| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2017 年 8 月 21 日 星期一  |
| 驚喜的一餐@Urban Coffee Roaster |
分類: 飲飲食食 |
友人相約於呢區黎個飯聚, 呢間係佢之前食過向我推介, 店內面積唔算大, 昏暗燈光配以木製餐桌椅, 似走工業風格!
見到個餐廳名有Coffee呢個字都估到店主應該會係一個咖啡愛好者, 其中一幅牆寫上呢組字句就令我更加相信我既推斷係正確!
侍應送上餐牌, 食物種類大致分頭盤, 沙律, 主菜, 意粉/飯類, 甜品及飲品, 基本上全套西餐用餐項目都包括晒係度!
將紐西蘭青口, 以茴香, 羅勒, 意大利蕃茜, 茴香酒汁一齊煮既呢客菜就成為今晚既頭盤, 每隻青口都算幾飽滿, 排列整齊地上菜, 口感幾有咬口, 食到青口味, 個汁味道帶點咸鮮味, 兩者係幾夾!
估唔到係呢間西餐廳會出現呢客泰式青芒果沙律(加鷄肉另加$20), 將青芒果, 青瓜, 甘荀及鷄肉切絲, 再灑上香脆花生碎, 內裏仲有金不換絲一食就知係泰式沙律, 甜酸味道, 咬落各種配料都係口感爽口, 最正係鷄肉唔嚡口, 好岩呢種悶熱天氣食, 開胃又醒神!
主菜係呢客燒本地鮮魚柳配燒波士頓龍蝦半隻伴香蒜牛油汁, 擺盤精美, 雪白龍蝦肉配上橙紅色龍蝦籽, 份外迷人, 肉質頗彈牙; 件魚柳薄薄一片燒得皮脆肉嫩, 食落有少少咸鮮味, 好好味; 另外個香蒜牛油汁搽左落個食材到先燒, 增加佢既誘人程度!
為左增加飽肚感, 叫左呢客紅酒慢煮牛尾燴意大利飯, 講真要煮好食意大利飯真係唔容易, 要控制佢既軟硬程度都頗考廚師既經驗, 呢客可算係合格之上, 飯粒完全索左個醬汁味道, 食落充滿牛肉味道, 而配料亦都包含蘿蔔及甜椒粒, 加添香甜味; 件牛尾雖然得一件, 但可能就係物以罕為貴, 要你記住佢濃香牛肉味及肉質, 紅酒煮牛尾從來都係好拍檔!
食到呢度, 當然唔少得要埋甜品啦, 呢客係餐廳招牌甜品 : 咖啡煮啤梨配朱古力金寶及開心果碎, 賣相靚仔
原個啤梨以咖啡煮, 咖啡香味滲入去啤梨, 切開係"內藏"雪糕, 食落有香甜多汁啤梨口感, 再加上甜美雪糕及香脆開心果碎一齊食, 幾重口感, 滋味無限及帶來驚喜喎!
呢間餐廳以咖啡為主打, 梗要叫返杯Cappacino同綠茶Latte, 兩杯入口感覺細滑, 食完呢餐再慢慢享受咖啡, 沉醉於店內播住既輕快歌曲, 慢活一晚............................
Urban Coffee Roaster : 尖沙咀碧桃仙路7號美麗都大廈地下44號舖
contact me : [email protected]
|
| 發揮紅色力量, 提升皮膚免疫力@SHISEIDO |
分類: 美容 |
首次上黎位於銅鑼灣既SHISEIDO Beauty Centre進行皮膚免疫力測試, 中心內放滿全線產品, 令人目不暇給!
點解要進行皮膚免疫力測試? 因為佢而黎囉.........................新產品, 早用早享受!
首先利用呢部儀器進行大約5分鐘既皮膚免疫力測試, 分別於面部幾個位置作測試
再得出幾方面既數據(包括: 眼, 面頰防禦力, 皮膚水份, 彈性及黑色素), 嗚呀...............與良好仍有一大段距離!
好彩嗚呀過後專業既美容顧問就拎出今次主角, 連精美禮盒一齊送上, 好靚呀! 教埋我點用後我就帶佢回家LU!
就係呢支ULTIMUNE Power Infusing Concentrate 紅妍肌活精華 ($860 / 50ml)
全球首支激活肌膚免疫力的再生精華，獨有31項專利配方，當中的ULTIMUNE ComplexTM激活免疫力複合物，能直接激活朗格罕氏細胞機能，重設肌膚免疫保安系統，回復緊緻、亮澤和年輕的膚質。可與其他精華素同時使用!
早晚清潔面部爽膚後使用
唧咀設計, 揼取份量容易
質地超柔滑, 非常容易推開, 帶有少少香味, 推均後皮膚即時回復亮澤
揼2下份量就足夠全面, 將精華以向上打圈動作塗勻全面, 之後再塗取後續護膚品(如用開既精華素及面霜)
用後皮膚重拾應有光澤, 望落明亮精神有活力感
用左個幾月後, 又再次上去Beauty Centre做多次皮膚免疫力測試, 哇.............今次數據結果明顯有好大進步呀, 呢支紅妍肌活精華果然幫到手呀! 愛死呢支紅色小物^^
有關產品由品牌提供, 內容純個人感受/分享
contact me : [email protected]
|
| 秒白 - 氧氣煥顏瓷肌霜@maxygirl |
分類: 化妝品篇 |
呢排太陽伯伯多左出場機會, 就算唔玩戶外活動, 返工出外行街始終都避唔到佢"親吻"你的皮膚, 同事放完假返黎都問點解你好似黑左?! 嗚呀...............剛好呢個時候就收到呢支韓國熱賣, 出自maxygirl童顏"秒白"煥肌霜
黑黃色包裝夠晒搶眼, 中間有個燈泡, 莫非暗示用完皮膚好似打左燈咁靚?!
全韓文介紹, 韓國女生睇完應該心心眼
Whitening Cream 氧氣煥顏瓷肌霜 (75g)
特點:
植物成分，改善膚色
蘊含煙酰胺、馬齒筧、尿囊素等養膚美膚成分，持續使用，更有美白滋潤、改善膚色的功效。
安全改善膚色
可滲透肌膚深層，由內而外的提亮膚色，並提供密集的補水滋潤。
無添加對皮膚有刺激的5種成分
無防腐劑,無二苯甲酮,無礦物質油,無GMO無焦油色素，減少加入對皮膚有刺激的成分，從而減少刺激，即使是敏感肌，亦能安心地使用。
搶眼黃色膠樽身, 拎出街補搽夠方便, 唧咀設計, 減少乳液與空氣之接觸, 妥當地保持產品品質, 塗取份量亦方便快捷!
軟乳液類型的質地，能夠水潤地塗抹肌膚，都幾快滲入皮膚，無黏稠，亦沒有悶笠的感覺。WOW.....搽完隻手真係"叮"一聲咁變白左!
用於面上時，基礎護膚後，擠出少量瓷肌霜，然後均勻輕拍
搽上面都好易被推開, 真係"秒白"! 建議份量無需太多, 否則會過白而令膚色變得唔自然架啦!
乾燥的肌膚在使用瓷肌霜時，可與乳液或補濕霜以1:1的比例一起使用，咁樣即使在乾燥的冬天亦能保持濕潤亮白的肌膚！
呢支亦適用於全身肌膚, 可塗抹於暗沉肌膚，如手肘、膝蓋，達到美白遮瑕的效果。
Facebook: MAXygirl HK
Website: www.maxygirl.com.hk
有關產品及資料由品牌提供, 內容純個人感受/分享!
contact me : [email protected] |
| 排毒保濕1take過@philosophy take a deep breath night 活氧零油分保濕排毒啫喱晚霜 |
分類: 美容 |
炎夏日子黎度, 除左美白產品係暢銷產品外, 保濕功效亦不可忽視, 尤其係長時間係冷氣地方, 皮膚水份容易被抽乾, 若然保濕之外仲有埋排毒功效, 你話係咪好好呢?! (貪心MODE又出動....................)
philosophy為take a deep breath活氧保濕系列添加新成員，首度推出 take a deep breath night 活氧零油分保濕排毒啫喱晚霜，讓肌膚每晚深層呼吸。take a deep breath night 配方結合獨特記憶鎖水啫喱及推送天然排毒機制等新科技，為肌膚徹底補眠，就如給予肌膚每天8杯水和8小時睡眠的充足養分，讓身體和肌膚隨時隨地注滿氧氣，為每個新開始作好準備！
透過推送天然排毒機制、促進細胞動力技術及塑造肌膚氧氣存庫，於最佳時刻提供極致的修護及和再生效果。
蘊含獨家排毒複合物 - 天然酵母萃取物 : 加強天然排毒機制，幫助肌膚抵抗各種污染侵害。
獨家抗氧化複合物 : 天然抗氧化成分（白芷、苦橙皮、綠咖啡、綠茶、水黃皮），能消除有害自由基及污染物，帶來顯著的抗氧及抗刺激效果。
獨家空氣潔淨技術TM : 提煉自大麥植物的草葉，含大量以獨特的光合作用優化技術製成的葉綠素，有效製造出「肌膚氧氣存庫」，配合其親脂性，能滲透角質層提供充份氧氣。
強化微循環 : 結合大豆萃取物及苦橙衍生物，促進微循環活動，並優化肌膚晚間生新陳代謝，多方面提升細胞氧分。
take a deep breath night零油份排毒啫喱晚霜 ($330/60ml)
- 獨特的記憶鎖水啫喱配方，徹夜鎖緊面部水分，肌膚感覺深浸水潤
- 高透氣及輕盈質感，加上零油分配方，適合所有肌膚使用，特別是混合性及油性肌膚
打開保鮮膠蓋, 就見到淺綠色啫喱晚霜, 視覺感令人舒服輕鬆!
帶點清香氣味, 聞起上黎會有舒服感覺, 質感似布甸咁滑嘟嘟, 可輕易被推開, 搽於手背上推均後, 似有層保護膜為皮膚補濕咁!
晚間清潔面部後, 用返慣常既精華素後就用佢作為補濕面霜, 佢既零油分配方用於炎夏日子爽搽上面時感覺舒服
第二朝訓醒, 改善皮膚因開冷氣引致水份被抽乾而出面油問題, 感覺唔錯呀! 當然會keep住用啦 :)
philosophy 銷售地點
沙田連城廣場20a號舖專門店 (查詢電話：2565 8333)
尖沙咀海港城 facesss (查詢電話：2111 4536)
尖沙咀彌敦道20號崇光百貨 (查詢電話：3911 1036)
產品由品牌提供, 內容純個人感受/分享
contact me : [email protected] |
| 泰抵食@1988 |
分類: 飲飲食食 |
上黎呢區工廈搵食已非新鮮事, 但就係首次食泰菜啦! 店內面積唔算大, 簡約裝飾無傳統泰菜店既金黃裝飾, 反而有D似去左西餐廳! 各枱上都已經放置留座牌, 好彩我都訂左枱姐, 唔係就要等位啦!!
侍應送上水及餐牌, 食物選擇有沙律類, 小食類, 湯類及主菜類
 
仲有各式飲品, 想飲咩冰呢度就無啦, 泰式飲品選擇有泰式咖啡/奶茶及紅茶系列
呢客鳯爪沙律 ($58), 材料豐富包括爽口鳯爪, 食落有D辣味而且夠入味, 配以爽口多汁沙律菜, 紅蘿蔔絲, 惹味紫洋葱, 撈埋酸辣汁, 開胃又醒神, 確係幾泰式風味!
小食有呢客脆脆鷄翼 ($56), 一客6隻肥美鷄翼, 炸得金黃色賣相吸引, 面頭灑上香口芝粒加添香味, 鷄翼味道香中帶甜味, 應該係搽左蜜糖, 皮脆肉嫩, 熱辣辣好好味!
主菜類叫了黃咖喱牛腩 ($88)另加白飯($10), 黃咖喱既辣度屬於入門初級, 咖喱汁香中帶少辣, 用黎撈飯就正配; 而個牛腩切得大細適中, 煮得好入味, 口感腍滑, 輕輕咀嚼幾下就可吞下, 仲有薯仔及洋葱作配菜!
飯粉麵類選擇有幾款, 見到有Pad Thai喎, 一於試下呢碟鮮蝦炒金邊粉 ($88), 伴碟有花生碎及青檸, 賣相幾吸引! 呢碟以蝦, 豆腐干粒, 椰菜, 蛋絲炒製而成既金邊粉, 將花生碎撈均及唧少少青檸汁調下味就食得! 蝦食落口感偏硬少少; 金邊粉炒得唔夠乾身, 食起上黎有少少漿口感覺, 雖然味道帶酸甜但都未能成功提高清晒成碟既能力!
呢度仲有甜品供應, 價錢亦只係每款$38, 但因為太飽啦, 留待下次先啦!
食物份量相當對眼, 價錢亦合理, 坐得都幾舒服, 適合二人世界或同三五知己上黎開餐!
1988 : 觀塘興業街16-18號美興大廈A座1樓A3室
contact me : [email protected] |
« | 31 | 32 | 33 | 34 | 35 | 36 | 37 | 38 | 39 | 40 | ... | 147 | »
|
