今日係my honey vincent birthday, 由於佢好鍾意食tirumisu, 所以我為佢獻出我既【第一次】整蛋糕... 我付出我大呀, 因為識我既人都知我唔食得芝士蛋糕, 一食就嘔的...

(餅底材料..)(餅底..)(tirumisu...)(等呀等..低能玩自拍)(完成...yeah)(影呀影)

Honey Vincent Happy Birthday...
唔經唔覺, 就同你過左9個生日喇
無咩送俾你, 就送你一首生日歌
Happy birthday to u
Happy birthday to u
happy birth...day to Honey Vincent.....
happy birthday to u...>3<

今晚就等我送你一個suprise『我的第一次』~~

『她』係我亞哥新女朋友, 好似叫亞燕~~因為無正式介紹過, 都係亞媽同我講的, 所以就咁啦, 我第一次見佢係好似6月中, 有一次去游水撞到佢同我亞哥一齊游, 個時應該係剛開始的, 之後就經常見到佢係我屋企出現, 一星期都起碼有3, 4日左右啦, 但我同朱小妹係唔like佢的, 我屋企當係佢屋企一樣算喇, 但佢無禮貌同無視我同朱小妹係我地自己屋企既存在就唔得,
你唔叫我地都算喇, 我地同你say hi你都唔理仲要連眼尾都唔望, 好似過份左囉, 之後仲要連朱老豆都無叫過, 只係叫我亞媽~朱師奶, 有次朱老豆拎左碗湯俾佢飲, 佢竟然理都唔理下佢, 碗湯就咁放天光, 超級過份囉, 俾著係vincent我實產到佢pk呀
你當我地無到, 我又何況唔係呀, 我並唔係小氣, 之不過因為朱師奶由細到大都教我地入屋一定要叫人, 唔識都要say hi, 咁樣先叫有禮貌有家教, 唉~~佢咁樣我會對佢好反感囉

『喉嚨痛•聲音啞』係黎形容我今日情況~~
琴晚一行10多人(我, carmen, bluey, 飛大人, 飛大人兩個fd, 荃荃, mavis, yond, be+be朋友 gary女黎的) 同菁菁補祝生日《唱k》原本仲有我地個banker同學miss chloe夢小姐, 不過當我琴日5點幾6點打俾佢時, 佢家人竟然話佢返左深圳, 吓...深圳, 乜我地唔係一早約好左, 佢仲應承左話佢唔覆我就代表【答應】, 結果佢竟然返左大陸放左我地飛機, 唉......原來朋友就係咁的!!!
原本我地約10點的, 之後原來荃荃話佢係neway city識人, 咁我地就改8點食埋buffet喇~~不過都係得4個人食buffet咋...其他人就要10點後, 當人齊既時候, 我就我地party開始狂歡既時候喇, 我地玩左超爆笑既"鐵勾船長", 進化版既"one two~~今天好開心呀, 所以boom cha cha呀", 教識左其他人玩"yo"結果成晚就yo黎yo去喇, 之後仲有新玩意"撞機"...等等超爆笑又勁好玩呀, 玩到唔經唔覺走既時候原來已經5點囉~~嘩嘩嘩, 好耐都未試過返到home係天光而我老豆又起身出門口喇, 攪好晒d野, 6點左右我就瞓到死豬lu...同佢地一齊玩...真係可以『癲』的~~~襯我呀...呵呵

but~~到11點幾我個vincent honey就打黎話我知, 佢係大陸玩完返落黎喇~~~而我咁就俾佢嘈醒(真係駁打呀), 咁樣我地就係我屋企渡過一日喇, 佢當然就係瞓喇, 而我就無所事事咁上網煲劇喇, 到晚上點多d先瞓喇

今日vincent開始返新公司喇~~係一間眼鏡製造廠內做sale coordinator, 係一個新開始, 希望佢做得開心啦~~
都應該唔錯的...褔利仲幾好tim~~~恭喜恭喜