| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2018 年 3 月 9 日 星期五  |
| 告別毛腿, 只信專業@MediLASE |
分類: 療程篇 |
咪以為冬天有衣服遮住就唔駛關注毛髮問題，冬天正正係脫毛既好時機，皆因脫走毛毛就正正係炎夏日子，短衫短褲、迷你裙、泳衣上場，無左毛髮就輕鬆曬啦!
有左上次脫走全面毛髮�H滿意經驗，今次要脫小腿當然要搵返MediLASE啦！位於朗豪坊二十八樓既旗艦店，佔地甚廣，裝飾都係一貫簡潔明亮!
再次入去亮白療程房間，趟於舒服床上，清潔完小腿位置再用粉筆劃線以方便進行療程，用剃刀輕輕剃走明顯毛髮，帶上眼罩就可以開始啦！
服務細心既治療師係每打一次前都會數"123", 由下而上位置開始，務求做到整個脫毛過程都一絲不苟！而小腿位置係包括埋膝頭，過程中，治療師亦很關心我有無唔舒服，完成後亦會為我搽返保濕產品先離開，更提醒我返去要做足補濕程序。2星期內避免暴曬及做高溫活動。而光學療程總監仲細心講解MediLASE專利既冷凍科技PRO-U EPID-COOLING SYSTEM，唔洗再用舊式冷凍方法，花長時間去敷冰、吹凍風。我而家先知敷冰係會凍到毛囊僵曬，去到毛囊既激光能量會降低好多架！所以好多人咪會話脫概都脫唔完囉！選擇MediLASE專利既冷凍科技唔痛又唔會減低熱能啦！加上最大24mm機頭，能量覆蓋最深最廣，最有效徹底解決毛髮問題。難怪短短幾年間就可以有30萬個正評, 脫毛專家捨佢其誰! 期待下一次療程..............................
揀最好，當然選擇邁向30萬正評口碑的MediLASE！
依家用我條https://hubs.ly/H0b8Bb10登記，仲可以有限時8折專享優惠！
品牌網址：http://www.medilase.com.hk
療程由品牌提供, 內容純個人分享
MediLASE:
Facebook : www.facebook.com/medilaseprou.laserhairremoval
微博: http://weibo.com/medilase
weChat : MediLASE無痛激光永久脫毛
Contact me: [email protected]
|
| 味美的一餐@Espuma M88 |
分類: 飲飲食食 |
友人生日飯選擇係呢度食, 原因係壽星女要求, 店內環境氣氛都唔錯, 侍應安排我地坐於窗側, 為於十七樓之高, 可以有街景望下都幾唔錯!
侍應送上餐牌供參考
食物選擇種類有沙律, 小食, 湯, 意粉/飯, 主菜, 價錢望落都幾親民, 友人真係鍚住我荷包啦.................哈!
有食仲有飲, 多款咖啡及特色果茶/沙冰
呢客室溫茄子鷄肉沙律 ($88)份量都頗多, 底層以深綠色沙律菜墊底, 面頭有厚切茄子及鷄肉片, 灑上少少黑白芝麻增加香味; 略為微燒烤過既茄子食落仍然有汁, D鷄肉片食落出奇地嫩滑, 有驚喜呀!
鷄翼..........我鍾意食! 見到呢客焦糖單骨鷄翼 ($68)上枱時我已經流口水啦, 單骨鷄翼除左易食之外, 亦容易令佢入味, 鷄翼被焦糖包圍住, 皮香脆又肉滑, 味道甜得黎又帶D惹味, 好味道!
 
食完沙律及小食, 主菜上場啦, 呢客黑松露醬炒鮮雜菌寬條麵 ($108), 芝士碎灑滿係黑松露醬寬條麵上, 每條寬條麵上都沾滿黑松露醬, 唯黑松露味唔算太濃, 鮮雜菌粒食落口感爽口!
另一主食叫左呢客雙重芝士蟹肉薄餅 ($118), 身為芝士控的我見到"雙重芝士"呢4隻字已經心心眼, 雙重芝士混入蟹肉碎, 面頭舖上木魚絲作點綴, 食起黎有芝士既咸香味道, 亦食到蟹肉味道; 想講既係呢度既薄餅唔係薄脆底而係厚底, 食落口感煙韌及偏甜味道, 有種食緊麵飽既感覺, 幾得意!
呢度既甜品種類都唔少, 有蛋糕, 班戟, 焗蛋白, 西班牙油條, 窩夫等
係咁多相片中, 呢客咖啡拼盤 ($58)就吸引到我特別注意! 實物賣相同相片相符, 紅綠藍啡配襯靚到好似一幅畫咁!
拼盤包括咖啡及朱古力慕絲, 質感軟滑唔太甜, 咖啡及朱古力味都幾濃, 另外亦有雜莓可中和甜度, 兩者配搭除左靚之外, 仲有實質作用架:)
聞到隔離枱傳來既咖啡香味, 當然要叫返杯Cappuccino ($36)同 Caffe Latte ($36), 兩杯份量都幾足夠, 奶泡質感幼滑, 與咖啡既融合比例好岩數, 比起出面連鎖店飲到既質數仲要高, 望住窗外景色, 呷一口, 食一口甜品, 咖啡滿足感爆登!
食物水準唔錯, 份量又對眼, 以中環區開餐黎講, 價錢相當親民, 呢餐生日飯食得相當HAPPY~~
Espuma : 中環威靈頓街2-8號威靈頓廣場M88 17樓
contact me : [email protected] |
2018 年 2 月 23 日 星期五  |
| 樓上好味道@吃吧 |
分類: 飲飲食食 |
食力組其中一名組員介紹黎呢間樓上Cafe & Restaurant, 個英文名讀音就係個店名既國語諧音, 相當易記!
店內面積唔算好大, 裝修枱椅擺設走簡約路線, 播住輕快歌曲, 比人一種輕鬆舒服感覺!
呢度有提供手工啤酒, 款式都唔少, 鍾意呢類啤酒既人士應該幾開心
呢度既餐牌提供沙律, 小食, 薄餅, 主菜及飲品
有點肚餓, 先黎呢個黑松露, 煙火腿芝士多士 ($68)作為小食, 多士係黑色, SO COOL..............夠晒脆口, 用叉吉住食就可以! 多士內藏滿滿芝士及菇類, 食起黎有芝士拉絲既效果, 身為芝士控既我當然心心眼! 味道咸香, 口感唔錯!
有食當然有飲啦, 呢2杯顏色咁夏日既飲品為 : (左) 蜜桃熱情果梳打 ($58) (右) 青檸青蘋果梳打 ($58)
2杯都有支'針筒"插住, 內藏"藥水", 玩味十足, 將"藥水"注射入杯梳打中, 兩種生果味完全混合, 果甜中帶點微酸, 加埋梳打既氣打感, 係呢個悶熱天氣飲落超爽呀!
個人黎講對於煎魚有份情意結, 咁岩呢到有呢客香煎上級盲槽魚柳 ($158)供應, 當然選佢啦! 一客有兩大件盲槽魚柳, 無論賣相及份量超對眼!
魚皮香煎到有脆口感, 魚肉鮮甜多汁, 啖啖肉無骨, 味道淡口唔會一味死濃味, 可以食到魚既原味, 好岩我口味呀! 超正!
打底配以甜滑紫薯蓉, 仲有顏色鮮艷既伴菜, 款款甜美多汁, 全部比我食晒!
友人鐘情啖啖肉, 點左呢款蘋果木煙燻西班牙豬扒 ($188), 上枱時以膠蓋蓋住, 係客人面前先打開, 煙燻效果傾蓋而出
西班牙豬扒已切成件狀, 用叉吉住已經食得, 外面略煎得金黃色增加香味, 內裏肉質仍然帶嫩口及有肉汁, 最鐘意係件扒唔肥, 好怕食到一口都係油, 呢件就唔會啦, 只係FEEL到肉汁係口內大爆發, 原味食都好味, 點少少伴點既醋汁亦都好味, 底部亦有紫薯蓉及甘荀, 翠玉瓜片等作伴菜, 唔會一味係炸薯條咁悶蛋!
侍應服務態度夠快又有禮貌, 建議訂位先, 逢星期二休息!
吃吧 : 旺角彌敦道566-568號僑建大廈2樓2室
contact me : [email protected] |
| 2018 年 2 月 13 日 星期二 |
| 鮮到無朋友@焱丸水產 |
分類: 飲飲食食 |
識一個鍾意週圍食唔同菜式既友人, 有時都幾唔錯! 呢間主打日本菜及海鮮既餐廳就係佢邀請我黎既!
餐廳面積唔算太大, 但位與位之間都唔算太迫, 坐得都幾舒服! 超和式裝備佈置, 真係有如置身日本食館
餐牌上提供相當多款既和食及浜燒類
仲有各式特式飲品及酎燒
呢客作為頭盤�H三文魚洋蔥卷 ($58), 一客4件, 一口一件好方便, 軟滑三文魚包住洋蔥, 洋蔥帶點辛辣味代替山葵, 再點少少酸汁醬, 有點醒胃作用!
餐牌上有"焱丸名物"呢四個字�H焱丸號壽司 ($158), 三大件特大軍艦, 食材包括海膽, 吞拿魚茸及蟹柳絲! 每件軍艦既食材都多到"漏"出黎, 海膽控友人要分2啖先可以KO呢件軍艦, 味道鮮甜唔在講, 再加上有幾粒三文魚籽�H咸鮮脆感, 滿分度爆燈
另外我食左呢個蟹柳絲, 鮮甜多汁, 好滋味!
有壽司, 好多時都會跟著叫埋刺身, 呢客刺身五盛 ($280)包括帶子, 三文魚, 吞拿魚, 鱆紅魚及海膽, 刺身件件厚切, 食起黎相當有口感, 綿滑味美, 配上辣度十足既山葵, 更能提升刺身本身既原味! 一客份量唔少, 價錢相當抵食!
凍食告一段落, 呢度既浜燒咁出名, 點可以唔食呀?!
點左蟹味噌甲羅燒 ($68)及南瓜蟹肉甲羅燒 ($68)
食浜燒有侍應代勞, 放上去火爐上, 將蟹膏, 春蛋, 蟹籽及蔥粒混為一體再燒, 無需好耐就食得!
用匙更"畢"起一啖放進口, 熱辣辣軟綿綿, 蟹膏既鮮甜味混入蛋既香味, 再有蟹籽既香脆口感, WOW.............好邪惡呀..........
浜燒時間繼續.........再黎多個焱丸活貝大盛 ($368), 食材包括白蜆, 蠔, 鮑魚及帆立貝
先燒白蜆及鮑魚, 想講鮑魚係仲生猛, 放上火爐時仲會扭動身體! 睇到我目定口呆.................... 而係燒既過程中, 侍應會加水及上燒汁以保持食物濕度及味道!
鮑魚咬落彈牙, 真係無得輸, 鮑魚味雖然唔算好出, 但鮮甜味係食得到!
之後到蠔及帆立貝啦, 兩者都係巨型碼數, 望住佢地係火爐上慢慢燒熟, 我�H口水就一直流著..............
食完呢2款, 我得出4個字.....................鮮甜到爆!! 所以話, 只要食材新鮮, 用最簡單原始既煮食方法已經夠啦!
食著熱辣辣既海產, 同友人飲住呢2杯冰涼透心�H青蘋果颱風乳酸 ($68)及熱情菠蘿燒酎 ($78), 仲可以有咩講?!..............CHEERS..........!!
友人已經對於個甲羅燒開始念念不忘, 說穿了係掛住D蟹膏, 好啦好啦, 叫埋呢個松葉蟹膏天婦羅 ($98)應該滿足到你啦卦?! 你睇下D蟹膏多到.........一咬外脆內軟滑, 蟹膏味係口腔內大爆發, 對於鍾情蟹膏的你, 又一種新食法! 另外佢�H小辣椒及茄子亦炸得相當出色, 炸漿唔厚又唔油膩, 沾上天婦羅汁一齊食........"哦E詩"!
我地胃口從來唔係細碼, 加多個北海道海鮮炒飯 ($78)會更加完滿, 材料有魷魚, 蟹籽, 貝類等, 欣賞佢炒到飯粒夠乾身及唔油膩, 再加上黑椒調味, 食起黎有少少辛辣感, 無一般炒飯咁單調!
今餐食完相當滿足, 口腔內仍然留有海產類既餘韻, 妙極...........妙極!
焱丸水產 : 尖沙咀棉登徑23號華楓大廈地下566號舖
|
| 2018 年 2 月 6 日 星期二 |
| 開餐新"葡"點@葡匯咪走鷄葡國餐廳 |
分類: 飲飲食食 |
接觸葡國菜既機會5隻手指數得晒, 通常都係過澳門玩時"順便"食埋, 仿佛咁先似過過大海
呢間新開既葡國菜餐廳位於大型商場內, 位置非常方便, 望到咁Sharp醒既鷄就知係呢度啦!
此店原來前身係札根於西貢, 今次落戶係九龍旺區, 想食葡菜就方便得多
內裏裝修以淺木色為主調, 配以淺藍色梳化, 加上燈光柔和, 播住輕快既葡萄牙音樂, 比人一種無拘束感覺, 適合家庭及朋友開餐暢聚一番
呢度比較特別少少, 門口特設小型枱椅, 亦都留意到坐墊特別選用顏色比較繽紛既, 原來呢度係比客人食下午茶/甜品區
每日專業甜品師都會精心造出不同種類糕餅/甜品, 即使你每日幫襯都會搵到新鮮感, 仲有咖啡供應, 係呢度食件餅, 享受杯咖啡都係一件賞心樂事!
要對抗悶熱既天氣, 呢杯Sangrita就幫到手, 呷一口體內暑氣全消, Cheers ..............
打開餐牌, 食物種類包括風味小食, 餐湯, 沙律, 各式三文治, 意粉, 主菜及甜品, 價錢望落合理
晚市時間, 餐廳會每人送客豬仔脆包, 熱辣辣自家製架, 比起外邊買到既內裏包芯食落有煙韌感, 外皮香脆, 你睇下我隻餐碟上既碎塊就知有幾脆!
既然有豬仔脆包, 就叫個葡式薯仔花菜湯黎伴食, 選用葡式馬鈴薯及葡國臘腸, 真材實料, 不加味精, 奶及麵粉, 只飲到香濃薯仔味, 而咸味就靠葡國腸"輸出", 質感濃稠, 飲完呢個都半飽! 真係由三至八十歲都岩飲! 哈..哈.............
或許好多人覺得沙律係件好易整既食物, 但要計算食物既配搭及醬汁既運用都要下一番功夫, 呢客啤梨番石榴沙律, 甜美爽口既番石榴及香甜啤梨混合係清新沙律菜上, 兩者散發著獨有果香味, 再淋上啤梨醋醬汁, 配搭特別, 味道甜中帶少少酸, 非常開胃, 坊間唔常食到!
傳統葡式拼盤 (二人份量), 包括葡式香腸, 傳統馬介休球, 酥炸魷魚件, 香脆炸鷄粒, 大部份係脆口野, 用黎送酒就最岩; 初試葡式香腸幾香肉味, 外觀同中國臘腸有D相似, 但口感較腍身; 另外個馬介休球味道調教得唔會過咸, 外香內有食薯蓉既質感!
沙甸魚就食得多, 尤其係罐頭果隻, 但原條燒仲要咁大條既沙甸魚就真係第一次食, 貨源黎自葡國, 以傳統方法燒烤, 保證原汁原味! 魚燒至皮香肉嫩, 只需係頭及尾位上界一刀, 然後再係魚身中間界一刀就可以輕易起出魚肉! 咪講笑, 切開時D魚香味更加"擴散", 我諗用手揸住原條食應該仲滋味, 下次試下咁食先!
以6個鐘慢煮而成既紅酒燴牛尾(配白飯), 舊牛尾焾到可以骨肉分離, 無需同舊牛尾"博鬥", 肉質香腍又入味, 一客都有4-5舊牛尾, 配以紅蘿蔔西芹塊, 令醬汁酸中帶甜, 用黎撈飯就正配! 超好味!
黎食葡國菜, 又點可以唔叫葡式燒乳豬 (1/4 客), 伴以沙律菜及肥佬炒飯, 咩係肥佬炒飯?! 呢個飯原來係葡國人聖誕節先會食, 材料有提子乾及彩椒粒, 味道有D似西炒飯! 講返主角先, 乳豬皮燒到脆夾香, 帶點誘人既油光但食起上黎又唔會好油膩! 皮下已經係肉, 唔帶多餘肥膏, 肉質非常嫩滑, 只需用餐刀輕輕一切已可"片"出肉來, 果然係招牌菜!
呢度有個專業甜品師駐場, 每日新鮮研製不同甜品/糕餅類, 以下呢兩款係佢既推介: 酥皮芒果卷, 造型似一個軟皮錢袋, 以牛油味幾重既酥皮包住香甜芒果粒, 再加上圍邊既自家製香滑忌廉醬, 我口裏說......哇....肥死呀! 但身體卻很誠實, 隻叉不斷將甜品送入口中, 不消10分鐘已經完全KO! (內疚MODE啟動中.........................)
說時遲那時快, 呢客葡式西多士亦送上枱啦, 以牛奶浸滿面包先再炸, 呢個功序除左增加香滑感仲可以減少面包索油, 所以食黎黎完全唔覺得油膩, 外面灑上庶糖及玉桂粉, 邪惡程度再爆燈D!
呢餐應該都係我係香港第一餐食既正宗葡國菜, 有D菜式仲係出自家傳食譜, 保證第二度都食唔到, 食得超滿足!
葡匯咪走鷄葡國餐廳 : 尖沙咀美麗華廣場二期1樓167號舖
contact me : [email protected] |
« | 25 | 26 | 27 | 28 | 29 | 30 | 31 | 32 | 33 | 34 | ... | 147 | »
|
