| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2018 年 8 月 7 日 星期二  |
| 邉個話BAR無美食?!@彌敦左岸 |
分類: 飲飲食食 |
依加友人飯局, 多左BAR呢個地方選擇, 人未到齊可以黎round Happy Hour先, 人齊就可以開埋餐, 又唔會限你交枱時間, 相當方便又有彈性, 真係好岩放左工後嘅呢D飯局!
今晚黎到呢區酒吧臨立搵食, 友人介紹左呢間
方便隨時行出去"呼吸"嘅可以選擇地下, 而上層佔地都幾大, 仲有Live演出, 水準都唔錯架!
餐牌提供沙律, 小食, 主菜及甜品, 真正一條龍服務, 無需轉場!
呢客低溫慢煮三文魚藜麥香芒沙律 ($148), 一睇材料就知超級健康, 賣相又靚仔!
先講件三文魚, 係以低溫慢煮方法煮成, 口感相當嫩滑, 似食緊刺身般滑; 而藜麥煮得相當有口感, 內裏混合甜椒及芒果粒, 味道香甜又能增加口感層次
一啖放入口, 香甜嫩滑中又帶點咬口, 夏天食呢個相當配合!
呢度嘅意粉/義大利飯係即點即製, 見到食物相已經吸引, 一於叫個鮮蟹肉蟹粉, 西班牙辣肉腸, 半乾車厘茄, 鮮蟹汁自家製墨魚汁闊條麵伴 (限量供應) ($218), 黎個黑色配橙色大混合!
主角係鮮蟹肉蟹粉, 粒粒蟹膏食落有蟹香, 再加埋三文魚籽嘅鹹鮮, 一D都唔會腥, 而蟹粉與醬汁混埋一起, 沾滿每條自家製墨魚汁闊條麵, 口感滑中帶少少煙韌, 食完都唔會整到牙齒變黑, 可以放心食! 好味道!
食到咁上下, 呢客烤澳洲M5和牛肉眼扒10安士伴荷蘭豆, 辣肉腸及薯條 ($398)就上場啦, 10安士肉眼扒相當對眼, 有燒汁, 茄汁及芥末增加味道!
落左5成熟, 肉上有件香草牛油, 增加佢嘅誘人指數! 質感鬆化, 無需用力已經輕易被切開, 切開肉眼內裏仍然保持紅色, 肉汁輕輕流出黎!
加少少芥未, 一啖放入口, 肉味幾濃, 邊位帶少少脂肪令件肉更香, 口感略帶少少嚼口, 肉汁係口內再爆發多D! 同友人開心Share美食係何等"合皮"之事!
另外佢嘅薯條留意到係連埋薯皮, 食落更有薯味, 炸得乾身唔油膩, 點茄汁食又係好味嘅!
黎BAR開餐, 點可以唔飲番杯? 又唔一定要飲酒嘅, 呢度嘅Drink List除左有多款式酒類飲品, 仲有賣相吸引嘅Mocktails
依加咁流行嘅奶蓋茶, 估唔到我會係係呢度首次飲到, 呢杯Oolong with Cheese ($70), 先飲頂部嘅芝士奶蓋, 然後再慢慢細味烏龍茶, 淡淡茶味無甜度, 感覺都幾得意!
另一杯為以生果味為主嘅Peachy Coco ($70), 先食左杯頂串荔枝, 係以蜜糖搽係荔枝上再燒一燒, 香甜多汁; 再呷啖桃茶, 清新可口!
一路飲住野, 一路欣賞Live演出, 咁就渡過左一個美好晚上!
彌敦左岸 : 尖沙咀赫德道5-9號德裕中心B1層
contact me : [email protected]
|
| 2018 年 7 月 31 日 星期二 |
| 蟹...出没注意@Mr. Crab |
分類: 飲飲食食 |
先前已經去過尖沙咀既姊妹店, 對佢既招牌海鮮袋念念不忘, 得知呢間以蟹做主題既, 人地食大閘蟹, 我地就去食外國蟹
一上到佢已經被佢呢缸海鮮缸吸引住, 保證食材新鮮
之後佢隔離呢個"最佳影相"位, 一大個餐廳品牌Logo - Mr. Crab已經歡迎每位客人
餐廳燈光柔和, 特設以類似船艙作為卡位, 坐得相當舒服
枱上已放置餐牌, 食物種類包括頭盤, 沙律, 餐湯, 意粉類, 肉類, 特色蟹類菜式
先黎頭盤焗芝士海鮮蟹蓋 ($128), 內裏釀入魷魚, 蝦, 蟹肉及乾䓤碎等, 以蛋黃醬撈均再係外面灑上芝士碎, 然後去焗至金黃色! 熱辣辣入口首先食到脆口芝士, 然後入面就有軟滑海鮮粒, 一絲絲鮮甜蟹肉盡入口腔內, 滿足指數向上!
呢度既招牌菜"海鮮袋"㨂選最少3款海鮮, 再係三款醬汁入面選一款
黎得呢度, 點可以唔試蟹呢?! 侍應推介麵包蟹, 每隻重量介乎800g- 1000g ($438), 打開膠袋後, 已經見到橙色蟹膏向我招手, 先食蟹蓋, 裏面既蟹膏真係唔講得笑, 口層似食緊咸蛋黃但亦夾雜住creamy感, 用匙更"不"仲方便! 另外到佢既"爸D", 結實又鮮甜既蟹肉, 就咁食會食到鮮甜味, 點少少汁又惹味, 再加埋D蟹膏, 膽固醇呢3個字係我腦海中閃現, 但味覺享受好快已經推翻左佢.......................哈哈....................
另外2款點了黎自越南既蕃薯蜆 ($108), 肉大而味甜, 一粒沙都食唔到; 翡翠螺 ($98) 爽口彈牙, 配埋醬汁都幾好味, 兩者口感一軟一爽口, 平均晒!
點左呢款新奧爾良卡彊醬汁, 味道惹味得黎帶點辣(辣度可選高中低), 袋內仲有其他配料如香腸, 粟米及薯仔, 典型美國式配菜, 增加飽肚感!
食到咁惹味又有少少辣, 叫杯MOCKTAIL飲下, 呢杯PEACH ON THE BEACH係呢度都好受歡迎, 以桃作主調, 味道香甜可口, 中和一下都唔錯喎!
要鮮就要鮮到底, 點左呢個加洲海膽扁意大利粉 ($268), 侍應透路今晚選用既係比較少見既墨西哥海膽，每片比較長身一絲絲的纖維清晰可見，食落冇腥味，鮮甜突出唔糊口，海膽味愈嗒愈出，拍得住日本貨喎。仲有鮮橙色三文魚子粒, 配埋香滑白汁煮既扁意大利粉, 除左增加賣相外, 佢既咸香味道亦能提昇味道既層次!
呢度亦有甜品供應, 款式唔算多, 開初諗住當有D甜野食, 無咩大期望, 但世事既野..............往往係超越你想像
呢客三式雪糕窩夫 ($128), 除左擺盤靚仔吸睛外, 都好有內涵, 首先窩夫係自家製, 口感外脆內軟, 食起上黎唔會有泡打粉既"澀"味; 三球雪糕香甜幼滑, 食得出唔係一般平價貨色! 週圍伴以雜莓點綴, 另一亮點係其雪糕上既士多啤梨片, 每片切到相當薄, 師傅刀功可見一班, 亦顯出佢對每款出品既誠意!
呢度既侍應反應夠快, 換碟加水都無需客人開聲, 對於每款菜式都作有禮介紹, 價錢雖然唔算便宜, 但呢餐食得開心滿足! 抵返............
Mr. Crab by The Captain's House : 灣仔莊士敦道74-78號一樓及地下C號舖
|
| 小白屋開餐@Cafe Prince Royal |
分類: 飲飲食食 |
又係花墟買完花當然行下附近睇下有咩開餐好地方, 原來就係一街之隔都開左好多唔同種類嘅食店, 被呢間"白色小屋"吸引住!
推門入內面積唔大, 裝修精簡而清新, 以木為主題, 坐得都算舒服
餐牌上提供意粉, 全日早餐, 輕食, 沙律, 甜品及飲品
呢度要自行出去落單, 不設加一, 食物會由侍應送上
呢客秋葵鷄胸沙律 ($88), 另加煙三文魚 ($20/份), 可謂健康減肥之選! 賣相吸睛, 材料都唔少架, 包括清脆爽口沙律菜, 紅腰豆, 甜椒, 車厘茄! 當然仲有秋葵及鷄胸, 鷄胸亦係煎香過, 食落肉質又唔算好嚡口, 略嫌秋葵份量少左D; 而片煙三文魚味道咸香, 豐富左呢客沙律嘅原有味道!
幾款意粉當中, 對呢款黑松露野菌意粉 ($85)情有獨鍾, 放上枱已聞到黑松露獨有香味, 香滑忌廉汁混合黑松露醬, 包圍住每條意粉, 意粉軟硬度適中; 當中嘅野菌同洋蔥亦增加甜味, 食晒成碟都幾滿足!
呢客墨西哥雞肉菠菜麵 ($98), 有齊三種顏色, 賣相吸引! 話明係墨西哥, 醬汁幼滑中帶點辣, 幾惹味; 鷄肉係煎香左少少, 調味適中, 配埋三色彩椒絲嘅甜味, 菠菜麵嘅少少煙韌口感, 清新得黎又帶點"狂野", 口感及味道都幾平均!
去得Cafe, 點可以唔叫返杯咖啡, 平時飲開泡沬咖啡, 今晚轉下口味飲特濃鮮奶咖啡 Flat White ($34), 係濃厚奶泡上拉上心心拉花, 飲落相當滑口, 咖啡味唔太濃, 過下條咖啡癮就唔怕咁夜飲會訓唔著; 另外呢杯熱朱古力奶 ($40), 口感滑又甜度岩岩好, 飲落好有香濃朱古力味, 正喎!
Cafe Prince Royal : 太子花園街232-242號禮賢大廈地下F舖
contact me : [email protected] |
| 2018 年 7 月 16 日 星期一 |
| 泰yummy @ Add Some Thai Restaurant |
分類: 飲飲食食 |
呢區工業大廈內藏無數餐廳, 諗得出既菜式都應該有, 久而久之已變成開餐重地, 今晚一於食泰菜
呢間泰國餐廳位置方便易搵, 場內面積都幾寬闊, 燈光昏暗, 以木作為佈置主題, 幾有泰國風情feel
餐牌中食物種類選擇適中, 價錢都尚算合理
餐牌上有呢個精選二人套餐 ($388 / 二位用), 都幾多嘢食同岩食, 唔想諗咁多就叫呢個套餐
頭盤有泰式酸辣鳯爪雜菜沙律, 微酸辣又冰凍既無骨鳯爪放於沙律菜上, 奉上2款特式醬汁作調味, 有別於傳統製法淋上酸辣汁, 食起上黎無咁辣(雖然餐牌上有2隻辣椒圖案), 容易入口!
小食有呢兩款, 唔駛選擇 : 輕盈黃咖哩軟殼蟹 (2份)及 A.S.T.迷你二人小食拼盤, 一盤送上, 望落陣容都幾強勁
為免個軟殼蟹被汁浸腍, 先食左個佢先, 一咬炸脆左既軟殼, 之後到鮮甜蟹肉, 配埋個香濃又微辣既咖哩汁, 好夾! 除左隻蟹外, 底下仲有舊脆多士, 用黎索汁又係一絶!
而個小食拼盤種類包括 :手打蝦餅，泰式炸蝦，酥炸單骨鷄翼，磯燒豬頸肉，新鮮菠蘿及香脆蝦片, 無論以款式及件數黎計, 二人餐黎講都算好對眼
喜愛佢既手打蝦餅, 口感夠晒彈牙; 而佢個單骨鷄翼調味得幾好又入味, 單骨容易食, 又係有2款醬汁比你選擇; 加埋新鮮菠蘿, 又甜又多汁, 可以中和一下炸野既熱氣感覺, 幾有心思!
對於咁好味�H咖喱汁點可能浪費佢, 叫左呢客手抓餅($15)黎點汁食, 熱辣辣上枱, 口感外脆內煙韌, 正!
主菜要左鹹蛋黃酥炸海蝦配泰式炒金邊粉, 酸中帶甜既炒金邊粉配以豆腐, 芽菜及蛋絲一齊炒, 增加唔同口感!
3隻海蝦沾滿左鹹蛋黃醬汁, 味道惹味咸香, 真係差D連個殼都想食埋落肚!
個馬拉盞炒通菜相比起就份量少左D, 同埋都要記住"不時不食"呢個道理, 秋冬天的確係唔係幾應該叫通菜的.........................
友人想叫個湯濕下個口, 呢個椰青鷄湯配滑鷄件 ($88)的確無叫錯, 湯料包括香芧, 草菇, 椰肉及鷄件
啖湯確係飲落清甜, 飲到香芧味, 鷄肉非常嫩滑, 飲完有一種舒服既感覺, 若然佢以火爐"慶"住會仲好D, 始終湯係熱既會仲好味D!
套餐仲包埋甜品 : 椰汁千層糕配特式雪糕, 今晚係芒果雪糕
煙韌軟糯千層糕淋上香滑椰汁, 好好食; 佢既好食, 令到芒果雪糕變左配⻆.........哈..哈..............
Add Some Thai Restaurant : 觀塘開源道62號駱駝漆大廈1期9樓D室
|
| 2018 年 7 月 10 日 星期二 |
| 滋味法式小館@Odelice |
分類: 飲飲食食 |
世界杯正當進行得如火如荼, 友人係法國隊忠粉, 為左慶祝入左四強, 相約食飯都要食法國菜!
咪以為食法國菜會好貴, 呢間走輕鬆"平民"路線, 裝飾格局感覺令人舒服, 坐窗口位置仲可以欣賞到少少景色
餐牌上提供由餐湯沙律, 法式蕎麥薄餅, 意粉燴飯, 巴黎"陸" "海", 至法式甜品及特色酒類/飲品都有, 價錢都幾親民!
灸燒吞拿魚尼斯沙律 ($108), 配上香蒜牛油多士, 顏色悅目, 材料豐富, 包括有香煎吞拿, 四周包以黑椒碎, 食落帶少少辛辣, 魚質嫩口; 仲有橄欖, 鷄蛋, 車厘茄, 雜菜及紫洋蔥, 混入埋橄欖醬一齊食, 多重口感! 呢一份沙律絶對可以作為減肥人士�H正餐!
黎到法國菜餐廳, 當然要試下蕎麥薄餅, 呢度有幾款選擇, 我地點左呢款帕爾馬火腿蕎麥薄餅 ($98), 蕎麥薄餅上有幾片帕爾馬火腿, 馬蘇里拉芝士, 油封蕃茄, 鷄蛋及香草, 材料看似簡單但味道就有幾層, 先食到火腿�H咸鮮味, 加埋羅勒�H獨有香味, 配以蛋黃汁及芝士, 令呢份蕎麥薄餅增加香軟感!
呢杯名為 Dragon Blend ($45)�H鮮菓汁, 材料包括火龍果, 蘋果及青瓜! 入口先是青瓜味, 之後就有火龍果及蘋果�H香甜味, 口感及味道都好清新, 炎夏日子飲好正呀!
呢客法國空運藍青口 ($175)應該係呢度�H鎮店之寶, 目測差唔多每枱都有叫! 一鍋以蕃茄洋蔥及白酒煮成�H藍青口, 細細隻但肉好鮮甜, 食到少少酒香味及蕃茄�H甜味, 加埋一齊就係好好味! 而指定配角當然係炸薯條, 無論點湯汁或沙律醬一齊食都係咁夾�H!
主食叫左呢客香燒鷄肉扁意粉 ($88), 我會形容為驚喜之作, 咁抵價錢, 份量唔細, 鷄肉個皮係香脆架, 絶唔係就咁煮熟就算, 肉質保持滑度; 而個扁意粉帶口感, 被酸中帶甜�H醬汁包圍住, 愈食愈想食! 超值呀...................
另一客為經典澳洲和牛漢堡 ($138), 配以炸薯條, 又係份量十足! 先講個飽, 係煎香過, 食落外脆內鬆軟; 而個澳洲和牛漢堡扒, 有相當吋數, 落左Medium, 一啖咬落去, 肉汁咇左出黎唔會乾爭爭, 肉味香濃, 加埋蕃茄生菜及滋味醬汁, 邪惡度爆晒燈!
服務幾週到, 會根據食客進食速度而調節上菜安排, 可以慢慢食享受呢一晚法式之夜!
Odelice : 尖沙咀The One L4
|
« | 21 | 22 | 23 | 24 | 25 | 26 | 27 | 28 | 29 | 30 | ... | 147 | »
|
