心情不好~今天給那個中古史老師折磨，好痛苦啊！我先訓左覺，醒左之後，發現仲有成個半鐘頭！天呀∼∼∼∼∼∼∼跟住繼續訓，又訓唔著。咪同傻Ｂ傾下計，又聽下歌。
連聽歌都無用呀！我本來聽到多多咯的歌會好開心的，但果個老師把聲超大聲。本來我平時係聽＂１＂度的聲量，響果刻我要教到＂７＂先聽到平時的歌，聽歌的時候仲依然係要聽到少少他講野的聲！
天呀∼∼∼∼∼∼∼我終於遇到對手了，我仲以為自己講野好大聲，雖然係真，但我真係唔係佢對手！講野又唔清唔楚，可唔可以收聲？
坐又唔係，企又唔係，聽歌又唔係，我都唔知自己想點。可以用下列的四字詞來形容：坐立不安，生不如死。。。。。
上完課之後心情極差，好想罵人，最衰個天落鬼死咁大雨，把我弄得濕濕的超級狼狽。本來打算先番宿舍，但後來都係決定去食左飯先。
見到老公心情好了一點，但不見了心情又跟不好了。回到宿舍，不開心到爆，攞起個枕頭狂打。我一定係荷爾蒙失調了。
打完枕頭好少少，上網。總之成個人唔知發咩神經，好忟！原來在唔開心的時候，要令自己開心呀樂觀真係好難的。
發脾氣打日記好了，哈哈，咁唔錯呀抒發一下。唔開心的時候想開心又開心唔到，最好就係發洩一下，雖然不至於會即時開心，但總比屈住屈住好。嚴禁發任何人的脾氣，雖然我好想，但自己的唔開心唔關任何人事。還好（舒一口氣，合十），我完成任務健康歸來。
好了，已經唔開心左好耐了，唔準再唔開心，發洩完了。
|
