今日係正月十五=元宵節=新年將會過去...今年過年無咩地方去過, 無咩好野食過, 因為病足咁多日, 不過算啦都無辦法的, 今年過年出現左d好特別又好唔鍾意嘅境況, d人黎拜年除左帶金莎, 曲奇黎外, 仲多帶一隻《手指》, 來交換情報, 呢樣真係...不知所謂呀~~希望可以快d停止啦...一直聽超悶囉, 仲要開埋研討會去討論, 算吧啦, 關你鬼事咩......

今晚無咩節目, 唯一既節目就係返我呢個課程最後一個學期既第一次學, 過年前已經開學, 不過一路都無返, 有兩星期了, 要開始"的"起心肝, 比心機讀埋呢個學期畢業, 再讀HD...努力呀

今日心情原本都唔錯的, 但朱小妹係我未返工前打左個電話俾我, 之後就有d沉重~~
同我講電台特別新聞報告話"肥肥已經過了身"
其實對我黎講, 無咩特別丫, 之不過係一個與我無關重要既人死了而已
但點解都咁傷心呢? 雖然知道佢可能會有這一天, 但亦希望佢可以好起來...
因為肥肥算是陪伴我成長既電視藝人,
每年台慶, 慈善節目, 大型節目都有佢出現...佢既笑聲震撼每個人
有佢出現=有停不了的歡樂......
今日佢走了, 同時香港亦少了一位舉足輕重既藝人了...

希望暫時不要再提什麼慾照事件, 因為這都是與我們無關的事,
不如為這位舉足輕重既藝人『沈殿霞』禱告默哀吧!
願她能在天國與她剛過世的媽媽永相伴......

(我的感想)

vincent今日開始先返工, 真好放10幾日假, 今晚佢公司annual dinner
佢公司annual攪左個叫"華麗邂逅"既主題, 咁我就奉命幫佢攪造型喇~~
哈哈...又係我大展身手既時候喇......
一早同佢買好晒西裝褸+黑牛仔褲+白&灰nike波鞋
之後仲有早前已預備好的恤衫......
最後當然係, 最重要而且係靈魂既【呔】
呢個係我DIY自己做的, 好岩佢個主題的,
佢4點收工, 返到黎攪好晒, SET埋個頭就趕住走人6點要到MARCO POLO喇

到佢食完打俾我話我知, 好多人讚佢個LOOK好正, 好好睇
仲入左最佳衣著前8位TIM,
之後仲話佢抽到獎分別係1000CASH 同CASIO DC一部,
咁好咁開心呀, 咁麻煩全部上繳中央啦......TAHNKS SO MUCH

呵呵

今日係我同vincent第10個情人節(好似係...唔記得lu)
由於vincent仲係放緊新年假唔駛返工,
所以我就一早決定去呢個充滿浪漫氣氛既【DISNEYLAND】玩...仲扮得靚靚TIM
一早出發去青衣城食完個早餐就走人喇......
去到...唉...唔講唔知仲以為去左大陸既公園呀~~~
原本想縮沙改去"馬交"...最後都係買飛入場......
嘩嘩嘩~~~真係好...(細), 但就好靚呀
係"美國小鎮大街"既舖玩左一輪及同高飛 + 布魯圖影完相,
就去玩喇~~飛越太空山, buzz, 馳車天地, teacup, 旋轉木馬, pooh pooh歷險等等
睇show, 只睇左lion king, 其他都排長隆...
影相...由天光排到天黑, 先排到同米奇&米妮影,
其實排係無所謂囉...不過個d大陸人真係攪到我排到炆炆地呀~~~
打尖打到暈丫, 特別係d小朋友囉, 又無禮貌又野蠻wor, 真係想大巴車落佢地度囉...火都黎x埋呀
最後7點幾去返睡公主城堡前搵個靚位等睇煙花...真係好靚呀~~可惜相機無電影唔到相lu
之後再係小鎮大街行多陣就走人喇~~~

總結: 
11am-9pm10個鐘內有一半一時係排隊(仲要俾人勁打尖), 雖然好嬲, 但係勁無奈~~唉
雖然無買過野, 但拎左好多野黎影相, 超得意, 超靚~~~yeah
雖然無乜食野, 但完全唔覺得餓~~嘻嘻
雖然d game唔激, 但同vincent玩得超開心~~哈哈
雖然地方唔大, 但個景好靚(特別係夜晚)~~~嘩
雖然.................總之超開心啦

p.s. 全日我同vincent係disneyland只係食左一個咕嚕肉飯+湯=$48及雙球雪糕而已
哈哈......食得真少, 因為又唔岩食又唔抵, 結果就係咁喇~~~呵呵

一早買左飛同朱師奶, vincent & his ma去睇李克勤,
所以朱師奶一早5點就係舖頭走人喇...
之後join埋vincent佢地尖咀食完日本野就行過去紅館
開始前都有d期望, 但開始後就...失望囉~~仲要有d悶想瞓tim
呢日係gigi做嘉賓, 佢比以前唱歌好聽左好多~~~
之後係無乜特別, 有d失望下就睇完喇....
同朱師奶call的士走人...累累累