今日原本話去玩飄流等活動的, 不過都係因為天氣超熱加上我表姊部車俾人ko左, 結果同我舅母打麻雀打左一個下晝, 佢教我地打百"踏"麻雀, 之後返屋企食完飯, 坐電單車去表姊家燒野食, vincent佢終於衝破關口肯坐喇, 而我就學開電單車喇, 嘩~~~好好玩喇...哈哈

一早6點起身梳洗出門口, 返大陸, 去朱師奶鄉下-->增城(小市鎮)-->福和(小縣市)-->池嶺(小鄉村), 呢度我有成10年都已經無返過lu, 除左小鄉村無乜變過外, 其他地方真係變左好多, 多到我都已經唔認得, 仲有d既熟識又陌生既感覺, 同時亦令我唸返以前細個係呢度開心既時間, 小時候我地成家都常常返去的, 因為亞公, 仲有好多朱師奶既親戚係度, 加上呢度既表兄弟姊妹都同我三兄妹差不多年紀, 所以過得特別開心, 一齊去機舖, 放煙花爆竹, 通街通村走, 仲有玩炸牛屎tim, 不過當我最親愛最疼我地既亞公係我中二既時候唔係度之後, 就無lu, 而朱師奶亦因此都無乜返去lu...今次返去係因為朱師奶堂大佬70歲生日, 所以就同埋我vincent, 朱小妹一齊返, 原本仲有朱大佬加佢個黑人憎女朋友的, 不過就...唔返囉, 返到去增城最慘一件事要行"五"層樓梯先上到屋企, 唉~~~放低d野就返小鄉村lu, 到左就發揮我active既本色同朱小妹周圍玩留低vincent自己一個喇, 打水, 上天台玩坐啦, 嚇死朱師奶呀超危險的, 之後仲叫我表哥開電單車通村走喇, 嘩~~大自然真係無得頂呀, 小溪流水, 田園農田..."正"呀, 玩到咁上下就出小縣市食飯, 有5圍人幫我舅父慶生, 朱師奶話完部都係d舅父亞姨表哥表姊之類, vincent問我邊個打邊個, sorry我都唔知...嘻嘻, 食完就出返市鎮唱k喇~~~不醉無歸

今日同熙妍預祝生日, 前一晚auntie就叫我收工就留番下晝既時間出黎整"肉醬意粉"同"蟹子沙律", 咁我收工同vincent去左沙田唸住只幫熙妍買1字既蠟燭, 不過行下行下去左玩具反斗城, 睇下睇下又買左份生日禮物俾佢喇~~哈哈, 呢個bb女抵我咁錫佢呀, 因為佢成日都"痴"實我玩, 嘻嘻......
返到home之後就同auntie一齊去supermarket買野, 整今晚既大食會喇, 雞翼, 肉醬意粉, 咖哩魚蛋, 蟹子沙律等等...返到去同bb玩一陣之後就開始整野lu, 切青瓜切到手都痛呀~~~係整野同等待既同時, 我地竟然做左補習先生, 表弟仔~滔滔佢拎左d功課過黎做, 嘩~原來而家中三d野咁鬼難的...... yeah~~攪掂lu, 埋位切蛋糕lu(個cake好可愛咖), 雖然熙妍好眼瞓, 不過佢成晚都好high喔...

12號開始又要返學lu, 唉...年年都係呢一日開學, 攪到我年年第一日就做"逃學威鳳", 開左學3日, 但已經有一日無返, 一日早退, 唉真係無"引"呀, 加上放左3個月暑假, 真係唔想返學呀......不過今年係最後一年, 死都要死埋佢, 我同你【博】過~~~yeah

加油~加油~加油~~~

琴晚同vincent慶祝生日, 我地去左洲際食buffet...因為booking full晒的關係, 我地就試下walk in啦, yeah成功喇嘻嘻...嘩~~正呀...有我最愛龍蝦, 長腳蟹, 蟹, 蝦, 蠔...等等好多野食, 正呀, 食左幾輪之後, 我地就坐係度睇"維港激光表現"喇~~食下抖下...9點幾就走人, 出左去行海旁同影相~~~ 原本話去旺角影貼紙相(慣例), 都係唔去, 因為我要立即返屋企, 俾個surprise vincent, 返到屋企完全唔知亦無唸過我會整個tirumisu俾佢既vincent, 哈哈..好開心囉, 不過好景不常, 搵晒成間屋都無"立"燭, 之後就叫回家途中既vincent媽咪買喇~~~咁我地就等埋佢媽咪返黎, 就一齊切蛋糕lu...

(自拍)(我最愛)(嘩~~海景呀)

(生日快樂...)