講返琴晚..琴晚去到七人場發生左d唔太開心既事~but過左一陣又無事了!! 我想係度講~ 有一d"仆街"真係唔應該踢波~落到球場唔比人撞得,,一撞幾撞就會打九人!!踢波又唔係勁過人喎!!..呢d仆街係垃圾!!係足球界既敗類!!係廢物!!本來我唔係好想公開佢個名~但呢個仆街真係好仆街!!so我要講:『X健兒,,好心你唔好踢波啦!!你唔好當我唔識你!!我早幾年已經見到你個個七頭皮la!!唔比人撞得就唔好落球場踢波~仲有呀..我係有心撞七你架!!不過我只用駁頭撞你,係合法的!!我用個駁頭撞你你已經站不穩,你點射波架?!返去練多幾年啦~我d身位其實都算廢廢地!!不過我心諗我唔想同呢d人踢波囉~!!』....打完呢段!我仲有少少慶!!!!!!!!!!!!!!!!!!!!!!!!!!

講返今日,,落5人踢波~同康仔,豪屎....今日落去都偽"唏"下咁~~晚上同司徒豪屎去左海趣坊KFC食雞,,真係估唔到晚上都咁多人~..食完後......同金伯,阿華,強,威個D去左M記坐~~因為落好大雨SO無得踢波~~今日就係咁啦~!!!!

今日係切爾西既比賽入面終於破到入球荒....一係唔入,一入就入兩球~!!~仲有一次助攻~!!Keep住呢個狀態踢好日後每一場比賽啦~!!! 但最後呢場比賽我方輸左12:15...但我覺得勝負唔係最重要,,最重要係比賽過程~!! (今日係切爾西今年最多人出席既一場友賽呀!!!!統計過有22人~~!) 晚上返碼頭食飯~ 好耐無去既美味屋今日好多人~我地坐唔夠十分鐘都無人幫我地落單~仲要無珍珠奶茶(大家既最愛)..so我地就去金口食...食完飯再去踢波la~係咁多la~晚上同豪屎行返屋企個陣豪屎同我講話"好多人話你進步左!!!"~有d開心^^^ 我會繼續努力!!!!

最近身邊有幾個朋友都幾頹下~ 希望佢地唔好再頹la~ 希望在明天呀!!!!

今晚去踢波,,有個新球員加入,,佢叫Johnny,,第一眼真係估唔到既,,佢既外表好鬼正~(光頭)...

then同佢踢波,,佢踢波都幾得~~仲可以打龍...勁呀!!!

今晚我地切爾西係七人場踢得幾好~差唔多可以話係Full Team既陣容....GK,,Johnny...中堅肥成...左閘..康仔..右閘..彊屍..中場,,我+B樂....單箭頭阿洋~ 呢個陣容差唔多壓著人隊波隊黎踢(人地隊波都幾強下架).門將救到..後防猜到..中場搶到做到..前鋒射到~都唔知入左入地幾多球啦~~彊屍講左D鼓勵我地既說話~4月11日對你輸十成Keep返今日既狀態一定可以贏到既~認同呀~!!今時今日既切爾西已經唔係一年前個隊了~!!!!大威亦講到~到贏你輸十成一定要搶贏個中場~ 我對自己有信心~亦對另一個中場拍擋有信心~~!!! 我相信11日一定可以踢到一場好波的!!!

踢到11點幾...大家都坐晒係度...then大家我介紹隊友比Johnny識...哈~大家已對呢個新隊員產生興趣了~係咁圍著佢同佢吹水~呢個情景我又諗起阿ben想當年岩岩黎個陣都係咁la~^^^...咁都係一件好事黎丫~我地應該多多照顧新加入既隊員呀!!!!

今日係清明節,拜山既日子,琴晚成5點半先訓...訓唔得好耐,,then媽子7點10叫醒我,叫我地十點幾去拜山,哈哈媽子走左之後,我再訓多陣~重要開埋冷氣添!!!..then十點3醒左,同阿妹細佬坐的士去憤場...去到見到好耐無見既老豆,佢依然都係目口目面咁~而家樂仔都係咁~仲係叫細佬做古巨基~細佬真無奈呢~!! 熱到仆街呀真係~ 十二點幾就走...都係同細佬阿妹坐的返屋企~返到屋企決定繼續訓醒...訓到7點幾...起身食飯~ 好耐無係屋企食過晚飯了~氣氛都係咁無咩點變,食完飯後第一時間去踢波了~今日就係咁啦~(夜晚見到湖翠樓垃圾坊火足==")

今晚一場大戰,,對榜首既金沙...呢場波開始好多球員都話去唔到=="...但最後都可以夠人踢^^".. 比賽前,,我心情還有點緊張,,因為對手是有退役甲組球員的金沙,,上個回合我們輸0:13...呢場波我無去,,但廳返好多隊友講話人地好猜得..會猜到我地頹~~但近幾場切爾西都有好表現,,雖然唔係場場波都贏到~但球隊有進步大家係睇到的~so今場波本著平常心去踢~...但估唔到上半場人地隊既攻勢已經很人肉,,多得鐵佬同超人叔ja...大家一家諗唔到既賽果,,半場完切爾西只以0:1落後比金沙,,可能係因為咁,,令到大家多左信心去踢!!下半場我地攻勢亦不遜對方~~阿洋去左個九碼球令到全隊士氣大增!!!!!(好野)...而我亦用打不死的意志來支撐已皮累的身體~可惜可惜,,最後我地輸1:4....!!!但完場後我們全隊沒有頹的感覺!!反而增加了大家的信心!! 今日既我比平日的我更努力....那個"打不死的意志"就是"金剛精神"(大家明啦)...雖然我有多次失了位~~但踢完場波後,,我想了自己有咩做得唔好,,最大問題係慢,,彊屍都係咁講~so我要再強化自己!!!包括體能及技術~因為往後仲有凱揚足總盃同七人王聯賽(仲有好多波踢呀陰公==")