今日考第一科 ---- 圖傳

唔係好識

d題目好難理解

我認我既理解能力係低左ddddd ^^

但......完了

最激氣就係角度題

用左7個字畫個輪

點畫都唔岩比例=3=

咁就過左15分鐘

之後我就試下由頭開始畫

之後我至發覺車輪個求計錯數

本來既1.2cm變左做2.2cm

難怪我點畫都唔岩啦

咁就冇左d時間•  \ /•

唉~~應該冇望lu

希望報告果度拉到d分啦!!

今日終於下定決心溫書喇

不過個心好似浮浮沈沈咁

好唔穩定

溫溫下個心唔知飛左去邊度

雙眼就望住離我好遠既學校

好懷念呀=3=

琴日返左去補圖傳

返去既咁學怪怪的

雖然學校設施依舊

但感覺已非

離開不足三日就覺陌生了

人一出生不是一視同人嗎??

為何有些人會給人看偏

有些人便會得到他人的認同??

強者才有資格存於世上

弱者便要離開

遇強愈強

在逆境中自強

傻了!!  腦袋裝什麼的

不管什麼也好

明天加油!!

呢幾日我都好眼淺...

因為諗起o係學校既每一個片段

好多謝你地o係呢五年既遷就

識到你地我都好開心

升上中五就識左呀穎、穎汶、bb、文星、黑衣

穎汶雖然唔知點解同你點玩都唔熟咁...

但都好高興識到你

bb、文星、黑衣雖然你地成日都蝦我

但我都知你地都會有鍚既時候

呀穎多謝你呢年黎改變左我

雖然佢地成日都話係你教壞我

但其實係你教識我好多野

呢個至係真既我

係你令我唔覺得自己一個

係你令我多左好多朋友

肥盈中四開始我就同你一齊玩

多謝你呢兩年黎陪住我

咩都就哂我

多謝你呢兩年呢咁錫我

pig我睇左你比我既卡喇

我都知你係一個被動既人

所以我都冇要求過你d咩

我更加唔想逼人唔想做既事

不過我都多謝你

同你一起你咩都就哂我

就算我同d男仔玩得埋

你嬲...你都會忍住

多謝你既體諒...

葉sir多謝你

你悉心既教導但我冇令會到

每當我地班有咩事發生你都會幫我地

我應承你

我會考好呢個試

唔會白費你對我地既期望

不過可惜的是謝師宴當天你應該在澳洲

這有點令我失望

總有天我會回校探望你的^^!!

多 謝 你 地 ~!!

咁就一日 lu

惜別會開頭都冇乜野

點知到左葉sir唱歌果度

我就開始認唔住lu

哭了T^T

仲以為呀穎最快喊添

到最後原來係我=3=

之後到左F班為畢業生獻唱

我都冇點想喊既感覺

佢地唱既時候呀穎已經想喊咁

最終都哭了出來

之後黑衣、文星、bb都喊埋

我再望望周圍都喊=.=''

搞到我都喊埋一份

小學畢業都冇喊過

果時就好似放左個長假咁

一去無返......

但今日既感覺好唔同

有一種唔捨得既感覺

唔捨得身邊既人、老師

聽到葉sir講既每一句話都令我鼻酸

雖然兩年但都多謝你

放左學有班務

全班都留o你班房度

唱左好幾首歌

第一首既中段就開始想喊

好彩^^冇喊到~嘿

不過d女仔就喊得好勁

為左自己唔可以再喊就出左去^^

咁岩見到芝麻^^

同左佢拍照

唉~唔笑好過笑

醜!!醜!!

雖然我樣子一向也不美

但也不需要這樣對我T^T

令我討厭了自己的外型

不過當看見自己帥的一面

又愛上了自己=.=''

矛盾嗎^^"

SOR~我就是這樣的^^

話咁快就淨低一日

回憶返初中時候既我

因為地方陌生所以唔多出聲

d人仲以為我係自閉添

其實唔係我唔想講野

係我對f話題冇興趣

但呢幾年

我將呢個陌生既地方都慢慢熟落起黎

都冇話咩唔好

但講到尾最唔捨得都係由初中到中五所識既朋友

中四係我最大既改變都既時候

好開心識到佢地

可以令我從別人口中的自閉變成一個開朗既人

我o係佢地身上都學到唔同既野

同佢地一齊有喜亦有悲

當中的事都會令我成熟不少

有d唔熟落既都會講聲 HI & BEY ~

不過咁多年黎最要多謝既你教過我既老師

多謝你地咁多年黎既教導

就算我d成績幾唔好都好、行為幾差

你地都會盡老師既責任教曉我地每一樣野

雖然到而家都達唔到你地既期望

但我會盡我最後既力氣去做好每一份試卷

o係現實度我講唔到d咩

但我都想將份心意轉達比你地

聽日最後一次上堂

最後一次叫校長、各位老師、各位同學早晨

最後一次上堂時同老師請安......

呢d野可以以後都唔會再發生o係我身上

我會懷念讀書時既日子

或許時間會將記憶淡忘

但我都會把過去的回憶好好保存

希望明天我會堅強面對每個老師的訓話

面對我將來既人生

不要哭哦~~