| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2019 年 7 月 31 日 星期三  |
| 改善基因，回復年輕@Geneoo |
分類: 療程篇 |
之前去做皮膚測試，結果顯示皮膚底層缺水，自問有做足補濕程序，但補極濕都係乾，都唔知點做好?!
之前好開心出席左Neo Derm 全新品牌 Geneoo基因表現品牌發佈會，仲請黎脈衝光學嫩肌之父 (美國史丹福大學皮膚科研究學者) Dr. Bitter帶領我地感受基因逆轉之旅，見證真實用家效果，令到我對醫美療程投下信心嘅一票!
最最最期待就係可以去到旺角朗豪坊分店體驗Geneoo「基因表現療程」，技術獲美國FDA安全認證 ，有效改善近60%相關基因表現，除左可以提升黑色素代加速謝力 ， 均勻亮白膚色，亦可以增生透明質酸 ，有效鎖實肌膚水分， 可以令肌膚加倍自生膠原， 撫平細紋! 療程流程令肌膚年輕10年，真正從根源擊退3大肌膚老化問題，回復白滑原美肌!
治療師首先為我進行卸妝及潔面，然後帶上眼罩後，就開始進行療程 (先做全面2 次再轉機頭在重點泛紅位做)，過程絶對舒適，只有微光及微暖，療程時間大約 15分鐘!
之後敷返個保濕面膜就完成啦，仲可以化番個妝先走，之後同人約會都無問題!
完成後皮膚變得帶點光澤，暗黃感減退、亮白咗，一次療程都有咁嘅效果，滿意呀!
療程可以通過gratus網上自行預約及購買，過程簡單方便又怕比人hard sell，預約同付款完全網上搞掂
依加可以半價$800體驗Geneoo基因表現療程 (價值$1,600/ 次)，咁快靚正嘅療程，你唔係唔試呀?! 哈...哈....
詳情：https://www.gratus.com.hk/s/2496WN
@Geneoo基因表現
#Geneoo #基因表現 #回復年輕 #水潤感提升 #有光澤 #FDA認證 #臨床十年實證#肌膚年輕不老 #gratusBlogger #gratus
療程由品牌提供，內容為個人感受
contact me : [email protected]
|
| 水準之作@Hugo Le Resto Grill |
分類: 飲飲食食 |
要係老銅搵地方開餐, 唔想太過"熱鬧", 有時都會選擇去樓上餐廳
呢間對住繁忙嘅馬路, 一推門入去又好似入左另一個世界, 由於時間尚早, 訂左位嘅客人未到, 可以悠閒咁開始我地嘅晚餐
昏暗燈光幾有情調, 枱與枱之間唔算太近, 傾計都free D!
特大餐牌睇得好舒服, 呢個Signature Dinner價錢由二百幾至四百幾, 價錢可以接受!
點菜後侍應先送上餐湯, 熱辣辣嘅干邑龍蝦濃湯, 配上麥飽及脆口蒜蓉多士
湯質唔會太杰, 仲有龍蝦肉粒, 真材實料無花假, 味道帶少少酒香味, 唔錯!
晚餐包埋自助沙律吧, 款式種類都唔少, 有多款沙律菜, 甜椒, 粟米粒, 粟米仔, 車厘茄等可以自製沙律; 又有已撈好嘅薯仔沙律, 蘋果沙律等, 仲有西瓜及菠蘿, 夠晒健康!
主菜方面分別叫肉類及意粉各一, 均衡一下營養嘛
首先出場係呢客美國頂級牛腹肉扒 ($288), 以鐵板盛上, 下面有個蠟燭保持熱度, 成件牛腹肉扒已切成數件, 方便進食! 燒汁另上!
點了七成熟, 切開仍然見到帶有紅色, 肉質鬆化得黎又有少少嚼口, 肉汁係口腔內爆發, 食到應有嘅牛肉味! 唔怪之得目測唔少客都有叫呢客肉!
配菜有炸薯條, 炸得夠乾身又夠長身, 薯味偏濃, 牛肉同薯仔重來都係好拍檔
意粉代表有呢客非凡鮮羅勒香草醬海鮮扁意粉 ($258), 份量都幾多, 海鮮有三文魚, 魷魚仔及蝦, 蝦隻夠晒彈牙, 其他配料有茹菌及甜椒, 顏色配搭吸睛!
扁意粉口感幾適中, 以羅勒香草醬入饌, 食到羅勒獨特味道, 有別於經常食到嘅蕃茄醬, 唯落少D油會仲好D!
包埋餐飲, 估唔到杯咖啡有D驚喜, 入口香濃幼滑; 而精緻甜品有香濃朱古力蛋糕及好"芝"味嘅紐約芝士餅, 呷一口咖啡, 食一口甜美糕餅, 互相輝映!
Hugo Le Resto Grill : 銅鑼灣怡和街42-44號華人銀行東區大廈2樓
contact me : [email protected] |
2019 年 4 月 23 日 星期二  |
| 潮系韓菜館@Lab 10 |
分類: 飲飲食食 |
有日行經呢個商場, 見到呢間銀白色裝修嘅餐廳, 睇下食咩, 原來係韓式餐廳
再望下門口嘅餐牌, 食物選擇有燒烤及其他熟食, 再望下價錢都可以接受, 見有位就入去試下
由於肚餓指數頗高, 先點一客韓式海鮮蔥餅 ($65)作為前菜, 份量唔係太大, 但作為前菜就好合格!
煎至金黃色, 邊位煎到香脆, 餅漿入面有唔少蝦隻, 加埋洋蔥碎, 再點埋特製醬汁, 好味喎! 好快就被清碟!
呢度有除左有特式飲品外, 仲有Juice Bar, 平衡你身體營養! 今晚無飲Juice, 改飲呢杯清新爽口嘅蘋果梳打 ($28), 賣相靚仔, 香甜可口!
燒肉有三款拼盤以供選擇, 由和牛至韓牛都有
見到呢客精選和牛拼盤 ($360), 就知燒肉時間開始, 一客拼盤可以試到4款唔同牛部位, 包括牛舌/牛胸腹/牛小排/牛肋肉, 肉色靚仔, 二人分享份量都岩岩好!
肉到左就開爐, 好快就已經熱, 係時候起動啦..........
首先試左牛舌先, 有一定厚度, 食落口感軟滑中又帶點爽脆, 點少少醬食, 唔錯!
跟住有牛小排, 中間位置帶點脂肪, 食落肉質相當鬆軟, 輕咬幾下已經可以吞落肚
牛肋肉切成一小條, 肉質帶點嚼口, 又另一種口感
牛胸腹脂肪分佈平均, 口感鬆軟, 一塊放晒入口, 肉汁係口內咇出黎, 好滋味!
雖然呢度主打韓式菜式, 但有別主韓菜餐館, 無免費前菜送, 好在佢有呢個咁別緻嘅泡菜金字塔 ($48)
每一層由頂至底係泡菜, 辣蘿蔔及辣青瓜, 三款前菜都夠晒凍, 味道醃得幾好, 用黎伴肉食都好呀!
只食肉始終未夠填包個肚, 叫左呢客豆腐泡菜湯 ($78), 以石鍋上, 夠晒熱辣又能保持熱度
橙紅色湯底夠晒香辣感, 材料除左豆腐外, 仲有蜆, 流心蛋, 泡菜, 翠玉瓜及肉碎, 相當豐富, 叫多碗白飯, 一口湯, 一口飯, 好韓系食法呀.......哈!
呢度侍應夠年青, 反應夠快, 而且抽風系統做得幾好, 食完都唔會沾上一身燒肉味!
Lab 10 : 旺角朗豪坊10樓26號舖
contact me : [email protected]
|
2019 年 3 月 25 日 星期一  |
| 15分鐘就可以美白牙齒@Smile Lab「FLASH Speed Whitening Strips」 |
分類: 身體護理 |
每朝返工都要一杯回魂咖啡，假日又會買杯S字頭，真係無咖啡就無靈魂! 咁樣飲法，牙齒表面變成淡黃色，即使每年去洗牙，都唔能夠變白! 唯有影相時都避免露齒笑!
呢盒係由瑞典專業牙齒護理品牌 ，特別研發「FLASH Speed Whitening Strips－速效系列美白牙貼」! 佢地了解到各女士對牙齒美白�H急切需要，以先進技術，加入獨特成份，強調牙齒美白即時性∼
只需使用美白牙貼 15 分鐘後，牙齒美白度瞬間即時提升，方便女士們應付重要場合，例如拍照、約會等，能有自信展現燦爛笑容，亮白牙齒從此不再是夢。
國際性檢測認證公司 SGS 亦指出 smilelab 美白牙貼沒有加入任何有害添加物，成分亦按照美國FDA 公佈的 Cosmetics GMP Guidelines 製造，可以放心使用。
包裝以亮粉紅色及白色打造，時尚亮麗感重且吸引眼球
Smilelab速效美白牙貼一盒 ( $338)
一盒10片
簡易使用方法:
1. 撕開包裝取出兩塊牙貼: 長條狀型為上排牙齒專用，短條狀型為下排牙齒專用。
2. 沿著牙齦貼齊，輕輕按壓使整個貼片包覆牙齒表面及牙縫，牙貼多餘部份則折向牙齒背面。 (無不適感覺，亦無走位喎)
3. 按包裝指示,於指定時間後 (15-20分鐘)將貼片取下，漱口即完成。
經過臨床測試smilelab 速效系列美白牙貼 :
平均提升牙齒亮白度達 4.83 度
96%用家的牙漬能馬上去除*
100%用家無任何刺激感
我就係其中1%.........Yeah!!
牙貼除咗方便又易用，仲無有害添加物質，用完唔會有任何刺激或酸軟感！成份中仲蘊含木糖醇，是自然甜味劑，可防止牙菌斑、蛀牙及並提升牙齒亮白度。木糖醇還可以平衡口腔內裏的酸鹼平衡並促進分泌唾液。
每次只係用15分鐘，牙齒美白度瞬間即時提升，方便女士們應付重要場合。想輕鬆擁有亮白牙齒，絶對無難度!
若果你係兩個禮拜內接受過牙科或者正畸治療（如補牙、植牙、矯正裝置等等），孕婦或者受乳期婦女都唔建議使用嗱。
另外，smilelab 亦同樣重視牙齒美白的持久性，明白女士追求長效牙齒美白的終極目的，因此亦推出左另一配方 -「 Smile Lab Signature Teeth Whitening Strips - 經典系列美白牙貼」($398)。以 14 天為一個療程，每天只需貼上牙貼 30 分鐘，14 天後便可以觀察到明顯分別。多年的煙、酒及茶漬，亦能同時去除，點亮大眾對牙齒美白的新希望，以後無懼露出牙齒開懷大笑。
無論想要即時/持久效果， Smile Lab HK都幫到你和我!
銷售點: 萬寧
Facebook:https://www.facebook.com/smilelabhk/
Instagram: :https://www.instagram.com/smilelab.hongkong/
產品資料頁:http://www.megacombine.hk/smilelab
以上有關產品由品牌提供，內容為個人感受/分享
contact me : [email protected]
|
| 2019 年 3 月 19 日 星期二 |
| 名不虛傳@渝味曉宇重慶惠老火鍋 |
分類: 飲飲食食 |
呢間重慶火鍋過江龍, 得到"舌尖上的中國2"之加持, 更多添一份人氣, 今晚終於有機會黎開餐
店內裝飾帶比人幾舒適感覺, 用餐位幾寬敞, 夠晒位比你放滿成枱食材!
火鍋最緊要有靚湯底 ($38/位), 呢度有鴛鴦湯底比你拼
今晚點選麻辣拼特色香果鍋, 即係蘋果雪梨, 仲加埋馬蹄及蕃茄, 夠晒清潤, 簡直係又要威又要帶頭盔........哈..哈....
點餐紙火鍋材料夠晒多, 有酒類及甜品供應
落好單, 火鍋配料就好快送上枱...................筷子...起動吧! 仲有個籃子比你掛係度方便易烚食物, 貼心設計咪呢D囉!
美國安格斯優質肥牛 ($198), 份量對眼, 肉色靚仔, 大小厚薄適中, 脂肪分佈平均, 望見已經令人流口水!
靚�H牛肉真係火鍋�H大好友, 無論配咩湯底都夾到, 今次呢碟肉味濃, 口感綿滑, 超正!
以店名為首�H曉宇嫩牛肉 ($78), 望見都已經感覺腍滑, 烚3分鐘就食得!
咪講笑, 真係好滑, 用筷子夾起都有D難度, 放入口當然都係咁嫩滑啦, 加配少少蔥蒜粒一齊食....正呀!
稻田毛肚 ($108) - 即係黑栢葉, 好大塊, 以冰粒保持溫度, 樣子雖然醜D, 但其實唔經漂白先係好嘢!
只需烚15秒, 食落口感爽口, 原味始於係好D�H! 加上索左少少湯汁, 無需點醬汁都好味!
重慶耗兒魚 ($78) - 一客4條, 見隔離枱都有叫就試下, 魚要烚10分鐘!
呢條魚無咩細骨, 魚肉口感帶點嚼口, 味道帶點咸鮮味, 幾特別!
鮮黃喉 ($98) - 份量亦唔少, 通常呢D食材都係出現係重慶麻辣火鍋店, 普通火鍋唔會常見到!
切成一片片, 烚2分鐘食得, 又唔會縮水, 口感爽脆到不得了, 不禁要比隻手指公佢!
極品鵝腸 ($85) - 賣相靚仔, 每條晶瑩剔透, 內裏肥膏已清除, 食得安心!
烚1分鐘就食得, 成條鵝腸口感爽脆, 食多條都唔會覺肥膩, 又係正喎!
家下食火鍋, 好興飲洛神花茶, 呢度�H係自製架 ($18/杯), 味道酸中帶少甜, 可以解辣之餘, 點都有益過飲汽水啦!
呢間火紅重慶火鍋店, 果然有料到呀!!
|
« | 15 | 16 | 17 | 18 | 19 | 20 | 21 | 22 | 23 | 24 | ... | 147 | »
|
