今日都係6點45分起左身,都係打比個朋友叫埋佢,

但係去到火炭佢話琴日食果到唔好食,所以去左食大家樂,

食完就上去做野,今日做D野同平時唔同,

我平時都係一個技術人員,今日變左做倉,

因為倉入面有一個危機,就係唔夠位,

上一手管理唔好,亂咁擺D貸,所以冇晒位,

今日我就同呀健兩個執好佢,可能D貸太重啦,

唔係銅就係鐵,所以每箱都有成80-100磅,

仲耍有好鬼多箱要放好,所以今日真係好累,

出左好多汗,有冷氣都都好以冇咁,

食晏就就去買左野返上倉到食,

因為真係想用多小小時間休息下,

呢排同她都冇咩傾電話,因為我工作真係不停,

時間真係好小,仲有做緊野我都冇手去傾電話,

所以打親黎我都會話做緊野唔得閒,

其實我又唔係去左邊到,我都只係做野姐,

放心啦,我真係想好D快D升我上去,

電話其實都唔係太重要姐,如果小左傾小左見,

到有得見0既時候咪仲會珍惜,我講得冇錯嘛?

我真係唔想成日為左傾電話打電話同妳嘈,

妳唔覺得好無謂,又會影響感情咩,

成日嘈我咪仲會更加憎妳,

我宜家都想慢慢去識應D時間,因為我日日都好早起身,

所以放工真係好累,我遲識應左應該放工可以精神D,

出下街或者去做下GYM,今日真係好累,

夜左工返到屋企食左小小野就冇野做,

她放左工自己走左上黎,但係都唔係陪我,

因為夜D又話要返屋企,咁咪姐係又係我自己一個,

唉........我覺得呢排好多人攻心計,

一個又話唔鐘意做第三者,又去溝她,

一個又話叫她返我屋企冇問題,但唔返上水又係到多野講,

想我點先,我真係唔識對妳身邊0既人,

唉......好累呀,訓唔著睇住叮噹,

睇到1點先訓得著。

《《今日比呀健話做咩個樣咁頹》》

 今日起身又冇想像中咁累WO,可能今日同個朋友一齊返工啦,

因為佢住我隔離樓,所以我6點45分起身第一時間都會打比佢,

叫佢起身,因為怕佢會唔知道搞到我遲到埋,

同佢去到火炭就一齊食早餐,食完就帶佢上去公司,

可能今日我地比較早到,所以冇咩人係公司,

我就去左後樓梯食煙,打比細姨,

細姨話叫佢去填表先WO,口6我都唔理佢啦,

放佢係接待處等一招呼佢算,

我就做返平時做0既野,我開始咩都做,

邊到唔得我就要去幫人地手,

細姨過左一陣行入黎,問我今日做咩遲到,

我0晒嘴我今日7點45分返左黎啦,冇遲過到呀,

我叫佢幫我跟跟佢,成日一係話我冇返一係話我遲到,

姐係我張公司卡有問題啦,我對工作都算要求高,

我唔希望會比D遲到呀冇到呀搞到我個底花晒,

所以我都唔會遲到,但今次我真係興左,因為我真係冇遲到,

最後佢都幫我跟到,搞一搞張卡就比返我啦,

佢話睇左閉路電視,見到我日日都係7點40-50分返到,

還我一個清白,好快就6點鐘,我都收工啦,

返到屋企都係好累,可能做緊野時間個身體熱所以唔岩累,

放左工冇壓力冇野做身體開始凍返就覺得累發出黎,

返到屋企食飯,到11點就訓左覺啦。

《《每一日都要做到最好》》

 今日起身早呀,因為呢排做野辛苦早左好多訓,

所以第二日都會早D起身,她今日會係屯門飲茶,

佢飲完茶打黎問我要唔要買衫褲,我都係果句:是但啦,

她搞掂晒D野就上左黎屋企,買左一條短褲同埋一件衫,

條褲OK冇問題,但件衫我就唔太鐘意啦,

其實妳同狙我咁耐,真係唔知我鐘意咩架咩?

算啦,唔岩咪比第二個著囉,多謝妳送左條褲比我,

到左下午5點幾她都要走啦,因為要返工,

星期日會去她媽咪到幫下手,我就繼續係屋企,

真到夜晚我都唔知點解訓唔著,

我已經熄晒燈,電腦,電視,都係訓唔著,

訓唔著咁我就開電視睇下啦,做緊少林足球,

我就係到睇,睇完都成3點啦,我先訓得著,

唉.......聽日返工實恰眼訓,

丫...........我介紹左一個朋友入去做,

佢聽日第一日返工,希望唔會比咩麻煩我呀,

唔係我一巴打落去,試下先啦睇下岩唔岩做囉,

岩咪做落去啦,不過我真係好多野做,你唔好搞我就得啦。

《《好累呀》》

 今日都係有一個期望,就係繼續打8號風球,

但係今日一樣係她先起身,同樣係6點45分鬧鐘響,

一開電視.....頂.....3號風球,算啦刷牙洗面換衫返工啦,

呢排返工我都係由火炭行返公司,今次途中撞到一個同事,

所以我唔行上去食早餐啦,就同我同事一齊食街邊早餐,

因為係街邊開張台食早餐有得食煙嘛,我呢d煙民成日都要有口煙先會安心,

身邊冇煙就等於冇癟電話一樣咁煩,

所以我出街電話銀包煙一定要跟身,

食到尾就見到呀dee行過,我地都埋單同佢一齊行上去啦,

上到去都仲有15分鐘,咁就係後樓梯吹水食煙啦,

今日先知原來星期六我地公司女仔係會有長短週,

男人就冇架wo,好奇怪,所以細姨今日就唔洗返工,

班同事好以冇王管咁係到嘈,我覺得好煩,

做野就做啦,係到傾計傾到大大聲,

我都冇乜點理佢地,但我收到風,細姨晏就會返黎,

但冇人知,得我地3幾個圍內知算,唔話比其他同事知,

等佢地嘈,睇下嘈得幾耐,好快就食飯啦,

平時我係同細姨食0既,不過佢今日冇咁早返,

所以同班0靚仔去食,佢地好得意問我,我同李小姐(細姨)咩關係,

我話:冇呀,唔知咩關係,唔通同佢地講我地主管我識左好耐咩,

但我可以講除左靠人事我入公司外,我做野冇靠過咩關係,

因為我要比人知道我咁做得野係因為我經驗好,

我亦都唔想介紹我入黎0既人冇面,所以我會做好呢份工,

食完飯就上返去做野,做做下細姨終於都返黎,佢見到佢地班0靚仔做野進度太慢,

我亦都冇出到聲,只係自己做返自己野算,

我要將一板半街成品拉到另一面,

但係唔知邊條仆街搭到珠仔唔平衡,我一向右拉,

成棟林晒落黎,我當時反應緊係用隻腳踢返上去啦,

但係d珠係真係太重啦,一下子林晒落我隻腳到,

我感覺到俾好多鐵線打過隻腳,仲要因為太重壓住我隻腳,

蚊唔返出黎,我知道我一蚊出黎我就一定爆晒肛,

所以我大叫幫拖呀,佢地叫我蚊左隻腳出黎先,

我話我蚊唔到出黎,佢地就成班幫我推開d珠仔,

你試諗下成班幫我推姐係有幾重,

我蚊返隻腳出黎,但個個都見到流晒血,仲有好多紅色一痕痕,

我即時叫佢地幫我搭返好d珠仔先,因為我唔想比細姨見到,

到時佢見我隻腳奶晒野,肯定下令一定唔比著短褲,

到時我就姐係累左班兄弟架啦,所以就還原所有野扮咩事都冇,

因為琴日打風返小左一日關係,

佢提議下個星期日都返埋工,就差唔多500蚊一日,

問第一個人,佢就話:星期日都返埋工,姐係冇得抖,點捱呀,

我就心諗你傻撚左呀,第一個問你你就咁答,仲要咁大聲,

咁問其他人就肯定冇一個會幫手啦,羊群心理,

最後就黎問我,我細細聲講遲d答妳,我目的係唔想咁多人係到我就比意見,

放左工我等埋細姨一齊走,我話其實星期日人數係好大問題,

因為得果5-6個人返都冇用,我地一組人加加埋埋成20人,

平時都唔係做得多架啦,宜家仲要得返5-6個跟本做唔到d咩,

第二就係有人帶頭講左星期日開工唔得會累會呢樣果樣,

所以開工0既人一定會仲小,我話不如唔好開星期日,因為人數小出產小,

人工又貴,6個人加加埋埋成3千蚊人工但做野一定好小囉,

如果比公司睇到條數又大左但又做唔咩出黎,最後比人話就一定係妳,

所以我寧願平時幫妳盡力d做都總好過條數唔好睇,

跟住細姨就問我有冇興趣升職,我話如果有的話我一定升,

因為前日岩岩有一個同事同細姨鬧完交就冇做,個同事高我一級,

我知道因為細姨知道我有呢一方面經驗,同埋我可以幫到佢承擔工作,

因為我會幫佢諗埋應該點做,比埋意見同埋後果,

呢個就係我,我同allen鬥0既時候,我都咩都諗諗埋結果,

結果出左黎我又要點做,做完又會變成點,

我每一件事都可以諗得好長遠,所以佢想升我上去,

所以我入職都唔夠一個星期,我可能會有機會上位,

升職加人工,希望可以盡快做到啦。

《《我唔係靠關係-----係實力》》

 嘩..........今日6點45分起左身,

係她起身先0既,因為我鬧鐘響,但她仲要快我一步起身,

她第一時間開電視一睇,3號風球,

但側面寫住8點幾會掛8號風球,

我起身一睇,就訓返係到啦,因為我知道一定唔洗返工,

緊係訓多陣啦,一早開左冷氣其實都好凍下,

所以我攬住她一起訓,其實我全晚都一宜攬住她訓,

咁我就訓到12點左右就起左身啦,我都幾日冇試過訓到成12點啦,

我以前起碼都訓到3-4點啦,但我覺得返左工,

日日都6點45分起身,神咁早就返工,反宜精神左健康左,

可能朝早新鮮空氣真係好吸,加上一枝Lucky就真係精神爽利,

咁起左身冇野食我就落m記買啦,

點知m記鬼死咁多人,但冇野食都要排架啦,

買加埋排都用左成30分鐘,買完上去仲要有小小雨,

上到去就一齊食啦,我都唔係食得好多,我發覺我真係瘦左好多,

我好多褲都唔岩著啦,第三者呢件事真係帶比我好多煩惱,

可能又用多左腦又食得好小,所以1個半月都瘦左20幾磅,

仲好過修身堂,其實我都想停架,不過開始食返野都係咁瘦落去,

可能真係個胃細左啦,食小小就好飽,下就我地都冇咩做,

她都一如已往都係dl戲落黎睇,一睇就睇左一個下就,

到左夜晚都冇乜特別事發生,其實我覺得我地做朋友比起情侶開心,

我想一直做朋友落去,但我希望妳應承我一件事就係唔好相信allen,

我總係覺得佢係有一個危機係到,30歲人一事冇成未結婚冇女朋友,

我覺得真係好人都有限,當一個人30歲連目標都好以冇咁,

我唔明佢有咩吸引到妳,但我知道妳唔會同佢一齊,

因為我對自己好有信心,我要贏佢一d都冇難度,除非妳要同我玩作對姐,

不過我都會比妳知冇好結果,當我知道allen出現時,

我講果我會將自己質素提高,我宜家做到啦,

我起碼學業事業上得到政府認可資格,

外型上做gym操得非常好,身體上冇病冇痛,

最大障礙工作我宜家都有一份ok工作,我知道仲好快有得升tim,

我有信心短期內我會升職,其實我以經做好自己,

我仲做得不錯,但係妳我睇唔出有咩改變,

妳身邊都係有allen出現,妳脾氣亦都係冇咩改,

我真係睇唔出有咩我可以同返妳一齊,

其實做朋友ok架,妳可以試下同佢拍拖,

不過我會覺得妳好戇鳩,因為我覺得我已經變得比以前唔同,

妳唔選擇我係妳0既損失。

《《朋友定情侶     都係朋友好》》