簡簡單單都可以好開心。

聽＂多多咯＂同自己中意的歌的時候可以好開心；天空很藍的時候，極度開心；壞的洗衣機居然可以脫水，呀哈哈哈，好開心；

買一本新的筆記本，漂漂亮亮的封面，很開心；買對了衣服，穿得好看，超開心；煲的湯和糖水有人喝，有人讚有進步，開心到彈起；

訓響床上面，張被軟綿綿，枕頭又換左，好舒服所以開心的訓；肚餓的時候食飯堂的飯，都唔錯，開心；

擦左新的指甲油，靚靚的，快樂；洗刷所，邊洗邊覺得好玩＝　＝＂，開心；朝早飲完蜜糖，便便去左，哈哈，腸腸你好叻呀，媽媽開心了；

坐ＢＢ車尾，最幸福；自己踏單車，不要害怕勇往直前，風吹過自己的面，幸福到暈了。。。。。。

以前我整天幻想，自己會做一個商界女強人，有權有勢，受人尊敬，幾開心呀！

但唔知點解，人愈大個，就發現好多小事，都會令自己好開心。

係我低Ｂ左？！唔係掛。。。總之無咩野心，生活愈簡單愈好。

咁都會有唔開心的時候，一定有而且比例唔少！不過可幸的是，見到藍天，聽首好歌，成個人又好開心好幸福了。

唔開心的野就唔好俾佢纏住自己嘛！衰野要來做咩？最怕就係自己唔開心的時間，傷害到自己的家人。生氣定悲傷好，我都唔係自己一個人，我同家人係一體的。

所以我成日俾呀媽發我脾氣，又俾ＢＢ發我脾氣（但比我細的家人，好似細佬呀表妹呀除外。發我脾氣？打你呀拿！），雖然佢地發脾氣的時候，我可以會有點唔開心，但好就好在，我記性真係好差好差，發完我脾氣一陣又唔記得了，可以好似咩都無發生，當然，最好可以俾粒糖仔我啦︿︿，呀哈哈哈，一食糖又好開心了。

拍緊拖的自己，我覺得自己的ＥＱ可說低了好多。我智商已經唔高了，拍左拖之後，更加低了，又中意依賴人。唔緊要，正面一點，而家的我，已經開始比較獨立（雖然係得小小進步）。其實獨立的自己咩都好，來呢度就係為左獨立呀嗎！而且我好唔想做人負擔。

愛自己就係獨立的開始。因為最愛自己家人，愛自己，所以想自己更開心。原本令自己開心的地方保持，令自己唔開心的野避開，找更多令自己開心的野！

我成日都擔心我擁有的野會失去，好怕好怕！好似我成日自己喜歡的人會有第二個唔要我。但而家（近兩個月左右啦）我開始慢慢調整自己的心態，提醒同警告都會有的（奸笑中），但自己開始慢慢放開了。

我本身個人就係中意懷疑。但原來成日擔心呢樣擔心果樣，個人會好辛苦的。為了令自己開心點，我決定放開點。

果個放開是，其實世界係好美好的。我相信自己的魅力（唔知醜自戀中），更更相信我自己的眼光，相信我選的是不同的。我之前係成日處於矛盾中，我想信，但又成日懷疑（懷疑自己的魅力，懷疑自己的愛人定力夠唔夠），其實咁下去對自己中意的人唔好，對自己更加唔好，可能會有精神分裂的＝　＝＂！

另外，做人唔洗知道太多咩大道理，識講未必記得同做到。低調，不邀功，成日開開心心，閒事別多管，關心家人，關心朋友，就ＰＥＲＦＥＣＴ了！理人地的事不如搞店自己先。以前我自己成日都係識講唔識做，而家改緊了，亦見到自己有進步（讚自己一下先，開心︿︿！）。

聽日又要上堂了，８點呀，上床睇多陣書書，就訓了。