| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2018 年 11 月 1 日 星期四  |
| 笑住食@Smiley Cafe with EGG |
分類: 飲飲食食 |
係呢個商場行完街又到開餐時間, 被呢個黃色笑哈哈燈吸引住(事實上都有唔少人係到同佢影相)
周圍都充滿住笑哈哈�H蹤影, 真係未食都感受到開心氣氛, 隔離係眼鏡店, 食完飯仲可以過去睇下眼鏡
餐具都係佢�H"嘜頭", 鍾意佢既FANS應該相當滿足, 而餐牌用上電子屏幕, 方便隨時更新菜式
有抵食套餐
當然亦有散叫, 食物選擇唔係話太多, 但作為一間CAFE絶對合晒格
呢客烤雞肉雜菜沙律 ($48), 份量唔少夠2人分享, 可選配千島醬/日式芝麻醬
鷄肉調味得唔錯, 肉質嫩滑, 連埋爽口沙律菜一齊食, 有肉有菜好健康呀!!
小食點埋呢客一口牛柳粒配日式燒汁 ($68), 一口SIZE唔駛再用刀切夠晒方便
點少少日式燒汁好惹味, 牛柳粒四邊再煎香過, 咬落肉汁仍有, 質感帶少少嚼勁, 肉味唔算太濃, 作為小食都唔錯!
以麵包作器皿�H包鍋西班牙海鮮飯 ($98), 挖空麵包包芯, 內藏西班牙海鮮飯, 創意無限
飯中�H海鮮材料包括蝦, 魷魚, 蜆肉及魚柳, 再配上甜紅椒增加鮮甜味; 醬汁creamy, 每粒飯都沾滿醬汁, 食落香滑, 好味道!
食晒個海鮮飯, 仲可以食埋個香脆包, 另外有個醬汁比你點飽食, 咁就唔怕乾爭爭啦!
食到咁上下, 叫番杯菠蘿梳打 ($38)解下渴, 味道甜美又有菠蘿香味, 梳打飲落相當"GUR"呀!
呢客一上枱就已經聞到好香肉醬味�H芝士焗肉醬扁意粉 ($68), 侍應提醒小心碟熱, 熔掉左�H芝士舖係肉醬上, 真係份外誘人.............
食物溫度真係夠晒熱, 叉起時見到有拉絲效果, 芝士控的我立即出現心心眼! 芝士香味混合肉醬味道, 配口感適中既意粉絶對係無得輸!
呢度有多款特色甜品, 芭飛杯, 雪糕杯, 造型出位雲朵雪糕及布丁/奶凍
只怪食得太飽, 少少地叫左呢個伯爵茶焦糖布丁 ($28), 面層有脆脆焦糖, 下層係布丁
香滑無比布丁, 入口食到伯爵茶味, 一啖有雙重口感, 正呀!
無食雲朵雪糕, 但見到佢外型咁吸引, 改為點了呢杯雲朵鮮奶咖啡 ($38), 呃到LIKE是常識吧! 好耐無食過棉花糖, 一啖放入口, 感覺返晒黎!
杯咖啡面上劃上笑哈哈, 真係有點唔捨得飲, 入口綿滑又夠熱, 咖啡味香濃, 絶對唔係得個樣!
價錢親民, 食物水準相當唔錯, 侍應反應夠快, 同一堆Smiley Face用餐, 倍感開心!
SMILEY CAFE with eGG : 旺角朗豪坊10樓19-20號舖
|
| 2018 年 10 月 26 日 星期五 |
| 型格火鍋@酒鍋 |
分類: 飲飲食食 |
香港人喜歡打邊爐�H程度, 真係無野阻止到, 火鍋店愈開愈多, 友人們相約今晚黎度烚下烚下
正正因為競爭大, 火鍋店唔有新點子好難突圍而出, 呢間環境佈置走型格路線, 不停播住流行外語歌, 有別於傳統火鍋店!
友人話呢間D火鍋湯底夠多選擇又特別, 名字甚為搞鬼, 令人會心微笑
好似今晚呢個叫"酒火入鍋" ($328), 整個湯鍋分為5格, 5種不同湯底為木瓜鍋, 蕃茄波士頓龍蝦鍋, 清湯牛腩鍋, 四川麻辣鍋及潮州沙嗲鍋, 味道有濃味有淡味, 配合唔同火鍋配料, 產生美妙效果!
選好湯底就到火鍋食材啦, 種類由海鮮, 肉類, 手打丸類, 自家製餃類, 蔬菜類等, 每類都幾多選擇! 仲有刺身及小炒類供應, 唔止火鍋咁簡單!
首先送上係二人海鮮拼盤 ($368), 擺盤靚仔, 海產包括蟶子, 扇貝, 大蜆, 海中蝦及花甲, 賣相每樣望落都新鮮, 配搭清甜木瓜鍋, 令海產類變得更為鮮甜! 貝類口感爽脆及蝦肉彈牙, 唯蟶子有少少沙!
又點左我最愛�H牛頸脊啦, 以掛架式上枱, 底下有大量冰粒既能保持生肉�H溫度, 又可避免直接接觸冰粒及後溶解�H水, 好方法呀!呢客頂級安格斯牛頸脊 ($188/小), 排列整齊, 肉色靚仔, 脂肪分佈平均, 薄薄一片烚十零秒就食得, 肉味幾香, 同個潮州沙嗲鍋好夾喎!
睇餐牌已經被呢個酒鍋手工熊 ($88)�H相片所吸引住, 呃LIKE之選
但烚完之後變到阿媽都唔認得, 食落就知其實佢係墨魚丸黎, 見到墨魚粒, 口感彈牙!
呢客三拼福袋 ($160), 包住唔同餡料 :黃色係牛肉丸；黑色係蝦丸；白色係春蛋，驚喜度高，唔放入口都唔知入邊係咩！
身為芝士控的我, 又點可以錯過呢客芝士年輪呢?! 咬落滿口creamy芝士, 香甜好味!
見到有麻辣湯底，必然要叫佢�H好拍檔 - 鴨血 ($68)出場, 切成件狀, 即使烚完都唔會碎晒, 入口都幾嫩滑!
呢客紫菜响鈴 ($58)差唔多每枱必叫, 有別於一般响鈴, 入邊多了片紫菜, 脆炸後食落多一份紫菜鮮味, 點埋個酸甜醬汁, 減低肥膩感! 推介呀!
火鍋又點可能無菜, 呢客蔬菜拼盤 ($58)相當抵食, 有幾款菜如生菜, 白菜及娃娃菜, 另有車厘茄及南瓜件, 顏色紅綠配相當吸睛! 烚於蕃茄波士頓龍蝦鍋就更清甜!
呢度除提供啤酒及其他酒類外, 仲有特式飲品, 好似呢杯荔枝特飲, 荔枝肉加埋梳打, 飲落有荔枝甜美及梳打�H口感, 用黎食火鍋時飲好GUR呀!
呢到有戶外酒吧區, 吸煙人士癮起時可以唔駛走落街食, 相當貼心!
酒鍋：尖沙咀天文台道 8號2樓號舖
|
2018 年 10 月 19 日 星期五  |
| 我的粉紅色聖誕@Lancôme Festive & Sparkling Christmas Beauty Box |
分類: 美容 |
話咁快，距離今年聖誕節仲有2個月，我已經率先感受到聖誕氣氛啦，皆因Lancôme 為我帶來由法國巴黎而至的 Ô La La 粉紅聖誕，快D閉上眼........................幻想在下著雪的巴黎聖誕夜，街上的每座地標都變成由 Lancôme 包裝好的美妝驚喜…..........一片令人歡樂的玫瑰粉紅，就讓歡樂的粉紅包圍聖誕。
而我收到嘅係呢個2018 聖誕珍藏版閃爍美肌彩妝箱
拆開紙盒就見到呢個咁搶眼玫瑰粉紅限量版時尚化妝盒， 實用性相當高呀， 除左作化妝盒外， 作手袋用亦得!
打開化妝盒..........不禁令人發出"哇"一聲
從美肌護理到閃爍彩妝再到迷人香氛，呢個Lancôme Festive & Sparkling Christmas Beauty Box 聖誕珍藏版閃爍美肌彩妝箱都有照顧到，總共有13件產品!
護膚品方面，最吸我睛有囊括全球 150 個 獎項的 Advanced Génifique升級版嫩肌活膚精華肌底液套裝
UV EXPERT 全方位防禦抗曬素顏霜 30ml �h
ADVANCED GÉNIFIQUE 升級版嫩肌活膚精華肌底液 20ml
ADVANCED GÉNIFIQUE 升級版嫩肌活膚精華肌底液 7ml �h �h
TONIQUE CONFORT 溫和保濕水 125ml
TONIQUE CONFORT 溫和保濕水 50ml �h
RENERGIE ULTRA-LIFT 立體塑顏緊緻亮白精華 10ml �h
而美妝品方面，唇膏、胭脂、睫毛膏及香水都有，顏色易用，化一個迷人妝容話咁易!
L’ABSOLU ROUGE 瑰麗豐盈唇膏 #368 �h
L’ABSOLU ROUGE 瑰麗豐盈聖誕美唇盤 �h
迷你 L’ABSOLU LACQUER 瑰麗豐盈水亮唇釉 134 �h
GRANDIÔSE 展扇濃黑睫毛膏防染暈配方 �h
迷你 BLUSH SUBTIL 絲滑透亮胭脂 021 0.09oz �h
迷你 MIRACLE SECRET 香氛 5ml �h
要化個靚妝， 都有要好的輔助工具， 仲有埋呢SET LANCÔME 限量版化妝掃套裝，質地柔軟，無得輸啦!
有埋個同色系掃袋，整齊收藏無難度 �h
款款都係皇牌產品， 係變美麗嘅MUST HAVE ITEM!
想擁有佢?! 無問題! 現凡購買任何 Lancôme 產品滿 HK$680 (包括優惠套裝)，即可以 HK$780 換購聖誕珍藏版閃爍美肌彩妝箱乙套(總值 HK$3,455)。
只限換購，不設零售，數量有限，先到先得，售完即止。
香港及澳門地區於 2018 年 10 月 19 日 起全線發售
同時 Lancôme 於聖誕特別訂製多種不同的限量禮盒，以青春奧秘、明亮活膚、法式彩妝、愉悅 氛芳為題，切合不同的護膚、美妝或香氛需要。 快D去 Lancôme 門市參觀選購啦!!
#LancomeHK #HappinessSparkles #YourPinkGiftDestination
產品由品牌提供, 內容為個人分享
|
| 2018 年 10 月 15 日 星期一 |
| 抗皺三寶@Lancôme Rénergie Multi-Cica 系列 |
分類: 美容 |
踏入10月, 最驚嚇�H事情唔係萬聖節, 而係當你照鏡時發現面上�H皺紋走出黎同你SAY HI...........
女士要皮膚質素好, 日常�H護理係好重要, 要對抗皺紋, 當然要針對性, 仲要快狠準.................
Lancôme 研創 Rénergie Multi-Cica 系列，特別採用無香料配方，專為喚醒和舒緩脆弱及泛紅肌膚而設，迎合敏感肌膚的需要。
第一寶 : 全新Rénergie Multi-Cica Gel Apaisant立體塑顏緊緻修護啫喱
$700/3ml x 7
呢款修護產品能舒緩乾燥、痕癢、 泛紅及敏感皮膚，只需七天，肌膚得以鎮靜舒緩。極致清爽輕透的啫喱質感瞬間降低肌膚溫 度 2.8°C2，發揮即時舒緩效果。啫喱蘊含保濕及鎮靜的活性成 分，包括甘油及維他命原 B5，令肌膚重拾舒適感覺，改善繃緊泛紅。
Rénergie Multi-Cica Gel Apaisant 為七支獨立包裝，連續 7 天使用或作週期性護理
啫喱質地, 非常容易推開
於潔面後全面敷上，靜待10 分鐘後沖洗即可。使用一星期後，肌膚顯得舒緩，泛紅減退，感覺舒適。
第二寶 : 全新Rénergie Multi-Cica Anti-aging Repair Crème立體塑顏緊緻修護乳霜
$820/50ml
Rénergie 立體塑顏緊緻修護乳霜專為修復肌膚屏障功能而研製，同時結合 立體塑顏緊緻系列的抗皺緊緻功效，配方採用[Up-Cohésion]TM 科技，糅合啟發自太空生物科技的活性成分，通過模擬極端微重力環境的測試成分， 以幫助配方緊緻肌膚。
[Up-Cohésion]TM高科技複合物蘊含鳥苷，是透過生物科技萃取於細胞中的分子， 具幫助提升皮膚基礎支撐纖維結構的特性；配合蕨葉精華 (髓桫欏)，具幫助強化纖維組織母細胞骨架的特性 。
積雪草萃取物以舒緩特性著稱，結合因舒緩及修復特性而為人熟悉的活性成分維他命原 B5。
皺紋從此減淡，緊緻度有所提升，輪廓更突出，肌膚重拾緩 和舒適的感覺。
乳霜質地, 柔滑易推, 日夜都用得!
第三寶 : 全新Rénergie Multi-Lift Masque 立體塑顏緊緻面膜
$700/75ml
與面霜相輔相成的 Rénergie Multi-Lift Masque，締造更緊緻肌膚和提升五官及輪廓的立體感。 嶄新科技蘊含不少於 17%的蜂蠟及棕櫚蠟，配方在睡眠期間滋潤肌膚， 有助於改善肌膚彈性，以強效緊膚功效重塑輪廓。
每晚於臉上塗抹一層 Rénergie Multi-Lift Masque，質地唔黏立，唔怕整污糟枕頭，柔滑質感比皮膚感受極緻舒適，第二朝起身皮膚觸感軟滑。
每日都用呢3寶，皮膚重回年輕感, 望落柔軟飽滿, 皺紋都似減淡D, 教我如何唔繼續用佢呢?!
Lancome Renergie 呢3款新產品係香港率先有售 (內地未有售), 真係快人變靚一步!!
#lancomehk #renergie #renergiemulticica
產品由品牌提供, 內容為個人分享/感受!
contact me : [email protected]
|
| 早鳥優惠@Baleno Thermal Extra超暖內衣 |
分類: 裝扮篇 |
極端天氣�H出現次數變得多左, 炎熱/寒冷天氣話到就到, 又就黎步入冬天, 準備定D保暖內衣都岩時候啦!
呢件係Baleno Thermal Extra超暖內衣, 對於品牌印象一向都係走親民大眾化路線, 男女童裝都照顧到, 全家係度入貨都無問題!
Baleno Thermal Extra 超暖內衣係採用保溫人造羊毛，多層次纖維結構，內層附加微細絨毛，形成暖空間，有效大幅提升鎖暖效能!
而且布料觸感柔軟，輕盈透氣，既高彈性又貼合體型，並賦予抗靜電功能，就算係乾燥�H秋冬都可以暖笠笠, 同焗束、靜電講拜拜!
領口車孖線, 就梗耐著啦
家人比較怕凍但又喜歡冬天去旅行, 有左呢件超暖內衣, 下年新年去日本旅行都無有怕, 輕便易攜帶, 保暖得黎, 簡單既cutting仲非常容易襯衫, 帶少件厚冷衫留空間買手信仲唔GOOD咩?!
而係2018年1月的消委會選擇月刊, 亦指出Baleno Thermal Extra超暖內衣係眾多保暖內衣中性價比最高，保暖效果極佳, 邊個話貴貨一定係最好架?!
原價每件$169, 係9月26日Yahoo!團購會有優先體驗活動，可限時以早鳥優惠低至4折優先搶購，記住啦.........係9月26日..........9月26日...............9月26日 (重要�H事情要講3次)
#Baleno #ThermalWear #ThermalExtra #MoreThanWarm
#超暖內衣 #比暖更暖 #秋冬恩物 #實測保暖效果佳 #性價比高
#暖男 #暖女 #暖孩 #溫暖親子裝 #平野有好野 #觸感柔軟 #輕盈透氣 #高彈性 #抗靜電
有關產品由品牌提供, 內容為個人分享/感受
contact me : [email protected] |
« | 19 | 20 | 21 | 22 | 23 | 24 | 25 | 26 | 27 | 28 | ... | 147 | »
|
