| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2017 年 6 月 8 日 星期四  |
| 激光脫面毛之旅最終回- MediLASE專業之選 |
分類: 療程篇 |
我既激光脫面毛之旅，係呢半年期間總共要接受6次脫毛療程，不知不覺間已經到左最後一次。之前係旺角朗豪坊分店進行，而今次就轉下新環境，去到位於尖沙咀The ONE 8樓既旗艦店！
佔地廣闊，一邊係MediLASE，而另一邊係CLINICZ。各位愛美一族既女士可以係同一個地方享受脫毛美容服務，無比方便，比妳由頭到腳都靚到盡！
登記過後，親切既接待員帶領我過去設計新穎，舒適寬闊既大堂。 一邊享受The ONE旗艦店獨有的花茶，一邊睇住新代言人Janice Man完美精彩既演繹。螢幕不段重覆顛覆激光脫毛，原來MediLASE推出嶄新『脫毛完全方案』， 將No.1脫毛科技及No. 1專業貼心服務完美結合。科技上，使用獨有全球最大24mm機頭，覆蓋率高，755nm激光能量波長，有效將激光能量傳送至毛囊，更快更有效徹底解決毛髮問題。
瞓係雪白乾淨既美容床上，光學治療師首先幫我卸妝及清潔面部，手勢好溫柔，之後帶好保護眼罩就可以開始脫毛。
貼心既光學治療師每做一下都會預先同我講聲會做邊個位置真係快靚正呀。因為最先進表皮層冷凍系統PRO-U™ EPID-COOLING SYSTEM，不需再如舊式脫毛技術以冰敷冷凍，真係一D唔舒服既感覺都無喎！
完成後再搽返D補濕產品就OK啦，面上仲無出現泛紅情況，SO GOOD ~
最後光學治療師再三溫馨提示之後要點做護理，例如要加強補濕功夫，注意防曬及忌做高溫活動及美白磨砂！
值得一提的MediLASE『1+1 個人專屬服務』令人欣賞，每位客人都有兩個人serve 你，包括有光學療程總監貼身跟進整個脫毛過程，另一方面有治療師專心專注為我做到最好既效果。
而每位光學治療師，都獲取美國CANDELA一級專業資格，再通過註冊醫生培訓，保證專業。呢點相當重要，始終再先進既儀器都要依靠人手操控，幾時都話人材係係公司最大既資產，有專業既員工，自然會有好既服務！
照鏡時發現無論腮邊位或上唇位都毛毛BYE BYE，無左毛毛既阻塞，護膚品既營養被皮膚更易吸收，膚質及膚色得到改善，觸感更幼滑，效果令我十分滿意！！
如果你都想好似我咁安全舒適咁脫去面上毛毛，即刻CLICK 入https://goo.gl/27gV5A 免費體驗激光反應測試, MdeiLASE專業光學治療師盡快聯絡你, 為你免費解答所有疑問!
療程由品牌提供，內容為個人感受/分享
contact me : [email protected]
|
| 2017 年 5 月 31 日 星期三 |
| 好味又抵食@志明越南料理 |
分類: 飲飲食食 |
開飯群組成員吹鷄, 提議去呢間越南餐廳開飯, 難得又有人自動獻身, 當然如時出席啦!
呢位組員已經食過幾次, 由佢發辦當然出事機會率大減啦, 我地就一於等食..............哈哈!
先黎個青木瓜沙律, 份量都幾大, 夠3-4人食, 青木瓜枹出絲來, 口感硬度適中, 淋上酸汁, 配以香口花生碎粒, 雙重口感, 味道清新!
濱海呢個名聽就聽過但從無叫過, 今次有機會見識下啦, 呢客香芧豬肉濱海有5片類似"檬粉"既物體 (應該係), 食法係以生菜, 夾一片"檬粉"再放上肉類夾埋一齊食, 可以加少少酸辣汁一啖放入口就仲滋味, 豬肉食到幾香既香芧味, 肉質偏軟身!
呢碗份量十足既火車頭湯河, 材料多樣化, 有牛丸, 牛根, 牛肉, 牛展, 牛栢葉及蘿蔔, 啖湯充滿牛既鮮甜味, 加上面頭再有香葉, 又有另一種香味, 喜歡牛既友人表示相當滿足~
一客6隻既香芧鷄翼, 每隻都非常飽滿, 顏色炸至古銅色相當吸引, 上枱時已經聞到惹味既香芧味, 食時要小心"辣"口, 一啖咬開食到皮香肉嫩, 肉汁係口腔內爆發! 冒住爆瘡都要食多隻呀...............超好味!!
雖然侍應數目唔太多, 但行動敏捷, 上菜速度亦快, 碟碟都熱辣辣, 價錢又抵食, 今餐不禁要比個LIKE呢位組員^^
志明越南料理 : 天后威非路道4號地舖
contact me : [email protected]
|
| 意菜好風味@Babbo Trattoria |
分類: 飲飲食食 |
難得約到閠蜜係咁好天氣既日子食個午餐, 當然要搵間坐得舒服又可以傾到計既餐廳啦, 根據吃貨組員提供既情報, 呢間似乎頗岩水心!
呢間餐廳係食意大利菜, 店內環境燈光昏暗, 播住悠揚歌曲, 侍應安排我倆坐於圓型卡坐, 好舒服呀!
打開餐牌, 見到食物選擇都唔少, 包括頭盤, 窯烤, 湯, 沙律, 意粉, 薄餅, 甜品及飲品類, 要花點時間諗下想食咩, 好在問侍應有咩好推介? 佢都樂意介紹! 由於我地兩個人未能叫太多, 就試下佢既推介啦!
先黎呢款辣味蕃茄鑲蛋佐特製麵包 ($108), 原隻半熟蛋置於頂部, 內有蕃茄碎及少量辣椒作調味, 食時再將半熟蛋撈勻整碎變, 內裏既香滑蛋汁混為一體, 再塗於特製麵包上食, 口感煙韌既麵包配以呢個"醬", 味道好好, 辣辣地刺激你既味蕾, 又有蕃茄既酸味中和蛋汁既膩感, 要推介!
食意大利菜, 又點可以唔叫薄餅呢?! 呢款卡拉布里烏魚子薄餅 ($188), 面頭舖上菠菜及灑上烏魚子, 味道咸香, 而呢度既餅底係有別於薄脆, 取而代之係口感煙韌, 食落都幾飽肚!
意粉亦係當然要試啦, 呢款紙包窯烤茄汁鮮蜆鮮蝦意粉 ($188), 煮好再以錫紙包好放入焗爐再焗一焗, 增加香味; 而佢既醬汁以蕃茄烹煮, 酸酸地又有辣椒既惹味, 幾能調起胃口; 佢既蜆肉食落嫩滑又無沙, 蝦食落鮮味, 仲好細心已經去除中間蝦殼, 食落方便; 意粉軟硬度岩口感, 整體黎講係好味既!
侍應反應夠快又細心, 不時主動加水及換碟, 令我地享受呢個美好既Girl's Talk時刻!
Babbo Trattoria : 銅鑼灣羅素街2-4號二千年廣場5樓
contact me : [email protected]
|
| 始終經典, 汗臭味NO WAY@DOVE止汗香體產品 |
分類: 身體護理 |
要完全肯定夏天已經來臨, 除左熱褲美腿上場外, 係擠迫既室內(例如:升降機, 公共交通車廂)會聞到濃烈既汗臭味, 果種臭味真係令人避無可避! 身為女生若然有陣臭汗味, 就算著到靚一靚, 都會出現尷尬場面! 唔想咁樣, 就要用止汗香體產品啦!
令肌膚更白更柔滑細嫩的Dove潤膚乳止汗系列, 推出左Dove經典香味, 含1/4潤膚乳霜及專櫃品牌也用的護膚成分，呵護滋潤，同時給予肌膚48小時清爽保護。只需3天，腋下肌膚即可回復看得見的柔嫩；肌膚重拾更白更柔滑的細嫩感覺。為腋下肌膚重現更白更柔滑的細嫩感覺! 毎款系列都有兩種產品以供選擇
Dove 潤膚乳止汗香體噴霧
HK$ 29.9/150ML
使用前先輕輕搖均, 打開樽蓋按動深藍色位置就可輕易噴出止汗噴霧
先感受冰凍噴霧帶來既醒神感覺, 隨之而黎就聞到清新香味, 炎夏用都幾爽!
另一款為Dove 滋潤膚乳止汗走珠香體露
HK$ 25.9/40ML, 細細支帶出街補用/旅行都好方便
扭開樽蓋就見到半透明滾珠, 首次用要滾動多幾下先有香體露滲出
仍係經典香味, 與止汗香體噴霧比較, 需要多少少時間乾透
分別用左呢兩款止汗香體產品出外活動, 持久度都維持到大半日, 用後腋下無出現敏感情況, 效果令我滿意! 汗臭味........?! NO WAY!!
有關產品由品牌提供, 內容純個人感受/分享
contact me : [email protected]
|
| 2017 年 5 月 12 日 星期五 |
| 一定會再來@Amico 1890 |
分類: 飲飲食食 |
吃貨友人話發現呢度有間"疑似"新餐廳, 問我有無興趣去試? 難得唔駛諗開餐地點, 當然SAY YES啦!
入到去見到開房式廚房, 牆上配上餐廳名字畫像, 以為面積唔大, 原來樓上仲有一層, 我地早入座, 所以樓下仲有位可以坐!
餐牌設散叫或晚市套餐, 價錢望落合理, 一於試下叫個套餐再加少少散叫!
套餐包餐湯, 沙律, 主菜及甜品, 是日餐湯係磨菇湯, 質感濃稠, 食到磨菇粒, 飲落好香磨菇味!
意大利風乾火腿沙律, 沙律底包括粟米, 車厘茄, 青瓜, 沙律菜, 面頭有片咸香風乾火腿, 捨棄傳統既黑醋, 改為配以芝麻醬汁, 新式mix and match!
想食多D菜, 叫左呢款日本刺身帶子沙律 ($68), 沙侓底照舊, 配以芝麻醬汁, 超大碼日本刺身帶子, 外面稍為煎一煎, 內裏仍然軟身, 先食到香味再食到鮮味, 咬落非常有口感!
好牛既友人點了呢款美國安格斯肉眼扒 (10安士) ($248), 七成熟肉眼扒, 伴以粗薯條及沙律菜一齊以木板上枱, 見到肉眼扒上一條條"燒紋", 已經引得我口水流, 用刀叉一切開, 未食已經感受到佢既肉質鬆軟!
切開後仍然見到內裏有血紅色, 火候控制得唔錯, 食落肉味夠濃, 又多汁, 水準唔錯, 喜歡食牛既友人表示相當滿意!
身為芝士控的我, 對於呢款香草芝士薄餅 ($98)係難以抗拒既, 9寸薄餅配以芝士及香草醬, 看似簡簡單單但味道有蕃茄醬既酸味, 芝士既奶香味, 當然唔少得係香草味道啦; 薄脆既餅底食完唔會好飽肚, 仲有位可食其他食物, 正呀!
佢既飲品單上見到名字好搞鬼既特飲, 分別叫左呢款"Amico" ($43), 以荔枝, 檸檬, 橙汁加雪碧, 味道偏向荔枝味, 甜甜地幾好飲; 另一款係叫"求其" ($38), 係雜莓, 檸檬加梳打調製而成, 紅紅地幾靚仔, 飲落有氣好GUR呀!
有少少意猶未盡, 侍應推介呢款龍蝦汁蟹肉意大利粉 ($108), 份量足夠二人分享, 蟹肉份量普通, 但食落有鮮味, 配以濃香龍蝦汁, 每條意粉都沾滿左醬汁, 若有龍蝦味Fans黎度呢度就推介食呢款意粉!
套餐包甜品, 雖然係包埋但絶不欺場, 賣相似甜品店單賣出品, 二人一齊分享呢客乳酪雪糕配窩夫, 軟滑又酸甜味乳酪雪糕, 配上硬脆既窩夫, 口感一軟一硬, 為呢餐寫上一個完滿既句號!
呢度侍應服務態度好, 反應夠快, 食物水準唔錯, 唔怪之得全場爆滿, 下次黎都係早D訂定位好D!!
Amico 1890 : 旺角洗衣街24號地舖
contact me : [email protected] |
« | 34 | 35 | 36 | 37 | 38 | 39 | 40 | 41 | 42 | 43 | ... | 147 | »
|
