今日為左補祝全全同yond的生日, 原本去香港海鮮一日遊, 因為旅行社唔成團攪到去唔到, 前一日經過多方面商討, 決定去大埔"白鷺湖互動中心", 去個度係勁唔方便, 但又幾好玩bor

首先...我地一行6人 me, ching, bluey, yond, 全全+女朋友去玩水上單車, 幾好玩, 不過有d失控, 我地不停咁為對方影相, 玩到差不多夠鐘, vincent就黎到, 而我地就去睇埋『人類民族館』, 呢個館展出好多人類係生活上有不同的改變, 係一個唔錯既地方

之後, 就去餐廳食飯喇, 『小白鷺餐廳』環境係一流, 食物樣都ok, 但味覺上就唔係咁得囉...食完甜品都8點喇, 我地影多幾張相後, 就走人喇, 個度無車到(除左的士), 但又call唔到, 我地唯有行去巴士站啦, 個度位於高尚住宅區內, 我地一路移一路睇人地d樓, 睇睇下時, 突然間有隻野狗...飛奔走過黎, 差d撲出黎呀, 係嚇到魂飛魄散之後, 就急急腳走去巴士站...

今日我地班朱記同學攪左個『畢業10週年』聚會, 嘩...原來唔經唔覺畢左業10年(應該得9年)咁耐咖喇, 呢日見到d好耐無見既同學, 老師等, 成班人"vv嘩嘩"咁玩左個下晝, 之後散band後, 我同埋vincent+班男fd&亞君兩公婆去唱k, 成晚超high勁玩喪唱豪飲, 到12點幾就歸家,

註: 第二朝起身發現手同腳有幾度『瘀』痕, 幾時整呢? 點解會咁呢?....係一個【迷】

之前落雨落足3星期, 落到個人都悶晒, 早兩日終於放晴lu...一到夏天, 我就最愛咖喇, 我最愛與陽光玩遊戲的, 原本同vincent講好星期六個日游水的, 不過最終因為其他原因無去到, 想去睇戲"超低能特工隊", 去到淘大又無得睇, 過去mega box又無位, 咁就係megabox行下, 其實都咩行的, 去到溜冰場剛剛有得睇ice hockey比賽, 嘩...勁好睇又刺激, 不過有d暴力囉, 正呀, 企左係度睇幾個字, 之後走人lu, 星期日去左好耐都無去既太古城睇戲"超低能特工隊",  真係超低能加勁攪笑, 仲好無聊tim, 睇完就行街...再陪vincent去旺角睇模型, 旺角真係一個超熱地方, 夏天無咩事都唔好去, 唔係會中暑的,

期待7月既來臨...勁多節目呀, 仲要日日走去做我最愛『游水』先得......哈哈

經過長時間與note拼命...今日終於...考完試出獄lu

經過三年不長不短既時間...今日終於可以放下心頭大石, 去玩喇

九月再接再厲, 不過打後既事, 打後再算,

期待這張入場券~~~

佛誕, 約左班同學仔去長洲睇太平青蘸...雖然好多人及我同vincent早走, 但都玩得好開心, 買左想買既野, 不過係我地玩得好開心既同時, 原來四川發生7.8級大地震, 好多屋倒塌活埋好多好多人...當中以師生為最多, 因為大部份既都係學校

悲•喜交集原來係咁的