今日起身都成3點幾,呢排想調整下時間,

真係唔係一時三刻可以做得到,

今日星期六聽日應該狼好多朋友放假啦,

因為多數佢地都係放星期日的,

咁到左夜晚諗住打比佢地睇下有咩搞啦,

點知個個都冇野搞,我都係想出去行下姐,

點解你地冇活動架,最小都搞下食飯食糖水,

都可以出黎吹下水丫,咩都唔搞係屋企抖wo,

係咪痴線架,辛苦左成個星期應該要係今晚玩下架嘛,

唉............個個都唔出去,咁我都留係屋企囉,

冇野做咁點好呢,睇書囉打機囉,上網學下電腦0既野囉,

再係冇野做咁咪掌上壓囉原地跑囉,冇辦法啦冇人理我冇人陪我,

屋企又得自己一個,成日都自己一個,就黎悶死架啦,

悶到連用黎發洩0既日記都唔想打,連我最鐘意0既打字都唔想做。

《《開工未呀快d打黎啦》》

 今日早左起身wo,1點幾就起左身,

因為平時晏起身呀,想調整下d時間,

所以早d起身囉,咁一起身咁早當然要準備出去做gym啦,

搞掂晒d野就出門口啦,買左兩個麵包就上去gym房,

因為點都要食小小先有力做gym,

今日玩膊頭,所以會幾辛苦下,

因為我覺得次次玩完膊頭就做唔到其他野,

隻手會好累架,所以玩完一大輪膊頭之後就同人吹水多,

玩到大概6點就走人啦,因為好熱好累呀,

gym房有冷氣0既,不過都係出汗,

算啦.....咁好快咁行返屋企啦,

一返到屋企緊係開行個冷氣啦,跟住去沖個涼,

一入到房就爽晒,我夜d就打左比Rose睇下佢有咩做先,

我就問她有冇msn啦,佢又話裝唔到又話新電腦,

咁我就係電話到教佢點做啦,最後都係裝到,

我真係叻,唔做呀sir晒左,跟住就睇下 Rose blog,

入面有好多化妝0既野,同埋結婚用0既野,

因為Rose都會間中幫d外國模特兒化妝,或者婚禮上幫新娘化妝,

我覺得佢都好叻,因為女仔本身自己就要化妝,

但可以用黎做搵錢工具,非常之佩服妳,

如果有朋友要結婚搵化妝的話,可以同我講wo,

我實會介紹Rose比妳認識,唔係講笑係認真的,

傾左一陣佢都要訓教啦,因為佢都有一份正職,

化妝只係輔職,聽日要好早起所以我都唔阻妳,

咁我又開始冇野做啦,搵d野睇下囉,

見到有《多啦A夢大電影 - 大雄的新魔界大冒險-七個魔法師》,

就dl黎睇下,因為我差唔多睇晒所以叮噹0既劇場版漫畫,

宜家睇下動畫都唔錯丫,因為我係訓係到睇,

未睇完我都訓著左啦。

《《幫到人自己都會開心》》

 因為今日太早訓0既關係= . =

姐係今早7點幾先訓,所以我訓到晏就成4點先起身,

今日決定唔出去,留係屋企,

因為呢兩日都玩到通頂呀,真係就快頂唔順,

加上呢排真係小左去操gym呀,唔夠精神做運動好危險架嘛,

加上又會冇心機操,操完好以冇操過咁,

所以我都要好好地咁抖返一日先得,

今日好以係農曆7月14呀,所以唔出夜街都係明智0既選擇,

咁留係屋企冇野做,咁d時間點過呢,

緊係打機同埋睇書啦,我上次咪話睇緊一本愛情小說叫《離不開》0既,

我到宜家都未睇完,今日有時間就睇小小啦,一次過睇晒又唔好睇,

小小咁睇d小說先come睇架,到左夜晚.....我呀媽叫我落去燒街衣wo,

咁我就換衫落去囉,落到去一路燒我就見到工聯會果到仲未關門,

咁我就跑過去鮏返我張急救證,因為上個月考完合格左都成日唔記得去鮏,

我跑去工聯會其間我聽到有人叫我,但我冇理到,

我記得我係聽到有人叫leader,咁我鮏完張急救證就行出去望下係咪真係有人叫我啦,

你知啦7月14冇啦啦有人嗌我我又見唔到人wo,最後比我見到佢啦,

原來係呀恆哥,成日都見佢坐係球場,三五成群咁多人,

行過去吹左兩嘴就返去我呀媽到幫手燒街衣啦,

好快咁燒完就返上屋企啦,好悶好悶好悶.............

又廢事成日打搞d朋友,自己一個戇尻算數,

悶下悶下都早上6-7點啦,天都光啦我先訓得著,

唉..............再係咁我就黎死架啦。

《《有冇人可以理下我呀》》

 今日起身都冇諗過去做gym,

因為琴晚飲完酒,今日起身成個人都好累呀,

好以比人打完咁,成身都痛,

今日有一件事係好重要0既,就係今晚我會有個小型0既舊生聚會,

其實因為我同她分開左之好,得我一個人我真係好孤獨寂寞,

我屋企以經唔係多,有d搬左出去,有d就返夜晚工,有d就長時間工作,

她走左之後我就覺得我0既世界就只得我一個,

我好想有返以前中學時代果種開心0既感覺,

所以我就用左世界上最好0既發明facebook,

因為我深信facebook可以搵返我以前關心過我0既朋友,

但其實我就話岩岩讀完書冇野做姐,人地可能有工作再身唔會理我架?

但原來我咁諗都係多餘0既,朋友始終會係我最唔開心0既時候出現,

唔會因為怕煩而離我而去,所以我地約左今晚去唱k又好食飯又好咩都好啦,

總之可以見到面我就心滿意足啦,我就好其待今晚0既來臨,

時間過得真係快,我晏就都冇做過d咩,咁快就夜晚啦,

我11點就開始整頭換衫出去,我都冇話著得特別d,

只係平時出去做運動0既裝束,姐係背心短褲拖鞋= . =

我出去時我一直都傾住電話,電話中的就是她,

因為她今日要返學,我最唔想的就係她去返學,

因為只會令我越黎越唔相信她,一日有allen的存在,我都唔會去見她,

我要比她知道,邊一個搞成今時今日妳失去我,

我亦都要比妳知道,冇左妳我都一樣會好過,

我唔會孤獨,我有家人,我有朋友,我有兄弟,仲有今晚會見到的好好好朋友,

姐係姊妹.......我係妹妹呀,我要記住一世的朋友,

咁就一路傾一路出去啦,我係電話到都講左,我一陣見到我朋友0既時候我就會收線,

好快我就行到去目的地,咁我就要收線啦,

入到去見到Rose個樣真係冇咩點變呀,同以前一樣咁低B,

講下笑姐...係一樣咁靚女,等左一陣男主角亞楓都出現啦,

佢都係冇咩點變,不過就小左好多野講,

可能成日都要係廚房工作,所以話題都會小左好多,

我就多野講左好多呢,因為我生出黎就係要帶比人開心,

女朋友另計,我都講過我唔識得點樣去對待另一伴,

感情一直都係我0既缺憾,我唔懂得用咩方法先可以做到最好,

所以TSZ對唔住,我真係唔識點對妳,

好講返件事先,我地就係較早前決定左去唱K,

事不宜遲就去啦,上到去坐晒係到,

咁我開頭波囉,我唱第一首囉,

咁佢地就叫左D小食啦,唔知點解Rose成日都係到笑,

都唔知有咩咁好笑,搞到我都笑埋唱唔到歌,

人地大埔克勤黎架嘛,搞到我唱唔到歌幾羞家呢,

我地係其間傾左好多計,我亦都講左好多我係呢一年發生左唔開心0既事比佢地知,

我覺得妳地唔洗比意見我,只要聽我講就夠啦,

因為我都只係想將心裡面0既苦水一次過吐晒出黎,

我好多謝妳地係雪中送炭,我就好以四川災民一樣,

初時旁惶無助,妳地就等於香港送災0既市民,

為我送上祝福送上溫暖,所以我今日真係好開心,

因為識到妳地就係我最開心0既事,我開心唔係因為唱k去玩,

宜家見到妳地我就會開心,我太耐冇見過妳地啦,

希望會有下一次0既聚會,再有更多更多0既聚會,

再有更多更多0既舊朋友出黎,咁就一定好好玩啦,

唱k唱到5點幾我地都走啦,因為個個都眼訓,

一路行返黎一路講下野,平時自己一個行好以好長途咁,

今次唔知點解路程好以好短咁,可能有同伴時間都會過得快d,

總之今日我好開心,多謝妳地.................

返到屋企我就沖涼,跟住打日誌,打完都7點啦,

我都要訓啦。

《《多謝妳地帶比我的歡樂》》

 今日起身諗住出去做gym啦,

點知媽咪返左黎,係到煮飯,

咁我就入廚房同媽嗚講,我唔食飯住啦我出去做gym,

媽咪又叫我食埋飯先出去,因為我今日磅一磅個磅,

唔知係咪個磅壞左,我d磅數急降起黎,

1個半月輕左20幾磅,我有唔係好相信所以一定要去gym房磅一磅佢,

咁我都換好衫整好頭就出黎啦,諗住落去鮏埋張急救證,

因為我之前聖約翰急救果到合格左,所以宜家有得鮏證啦,

但係原來6點就關門,咁冇所謂啦下次先拎囉,

咁好快咁就行到去體育館,入到gym房就磅下啦,

嘩..........真係輕左21磅,當時我真係好開心,

但教練話我有咁0既骨架同埋高度,16x幾磅輕得濟,

起碼要17x幾磅先夠,但我心諗其實我想去到160磅就算啦,

咁今日玩胸同埋手,咁我就好快咁玩完胸啦,

就出去門口食枝煙先,食食下係遠處有一個我熟識0既面孔,

原來係屎撈同埋洛林,行到過黎我問佢去邊啦,

原來落樓下篤波,我就話我入去操埋隻手落黎搵你地啦,

好快咁就操完落去啦,我坐左係埋邊到,問佢地一陣有咩搞,

佢地話飲野,我話兩個人飲野呀?

佢話係呀,仲問我去唔去,

我就打比利志問佢去唔去啦,利志因為都係係大埔收工,

利志都話去,咁就去囉,落到酒吧成個酒吧得我地呢一台,

可能仲早啦,因為上到去都係9點,咁3個人慢慢飲啦,

利志都未到所以好以好悶咁,咁就3個人拎啤牌玩鬥地主,

因為洛林話唔識玩,想我同屎撈教佢玩,

玩左幾鋪利志都到埋啦,咁就開始玩啦,同埋飲酒,

有時玩係上黎真係越玩越大,玩到輸果個要落去買野食,買埋煙,仲要自己比埋錢= . =

咁我地係玩緊十三張0既,好彩我贏晒唔洗我比,洛林輸晒,不過我都落左去幫手鮏野,

跟住就賭起錢上黎啦,不過都係玩下姐,唔係賭得好大,

因為朋友同朋友玩我地唔會賭得大,如果同外人玩就唔同啦,

我地最後飲到2點幾3點,飲左差唔多7個鐘頭,

但我-屎撈-洛林一d醉意都冇,利志就嘔到隻野咁= . =

洛林仲要拎起電話係咁影相,仲叫利志擺個v字手勢,

嘔出黎d野彈到我隻腳呀,頂............

咁就返屋企沖涼,沖完涼都係訓唔著就睇戲啦,

我記得到天光晒我先訓著左,

男人飲野我真係唔鐘意妳係咁打黎,

成日問我幾時走,飲野係唔會知道幾時走架,

唔通我掉低晒d朋友走左去咩,冇可能架嘛,

妳怕我溝女定怕我比女溝呀,

溝女我就一定唔會啦,妳識左我咁耐我飲咁多次野幾時帶過女仔返屋企架,

比女溝都唔會啦,溝都溝佢地3個啦,佢地咁靚仔= . =

但我真係唔鐘意玩緊果陣係咁青黎問我野,

如果妳玩緊唱緊k我係咁打黎妳都唔鐘意啦,

我咁大個人我自己有分數,我知咩應該做咩唔應該做,ok............。

《《好耐冇飲過酒啦》》