都唔知點解咁今日好似好忙咁, 首先朝早要去沙田個客, 下晝原本要去灣仔見客, 點知俾佢夜飛機, 好彩事先打俾o者, 之後係條街度同個外國人既客講電話, 突然間覺得自己英文好似流利左...嘻嘻, 之後返到公司係咁做野, 但又唔知做過d咩wor, 總之就好似好似好多野做咁啦.....做到六點收工都唔知tim......

夜晚, 約左vincent+佢既fd食飯, 之後飲野, 全夜勁high呀, 十五二十, one two勁呀, 結果未夠12點就差不多ko左...要走人lu~~

計端午節同朱大佬去游水後(相隔多張庶), 又另一新成員===>朱師奶, 呢位成員勁囉, 多年來好似無咩點去過沙灘, 但一去到比我還要興奮, 但我就一動一驚心, 有好幾次俾佢嚇死, 唉下次帶佢去都係要唸過計過算過先得呀

呵呵~~我係"紅燒乳朱", 每年既端午節我都會去游"龍舟水"的, 今年都唔例外, 幾日前就約好carol同佢男友去, 原本vincent唔去的, 不過最後都肯陪我去...多謝你錫晒你喔(有d嘔心tim...嘻), 之後早上出門前, 發現朱大佬都係去同我相同的地點"三星灣"游水, 呵呵, 我就老實不客氣叫佢車我入去喇...坐電單車的感覺"真捧", 驚得黎又刺激, 我愛呀~~~, 送到我去之後, 佢就走去車佢個新女朋友lu...

入到去...嘩...超多人呀...之後就e...點解個灣細左咁多既?幾經辛苦先搵到位放野, 跟住就游呀游(d水好涼好舒服喔), 曬呀曬(太陽伯伯你駛唔駛咁勁呀), 5點到就走人喇...而我地一行4人都變左"紅燒乳豬"出黎喇~~~

痛痛痛呀

一如以往, 我地會提早慶祝父親節, 今年亞哥busy wor, 應該係忙"溝新女", 所以得我同朱小妹+vincent同朱老豆朱帥奶食飯, 原本想去'大榮華"食飯...低低地的等百幾張枱, 結果都係去左稻香...一等由8點等到9點幾先有得入座食......等到人都顛, 到最後都係不歡收場

不過講真呀, 其實咁多年以黎我都唔會+唔願意慶"父親節"的, 原因......多年來的心結, 現在就算佢係家, 我地都唔會有兩句傾上, 費事鬧交~~~

今日係exam最後一日...溫溫溫, 加油加油, 最後衝刺~~~

yeah! yeah! yeah!......終於考完lu...立即同班同學仔"打冷", 研究下有咩大小型活動可以舉辦, 傾下計, 食下野咁又到12點閃人喇