早掛去整頭髮時, VICK問我點解D頭髮薄左咁多, 已經唔係成日整頭髮, 都可以咁, 係唔係壓力好大? UM...都係, 要返工, 又要返學, 仲要做勁多功課, 之後又要攪結婚D野, 又要煩屋企D野, 又咩辦法唔大壓力呀...不過都無法子, 唯有搵個減壓方法啦...就係瞓覺, 遊雲 + 游水喇...
琴晚, 同我既姊妹們去尖咀試衫...由7點玩到人地9點幾, 最終都攪掂晒, 咁我又少一樣野煩喇~~之後我地去左一間叫616既日本野度食飯順便傾下我個日既RUNDOWN (佢9.30後 5.9折, 6個人食每人都係126, OK抵呀), 傾傾下先知, 有勁多野唔對路, 時間交接又唔係咁得, 仲要超趕, 不過趕就無辦法啦, 擇晒時辰唔跟又唔得, 不過好彩有BLU BLU姐妹係度(無你我都唔知點算好), 經佢指出問題所在, 好我返去再攪攪個RUNDOWN, 經過一輪相討, 姊妹們個日既時間, 分工大致上完成喇...之後就輪到班兄弟喇...唉, 不過亞二少又唔係成日係HK, 約約佢地呀...真係忟爆呀
返到二少度, 佢今日係HK, 幫佢攪埋D野, 跟住就同佢執埋份RUNDOWN...因為佢最熟我地個日既時間, 傾傾下差D又嘈起上黎...唉, 唔齊喇...返公司先再執過...
今日返到黎, 再將每樣野執得DETAIL D, 真係煩到我爆呀, 而我D躁狂症又會發作咖喇......所以我決定星期六咩都唔理, 入廸廸尼玩個痛快.... |