之前睇過一本小說, 唔記得叫咩名喇, 小說入面用左洋蔥比喻男人, 點解?

因為當你整洋蔥時, 每將整開一片時, 你d眼淚就會流一點, 當整開越多, 眼淚就會流得越多, 當你整到尾時, 你就會發現, 原來洋蔥係無心的, 男人就同洋蔥一樣, 當你了解得多, 眼淚流得多時, 到最後先發現, 原來他是個無心的人...

我琴日既預感終於實現喇, 今朝未起身, 已經知又病喇,

全身無力, 周身骨痛, 喉嚨腫痛, 個頭勁痛, 又暈, 又嘔, 開冷氣都出汗既, 仲發燒tim

結果......38.1度, 喉嚨發炎...唉又病喇

6點唱完k...
7點瞓....
2點起身食野.....
4點返到黎又再瞓....
8點起身去食飯....
11點半睇完花樣又再再瞓過.....

不過係瞓緊既同時, 我知道我自己會病喇....

原本返大陸既我, 因為種種原因, 都係返唔到, 之後有個朋友仔同女朋友分左手失戀, 我, vincent, ruby, sam, 龜, 銘, 金, 耶穌, 肥波一行十人發揮我地友情既關心, 同傷心者唱k

我地打完鍋鍋後, 12點左右就到neway city喇, 講真呢間野真係幾舊的, 為左令傷心者開心d, 唔好唸ex既事, 我地就不停咁叫佢玩, 叫佢飲, 但佢就不停咁唱歌, 仲要係d傷情歌, 唉...真係無野好講呀, 雖然拍左好多年, 但有d野無左就係無左, 特別係feel, 既然別人選擇放棄時, 何解要苦苦糾纏呢, 點解唔可以瀟灑咁放手呢, 出面世界咁大, 唔放手又點知下一個好呢? 之後唔經唔覺咁我地就由天黑唱到天光喇...6點走人, 返到vincent home沖完涼即瞓死左lu

因為某些原因返唔到大陸既關係, 下晝就同vincent姨生女熙妍一家去游水, 今日佢著左kennex姨姨送比佢既生果3點式游水, 起初haylay有d驚的, 成個身硬晒軑, 但玩玩下又無乜野, 游左一個鐘左右走喇, 不過都係唔肯走咁啦...

但今日d水溫真係好凍喇...