2006年3月12日...人生的第一次係足球上得到獎牌~雖然只係一個季軍,但大家都好開心~!!!而切爾西既另一隊屯馬就囉第二,一個盃賽同一隊包辦亞季軍,總算係一個唔錯的結果!!犀牛亦成為切爾西一名英雄!! 係季軍戰上去到雙方互射九碼時,,犀牛連續撲出對手兩個九碼~~賽後受到各隊員的垂青!!!

講返自己既表現,,我覺得自己不知所謂!!唔知踢d咩~就連初賽第2場既點球都射唔入(最後保中)...人生既低潮期開始了==" ...我曾細想過,,點解自己會踢得咁差...細威同彊屍教我的,,學就學晒~點解係場上用唔返出黎呢?? 季軍戰既下半場大威同我講:「你點解踢唔返以前既水準架?」點解會咁..我既答案既心理問題..可以話比大家廳,,今日個個比賽,,我無試過可以控定一球..食晏個陣彊屍又同我講: 「幾日前呀陳家俊話個個8號仔呀(我)依家識用個身位踢波,真係學到野la,但d傳球技術差少d la~!!,,點解你練身位方面進步了,而傳球技術方面又退步了呢?」點解我落到場唔可以定d呢??我定d既話真係可以踢出水準的!!....眼看身邊既隊友一個一個進步,,雖然我每一日都努力操練,,但被領隊說自己退步了~我仲差d咩??

晚上切爾西及屯馬所有成員去左紅橋打邊盧..今晚好開心..但我唔係真係咁開心...係咁飲係咁飲!!!細威醉了...我自己都醉了,,可能細威同我既諗法差唔多,,都覺得自己今日既表現好差~~!!!! 估唔到原來彊屍都醉埋,,係我地走左之後先知喎~!!!!

今晚陪左大威、阿華、金伯去觀塘睇波,七人王盃同組兩隊對賽,你輸十成對黃雀~今晚睇過兩隊都超勁,無輪身位、速度、技術都係一流,個個都好撞得,睇到我真係唔捨得走~大威突然問我,你有冇信心撞贏人地個個中場? 我無答到呀~ 睇完呢場比賽後,,我覺得切爾西同出面球隊比較仲有好長距離,, 大威講得岩既,, 現在切爾西既踢法係七人王根本贏唔到~ 特別是中場爭取好利害,,大威仍講過話:我地唔係要一個好快既球員,,我地係要一個可以係50分鐘內不停奔跑,有體能的中場去攔截,,領隊說到呢點,,我覺得自己非常重要!! 睇黎廳日開始我又要加倍訓練自己既身位同技術了~~加油!!!!!!!!!!!!!! ****今晚金伯請我地食飯,,不過我地去個間茶餐廳都唔係太好!! d飯又唔算好食~不過算la金伯請食飯都好少有的^^"!!!!

今晚秘書同我分享左佢既經驗,,佢講得好岩架~亦對我非常之有幫助!!! 真係多謝晒妳對我的支持呀!!!妳都要努力呀!!!

仲有幾十日時間,, 最近心情開始平復返,, 可能已經睇通左好多la.. 同埋仲有好多機會見面呢!!!so我唔會太灰^^"

最近發覺自己已經完全投入係足球世界中,,日日都係咁踢波,日又踢,夜又踢..好耐無真正休息過~就連身體重要既野都遺忘左=="

無計,,3月12日對我非常重要!! 我諗踢埋3月12日個個盃賽,, 我應該可以真真正正咁休息返一個星期了~ 今日feel到彊屍踢波特別火爆=="真係唔知點解...記得今日仲射入左一個世界波~ 係後場大腳傳上前,,之後彊屍回比我~我控左一下,,之後就黎一個腳指尾拉犀...個波好勁,好犀..連龍門都接唔到呀!!! 訓練既成果呀!!

夜晚秘書同我講左d野~我同佢都感到有點無奈~但亦唔會介意~ anyway..FD

今日無神神又落雨喎..係屋企既時候係好凍,,但點知出到街又好熱喎~搞到踢波個陣又要除多件la~麻煩呀!!!!

秘書(阿慧)終於出席切爾西既第一場比賽la~今日我地既對手係佛梁,,仆街丫,,人地得5個話叫我地5踢5,,咁大個場真係同你5踢5呀?!!? then阿金同阿強過黎幫左佢地一陣~佢地個幾個主將黎左先算係正式比賽了~無驚無險呢場比賽大勝對手12:1~ 賽後我同秘書傾左幾十句關於球員的事,,秘書話我今場無咩信心作出射門,,諗諗下...我近來既比賽既射門都係唔入~~..已連續4場入唔到波la~ 我要比多d信心自己,,我相信呢次無入球既低潮好快會過去~ 好快我就會入波的~!!!!!

比完賽,,返碼頭...去左金口食飯~好好食呀真想~下次一定同妳一齊黎食先得^^!!!!!...之後我地去左七人場~ 我同司徒and家豪係咪踢龍門~ 原來我穿回白飯魚..遠射既力量仲勁呀!!!! 今晚射出好d美妙既遠射呀!!!!! 晏d秘書又落黎陪我地踢波~ 我地練左幾個game...最後就玩馬騮搶球,,秘書又教左我唔少野la~^^...玩到球場關燈..大家就停了~!!!!! 今日真係好攰!!!但踢得好開心!!!! 希望可以係3月12日前操返fit d狀態la~~ 目標係冠軍呢!!!!!!

P.S.>>THANK YOU晒呀~妳整個D野好靚呀~!!!!

今日訓到好晏先起身,,but早上10點幾既時候睇到阿慧Send Msg問我醒左未,,本想send返msg比佢,,但唔經唔覺我自己又訓返..哈!!個幾鐘後阿慧又send過黎問我有冇人呀??都係未醒~係咁訓下訓下就下午1點幾了~ 終於覆返msg比阿慧,but好遲~

下午好耐無見既表弟阿bee過左我屋企,,無見佢幾年又大個左大肥仔左~好Cute呀!!!

今日成5點先落左踢波,,落到球場又要等到6點先有得落場踢~無奈!!! 最後我地踢左個幾鐘就去食飯!!! 今晚又有好多人陪我食飯了~彊屍,大威,肥成,豪屎,金伯,細威,碧咸,有根...今晚既金口好旺場,,搞到我地d飯都遲左好多先黎~ 食完飯去球場練波,,平時星期五好多人踢波既七人場今晚又無人踢,,我地切爾西又可以霸晒成個場玩,, 今晚我覺得自己踢得好好,,可以達到領隊們叫我既要求..希望可以keep得到咁既狀態la~星期日又有場友賽,對佛梁~諗諗下我已經連續踢左十幾日波la~就快變鐵人了哈哈~!!! 最近真係要多謝阿慧既鼓勵~!!!佢比左好多好有用既意見我~thx晒!!!!^^"

今日拒絕左一個唔可拒絕既約會,,我諗謝西加以後都唔會再搵我了~ 連續兩次我都話唔得嫻~!!!後悔都無用~ 鬼叫自己咁like football咩下話~!?!?!?!