今日夜晚終於收到, 台灣send過黎既婚紗相demo喇~~~
同vincent睇下有咩地方要修修先得

係台灣返左幾日一直都處於『放假』既心情, 有d提唔起勁做野, 不過都好努力咁做啦, 回顧返台灣之旅, 因為要去影相既關係, 之前幾日都好忙咁做自己野將公司事拋棄一邊返黎先算, 自己野包括: 整水晶甲, 返大陸推油磨砂, facial, 種眼捷毛, 買野呢樣個樣九萬幾樣野做啦, 講起種捷毛真係無咩事唔好攪呢樣野, 第一日整上去時痛, 第二日插到眼時仲痛, 第三日影完相落妝時整落黎時係非常痛, 之後我原本個d少數眼捷毛變得仲少數, 愛靚唔愛命就係我呢d人喇...哈哈

5/4第一日
6點起身等我攪掂好晒自己後叫vincent起身, 再check check d野執好埋之後就lock喼, 出門口前蔡媽媽再3叮囑我地小心d同影多d靚相返黎, 咁就出發我地既台灣之旅, 上到車就打俾朱師奶佢知我地出發及同佢講"生日快樂", 之後就叫我玩得開心d喇~~, 去到airport 8點幾未有得check in就去食個早餐先, 之後就check in喇入閘, 10點半先上機, 百無了賴咁周圍行等上機,  vincent之前問唔知d空姐得唔得呢, 因為國泰個d......唉, 而我坐既係長榮航空, 個d空姐呀...得過cathay pacific呀, 唔錯唔錯, 嘩起飛lu..., 之後就送早餐(又食), 係個多小時行程內好努力咁睇台灣書仔, 臨落機前問空姐拎左兩個"長榮牌啤派", 坐多一陣就落機lu, 出到桃園機場就搵公車站坐車出台北車站喇, 又經歷一個鐘車程終於到台北車站lu, 快快咁去搵華華飯店check in, 之後就過婚紗台 - 艾葳, 揀衫 - 二套白紗, 4套禮服, 經過3-4個鐘揀衫, 終於搵掂6套衫, 之後就討論拍攝地點 - 了解左地理環境因素決定, 由北海岸開始, 野柳之後一直到夜景漁人碼頭, 造型 - 6個, 攪掂都8點幾去左西門町食 - 鴨肉扁麵線, 行多一陣就返酒店瞓覺等聽日影相...

6/4
晨早起身出發去"艾葳"整造型化妝換衫去第一個景點 - 逸仙公園, 之後去左叫情人湖既效野公園, 跟住北海岸, 白色屋仔 - 洋豆子門口, 大屯花園, 再落沙灘之後就漁人碼頭夜景, 影完就返去影室內景lu...影到9點左右就影完...辛苦左一日我同vincent去左"太和殿"食麻辣火鍋, good呀咁就一日喇...

7/4
起身去完鼎泰豐食完小籠包(麻麻地不太好食)後, 再冰館食冰...嘩透心涼呀, 跟坐就由永康街行去艾葳揀相, 沿路行左10多分鐘考慮去邊換錢 & 搵bank, 結果我同vincent走左去"郵政局" 換都幾攪笑, 邊行邊影相邊睇野...行到中正紀念堂想去行一陣...唔得lu夠鐘揀相...揀呀揀, 由296揀到188再揀到140再揀到100, 之後好辛苦先挑到87, 結果加錢揀90張相, 用左5個鐘攪掂晒所有野就走人, 等月尾睇毛片, 係呢個過程裡面全無壓力下揀相, 仲講我地飲珍珠奶茶tim...幾好幾好, 跟住我地就落左饒河街夜市食野喇...臭豆腐, 排骨, 雪在燒, 糊椒餅等等...好多野食...

8/4
一早買左張一日捷運車票, 去左淡水開始食玩買行程, 唔知點解咁早係無野食的, 搵左幾耐先搵到野食, 行到邊食到邊係我同vincent既性格...結果食到飽飽走,落返永康街食再食紅燒牛肉而麵, 就行去中正紀念堂影相, 跟住去士林, 唉又係咁早無野食唯有去101啦, but因為又氣唔多好, 無上睇景...又返去士林食野喇, 唉有d失望, 無咩特別好食...行左一陣又走lu, 過返西門町行街...

9/4
朝早執好埋野check out, 去左bank唔係換錢, 係用我地既提款卡拎錢, 唔駛左填右填又要copy passport咁, 個rate又差不多超方便, 之後去左太和殿打包個麻辣火鍋湯底連野食返黎hk食,再落西門町買手信, 3點半走人去機場返黎hk喇, check in入閘怏怏咁走去kitty候機室度玩同影相, 影完一輪就夠鐘上機回程喇..就咁玩完我地台灣婚紗拍攝之旅喇

p.s. 成個trip都好好玩好開心, 不過因為value for money既關係1:3.69, 我唔敢買太多野, 主要都係食完就算, 買野都要計過算過先買因為真係有d貴...係買野唔多, 食野幾多既情況下, 連影相機票酒店用左差不兩萬四左右, 真係幾赤, 不過算啦, 最重玩我超開心就得啦...哈哈

強迫自己事件(一) 食少d
仲有兩星期就飛喇...原本想每日都早d起身跑步減肥, 不過都係算啦, 無可能叫我早起的, 最終唯有強自己迫食少d野啦, 特別係我最愛既零食同立雜野...

強迫自己事件(二) 食麥片
都唔可以話強迫既...都係為自己健康著想斷斷續續都有食ga, 因為我唔飲奶或其他奶類產品(雪糕除外), 所以決定強迫自己一路繼續食落去...去廁所時超級暢通...哈哈

強迫自己事件(三) 康鈣C
現在正值流感高峰期, 而我由過年前病到現在(瘦了2-3kg)都未斷尾, 食藥當食糖咁食, 食到個人呆晒, 唯有強迫自己食d健康食品or飲品啦, 揀左好耐就決定"康鈣C"喇...易入口ma

有無人可以話我知, 我可以點......成個星期心情都好似都係谷底, 無起過~~每日都有幾廿樣野黎煩我...公司已經做得唔開心, 屋企又煩, 你屋企又令我覺得有d...總之唔想你成為磨心, 所以唔想同你講, 因為就算講左你又可以點呀, 唔通同返佢地講咩, 唉~~算啦都係, 朋友仔同返我講, 係咁咖喇...唔可以要求咁多, 同佢傾返相量返, 自己唔駛拉得咁緊, 咁樣對自己唔好的......唉有d野我都唔想去講去唸, 但點解要我忍呢? 我係個d有個句話個句既人...要我唔出聲忍, 得~~不過e家咪咁囉...呢件事, 我已經攪到好累了...點解仲要受千夫所指呀, 仲要專登打黎話我, 點解要為個千幾蚊攪到咁麻煩呀, 要令佢心情咁唔好呀, 咁我呢??我又好開心咩??咁想我點呢??點解咁鍾意咩都插手攪一餐or插把咀黎講我一輪呀~~係唔係咁會開心d呀, 最後咪又我自己攪返掂件事......, 其實我連咁小事我都唔可以照我自己去做去決定, 而要聽你講既, 咁我第時點呀, 仲有地方我企, 有話事權咩......

好唔開心...好唔開心...好唔開心...心情去到谷底, 點解個個都話我錯wor, 我有咩錯呀...求下你地放過我啦, 唔好迫我埋死角啦, 唔該, 我已經好辛苦咖喇~~~已經唔想去喇

Can you tall me? Why? 心情超差~~

其實我都唔想對你發脾氣的, 但~真係超忟, 心情超差果一刻,

忟→係, 你的猶豫不決, 心大心細, 變黎變去~~~
點解唔可以決決絕絕咁做決定呢...

心情超差→係...喺果度攪野果個係我, 而我要係最後做晒個件事既人

成件事令我, 真係好累~~
原本決定好日數...而你就怕第二日返工累, 要少一日
我計過"DOG"過先要咁多日咖, 學你話齋要鬆好過緊的,
咁平時去玩, 去食飯到11, 12點第二日就唔累~~~現在同我講怕累
之前問你博唔博, 你話唔喇~~
之後決定邊間時, 但又要咁又要咁,
原本一件好SIMPLE既事, 將其複雜化, 搵著我黎攪~~
攪到我要發脾氣, 去攪件事...到頭來雖然做好晒成件事
其實我知你好多野做, 我都唔煩你,
之不過我想成件事你有份參與...但點知~~~唉
原本開開心心一樣野, 但我真係超唔開心, 現在連去...都真係無心情