好心一早放開我......係我對感冒先生, 咳嗽小姐既心聲

琴日一早返到home唸住瞓醒就無事啦, 點知好似仲嚴重左,
俾朱師奶強迫落order要我去睇醫生...唉
係診所就同朱小妹相遇, 佢同我一樣流感個d啦
發燒, 發冷, 發熱, 周身骨痛......等等
結果兩個都要打針......痛呀

今日就同朱小妹兩個請病假係屋企~~~
係緊屋打online麻雀....打左一日

再食粥三餐, 瘦肉四兩...瘦晒

3/3星期一vincent病了無返工...我見完客之後, 就去陪佢~~~
4/3琴日去個客到, 佢感冒......
結果, 今日5/3就輪到我了~~~

感冒先生, 咳嗽小姐, 頭痛哥哥, 骨痛伯伯, 傷風弟弟......
其實我同你地唔係好熟, 更加稱唔上係friend黎的~~~
何解你地死跟住我唔走呢? 求下你地、麻煩你地走啦~~~
唔好再一個月同我見面一次啦, 如果可以的話,
我以後都唔想再見到你地呀, 我要同你地決斷地分手,
唔好再黎搵我呀~~~死開

一早同honey vincent約好今日去赤柱玩同影相,
因為佢拎左佢大佬部大機影相...現在我同熙妍bb做左佢拍攝model...嘻嘻
今朝11點幾就起左身, but琴晚既宿醉, 令我超辛苦先起到身~~~
等到vincent上到黎12點時, 我仲沖涼洗頭中, 之後攪掂好晒後點多d就出發去食野
唉~~~留下個間"城中米"話過真係唔會再去食啊...超難食

去到赤柱, 係坐巴士時, 真想, 架車太快太飄喇, 好彩無o者, 如果唔係真樣衰呀
到站後同vincent行stanley market, 之後就一路沿海皮行, 見到有幾對人影婚紗相
腳踏3寸高跟鞋既我, 行上d石到影相, 真唔怕死呀
之後去左美利樓, 沿路真係好多外國人 & family呀, 個環境真係一流一流喔
如果想享受family day 而又唔怕遠, 赤柱真係一個好地方

行完之後就過左聖士提反灣再影過~~~我成日都覺得呢個沙灘真係南區最靚既沙灘
水清沙靚又唔係咁多人, 仲可以bbq tim, good place good beach...

之後我同vincent出返旺角稻香打鍋鍋...哈哈, 咁都俾我撞到個客你隔離枱wor
世界真係細的.......

總結全日行程超開心, 仲影左成400幾張相...哈哈下次再黎過啦

今日lunch同朱師奶+vincent飲茶...超耐都無同過佢飲茶有成幾個月lu
之後就要vincent陪我去剪頭髮喇~~~原本佢話想返home sleep sleep的...
因為佢前一晚...去左飲野, 過了一night夜生活~~~攪到超眼瞓,
不過俾我單單打打後, 最終都係陪左我3個鐘整頭的...呵呵呢個honey真抵鍚

落返旺角後同佢食完野, 跟住等我join埋我d同學仔朋友 & 行左一陣街後,
佢就返home sleep sleep喇, 而我就開始我難得一日既夜生活喇
一早就約好班ive同學仔朋友去飲野...去到間bar, 發現原來係之前我去開既地方
一班人喪玩喪顛玩到3點幾, 有幾個ko了, 之後就走人喇...

返到home"4.30"快快手沖涼落妝sleep sleep...
期待明天同honey vincent赤柱之行~~~

今日約左亞君佢地去探亞敏既B女, 之後知道左個消息後, 就有D悶悶不樂既FEELING, 不過算啦, 無謂UNHAPPY啦, 都唔關我事的, 係他人的問題而已~~~『記住該記住的，忘記該忘記的；改變可以改變的，接受不可以改變的』這是我朱妹子新學返黎的人生哲理, 正呀......哈哈

係KT JOIN埋亞君同亞明之後就去竹園喇, 之後再JOIN埋MEI食住M記等埋VINCENT就上去喇, 上到去, B女第一個感覺好似佢老豆, 好似COPY出來一樣...坐左一陣就同亞君+佢老公走人喇...因為落雨既關係我上左VINCENT HOME拎傘+同HAYLEY玩左一陣...之後就JOIN朱宅一家出MK食飯喇~~~