之前睇過一個旅遊節目訪問過當地女士大都選用自己國家出產既護膚品, 睇韓劇見到D女仔個個皮膚白滑, 又難怪吸引唔少香港女生都轉用韓國護膚品, 我都係其中一個......HEE..HEE....

來自韓國天然護膚品牌the SAEM, 推出亞麻籽保濕系列 - 以新西蘭原生植物亞麻葉為主要成份，其保濕效果比蘆薈及橄欖油強3倍，能為肌膚加倍保濕，舒緩抗壓及修復肌膚。亞麻籽保濕系列採用來自新西蘭原生植物亞麻葉 (Harakeke)，能迅速修復缺水及粗糙肌膚，適合所有肌膚使用，特別是年輕缺水肌膚或因天氣轉變而引致肌膚過敏不適使用。另外，主要共同成份包括：麥蘆卡蜂蜜及有機金盞花有助舒緩抗壓。且產品更不含防腐劑Paraben、礦物油等對肌膚有害的成份。

亞麻籽保濕系列共有7款產品(潔面泡沫, 保濕柔膚水, 保濕乳液,  保濕精華, 絲質保濕霜, 營養保濕霜及保濕眼部精華), 而呢個咁精美既禮盒入面究竟有咩東東呢?!

開盒..............................入面包括保濕柔膚水, 保濕乳液(貨裝及試用裝各一)及營養保濕霜

亞麻籽保濕柔膚水Harakeke Fresh Toner ($124 / 180ml)

蘊含92%亞麻葉精華萃取
彈性Gel配方，有效將水份傳送至肌膚底層
形成保水層，有助後續護膚品吸收
不含Paraben防腐劑、人造色素、礦物油、動物成份、二苯甲酮

唧咀設計, 每次唧2-3滴就可夠搽均全面, 質地比起一般用開既柔膚水較為杰身, 但都容易被推開, 搽完就似有個保護膜保護皮膚咁, 但唔會覺得黏立!

亞麻籽保濕乳液 Harakeke Emulsion EX ($124 / 140ml )

蘊含83%亞麻葉精華萃取
質感柔軟易推開，不黏膩，肌膚能迅速吸收
讓肌膚由外而内補充養份
不含Paraben防腐劑、人造色素、礦物油、動物成份、二苯甲酮

亦係唧咀設計, 2-3滴足夠塗搽於全面, 質地柔滑, 搽完乾紋被消失

亞麻籽營養保濕霜 Harakeke Cream EX ($140 / 60ml )

蘊含81.5%亞麻葉精華萃取
強效鎖水,能即時提升肌膚保濕能力
不含Paraben防腐劑、人造色素、礦物油、二苯甲酮、三乙醇胺

用附設既膠棒拎取份量, 比較衛生, 只需拎五毫子面積份量就夠搽於全面, 易推易被皮膚吸收, 加強鎖水功效, 即使於冷氣房間睡覺, 翌日亦唔會感繃緊!

使用呢3款產品, 皮膚明顯有返光澤感, 因皮膚缺水而出面油既情況得到改善, 而且產品氣味清新, 比人一種舒緩感覺, 心情好D, 皮膚就自然更好D啦...............

the SAEM產品已於莎莎發售

此產品由品牌提供, 內容為個人感受/分享

contact me  : [email protected]

約左友人係附近食飯, 見到呢間西餐廳門口幾特別, 望下餐牌食物都幾岩食同價錢岩數, 咁就由呢條樓梯下落去一層開餐!  食店面積唔大, 一眼望晒有幾多張枱, 環境傢具比人一種簡約感覺!

侍應送上餐牌, 介紹有呢個法式7道菜晚市套餐, 價錢由$138-$266 (加一服務費), 唔想用腦再諗, 一於點個套餐吧!

頭盤可以四選一, 友人點了鮟鱇魚肝多士, 鮟鱇魚肝口感幼滑, 食落有陣魚油香味, 配多士食可食到一軟一硬口感!

我就點了鵝肝多士, 一咬落去鵝油標晒出黎, 幸好有D沙律菜食減底油膩感, 但略嫌鵝肝表面煎得唔夠香口!

食完頭盤就到湯及沙律, 今晚餐湯係南瓜湯, 質同味感都夠濃, 配以香草包粒, 我喜歡扔入湯浸一浸先一齊食, 另外個油醋田園沙律味道OK!

見佢主菜有低溫慢煮之選, 即管試下, 呢款係澳洲自然穀飼豬胺伴薯菜 ($240), 豬胺係厚切,份量十足, 切開見到雪白豬胺, 食落有陣肉味, 咁厚切都唔會食到好嚡口, 當要慢煮時䦔要控制得好, 呢碟應該及格!

我就喜歡食牛, 食牛我選擇澳洲和牛牛面肉, 聽個名都諗起應該係好腍滑, 一客有2件牛面肉, 切開仍然見到有嫩紅色, 食落口感絶對係腍滑, 同我期望既無出入, 慢煮加牛面肉, 無得輸呀! 

甜品另加$30可轉配自家製芝士餅, 我地分別點了朱古力慕絲及OREO芝士餅, 兩者口感幼滑, 味道唔太甜, 雖然份量唔細但都可以完全食晒, 呢$30絶對值得加!

飲品另加錢可轉配特式咖啡, 我就點左LATTE, 味道絶對唔輸蝕得過出面連鎖咖啡店呀, 埋單六百幾蚊, 侍應招呼都幾周到, 回頭率都幾高!

地址 ：旺角彌敦道7３３號振宜大廈地下及地庫

contact me :  [email protected]

上一次用過佢既驢奶高效精華感到相當滿意, 原來佢仲有面膜, 當然要用埋啦! 要靚就要靚多D嘛............哈!

Skin Ceramic驢奶高效精華面膜

含有與人類母乳成分最為相似的驢奶 (意大利生產)，使用整瓶含有驢奶的高濃縮驢奶精華素。含有烟酸酰胺、腺苷，能美白皮膚及改善皺紋的雙重效能面膜。含有角鯊烷、澳洲堅果種子油、β-葡聚醣及發酵保濕成份，除了可鎮靜皮膚外, 亦提供皮膚營養及水分, 持久保濕, 保持肌膚健康與光澤。

 一盒有5片

撕開面膜包裝袋, 見到JUICY到爆既面膜, 敷上面後, 內袋入面既精華液會用黎搽埋上頸部, 唔好浪費!

面膜質地透薄, 夠大又夠貼面, 帶有微量香味, 使用說明圖顯示敷10-20分鐘, 敷後面膜上仍有精華液, 會以指尖輕輕彈於面上, 好等精華液繼續被皮膚所吸收

用後皮膚變得有光澤, 乾紋減退, 作為日常護理, 呢款面膜確係好幫手!

此產品由品牌提供, 內容純個人分享 :)

contact me :  [email protected]

自從搬離左沙田後, 已經唔得幾耐無去過呢間大排檔, 今晚就過去食個宵夜

星期六晚呢個時段去到都見出面坐滿客, 向侍應報數幾多位後就被帶領入去有冷氣既地方開餐, 唔怕食到身水身汗

黎到呢度最想食燒乳鴿 ($70隻), 熱辣辣上枱, 皮香肉多, 食落去肉有味道, 浸得幾入味先拎去炸, 果然唔錯

鷄粥好大鍋吓, 足夠3-4個人食, 鷄件份量都多, 個粥相當夠味, 似咸鷄粥多D, 鷄肉亦食到少少鷄味, 食完要飲多幾杯茶

有鷄粥又點可以無豉油王炒油麵? 望落色水認真夠晒, 面頭再晒上芝麻梗加之香, 食落唔油膩, 隨碟送上辣椒醬, 有粥有炒麵, 掂晒:)

contact me : [email protected]

一班人去食泰國菜, 唔駛一定要去九龍城, 友人介紹呢間由泰國人主理既上樓私房菜, 名字同九龍城其中一間泰菜館同名, 唔知有無關係架呢?!

店內裝飾環境普通, 肚餓指數高, 快打開餐牌點食物, 食物選擇都唔少, 一班餓鬼叫左以下食物 :

先叫個柚子沙律開下胃先, 柚子粒粒分明, 味道酸甜又爆汁, 配埋腰果一齊食, 口感特別

炒金邊粉又係唔少得, 份量頗大碟, 味道調教得幾好, 炒得幾乾身, 食落唔會一口油, 撈埋花生碎一齊食仲香口

泰式炸蠔餅第一次食, 有別於潮式蠔餅, 講到尾其實係炸蠔仔, 熱辣辣上碟, 炸得外香內軟, 炸醬唔厚, 好易食到蠔仔味, 用黎送啤酒就一流

食泰菜又點少得咖哩類, 唔想食咁多肉, 轉食咖喱大蝦, 每一人隻確實夠大隻, 肉質幾彈牙, 個咖喱汁一D都唔辣, 配以青椒洋蔥調下味, 用黎送白飯/薄餅就一流!

菜方面就炒碟通菜, 通菜幾嫩無渣, 味道唔錯

甜品就係呢個賣相相當吸引既南瓜燉蛋, 四個字形容: 香滑綿甜, 食到南瓜既香甜味, 兩者混埋真係超好味, 誠意推介

地址 : 灣仔軒尼詩道18-20號永昌大廈2樓

contact me :  [email protected]