唔知點解, 朱宅各人關係總係有問題, 唔講朱師奶同朱老豆佢地關係30年如一日都係"不和", 到我地三兄妹, 以前都已經耐唔耐都打 or 吵獲勁的, 所以同朱大佬關係都係唔多好的, 不至於好差, 不過呢幾年人大了, 性格改變了, 開始起衝突, 因而關係比以前更差了, 呢日仲要攪個六國大封相...唉真係心都痛, 朱師奶係最傷心的一個

呢兩日我唔知同朱師奶攪咩, 我都唔知係唔係踩到佢條尾呀, 呢幾日返屋企食飯, 佢係用玄擅咁既面口對住我(無錯係玄檀=西面), 而我亦不甘是弱, 都係咁面口對住佢, 琴晚更甚, 終於發生小衝突, 佢無理時, 我可以更無理, 對朱小妹又係咁, 唯一對朱大佬同個"劇"野先唔係咁"笑笑口", 無野呀駛唔駛咁呀, 唔怪得我地咁憎個"劇"野......真係火都黎埋呀

留係二少家睇高清閉幕式前, 睇夢8同西班牙冠軍戰, 以前有米高佐敦同洛文時代睇NBA既我, 因為無左佢地之後就無睇LU, 今日特登留返係度睇, WA...呢場真係好好睇呀, 西班牙追得好緊, 所以高比仔佢地真係好落力, 超緊張既一場, 雖然最後都係美國夢8WIN, 不過都係WIN好少分咋

我地今日要係8點前整好晒所有野食, 因為要睇閉幕式, 上次開幕式, 張導演令全球人震驚, 所以好期望閉幕式會好正, 10點半睇完, 評價係OK啦, SO FAR SO GOOD咁啦

之前一路都有興趣, 追睇我有興趣既奧運比賽, 跳水, 體橾都因出街睇唔到, 到女排喇, 捧左兩場中國女排, 都係在先win2局後俾人追返仲輸埋tim, 對佢地有d失望, 之後到季軍戰時, 都唔太期望, 點知出奇地, 佢地打得好好, 特別係"王一梅"同"周蘇紅"一流呀

台灣d相今日到左lu, 係二少家拆左成個鐘, 先拆得完...辛苦

之後就同jessica食飯, 兩個人食日本野, 只係食左110, 真抵