falav - QOOZA BLOG 網上日誌

gingerszeto : 個人主頁 - 相簿 - 訂閱 [ QOOZA - 論壇 - 登入 ]

人氣：112383

gingerszeto

暱稱： falav
性別：女
國家：香港
地區：西貢區

MORE...

最近沒有訪客

日誌統計

文章總數： 732

留言總數： 8

今日人氣： 1

累積人氣： 112383

站內搜尋

RSS 訂閱

2018 年 5 月 3 日星期四

火鍋誇啦啦@火鍋英雄	分類: 飲飲食食
趁住溫度仲未係三十幾度, 火鍋用餐機會就要盡情把握, 今晚要去呢度會一會呢個"英雄" 打開升降機門就見到呢間火鍋店, 設有大型卡座, 抽氣系統做得唔錯, 唔會一入去就聞到濃濃火鍋湯底味道! 餐牌上見到各款特式湯底, 食材種類多, 有選擇果難症嘅友人黎度又會發作............哈哈..... 係我地睇緊餐牌嘅時候, 侍應已送上呢8小碟小食, 每款都有少少辣, 其中嘅海帶我個人黎講就好LIKE啦! 落好單後就出去呢個醬油區自己混醬著好圍裙保護衣物就可以真正開始烚下烚下啦................. 侍應介紹呢個重慶麻辣拼二十五年陳年花雕醉烏鷄鍋 ($188)係好受歡迎, 雙拼湯底, 有辣有唔辣, 照顧唔同人士需要! 二十五年陳年花雕醉烏鷄鍋, 散發花雕香味, 飲落帶酒味, 又有藥材味但唔會太濃, 未開始火鍋就要先飲一碗! 正呀! 而選用嘅烏鷄滋補唔燥, 肉質唔嚡口, 點可以錯過佢! 火鍋時間主角 - 本地手切肥牛頸脊 ($268/小), 每片切出大小厚薄都適中, 脂肪分佈亦適中, 肉色靚仔! 烚幾秒就食得, 肉質帶少少嚼口, 肉味幾出, 不枉我棄肥牛轉向佢嘅懷抱! 招牌四寶丸 ($108), 有牛丸, 墨魚丸, 蝦丸及鯪魚球各3粒, 全部手打, 粒粒圓渾! 手打出黎比機械製口感更彈牙, 每款調教味道相當恰當! 新鮮鵝腸 ($98), 洗得相當乾淨, 安心食用! 而每條中間切開見得到有些少肥膏, 增加鮮味, 口感爽脆~ 鮮黑毛肚 ($88), 即係黑栢業, 更能食出原味, 質感爽口, 唯切得比較細件, 切厚些少食落會仲好口感! 呢兩樣食材比較啖口, 放係麻辣湯底就最岩數!! 韮菜水餃 ($48), 每隻餃外型相當飽滿, 乾身靚仔! 一咬開已經聞到相當香濃韮菜味, 韮菜同豬肉比例一半半, 咬落仲食到肉汁味道, 皮滑餡正! 招牌魚腐 ($68), 細細粒相當精緻烚完口感軟綿綿, 內裏索入湯汁, 食時要小心! 雜菜籃 ($58), 一籃包幾款菜 (娃娃菜, 菜心, 白菜及生菜), 味道清甜, 仲有少少金菇菜! 呢度坐得舒適, 食物水準唔錯, 侍應服務態度細心反應快, 呢個"英雄"交得過!! 火鍋英雄 : 銅鑼灣京都廣場3樓 contact me : [email protected]
發表時間：2018-05-03 04:28 PM [ 訪客留言(0) ] [ 編輯日誌 ] [ 分享至FACEBOOK ]

2018 年 4 月 16 日星期一

大賣2億片嘅RAY 妝蕾®泰國蠶絲面膜

分類: 美容

泰國清邁有好物.........................純天然的泰國妝蕾RAY蠶絲面膜你用過未？2014年8月(首批泰國妝蕾RAY蠶絲面膜產品上市以來)至2017年9月，累計銷量已突破2億片。2億片, 係2億片呀.........實在唔講得笑呀

RAY 面膜是一款泰國進口的蠶絲面膜, 兩款的蠶絲面膜已獲得第三方檢測中心SGS的安全認証及泰國食品藥物管理局的廠房認證，證實其生產的源頭和產品的安全性。RAY蠶絲面膜是真正的純天然泰貨，採用極服貼的蠶絲作為面膜材料，效果及性價比遠超很多品牌。

蠶絲構造成份與人體皮膚極為相似，輕柔而且不刺激肌膚；蠶絲面膜屬多孔性纖維，精華液儲存力強，保濕度遠超普通面膜多倍！而質地與普通面膜相比更加輕薄柔軟，貼敷性強，透氣度高，親和人體肌膚，而且滲透性極強，可均勻釋放精華液，深入肌膚裡層補水，長時間維持肌膚潤澤感；蠶絲本身含有多種胺基酸，能經皮膚滲透吸收，有助促進血液循環，加速皮膚新陳代謝，延緩皮膚老化，蠶絲當中酪氨酸還能有效地抑制皮膚黑色素的生成。

RAY 妝蕾®泰國蠶絲面膜【金色】(10 片) ($78)

金箔 - 提拉緊致，減輕泛紅敏感

蝸牛原液 - 調理肌底，修復受損肌膚，柔肌亮膚

膠原蛋白 - 增強彈性，改善鬆弛肌膚

功效：修復痘痘、痘印、提拉緊緻、美白淡斑、提亮膚色

打開包裝袋, 見到非常濕潤嘅面膜, 仲有金箔

面膜質地透薄貼面, 清潔完面部後敷上面上10-20分鐘後取下便可

另一款為RAY 妝蕾®泰國蠶絲面膜【銀色】(10 片) ($73)

海藻 - 幫助打開毛孔，滋潤保濕，有效淡化細紋

蝸牛原液 - 調理肌底，修復受損肌膚，柔肌亮膚

膠原蛋白 - 增強彈性，改善鬆弛肌膚

功效：嫩膚抗皺、深層補濕、修復肌膚、提亮膚色

同樣都係好濕潤, 精華多到可以搽埋頸部

夠晒貼面

一金一銀兩款都夠貼面, 用後皮膚變得水潤飽滿, 價錢咁鬼親民, 密密敷都唔肉痛, 作為平常護理比皮膚飲飽水, 特別係晚上開冷氣睡覺時, 皮膚更易被抽乾水份, 有左呢對孖寶就無有怕啦!!

功效咁好, 市場上都有發現冒牌貨, 唔想買到假貨, 記得認住以下幾點啦 :

- 妝蕾® 是 RAY 蠶絲面膜官方中文版名稱

- 指定零售商發售:全線 SASA 化妝品(包括香港及澳門地區)、萬寧(包括香港及澳門地區)、雅施

ASTER 及阿布泰國生活百貨有售;其他地方所售的 RAY 蠶絲面膜，用家須自行分辨真偽

- 分辨原裝正貨及仿冒品方法:盒上顯示 www.rayanskin.net 為「妝蕾®泰國蠶絲面膜」原裝正貨

此產品及相關資料由品牌提供, 內容為個人感受/分享

contact me : [email protected]

發表時間：2018-04-16 03:31 PM [ 訪客留言(0) ] [ 編輯日誌 ] [ 分享至FACEBOOK ]

2018 年 4 月 13 日星期五

泰滿足@MAZ Thai & BBQ	分類: 飲飲食食
友人係呢頭返工發現係呢條內街有間食泰菜店, 之前食過午餐後又試埋晚餐, 約左放工後去呢度開餐, 泰菜?! 岩我口味喎! 昏暗燈光, 一邊設有高身雲石長枱, 裝潢非一般傳統泰菜店, 店內播著流行外國歌, 感覺幾岩FEEL! 餐牌上提供串燒, 頭盤小食及主菜類, 價錢以地段黎講算合理價就黎冬天, 見到佢有冬蔭公湯底火鍋做推廣, 分別有海鮮/牛頸脊比你選擇見佢牆上牌寫上是日推介有呢客海南鷄 (半隻)伴油飯 ($136), 一於試下! 鷄隻雖係冰鮮鷄, 但食落肉質非常嫩滑, 連埋鷄皮食仲食到香味, 已去骨啖啖肉, 配埋個特色醬汁, 辣辣地仲好味; 個油飯夠晒份量, 夠2人分享, 略嫌飯身軟身, 硬身番D會更岩我口胃! 呢客限時推介既明爐酸辣海龍王 ($288), "海龍王"係每日新鮮係街市攞貨既沙巴龍躉, 專挑選D斤半! 由於有爐"慶"住關係, 廚師只煮至八成熟, 當湯底煲至滾起時就可起動! 湯底味道酸辣度好夠, 配上青檸片及芹菜更加惹味; 熱辣辣先食魚, 魚肉嫩滑, 魚皮雖唔太厚但夠膠質, 酸酸辣辣, 愈食愈想食 :) 每次食泰菜, 仲食得落既話我都會叫芒果糯米飯, 呢度既芒果糯米飯 ($66)仲要係只有白色無黑色糯米飯, 我最LIKE白色 :)! 一客有3杯, 賣相精緻, 香軟綿糯既白糯米, 被濃香椰奶包圍住, 一入口已經食到香甜椰奶味, 之後再有清香糯米味, 最重要係芒果夠甜, 食完好滿足呀!! 酸辣海龍王愈食愈辣, 係好過癮, 好彩呢杯芒果沙冰 ($36)幫到手, 香甜芒果味絶對係一個解辣高手; 另外呢杯鮮青檸梳打 ($32), 飲落夠醒神, 梳打氣感飲落好GUR, 配呢餐濃味泰菜好OK呀! MAI Thai & BBQ : 灣仔蘭杜街2號 contact me : [email protected]
發表時間：2018-04-13 11:56 AM [ 訪客留言(0) ] [ 編輯日誌 ] [ 分享至FACEBOOK ]

2018 年 3 月 26 日星期一

戀戀冬日套餐@四季文昌	分類: 飲飲食食
呢間專食椰子鷄鍋既火鍋店, 之前已經有計劃去食, 但之後又放低左, 友人"突然"間提起話想食, 話咩係十二月轉冷日子, 要慰勞一下自己咁喎, 唉................其實想食好野, 又駛咩搵藉口呀?! 預先訂好位, 早去到推門入去就見到環境較一般火鍋店昏暗, 牆身掛上特式擺設, 亦有大電視不斷播放MTV, 設有卡座, 適合三五知己黎烚下烚下踏入十二月, 見到佢有個"冬日套餐" ($438 / for 2-3人), 我當佢為"聖誕大餐", 都唔少野食喎, 一於落左呢個柯打先, 之後店員同我地講係指定日子(12月22-26日, 31日及2018年1月1日)叫呢個套餐, 仲會送你聖誕禮物, 哇......咁真係又食又拎喎! 可惜今晚唔係指定日子........... 唔駛好耐, 侍應已送上套餐頭盤小食未起動火鍋前, 先黎食下個聖誕三文魚刺身, 貨源來自加拿大直送, 港人至愛, 質感柔滑, 每片亦有相當厚度, 有口感! 另一款餐前小食係呢個海南沙薑脆豬手, 沙薑咁架勢, 梗要用佢黎入饌; 每件豬手都幾入味, 皮爽肉滑, 凍口感加上秘製醬汁既味道, 好快已被我地"骨肉分離"! 醒目侍應會根據客人用餐進度而起菜, 佢見我地食完頭盤就開始預備火鍋時間原味椰子文昌鷄(半隻)，兩個人食就岩岩好, 皮下脂肪唔多, 面頭有3片椰子肉食法係先煮滾起椰子湯底, 之後倒鷄件落去, 用枱上沙漏計時, 完結時(7分鐘)就可以食得先試啖湯, 湯底清徹, 清中帶椰子甜味, 鷄件斬得細件, 方便快熟, 烚完都仍能肉質嫩中帶有少少咬口, 鷄味都算有! 點上加上沙薑, 辣椒及青金桔既秘製豉油, 有別於一般火鍋既"混醬", 更能提升鷄肉既鮮甜味! 食完隻文昌鷄, 可另加($188)加入昆布鰹魚湯配黑毛和牛牛肩肉呢個湯確唔係講笑, 原來係新湯底黎架, 湯底係選用北海道昆布和兒島鰹魚熬製而成, 啖湯清中帶鮮甜味, 配襯肉類係好夾而呢款黑毛和牛牛肩肉, 肉色靚仔, 脂肪分布比例亦恰當, 薄薄地烚幾秒已食得入口嫩滑, 肉味香濃, 不愧為黑毛和牛, 超正呀:) 火鍋點可以無凍飲? 飲品List中點了呢杯椰子沙冰, 賣相吸睛, 飲落唔甜, 只限到椰子既味道, 證明應該無加糖水, 呢股清泉為今餐錦上添花! 和牛條癮已起動, 年尾嘛, 對自己好D, 叫多個佐賀A5和牛牛肩肉 ($398), 呢個一客有8片,切得更長身D, 肉色潤澤, 脂肪潔白, 目測已經令人好期待食起上黎比其他牛既同等部位更嫩滑, 輕輕咀嚼已經好快落入喉嚨, 牛既肉香味仍然留在口中............... 火鍋又點可以無丸類, 呢客海南手工丸, 各有4款不同種類, 牛丸彈牙; 鯪魚球鮮甜; 墨魚滑丸爽彈安格斯牛小排肉質當然與和牛相比會有一段距離, 但火鍋時間, 牛肉始終無人會嫌多, 再講佢既肉質帶點嚼口, 肉味都有, 配沙薑豉油一齊食又OK喎! 為左均衡飲食法則, 呢兩個健康野菜籃及養生菇菌籃當然少不了套餐包埋日本稻庭烏冬, 個湯底咁鮮甜, 用黎煮烏冬就確係岩數, 再食飽D, 今晚仲唔發個好夢?! 哈......哈....... 食完呢餐, 我都變左聖誕老人呀..........................(個肚DUM)...............HO.....HO............HO...... 四季文昌: 尖沙咀金巴利道35號金巴利中心1樓 contact me : [email protected]
發表時間：2018-03-26 03:44 PM [ 訪客留言(0) ] [ 編輯日誌 ] [ 分享至FACEBOOK ]