| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
| 清甜椰子鷄鍋@Hey |
分類: 飲飲食食 |
係呢區睇完半日傢具開倉, 行到肚都打鼓, 好想去大食一餐, 友人就諗到呢間火鍋放題店
店內面積都幾大, 一入門口就己經見到火鍋配料區, 設有卡位, 坐得幾舒適
任飲任食90分鐘, 價錢由$84-$298, 另加$39/位仲可以刺身放題(不適用於$298/位), 當然愈貴就愈多食物選擇, 我地點左$298/位既餐, 可以無限添加澳洲和牛, 美國特選牛小排, 海鮮拼盤, 特選牛脷, 美國黑豚肉及黃金鷄, 都好多野食喎............
侍應推介黃金鷄木瓜湯, 材料包括新鮮椰子水, 水滾後可以落埋木瓜及鷄落水, 煮5分鐘就食得! 頭啖湯飲落好香椰子鮮甜味, 以木瓜原來係用有機種, 食落非常有鮮甜既木瓜味......不禁飲左一碗!
而鷄肉可以伴以沙薑/青檸作調味, 鷄肉煲完都唔會變韌, 幾有鷄味, 唔錯唔錯!
其實係煮緊鷄既同時, 我地係出面拎左一D 熟食返黎, 有飯卷, 鴨胸肉沙律及荳芽, 味道一D都將就, 作為前菜都唔錯!
話明任飲, 當然要出去拎返D凍飲舒緩下啦, 有我喜愛既烏龍茶, 唔駛一味飲汽水, 感覺健康D...........哈哈.....(自欺欺人MODE......)
出面既自助火鍋配料區, 有丸類, 腸類
而令我眼前發亮既係呢個蔬菜區, 陣容之頂盛係我食過咁多火鍋放題中最勁既一個, 選擇勁多, 連秋葵都有, 簡直好似搬左個街市黎呢度咁.................
先食左個海鮮拼盤, 食材包括魷魚, 蠔及青口, 最喜歡佢個魷魚, 食落有咬口之餘又食到少少鮮味
之後就開始肉類時間, 每款肉類會先黎2盒, 薄薄一片, 岩晒火鍋時間, 無需烚好耐就食得, 最驚喜係佢既牛脷烚完都好味, 好彩佢無限任食, 可以食過夠本!
之後又烚D丸食, 炸魚旦及黑椒牛丸都好味, 藕片食落爽口!
好啦......見佢蔬菜類咁多選擇, 當然要食返D啦, 有我至愛秋葵, 連福花都有, 真係唔食都對唔住自己, 用鮮甜既椰子湯烚, 令原本鮮甜既蔬菜食落更好味!
食左咁多野已經超飽啦, 但若然你有第二個胃放甜品既就可以出去唧乳酪食, 仲有幾款TOPPINGS比你任加, 真係超顧週到!
侍應服務反應夠快, 不時主動為你加湯及收碟, 計埋加一每人三百零蚊就可大吃大喝一番, 自此係呢區又多個開餐點!
地點: 觀塘偉業街223號宏利金融中心1樓13號舖
contact me : [email protected]
|
| 香港有韓牛食啦@炑八韓烤 |
分類: 飲飲食食 |
每次韓國自由行, 梗會留一餐去馬場洞狂食韓牛, 除左價錢抵之外, 韓牛仲係只供內銷, 要食就要係國內食, 一知道呢間韓燒店為韓牛主題店, 推出多款韓牛套餐及食品, 身為韓牛粉絲既我當然要去朝聖下
店內裝飾以淺色格調為主, 播放住流行韓文歌, 店內更放置2隻短角金毛韓牛模型, 仲有韓國發出既証明文件, 保證呢度食到既係真正韓牛, 嗚..........好期待呀!
擺明沖住韓牛而黎, 餐牌上亦有幾款韓牛重點介紹, 一於韓牛到底
係諗緊食邊款之際, 反應敏捷既侍應已經送上幾款前菜, 佢既泡菜唔酸仲帶甜, 好好味呀; 仲有芝麻醬沙律及生菜藍, 一時間張枱已經放滿一碟二碟!
一於試下呢個韓牛珍貴部位拼盤 (貝身肉, 西冷扒, 肩胛肉, 牛五花肉) ($568), 等級為1++級, 等同A5和牛質素, 一個拼盤可以試到幾個唔同韓牛部位的油花及口感
每款有3-4件, 個人喜歡半生熟程度, 只需將外面燒熟就食得, 入口肉味濃, 唔韌; 試晒後個人比較喜歡肩胛肉, 肉質唔太肥之餘, 入口D肉汁爆出黎, 超正!
爐邊既芝士泡菜蛋及前菜仲係無限添加, 未食肉前可先食下呢D先
枱上放置調味架, 分別有醬油, 海盬及大醬, 亦有建議點樣配搭為適合, 又長知識啦!
生牛肉石頭鍋飯 ($128), 唔抗拒食生牛肉, 見到呢款石頭鍋飯即時諗到熱辣辣, 配料包括菠菜, 紅蘿蔔, 芽菜, 冬菇絲等, 食時將牛肉與配菜及醬汁拌勻, 燒熱左既石鍋將飯變成香脆飯焦, 一碗飯有雙重口感, 2人分享每人可有2大碗, 味道滋味!
韓牛牛胸大醬湯 ($78), 個人十分喜歡飯大醬湯, 濃香既豆醬味湯, 先飲一啖湯然後食一口飯, 好似韓國人咁 (韓劇場面入晒腦), 有2片韓牛牛胸肉在湯入面, 以熱湯再浸熟D, 肉味果然濃郁, 然後再食其他配料如豆腐, 蘿蔔, 菇, 翠肉瓜, 洋䓤及蜆等, 材料咁豐富, 個湯味道唔鮮甜就假囉..............大滿足!
草莓塔 ($68)及海洋特飲 ($38), 2杯都能減淡肉類既肥膩感, 前者為底層係士多啤梨沙冰, 中間及頂層有香滑忌廉及韓國新鮮士多啤梨, 飲落好香士多啤梨甜味; 而後者為荔枝味特飲, 面層加以一個雲喱拿雪糕球, 賣相相當靚仔, 呢2杯特飲只限呢間分店先有架咋, 點可以唔叫返杯呢?! 哈...................
相比起係韓國食, 價錢當然無咁抵啦, 但係終於可以係香港隨時都食到韓牛喎, 條數當然又係另外計法啦!
炑八韓烤(韓牛專門店) : 黃大仙中心南館地庫
|
2017 年 4 月 27 日 星期四  |
| CP值高@阿麥廚房 |
分類: 飲飲食食 |
要係銅鑼灣搵一間CP值高既西餐廳, 可謂話難唔難, 話易唔易, 但若要我"交出" 一間, 呢間應該會係其中之一
店內環境唔算太寬敞, 燈光昏暗, 幾適合二人或小數朋友用餐好地方, 好多枱上已放置"留座"牌, 好彩我一早訂好位!
晚餐時段設套餐, 包沙律, 餐湯, 主菜及飲品, 主菜選擇有9款, 價錢由百幾至二百幾, 算親民價錢!
頭盤可另加$58升級至法國鵝肝配焦糖酒醋草莓, 另有陳醋沙律菜!
一片有相當厚度既法國鵝肝, 底層有薄脆多士, 配以糖酒醋藍莓中和油膩感, 一咬香濃鵝肝油份係口腔爆發出黎, 配咬就食到酸甜藍莓味, 雙重味道!
另一款大蝦占米多, 隻蝦果然係夠大隻, 起肉切粒煮香再放返上蝦殼上上碟, 味道偏濃味, 蝦肉夠爽口及蝦味濃郁, 可以伴食沙律菜沖一沖味蕾!
食完頭盤就到熱湯出湯, 亦可加$38升級至:
蟹肉南瓜忌廉湯, 完全食出甜美可口既南瓜味, 再繼而滲出絲絲蟹肉味, 喜歡清新感覺既友人表示滿意!
另一款為口味較重既黑松露菌忌廉湯, 熱辣辣上枱時已聞到好香黑松露味, 湯比起南瓜湯較為杰身, 飲落食到菌粒, 有少少咬口, 總括黎講好香黑松露菌味, 飲完都幾飽肚!
主菜點選左呢款黑松露麵包蟹意大利飯 ($228), 將煮好既意大利飯"釀入"於麵包蟹蓋中, 亦設有一少碗黑松露伴食!
意大利粉飯煮得軟硬度唔錯, 飯粒索晒湯汁而煮成, 再配以香滑忌廉汁, 每一啖都食到香滑感, 而飯內亦有蟹肉及菇菌等材料, 放少少黑松露於飯中, 香濃味倍增, 相當唔錯的一個意大利飯!
肉食獸的我就偏愛呢款德國式燒咸豬手 ($228), 除左主角豬手外另有一藍炸薯條及少量陳醋沙律菜, 夠晒份量
廚師已預先將咸豬手離骨, 等客人進餐時比較方便, 好細心呢! 豬皮食起黎比較煙韌, 食得人滿口膠質感, 即時諗起"骨膠原" (心心眼中), 而肉質算幾嫩滑, 味道又唔會過咸, 配以特製醬汁一齊食, 酸甜味道可減底膩感! 炸薯條亦炸得乾身, 好味!
套餐包埋餐飲, 我點了呢杯外型非常趣緻既Cappuccino, 以奶泡做成既3D貓仔"浮"係杯咖啡上, 飲滿香滑無比, 水準拍得住專業咖啡店!
設加一服務費, 侍應服務態度唔錯, 咁就造就左呢一餐美好既晚餐!
阿麥廚房 : 銅鑼灣加路連山道9號地舖
contact me : [email protected] |
| 2017 年 4 月 25 日 星期二 |
| 松葉蟹配雪濃湯@九重鮮 |
分類: 飲飲食食 |
要完全食到海鮮既原味, 清蒸可算係不二之選, 要食呢種蒸氣食材, 我就會諗起呢間韓式蒸氣火鍋店!
之前都食過佢地既海鮮塔, 味道鮮味食得好滿足, 而今次黎侍應推介佢地既新菜式 - 松葉蟹雪濃湯海鮮塔
侍應話呢期係食松葉蟹既好時間, 睇下............新鮮生猛, 呢隻蟹大約重兩斤!
好快手已送上海鮮塔, 共有四層, 等到溫度去到90度就食得............HEE...HEE...
打開第一層, 有幾種海鮮, 包括蝦, 青口, 花螺, 花蛤及八爪魚粒, 仲有木瓜件, 菇類, 車厘茄, 韓國魚條等
青口鮮甜飽滿, 蝦又夠彈牙, 花蛤食落鮮味無沙, 真係正!
食到呢度, 當然要"入鄉隨俗", 叫返支桃味有氣真露先, LIKE呀!
再食第二層, 主角出場啦.............哇.........一打開真係不得了
雪白既蟹肉上面舖滿蟹膏, 食落有鮮甜既蟹肉, 亦有軟滑鮮味既蟹膏, 一口有齊兩種口感及味道, 超正呀.................
佢既蟹腳亦充滿蟹肉, 輕輕用鉸剪剪開, 一條完美既蟹肉就呈現係我眼前......................不足2秒後已落入我口腔內, 試問咁誘人點可以忍呢?!
再食第三層, 包括蟹蓋, 蟹鉗, 日本南瓜, 粟米, 日本蕃薯, 魚子褔袋
蟹鉗亦係好多肉, 好奢侈咁一啖食晒落肚, 鮮甜味係口腔內再一次爆發; 另外個魚子福袋外面"痴"住埋D蟹膏, 內裏係有爽脆魚子作餡料, 口感幾得意!
再落一層係特選健康蔬菜盤, 食材好豐富, 包括椰菜花, 蓮耦, 冬瓜, 木耳, 秀真菇及日本玉子, 上面既海鮮精華已落入呢層既食物上, 咁又點可能食唔到鮮甜味呢?!
以為食完? 當然未啦, 因為一開始個塔底已倒入雪濃湯及加入飯粒, 係呢個時候再加入塔頂流落黎既精華, 已變成一碗充滿牛骨與海鮮味既粥!
再加少少醬蘿蔔, 京䓤及紫菜碎一齊食, 味道及口感又再增加!
哇..................呢餐實在太滿足啦!
九重鮮: 大坑浣紗街1-5號浣紗閣1樓
contact me : [email protected]
|
| 無限music空間@SUDIO VASA BLA |
分類: 生活篇 |
習慣每日於返工放工既車程中聽音樂, 好等心情放輕鬆, 一直用緊附手機附送既白色耳筒, 表現不過不失, 係有時放入手袋入面, 條線會容易勾到其他人既物件, 尤其係地鐵擠迫既車箱入面, 情況都幾尴尬架! 同朋友傾開呢個情況, 佢就提議我轉用無線耳筒! 係機緣巧合下另我有機會遇上"佢"....................................SUDIO
SUDIO堅持以人手工藝代替一系列機械生產程序，每次限量製80至500對耳機，在生產過程中反覆檢驗及提升產品性能，務求產品每個細節達至高水平，體現瑞典別出心裁的工藝巧思，並定期推出改良升級版本，精益求精。
SUDIO 亦曾在多個國際級電子展中參展，包括IFA（德國）及CES（美國），當中VASA BLÅ 嬴得極佳口碑，廣獲「音質超越傳統掛線耳機」、「輕巧及簡約設計與別不同」等好評, 果然係來頭不少!!
打開精美禮盒, 就見到時尚簡約既包裝
上面果盒係內含無線耳筒VASA BLÅ (其他顏色選擇 : 白/粉紅)
VASA BLÅ ($680) 是SUDIO首款藍芽耳機系列，也是品牌的旗艦產品，簡約俐落的設計，完美展現典雅北歐時尚風格。 機身重量僅14g，輕盈易攜。
而下面果盒就包括型格皮套, 大小不同耳套, 充電線, 線夾及保用證, 設備齊全
啟動藍芽對應系統亦都好方便, 另設有電池用量顯示
貼耳設計佩戴舒適，免除耳機掛線帶來之困擾，攜帶及存放便利! 設有線夾, 於運動或跑步時使用亦不會輕易滑落, 超貼心呀!!
按鍵遙控與配備藍芽功能的裝置（包括iPhone 7）相容，具跳選或回播歌曲功能，透過內置收音咪可接聽電話。音質唔錯, 尤其係BASS夠勁, 聽歌時就更震撼!
USB 10分鐘快速充電，差滿會由紅燈轉去藍燈, 免去苦等煩惱!
依加購買就送大理石紋手機殼及全港免運費！
著數仲要唔止一個, 只要憑折扣代碼(falav15), 到官網購買更可享有85折優惠
http://www.sudiosweden.com/hk/
心動不如行動啦.................................................
相關產品由品牌提供, 內容純個人分享 :)
contact me : [email protected]
|
« | 35 | 36 | 37 | 38 | 39 | 40 | 41 | 42 | 43 | 44 | ... | 147 | »
|
