哈哈~~~期待已久既Aaron演唱會終於到喇, 原本同朱師奶, vincent一齊去睇的, 不過因為琴日既事, 攪到朱師奶無得去搵左vincent媽咪去, 唯有等下次啦...雖然唔係睇400但都好正呀, 250可以睇晒成個場地, good呀, 最欣賞aaron每次演出都好有視覺效果, 不論衣著服飾同舞台設計都好正, 好一流, 今次齊左個350度轉既舞台簡直good la, 不過美中不足就係, 佢實在換太多套衫喇(大概2-3首一套), 攪到好d氣氛"姪"下"姪"下悶場囉, 哈哈...點講都係一場good show呀

同日中午做左個重要決定......(^o^)v

今日一早收到個電話, 係隔離舖頭既亞姨打黎, 心唸唔通又係搵朱師奶又唔到先打黎搵我, 但當我聽到個電話之後, 我立即"呆"左, 佢好急咁叫我返舖頭, 因為我老豆過馬路時撞左車, 仲要係成頭都係血, 吓...吓...吓...唔係掛, 二話不說咁, 一路換衫一路打電話俾朱小妹朱大佬, 叫佢地去左先, 如果唔係我由wong tai sin過去會比較耐, 之後5分鐘就飛出去喇, 去到醫院急救緊, 好彩無咩事仲清醒, 不過周身損, 仲要留院...唉, 見佢行都行唔到, 真係有d心痛...希望佢快d好返啦

嘩...好耐無update過喇~~今日終於叫做有d時間同肯"的"起心機去打野喇...

呢掛都唔知點解好似好忙咁, 但又唔知要做d咩wor(at office), 不過返學個度我就超級忙喇, 咁我過去個幾星期做左d乜呢...

31/10...功課---presentation one, 幾經辛苦先攪點

3/11...食左今年第一次大閘蟹(特別多謝公司既大老爺請我食), 係老三"洋"以批發價58蚊一大隻(起碼最少六兩或以上)訂左一欏, 要左7隻, 晚上返學中途早走都要返去食, 嘩嘩嘩, 多膏到暈呀, 正呀

4-5/11...著住對3吋高去幫亞媽買貨, 行左幾粒鐘, 之後原本以為朱大佬話請食10吋長賴尿蝦, 結果...無得食, 跟住vincent收到公司電話第二日要返工...唉, 咁就係屋企無無聊聊過左一日...

6/11...期待已久的Eason演唱會, 正到"啤"呀, 睇到12點1先散場, 全場個氣氛同arrangement都好好, 正期待18/11Aaron演唱會

9/11...終於開始左第一個test喇(service management)~~~溫書溫書再溫書(結果36/45, 都好高分呀)

15/11...又test喇(china market), 12選10, good啦, 由星期二開始溫到傻囉, 好彩...都可以呀~~hahaaaaa

雖然要溫要背既都test完, 不過仲有一個test, 二個project, 三個presentation要做, 仲要係連續幾星期咁做咁交, 真係人都死呀, 之後公司又麻麻煩煩咁, 現在既我總之就壓力大到爆, 勁唔夠瞓, 攪到人又累樣又衰, 塊面出粒粒出到我都唔識得自己咁濟...唉, 加上呢排因為知道左某些事令到我好好好唔開心, 呢件事令我突然發覺人與人之間既關係原來可以係咁薄弱的, 就算之前同你幾fd幾好都原來可以經過一些人or事令到大家既關係180度轉變, 變成陌路人或比其更甚, 同時亦因為有咁既事, 我開始覺得原來他就是我所謂的"朋友"喇... 唉~~算啦, 既然都發生左過左去喇就無謂再難過同放係心上喇...比心機做好公司, test, project同presentatiion好過啦~~~加油喔

嘩~嘩~嘩~, 買左咁多次, 今次終於買到喇~~~所以話呢...堅持係無錯的, 哈哈, "11月6日"

熙妍bb琴晚返左vincent屋企過夜, 好耐都無同佢玩到咁夜喇, 11點幾佢先瞓, 而我就打機野到3點左右先瞓覺, 不過今朝, 佢就8點走過黎拍門叫我地起身l飲茶u...唉, 超眼瞓呀, 飲完就同佢去行公園, 嘩...條友仔行得勁快, 仲要去行埋樓梯tim, 到5點幾我地成屋人就出去tst食飯, 因為vincent三舅父佢同老婆&女(外國人)返左黎hk, 亞b就喊足全程~~唉