公司宜家整0既野有好多款,上一款已經做好晒啦,

所以今次會轉另一款,呢一款就辛苦啦,

因為平時做12個底或者8個底拉鐵線兩個人都係一人8下或12下,

宜家要做36個底,姐係多左3倍時間先出到一塊半制成品,

不過拉線呢d工作唔洗我去做,因為太簡單穿過去拉返黎,

但係我做0既係後期工作,以前半街成品就長方型,12個闊8個高,

宜家36個闊4個高,成條野咁,以前我會一次過做一批後期,

但宜家36個底我就要一條一條咁做,時間上用多左好多,

所以今日比人話左一下,話唔夠貨叫我做快d,

但話我果個人唔係我主管,但佢有權去話任何人,因為佢係工程師,

我廢事去同佢解釋,我只係話:得得得好快好快,

做事方式都唔同以前一批批宜家我要一條條,唉...........

我都係拿拿林搞掂等下一個款算啦,好快就6點啦,

放左工都比平日放工累,可能工序多左累左好多,

返到屋企我竟然7點幾就訓左啦,就連她返到黎我都唔知,

訓到第二日。

《《都唔知係累到訓左定係累到暈左》》

 呢排身邊都係環繞住工作,每日都係早起身返工,

呢排鐘意左食大家樂,可能早上大家樂比較多野食啦,

今日返到去當然係食左煙先啦,之後入到倉見到今日好多人,

琴日冇返五個,今日都返晒黎,

另外新請左幾個人都一齊返埋,琴日見到都係得10-13人左右,

今日有成20個以上,個倉爆到7彩,唔係貨多係人多,

我都唔知點分佩工作好,我都係唔諗交晒比呀健搞算,

多左人我諗住工作量會小左,點知左多左野做,

因為要好多時跟返d新人手尾,不過有野做時間韶得快d仲好,

我發覺有人班人係唔會開ot架,但我相信呢一班人都唔會被人重用,

我只要做好自己就夠啦,放左工6點鐘,就過左她公司留下接她放工,

但係之前話她會6點幾走人,所以我冇ot到7點,

點知係她留下等等等到7點3先放工落黎,

姐係我悶左1個鐘15分鐘,中間當然我都有發脾氣啦,

放左工就返屋企啦,返到去我都冇咩心機食飯,

所以我沖完涼都冇食到飯,但係就有陪她食,

我坐係佢身邊陪佢我冇食到,我就鮏左一個飯盒出黎,

諗住唔好晒左d飯,聽日帶飯返工食,

食完入房,冇耐我就訓左覺啦。

《《隻手掌手指好.......痛》》

 今日都係6點45分起身,叫埋個朋友起身就出門口啦,

去到火炭都係食大家樂,返到公司覺得今日好以小左好多人,

原來有3個人冇返工,唔知係咪話星期日成500蚊一日,

所以D人自己放假,等星期日返工,個人工高D,

都係我自己諗姐,今日因為人手不足問題,

我想去做返好耐冇做過0既工作穿珠仔,

但早上話有紙皮黎貸,所以同呀健兩個又執位啦,一樣啦都係出晒汗,

搞到我一早已經冇胃口啦,可能熱啦,

到左食晏就我都冇咩點食野,一日都要飲兩三杯奶茶,

精神開始唔夠呀,但係又早訓唔到呀,點算呀,

有咩方法可以早訓D架,

因為平時放工返到黎,之後大概8點左右就會好眼訓,

但係唔訓過左10點就唔眼訓啦,

早訓我又驚冇啦啦早起訓唔返,好以上個星期咁4-5點自己醒晒訓唔返,

琴晚我細佬整左個意粉比我帶返工食,

今日帶返去叮果時,好多同事都話想食,

我話下次我帶多兩盒,請埋佢地食,

其實我冇咩所謂,因為都唔洗錢0既,

諗住可以快食完啦,點知都成1點50分先食完,

出去食兩枝煙都夠鐘做野啦,但係下晏就又走多一個人,

仆街........做死人咩,4個人唔係到,

所以我同呀健今日都冇做後期工作,都係去做返拉珠仔,

因為好多台空左出黎,聽日等佢地返齊我先出返去做其他野啦,

我地做後期好快姐,不過要技巧唔係人人都做到,

同埋會做到手痛,唔係個個都會過黎做,

豬頭骨工作我食慣架啦,但我都唔怕辛苦,

今日返工精神比前兩日都好,到左星期六就大獲啦,

一定謝過謝四呀,因為我就好以橡根咁,

拉得太恆遲早會斷,但要輕鬆定係辛苦要錢,

我就選擇左辛苦要錢,如果上到位我人工就有一萬蚊左右,

雖然都係唔夠我之前份工高,但我都覺得夠啦,

學識左好多野知足常樂。

《《希望聽日齊人》》