雖然好早之前(上年)已經決定好大囍日子 【2009年12月10日~~星期四】, 但好多野都未肯定, 未肯動身去攪, 所以一路都唔多講, 其實同我 or vincent熟既朋友都知咖喇~~haha

唔知點解, 唔多想去攪我個wedding party, 咩原因真係唔知, 可能太多濕濕碎碎野, 又好似無咩時間去做掛, 因為vincent又忙一星期返大陸4日, 我又要返學, 到放假都想瞓瞓瞓, 咩都唔想郁, 就連酒樓都係2月先肯落實, 但係就算幾唔想郁唔想做都好喇, 現實既事會迫到你"的"起心肝去做, 因為發現原來大囍個日係好日子, 好多野都無期, 包括婚禮拍攝, 註冊地方都無左我心水lu, 唉~~有d down, 所以今日就去婚紗展決定...下定決定解決眼前危機,

哈哈~~攪掂了擔心既事情

婚禮拍攝~~~clear

唐餅~~~clear

又影多次婚紗相~~~clear

禮服~~~clear左一半

禮服clear左一半, 係仲未決定我既婚紗晚裝係邊度攪, 所以join左先, 如果攪得掂我d衫, 就用黎租vincent禮服, 攪唔掂就係個度一次過攪~~唔駛煩

講開婚紗相, 因為係酒樓送既, 本住送得唔好浪費心情去影, 但當知道係新x地後, 就決定一定要去影, 因為佢有個hello kitty拍攝區, 再同vincent相量過之後就deal佢(其實係得我講無佢講~~哈哈), 如事者加d錢又影多次喇~~~哈哈(愛死你呀蝦子餅), 影相日期就會係我去墾丁前一日影『29/4』, 費事晒到黑黑返黎影呀(低能咖, 就黎結婚都仲要去d陽光+海灘既地方玩, 朱小姐本人都痴痴地的)~~~呢排既我, 要努力keep fit先得, 無咩事唔好叫我出街食飯呀~~

終於係馬來西亞返黎LU...呢個5星級之旅, 真係一流, 全天候享受, 完全遠離電腦, 連個腦都放低, 加上完全無時間觀念咁過, 正呀...去到第一日就開始不停咁食食食...瞓瞓瞓...行樓梯行樓梯...玩玩玩(俾4個小朋友玩)...相都無乜點影TIM, 哈哈哈...食過D咩呢, 太多喇...芽菜雞, 雞絲河粉, 咖哩面, 蝦面, 燒雞翼, 串燒, 印度薄餅, 好正既西餐, 喇沙, 蠔油蟹, 盬局雞, 大舊面(餅), BBQ, 咸旦蟹, 腰果蝦, 夜市場牛腩, 肉骨茶, 金馬倫士多啤利, 全菜宴, 吉隆坡肥佬蟹, ...太多太多, 打唔晒

總之就係正喇~~雖然食左咁多...但都無咩肥到, 因為每日都來回N次3層樓, 上上落落, 跑上跑落咁同3個勁ACTIVE既小朋友玩, 之後仲要病住返黎HK...想食肥都難喇

終於到29號喇, 真係等到頸都長呀

我地一行10人, 我, 二少, V媽, V大佬, 二家姐一家4口, 三家姐夫婦二人, 出發7日6夜馬來西亞 "怡保, 吉隆坡" 5星級"吃"喝"玩"樂"探親(大家姐家)團, GOGOGO

又大一歲, 又老一歲LU, 今年決定要過得平淡, 所以無K PARTY, 無飲酒場, 無通頂節目, 只有同家人朋友食飯, BBQ, 日本自助餐, 打邊爐, 同二少食九龍酒店宵夜自助餐, 不過真係好開心...今年有兩個蛋糕切, 真的多謝所有幫我慶生日既家人朋友

寒窗苦讀三年終於係IVE讀完個Diploma in Sales managemnt and Services Marketing, 今日就行畢業禮, 雖然屋企人無個得閒黎, 但都無所謂啦, 因為個個都要返工做野, 我明既, 加上我仲有一個HIGH DIPLOME,...哈哈, 約左成班同學去畢業禮, 真係好開心, 好好玩, 10點半開始11點半左右完, 之後就成班人影相, 影相, 影相再影相, 咩POST都出齊, 跟住就去飲茶食飯...之後就各自歸家LU...