承蒙carman小姐的關照, 我, 菁菁, bluey可以參加貴公司舉辦既"印洲塘海岸公園美食海上遊", 雖然唔多記得去過邊個洲, 邊個島, 只記得上島時多數與"水曱由"同行, 但都超開心, 而且太陽伯伯超關照我地, 成日都無休息過, 曬到亞媽都唔認得

以下係行程安排(由carman小姐公司提供)
娥眉洲觀賞珊瑚礁、吉澳島享用海鮮午餐及鴨洲遊覽天然奇石景等等...大會更安排了精彩遊戲及大抽獎，令你樂而忘返……
地點： 印洲塘、娥眉洲、吉澳島、鴨洲......

一開船, 即為你送上精彩遊戲---超級無聊IQ題, 答中有小風扇一把, 而我就係其中一份子
之後去到D乜洲, 物島時, 導遊左右兩邊不停介紹, 而我地就行完左再行返右, 來回不停...
跟住就坐小船睇所謂既"石珊瑚"...睇既方法你真係唔會唸得到的... (就係用呢個野, 放係水面度睇的)
睇完後就去"吉澳"食飯---海鮮餐喔(墨魚、魷魚、魚、蝦、蟹、雞、排骨、正菜...仲加送透心涼可樂一罐)...  而我地4個就由頭食到尾...總之就食晒為止, 食完就走去買特產小食"茶果"個d啦, 跟住影多兩個相就上船喇
跟住去左叫"鴨洲"既地方, 聽講要禁區紙先入得wor...去到又係影相, 影相...咩都影一餐, 變左影相達人
然後就上船回程...回程時瞓著了...但到抽獎時起身lu...我地一行4個女仔, 3個有獎呀, 而我仲要得到三獎, 係我最愛既brand "vivienne westwood"既電話繩喔 ~~~超開心呀

p.s. 而我去左玩時, 二少上左大陸按摩

二少大家姐佢地聽日就走喇, 今日就提早同二少大姨甥女攪生日, 其實都之不過係一個超簡單既切cake而已, 切完就各有各食, 就係咁生日party就咁完了...

之前plan好2008年8月8日早上去海洋公園玩, 之後就去vincent二家姐home睇高清奧運會開幕...咁就好開心喇

誰不知竟然同我地黎個黃雨, 我頂呀, 等呀等, 等到10點左右無咁大雨就照出發, 去到原來都勁多人, 其實我地最終目的係玩水, 所以落雨無所謂啦, 去左睇中華鯞, 都幾肉酸, 到3點幾終於出太陽喇, 去到玩水地方, 嘩同個兩個小朋友玩真係顛咖, 到5點幾就帶住疲累身軀走人......返到去, 叫好野食等睇奧運開幕

呢個開幕真係勁有驚喜, 好好睇...雖然好累但都睇埋先走人, 一流呀!!

中國隊, 加油!

一早發現8號風球掛緊, 就繼續瞓, 瞓, 瞓, 之後8點幾9點就同vincent, v媽, 大佬+大家姐一家4口去飲茶, 因為佢地馬來西亞無颱風打的, 所以佢地兩個小朋友好開心咁feeling颱風威力,而我地不停咁話會吹走細佬, 所以好攪笑咁講, "i dont want go out",  飲完茶之後v媽就帶小朋友去玩風玩雨...打後成間屋既人好快咁瞓晒覺lu, 醒左後就打wil, 之前去左小環home拎多兩個手制, 真係唔該你喇, 咁就4人網球開始喇...
由於vincent大家姐一家返晒黎, 再加佢二家姐一家, 兩家人3個小朋友, 成間屋就有咁嘈得咁嘈, 玩得有咁顛得咁顛, 而我地就疲於奔命, 都唔知我玩佢地, or 佢地玩我喇, 係咁玲姐姐前, 玲姐姐後...雖然累但都好開心的...哈哈

vincent大家姐舉家於星期六返黎兩星期, 呢日起身食完早餐, 順便睇多次醫生之後(無法啦...粒扁桃腺點都未好得晒), 跟住就返去開始執野, 雖然我都無負責一d好輕鬆既工作(都係洗下抺下咁), 不過都係勁累, 因為成個就烏低身做, 條腰好似唔係自己的, 做完我要做既野之後, 我瞓左係sofa就瞓著lu...

晚上vincent兩個家姐, 姐夫同熙妍bb都上左黎食飯, 亞b佢真係勁, 無時停, 我咁有精力既人都俾佢玩死呀, 佢一上到黎就上vincent張床, 玩我d kitty公仔, 又要佢地sleep, 又fly, 又話佢地cry,..等等, 真攪笑呀, 而亞b媽媽呢排成日都見到佢, 原來放緊病假, 佢話上星期係公司canteen趺親...唉唷小心喔? 個肚咁大趺親可大可小咖...真係要休息下喇....