今日晚餐整左釀雞翼~因為做法需時, 每舊食落都有血有汗架(我指係我既心血,同努力既汗水) XDDD 

材料: 雞翼去骨, 青瓜條, 紅蘿白條(入面既野可以改)

汁料: 淘大照燒汁,水, 糖 ,豆粉(可改其他汁,蠔油汁都好夾架)

1) 先張d雞翼去骨(呢個要用好多時間, 12隻用45分鐘左右,總知去到舊骨, 但雞翼要保持完整,形成一個2邊有筒既袋). 落d酒淹一淹

 用具要廚剪,and 刀仔。

2) 張青瓜& 紅蘿白 插番入去隻雞翼入面,(做番本來支骨既作用, 要塞實d,以免煎既時候散開)

3) 張2拿去煎至金黃,拿起備用

4) 張水,照燒汁,糖煮滾,倒入豆粉水煮至傑

5) 倒番3入去4, 煮到舊雞吸收左大部份既汁完成(唔好煮太耐,淋曬就唔好食架勒,d 紅蘿白熟就得架勒)

口感: 間直就係啖啖肉,外面香脆,入面爽脆, 想有層次既話, 一次過由面咬到底,好好味呀~

p.s, 釀o係入面既野可以改做其他野既,不過最好延身d支撐到d肉 ,汁都可以改~ 如果用焗爐仲健康,焗走曬d雞油,入面又有菜喎,顏色又靚, 值得一試架! 

今日整左魚香茄子煲做晚餐~

材料: 茄子塊, 瘦肉碎, 梅香咸魚粒, 蔥粒,薑片,(紅椒絲)

汁料:豆辨醬, 蠔油,豆粉,鹽,油,糖

淹料: 豉油,酒,胡椒粉,糖,麻油

1)先張d瘦肉碎淹半小時

2) 燒熱隻鑊,落油, 張d茄子走油先,拿起備用

3) 加入薑片,張1爆香(盡量炒得碎d),梅香咸魚 加入豆辨醬,水,蠔油, 糖,滾左之後, 加入豆粉水, 煮至傑身, 唔阿咸既, 就落少少鹽

4) 3 既汁完成後, 倒番2茄子入去兜混, 放入沙煲中,煮番滾, 加上蔥粒, （紅椒絲）,少少麻油, 完成

p.s. 如果想張d茄子整到好似酒樓o個d咁鮮紫色既話,係要張d茄子炸左佢, 當然會好肥啦, 本身茄子好吸油架.

  本身豆辨醬都"la"架勒，　但如果想再"la" d, 可以加"la"椒油

成日出街食飯, 有好多隻汁既? 係咪好想知佢地點樣整呢? 等我教你啦!

1) 韓國燒烤汁: 蜜糖/糖膠, 豉油,黑椒,芝麻,雪梨磨蓉,麻油,蒜蓉,洋蔥碎(用來淹肉, or 點來食都ok)

2) 蒜蓉黑椒汁: 洋蔥粒, 麵粉, 蒜蓉, 牛肉清湯, 牛油,黑椒(餐廳o個d囉~)

3) 日式照燒汁: 日本醬油, 蠔油, 糖, 麻油, 水, 豆粉, 黑椒(其實日式超市都有得買現成,不過太多隻,未必知邊隻好食)

4) 洋蔥汁: 洋蔥, 黑椒, 蒜蓉, 清雞湯, 牛油,麵粉(餐廳o個d囉~)

5) 蜜汁(糖醋汁): 水,糖, 茄汁, 白醋, 豉油, 雞粉, 酸梅肉(其實用茄汁都差唔多, 不過糖醋汁好味d既~)

6) 紅酒汁: 紅酒,蕃茄蓉, 蒜蓉,水,芥末,牛油 (用來整鵝肝唔錯架)

7) 芥子醬: 清雞湯, 麵粉, 牛油, 蒜蓉, 淡cream, 續隨子, 芥子(我都唔知咩係續隨子)

8) 白汁: 牛奶,牛油,麵粉,鹽(驚麻煩可以去超市買方便d)

9) 茄汁: 洋蔥,蒜頭,V8 蔬菜汁,糖,茄膏,鹽,胡椒粉,香草,橄欖油(唔夠紅,可以落紅色食用色素)

10)西檸汁: 檸檬 ,牛油 ,薑,紹 興 酒 , 上 湯,糖,栗粉,黃色色素(出面街o個d 係用濃縮橙汁整架~ 姐係超級市場玻璃樽一大支o個d呢)

做法, 大至上張香料爆香, 加入液體(雞湯/水/牛肉湯), 另外用熔牛油, 加入麵粉, 至幼滑,加到前者, 煮至傑,完成~

p.s. 味道方面可以改架, 由其係整茄汁時,d糖要特別留意自己食得酸定係甜勒~出面街既汁好多時d色都好鮮,但

其實係食用色素作怪, 如果真係想整既咪加囉, 如果只係想要個味既, 就唔好加勒, 話駛都唔係健康!

今日晚餐~豉汁淩魚肉釀青椒

材料: 青椒, 淩魚肉

汁料: 洋蔥粒, 蒜蓉, 豆豉, 蠔油,水,豆粉,糖,saft

1) 青椒切成大塊,去核,內側撲上少少豆粉(防止淩魚肉o係煎既時候散)

2) 釀入淩魚肉入去1 (最好用吻刀,會釀得靚d架)

3) 煎至表面金黃,拿起備用(呢個時候,入面仲未熟既)

4) 張洋蔥粒,蒜蓉,豆豉爆香,加入水,蠔油,糖,salt, 煮滾後,倒入豆粉水,煮至傑身, 再倒番3 入去兜混至熟,入味

今日整的晚餐~ 蕃茄香草交魚

材料: 3件膠魚 (小) , 蕃茄切碎2個, 蔥粒,  茄汁2湯匙,糖, salt, 百里香小小

1) 交魚煎到金黃,放到碟上備用

2) 煮蕃茄, 加水, 煮到爛, 加茄汁,糖,salt 味道覺得o岩就得架勒~加入蔥粒

3) 2汁淋去1 度, 加少少百里香,完成~