今日係去動漫節既大日子,,一大清早就起左身,,之後約埋碧咸、BEN、威等人一起去食午飯,,食食下午飯,,有根打比BEN又話想去,,SO我地食完飯,,就係車站有根一齊去,,果然,,有根今日既服飾,,完全係返大陸既溝女戰衣黎~!!!! 之後我地就坐962出去了~
係坐車的行程中,,打左比妳..OHOH..講左十幾分鐘就掛線了~因為唔夠分鐘,,無奈=.=" 之後先知道原來係晚上7點後打係平好多的~..下次都係係7點後打啦~... 到站後,,行過天橋過會展,,果然同每一年一樣都係咁多人排長龍..呢個時候有婪又係度發晒老皮咁~不過呢D先係佢性格...等左差唔多六七個字時間,,終於入到會場了~好迫呀...我地坐左一陣..就無無啦咁分開左2批行..我同BEN AND有根...碧咸就同阿威行.... 今年既動漫節無咩好睇,,無自己想睇既漫畫,,邊一樹都好多人,, 都唔知想點好啦~ 只好好睇下飾物就算... HAHA估唔到有根咁快就做野~ 佢問一個好似小龍女既姐姐囉名喎... 好有擔色!!! BEN睇到有根咁勁,, 自己又想做野識下女~ 之後會集埋碧咸等人,, BEN真正地出手了~ 因為碧咸有相機,, SO可以同D女影相之餘,,又可以問埋人地電話,, 好快手地,,BEN已經問左2個靚女囉到MSN..好勁呀~本來BEN想繼續搵女..但呢個時候碧咸因為要去做節就走了~ HAHA無左碧咸,,BEN就好似問唔到女囉電話了~ 行多一陣~ 我地就離開了會展~ 就咁,,我今年既動漫節之旅又完了,,無咩野買到,,只係買左兩條手繩(點解要買2條呀?人地話平喎,,妳信嗎?!?!),,同埋同碧咸佢地玩紋身,,我自己紋左落隻手中間,, 總結,,兩個字,,無奈!!
離開了會展後,,我地4人決定去尖沙咀,,經過金紫荊廣場,,威幫有根同BEN影左一張好得意既相,, 之後行過去灣仔碼頭坐倆個二既渡海小輪過海,,過到尖沙咀後,,打比剛約好既女仔FD,,但佢朋友聽話佢行開左,,之後我朋友又無再打黎啦~本來約左佢食飯,,但今日到佢放飛機了~哈哈~要減一次呀!! 等唔到朋友電話後,,我地又決定左MK食晚飯,,今次唔係坐MTR,,係坐巴士去..好快既車程就到MK了~係MK行左一陣,,睇過幾間食店,,都唔係咁好咁...其實有好多介紹都幾好架,,但要就返身邊既我~ 最後決定左去女人街條行既一間叫[米飯班主]的食店dinner了~ 呢間[米飯班主]既食店,,裝飾都幾好下,,d服務員既態度可以話係超好呀(好過時下m記的職員)~ 但係叫野食既時候,, 有根無啦啦又話唔食,, 搞到一時數慶,,但有根既性格最係咁,,係兩分鐘後又無啦啦叫野食啦~ haha真係要比位佢落台佢先識做架~ 然後大家都可以開心地食飯了~ 呢間店d扒都真係幾好味下,, 但我自己唔太鐘意食沙律了~=.=" 食完之後,,個服務員仲會問我地今餐岩唔岩口味+靚靚笑容,, 就係呢樣野,, 可以令我將這一間[米飯班主]記落我本私人記事薄,,下次必定再來幫親!! 好呀!! >>呢間食店,,唔知下次我有無機會可以帶妳來試一試呢^^?
食完飯,, 我地係mk行左陣睇左陣野~ 睇完再行去麥花臣球場睇一睇人地比賽,,不過今晚無正式比賽只得友賽,,氣氛就麻麻~睇完十點幾,,就去車站坐車回家了~^^..這就是今日發生過的事情了~謝。

今日大部份時間都好大雨呀...早上既時候,,由於我想做既重要野仲未夠鐘,,so我再小睡一會兒,,想不到一醒來就已經係中午12點了~食完野後,,收到來電,,都已經估到係她打黎啦^^" 本來我係想係12:45分呢個時間打比她,, 但她總是比我快呢^^" 但沒所謂啦!! 最重要都係睇下大家有冇心姐
下午回到家的時候,,係咁執去練波要用既野,,暈了,,執來執去都好似差d野咁~ 這個時候她已經回到了家,,我們msn上聯絡,,傾了一小時左右啦~ 但係點傾我都係唔捨得啦=.="...因為她要出走回到老家幾天,,放她的大假了~!!!..大約16:15分左右我就出了門,,去七人場等齊人去練波,, 但始終我都係最早既一個,, d隊友永遠都唔會準時到達的~ then呢個又話買野做那個又話返屋企囉野,,搞搞下又搞到成5點先出發了~ 哇哇哇~上到車的時候,,真係真係非常之大雨...這時係咁打比d隊友確定佢地出的會否出席,, 去到球場時已經17:50,, 等齊所有隊員,, 由根哥幫我地清場,, 清左場後,, 終於可以練波~ 今日由ben做我地既暫代教練,,佢今日教了我們一些"歐洲式"既訓練方式~ 大家都幾得已好玩咁.. 本來氣氛唔錯,, 但超人叔來了後與領隊有少少爭執後離去球場,,搞到氣氛麻麻,, 但到最後既小組球賽後大家就再次精神起來了~
呢一次練波,,學識左好多野~好期待8月11日開始既訓練,,由ben教我~希望好d到個那一天啦~!!!!
練完波,,由於我同ben,,根哥,,康等人要出去尖沙咀,,so我地步行了附近的大興體育館沖一沖涼先,,在前往之前ben教左我點教爆炸力同力量既方法,,期間用左5-8分鐘時間,,之後大家行了,,但各人在去到體育館時已經好累了~(因為係青田步行過黎大興都要行成3個鐘)...各人就立刻搵個岩既位置,,各走入更衣室沖涼了~ oh....真係舒服了^^
沖完之後根哥又無啦啦整個中間分介個,,真係唔得呀,, haha見到ben有德國特產既頭臘,, 我又要借來用用了~但始終都係用返自己的好.....各人沖完涼後,,我再致電給我約實了的2位女性朋友,,但無奈地,,佢地有個話返左屋企,,有個無人聽,, 搞到好無奈,,因為幾日前應承左ben話介紹女仔比佢識,,仲歐過手指尾的~ 但ben都無唔開心,,佢話"你都盡左你力搵佢地了,,我唔會怪你..我當時既心情先無咁無奈ja~ben你真好人呀~!!!
大家決定唔出尖沙咀後,, 就去左chelsea廣場食m記,, 係路途上,, 我一直掛念她"...然後我問ben有冇idd卡,,haha佢話有,,搞到我不知幾開心呀!! 但佢話係德國個張先有,, 當場比佢吹脹呀,, 根哥之後又話可以係7仔買d idd卡打的,, 係去m記前我就買左了~ 但買完不後根哥又係咁幫我操作操作~ 搞到去m記,,根哥都未搞得掂,,然後ben再幫我試下操作 ,, 就得左了~開心呀!! 終於致電了給E小姐啦~ 但我只係講了幾分鐘就掛線了~無計!
食完m記,,大家又諗左好耐,,本來話去打牌大家都話唔去的,,但聽到ben話玩1亳子1番,,大家都舉腳贊成了~!!
haha~果然,,行上了麻雀桌的根哥才根哥~ 但好明顯佢係一個牌品既人黎~ 康仔同碧咸又係咁咀七佢喎~ 搞到佢西晒手面咁~!!
我打左3個東已經走了~因為當時已經12點幾,, 唔想咁夜返屋企同埋唔想有人擔心我~!!
今日我就係咁過左啦~ 但要講到今日最開心的事情..我覺得都係同昨天一樣,, 就係與E小姐通電話的時間了..唔知點解,,與她傾電話的時候總是覺得好舒服,, 咩都會講晒比佢聽,, 感覺真的很親切~我唔知這一種感覺是否我所想的...那種感覺,, 因為我從未試過,, 希望可以再用一點時間證實一下啦~
haha..剛剛應承了E小姐要上床睡覺,,但好想給她看到我今天所發生的,,及開心的事情~所以我希望將我今日的感受記下,,可以和妳分享^^"

明天就係去漫畫節既日子~ 好期待明天呀!!!!!!!!!!!!!!!!!!!!!!!!

現在我真的去睡覺了~3:30am

早晨呀各位~!!! 我又好早了起身了~!!!

又玩下100題了~各位慢慢睇了!!

1.)人地通常點叫你?　阿倫，小倫，Frank
2.)1日會訓幾多個鐘?　平均5-6小時
3.)星期日,鍾意留係屋企訓覺定出街玩?　留係屋企訓覺
4.)你鍾意黃偉文多D定林夕多D?　黃偉文，因為對林夕無咩印象
5.)聽歌,比較注意歌詞定旋律?　歌詞可以打動人心，旋律可以令聽者聽出意猶，兩樣都注重！
6.)用1首歌去形容你自己而家GE心情?　梁靜茹．勇氣
7.)你而家有冇拍拖呀?　冇
8.)你男/女朋友告白先定你告白先?　都無拍拖，邊有呀！
9.)你鍾意你男/女朋友多D定佢鍾意你多D?　同上=.="
11.)你係自戀定自卑?　絕對性自戀
12.)你鍾意天地長久多D定曾經擁有多D?　當然係天地長久
13.)做錯野時,,你怕道歉嗎?　唔怕，做錯事一定要承擔！這才是男子漢！
14.)係咪成日都唔交功課?　中學時係
15.)你覺得抄功課係錯事嗎?　兩睇囉，有好有唔好！
16.)你最討厭GE老師係邊個?　無
17.)係咪成日遲到?　唔係
18.)係咪成日都覺得自己黑仔?　以前係囉！
19.)有冇1個搞到你喊GE朋友?　有
20.)做朋友,你認為乜野係最重要?　友誼
21.)會唔會接受朋友對你GE批評?　會，有批評才有進步！
22.)最好GE朋友講左個好大GE大話呃你,你會原諒佢MA?　會
23.)試過俾人搔擾未?　試過，經常都係啦
24.)你覺得乜野係最令你煩擾?　訓緊覺既時候有嘈雜聲
25.)講1個你認為最有效GE減壓方法?　唱Ｋ，踢波
26.)會考你拎幾多分?　未試過會考
27.)覺得自己能幹嗎?　尚算能幹，但還可以做得更好的！
28.)喜歡依賴定靠自己?　靠自己
29.)有冇成日拎住部數碼相機影相?　無
30.)鍾意俾人影定自己玩自拍?　比較鐘意自拍多Ｄ
31.)你部數碼相機係乜野型號?　無
32.)點解你會買呢部數碼相機?　同上
33.)你用緊邊部手提電話?　checp checp的
34.)有冇諗住換?　有
35.)近排做過乜野,令你覺得最"N0R"?　被公司樓下的看更阿叔笑我傾電話傾得耐~
36.)做完1件好"N0R"事之後,,你要用幾耐去忘記呢件事?　1分鐘
37.)有冇邊種外語,你係比較擅長?　無喎，日語啦∼識少少咁
38.)你信唔信"星座"?　少少信啦
39.)你覺得自己似唔似你果個星座?　似呀∼天生是領袖
40.)你覺得蔡依林有冇特登扮濱崎步?　唔覺
41.)你有冇發過明星夢?　無
42.)你覺得自己有乜本錢去做明星?　無
43.)鍾唔鍾意唱K?　勁鐘意
44.)最鍾意唱邊個歌星既歌?　好多，講唱得最多個幾個：劉德華、梁靜茹、古巨基
45.)鍾意幾多個人1齊去唱K呀?　2個，唔洗爭咪
46.)鍾意NEWAY多D定加州紅多D?還是有其他好介紹?　加州紅，因為積分比較多∼同埋成日都去
47.)點樣會令你覺得1個女仔係"姣婆"?　聲線同個妝
48.)如上,點樣會令你覺得1個男仔係扮型?　前額剪輋陰，under cut個ｄ男仔
49,)邊個明星係令你覺得佢係"姣婆"?　葉船
50.)有邊個明星係令你覺得佢係扮型?　未諗到
51.)最鍾意GE牌子?　adidas
52.)比較鍾意咩季節?　聖誕，氣氛好正
53.)最鍾意GE動物?　唔鐘意小動物
54.)最鍾意GE商場?　尖沙咀海港城
55.)最鍾意GE明星?　劉德華、奇洛李維斯
56.)最鍾意GE顏色?　藍＆紫色
57.)最鍾意GE電視節目?　殘酷一叮
58.)最鍾意GE雜誌?　進攻足球，足球週刊
59.)最鍾意GE人?　無
60.)最鍾意GE球隊?　車路士、皇家馬德里
61.)你妒忌心強唔強?　比較大方
62.)容忍到你EG情人1腳踏2船嗎?　完全不可容忍！
63.)講出你GE座右銘?　「別人說我太瘋癲...我說他人看不穿」．「人善人欺天不欺，人惡人怕天不怕」
64.)最常講GE粗口?　仆街仔
65.)講出你而家最想買GE野?　Adidas最新款既黑金色平底球鞋
66.)你鍾意地鐵多D定巴士多D?　地鐵，因為日日都坐
67.)你普通巴士多D定空調巴士多D?　空調巴士
68.)你對ROAD SHOW有乜感覺?　Vivan梁慧嘉係其中一個節目主持
69.)你有最多邊隻牌子既衫?　adidas
70.)最多邊隻牌子既鞋?　adidas
71.)你用邊隻牌子既護膚品?　Gastey男性洗面乳
72.)你用邊隻牌子既牙膏?　高路潔
73.)你用邊隻牌子既洗頭水?　Rejocie
74.)你用邊隻牌子既沐浴露?　澳寶菊花味
75.)你用邊隻牌子既M巾?　無
76.)你最肯花錢係邊1方面?　踢足球方面
77.)依家面前係1個你好憎GE人,唔該講句說話寸下佢?　係咪未比人打過呀？洗唔洗打獲勁呀？
78.)依家面前係你GE夢中情人,唔該講句說話"lum''下佢??　我唔識講Ｄ咩甜言蜜語，但．．．我愛妳，我唔知點解，但我想．．我真係愛妳
79.)邊句說話會即時令你嬲爆?　問候家庭成員的說話
80.)兒時夢想同現時理想,相差大MA?　係職業球員同業餘球員的分別
81.)有生以來,你做過乜野令自己最內疚?　唔信任，懷疑我的好朋友司徒，但現在已和好
82.)你信唔信有外星人?　唔信
83.)你覺得地球人叻D定外星人叻D?　地球人
84.)你鍾意董建華多D定曾蔭權多D?　曾蔭權
85.)你係香港人MA?　係
86.)你喜歡香港MA?　鐘意
87.)為左香港GE下1代,你會唔會聽曾司長講,生3個?　一半一半啦
88.)你想你GE婚禮點樣舉行?　想在豪華郵輪上與我的愛人一起說"我願意"
89.)你想去邊個地方度蜜月?　米蘭＆夏威夷
90.)你試過"愛到要生要死"的感覺未?　暫時未，希望將來會試到
91.)你試過係條街上面喊到7彩未?　未
92.)你討唔討厭狐狸精?　一般
93.)你試過遇上狐狸精未?　試過
94.)講出1個折磨狐狸精GE方法?　未諗到
95.)對上1次係條街上面仆親係幾時件事?　十幾年前了，腳踏實地的人唔會咁易仆親
96.)你覺得係條街仆親瘀D抑或俾人係條街勁大聲響你全朵瘀D?　前者
97.)你係男或女?　男
98.)你係邊個生肖?　牛
99.)你係邊個星座?　白羊座
100.)呢個問卷係咪好好玩呢?　係呀！

haha,, 今日係我的枱子中隨意囉了一件玩具走,,原因係要送給美味屋(我常幫親的食店)的老闆娘,,但晚上送到比佢,,佢話要BB玩具,,其實我囉比佢既都算係BB玩具黎丫,,D BB都會玩下玩具車咁架~ 暈呀!!! 睇黎又要囉多件更BB的BB玩具比佢先得~!! 但送玩具還玩具,,老闆娘都無話要請我食一餐,,呢一餐都係自己比錢...但無係個度食,,外賣買返七人場食,,而阿威就係坊間小聚買外賣,,haha似乎每日係坊間小聚的待應們都日日唔同人咁,,今日又黎左一個未見過既女仔,,oh...但呢個女仔係cool牙既~阿威就話cool完牙d女仔係靚d既~不過我覺得如果佢唔笑既話都幾靚女^^",,呢個cool牙既小女孩,,又會唔會成為華哥既新目標呢??(因為佢係啟豐既目標已經失蹤多日,,so華哥睇黎要轉目標了),,買完外賣去到球場,,當開始食既時候有點後悔了,,因為見到阿威個個菜飯好似仲好味d...個送係白汁火腿魚柳,,睇到都覺得好食,,真係後梅了~睇黎呢個"坊間小聚"d晚餐都係好有桌頭,,唔怪司徒都日日幫親啦~^^"

講返今晚踢波,,球場好多隊呀,,成4,5隊,,而我地隊都踢左2場波,,表現算係好啦~今日我打清道夫係咁頂頭鎚,,頂到就暈了~但好好彩個頭唔係點亂到~ 賽後問過華哥,,佢話我唔會長期打6號位(清道夫),,最係踢中場岩我d,,但近來踢6號位都覺得自己幾好表現!!! 而踢呢個位置更可以訓練我既位置感同防守力。(唔講太多波了~費事悶親讀者呢@@)

今日無論早上上班或是外出工作,,都係車上小睡片刻..上到車就好想訓..不過係車上睡一睡都幾好..搖一搖又醒下,,醒完又訓番,,真係幾過穩,,不過有時就會唔願意醒...我今日都特登坐荃灣線去港島都唔坐東涌線..因為荃灣線一定有位坐..同埋可以訓半個鐘先出站~正呀!!
下午買埋午餐回到家中,,見唔係咁肚餓所以係樓下買左大快活既午餐食就算..一隻密密燒雞翼同一個小小的豬扒包,,幾頂肚下..食完見仲有d時間所以睡了一會兒,,18:30就醒左,,之後換衫出街~哈哈~我換衫都搞左成個鐘~換黎換去咁..都唔知想點..最後都係覺得"舒暢裝"比較岩我~ 出到旺角..因為一d原因搵唔到我約左既FD,,搞到我有點兒無奈=="所以就自己去左食晚飯了~都係去返經常去個間新成記,,今次試下食魚面..但覺得同胡冬無咩分別,,又無魚味..食完都唔覺得飽! 真係無奈了~ 去左咁多次,,今次最失望,,因為魚面唔好味...下次都無食返幼面算了=="...食完野後就去搭車回家了=="
>>>>>有樣野真係好想講架,,今日終於打左比一位新朋友女E小姐(唔提名),,估唔到可以同佢咁多Topic,,咁多野傾...同埋大家有d諗法都好相似,,幾乎好夾咁la^^"...但係大家唔洗誤會了~haha大家係朋友黎~有好多fd一定會問我"阿倫,咁夾點解唔溝人地呀?"...我想話比大家知,,經歷過咁多事後,,我明白了愛情呢樣野唔係你講一句話鐘意就鐘意..要互相了解先知道岩唔岩對方的!!但係愛情同友情係我心目中都好重要!!講真個句,,今日同個位朋友傾完電話之後,,我感到好開心,,簡直可以話從心裡笑出黎咁^^"....P.S.比佢加左D意見後,,我相信呢篇日記比之前既更完美呢~ 這篇是一篇完全無講足球既日記呀