| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2016 年 8 月 24 日 星期三  |
| 鮮味無限@九重鮮 |
分類: 飲飲食食 |
適逢天生係海鮮宿敵既朋友生日, 而佢又一直好想試韓式海鮮塔, 要同佢食生日飯, 順理成章就去食呢間評價幾高既韓式海鮮塔專門店 (心裏暗喜 : 唔駛諗到頭都爆都唔知食邊間....哈!)
大家係港島區放工, 選擇呢間位於大坑既分店都好方便, 係地下門口已經有個宣傳易拉架係度, 好易搵
行上樓梯, 自動門除除打開就見到食店面積唔算十分大, 裝潢得幾有韓FEEL, 但每枱位置又唔會坐得好迫, 好在有訂位, 現場去到已經坐滿九成客人
餐牌上有3款套餐供選擇, 價錢由每位$328至$568, 朋友生日一於食豪D, 點了最貴價及海鮮種類最多既濟州塔, 等食之前, 飲了侍應推介最新韓國出品既桃味氣酒, 岩晒夏天飲, 當然唔少得可以添食既前菜, 味道都唔錯
二人分享有七層塔, 當塔頂既紅色溫度計去到85度就可以開始食第一層, 第一層為泡菜和牛卷, 薄薄一片, 底層以泡菜包住和牛, 食到和牛既鮮味肉汁, 若果覺得唔夠泡菜, 可以自加前菜中既泡菜! 亦可追加和牛($168/8件)
第二層為韓國象拔蚌及蟶子, 象拔蚌已處理成一條條, 進食時就方便D; 蟶子都幾大隻, 兩隻食落都有彈牙感及鮮味
第三層為海蝦及元貝, 兩者亦係重量級, 蝦肉彈牙無比; 元貝厚肉但唔會韌, 超鮮甜
第四層為開邊龍蝦, 見到肥美既龍蝦肉就二話不說將佢起肉, 放入口既鮮甜彈牙, 到呢一刻都仲記得, 唔係生猛生鮮絶對做唔到呢個效果
第五層為新鮮花尾龍躉腩及北寄貝, 龍躉腩超肥美, 咬一口魚油係口內爆發; 北寄貝就爽甜
第六層為沙巴肉蟹, 鑽石蚌及大花蛤, 肉蟹雖然唔算大隻, 但果真係肉蟹, 睇下隻蚶就知無騙人
最後一層為南非鮑魚及海螺, 鮑魚都唔細隻, 厚肉夠晒口感, 一咬就咬開, 唔會拖拖拉拉, 爽口彈牙無得彈; 海螺面對咁強勁既對員只好默默無言................
每層都有日本蔬菜作配菜, 另追加為$58一盤, 個人最為欣賞係木瓜, 蘿白及南瓜, 甜度十足, 尤其以蒸既方法最能食出佢既甜味
最底層為一開始已煮緊既魚湯粥(每位另加$30, 另有其他不另收費湯選擇: 如人蔘鷄湯, 韓式豬手湯, 韓國泡菜湯), 所有海鮮精華已完全落入去呢個粥入面,點會唔鮮甜呢? 由於食晒以上七層海鮮都已經好飽, 肚皮只可容得下一碗魚湯粥, 不過唔緊要, 侍應早已預備外賣碗供客人帶走, 服務體貼細心, 咪做大嘥鬼呀!
基本上枱上既調味料我地都無點過, 就係為左要食到海鮮既原味, "鮮甜彈牙"呢4個字係我地口中都唔知出現左幾多次................................友人對此生日飯表示極度滿意, 豪一點又有咩所謂呢?!
地址 : 大坑浣紗街1-5號浣紗閣1樓
contact me : [email protected]
|
2016 年 8 月 17 日 星期三  |
| 甜品賜我力量@Next Station Dessert |
分類: 飲飲食食 |
約左朋友行街, 行到身水身汗, 當然要搵個地方坐底過下冷河兼差差電啦, 食個甜品就最岩, 知道呢頭開左幾間甜品店, 多一點選擇, 上次食過覺得幾唔錯, 一於再ENCORE呢間!
打開餐品牌見到有新款甜品上場, 朋友選了焙茶鬆餅配金莎朱古力脆脆雪糕 ($58), 賣相相當靚仔, 有3件相當厚度既鬆餅, 配以抺茶醬/糖漿, 而碟上裝飾既綠色係綠茶味醬, 紅色係士多啤梨醬, 總共有4款醬用黎配襯鬆餅!
講返個主角鬆餅先, 好軟熟, 面頭灑上少許糖粉, 而個金莎朱古力脆脆雪糕球都好香金莎朱古力味, 喜愛食金莎既朋友應該好LIKE! 朋友最喜歡佢個抺茶醬, 充滿抺茶香味又唔甜, 減少"膩"既感覺!
我就點左呢款雲呢拿泡沬配榴槤雪糕 ($56), 身為榴槤控的我, 行到咁熱想食返杯凍品COOL DOWN一下, 見到榴槤雪糕仲唔心心眼咩?! 面頭係好香滑雲呢拿泡沬, 配以側邊既柚子肉, 一甜一酸口感特別!
而中間係榴槤雪糕, 菓味好夠, 閉上眼覺得自己食緊榴槤咁, 而底層係芒果肉粒, 味道甜甜酸酸, 令人感覺SO FRESHING! 一客份量岩岩好, 食完唔會好飽肚!
此店不收加一服務費, 仲會送上清水比你中和返甜味, 侍應服務態度快, 我地食完呢餐又再有力量去繼續血拼!
contact me : [email protected]
|
| 2016 年 8 月 10 日 星期三 |
| 滿足生日飯@CHEF STAGE de Eddy Chu |
分類: 飲飲食食 |
要同朋友慶祝生日, 當然要搵間特別少少既地方食生日飯, 地點就佢返工既尖沙咀, 上到黎呢間由名㕑EDDY CHU主理既餐廳展開呢餐壽宴
餐廳面積唔算少, 分開兩邊, 可惜未能安排入座於窗口位置
但唔緊要, 服務細心既侍應送上餐牌, 見我地二人就提議要呢個精選二人晚餐, 望落食物都幾吸引, 咁就呢個啦! 餐包2杯餐酒, 我地唔"酒", 可改為菓茶, 味道酸甜幾好入口
海鮮拼盤 - 食材非常豐富, 包括兩款生蠔(各2隻), 今晚呢兩款分別為南非及愛爾蘭, 咸鮮味濃, 質感幾爽身; 鮑魚(2隻), 無需點醬汁已經有味道, 肉質夠厚身, 有咬口; 鮮蝦(4隻),蝦肉爽口, 配以酸甜香草汁一齊食好清新; 日本刺身帶子(2隻), 以杯仔奉上, 十分鮮甜; 紐西蘭聖子刺身, 配以日本刺身豉油及芥辣, 口感及味道又唔同, 鮮味更顯!
乳酪芒果雜菜沙律配西班牙48個月黑毛豬風乾腿, 清爽沙律菜加埋咸香黑毛豬風乾腿, 食到少少油香感, 配以酸甜度適中既乳酪醬汁, 夠晒醒胃
湯類要左創意度十足既海鮮冬陰忌廉湯 - 泰式香料配以西式煮法會係點? 口感細滑, 味道幾辛辣但絶對接受到, 湯中包括帶子粒, 蝦肉及蟹肉, 不欺場!
熱前菜有三款 : 磨菇法國田螺 - 醬汁濃味, 田螺肉較為稔身, 配以紫薯肉既甜味中和一下; 咖哩蟹肉配熱脆麵包 - 味道似食緊泰國菜, 個咖哩汁唔辣但好香, 濃淡度岩岩好, 配以索汁熱脆麵包簡直妙極; 黑松露年糕 - 上枱時已經聞到黑松露既獨特香味, 香滑醬汁配煙韌年糕, 好味道!
食到呢度, 基本上都已經飽左一大半, 但無理由浪費期待已久既主菜?! 今次點左香燒全條鮮魚配酸甜香草汁, 全條燒既鮮魚唔係好多地方有得食, 餐廳每日會根據買到咩鮮魚而有咩魚供應, 今晚呢條係盲曹, 份量都幾大條, 燒到皮香肉嫩, 好彩魚本身無咩細骨, 食得都好方便, 亦都配以酸甜香草汁, 簡直將味道提昇!
呢款西班牙橡果級黑毛豬肉眼蓋 - 一客兩件, 肉質比較有咬口但又唔會有嚡口感覺, 配以燒汁一齊食都好夾; 另外亦留意到佢地既配菜唔用炸薯條而改用紫薯肉, 食得更有均衡營養及健康, 要比個: 讚!
最後當然唔少得係甜品, 今晚甜品係芝士蛋糕配鮮菓, 份量岩岩好, 再大份D都食唔晒
套餐價錢再加一, 為同朋友祝壽, 豪一點又如何?!
地址 : 尖沙咀亞士厘道17-19號19樓
contact me : [email protected]
|
| 2016 年 8 月 3 日 星期三 |
| 開餐飲嘢好選擇@K-Net Square |
分類: 飲飲食食 |
歐洲國家盃進行中, 同一大班朋友落BAR睇波是常識吧, 估唔到依間酒吧除左有HAPPY HOUR外, 仲有得食晚餐, 一於試下先
一般酒吧格局, 設有大電視及電子擲飛標機, 另設有卡啦OK, 可以讓你一展歌喉
講返晚餐先, 見餐牌提供一人餐 ($168), 包是日餐湯, 香煎厚切鵝肝多士, 主菜一款及精選法國紅酒/非酒類飲品(無限任飲2個鐘)
都幾吸引喎, 一於點呢個餐, 先點左Lemon Squash 同 Orange Squash解一下暑氣, 味道調教得幾好, 一飲感覺幾refreshing
餐湯係南瓜忌廉湯, 味道比較淡口
之後送上香煎厚切鵝肝多士, 鵝肝果然係厚切, 一咬入口就滿口油香, 喜歡食鵝肝既朋友一定夠晒滿足感
主菜: 黑安格斯肉眼牛扒 (七成熟), 份量有8安士, 肉質算Juicy, 配以香滑薯蓉, 食晒都幾飽肚
另一款主菜 : 香草燒鷄(半隻), 上枱時已經聞到好香, 燒得皮香肉嫩, 雖然份量係半隻但都幾多肉, 食埋個薯蓉亦都飽肚
話明係2個鐘任飲非酒精類飲品, 飲多兩杯已經抵晒, 食物味道OK, 侍應服務態度OK, 下次要去飲野開餐兼睇波就知去邊到啦
地址 : 太子大南街27-31號富威閣地下1-2號舖
contact me : [email protected]
|
| 2016 年 7 月 28 日 星期四 |
| 全天候照顧肌膚需要@《我的美麗日記》奇幻珠寶盒組 |
分類: 美容 |
面膜可算係女子組屋企常備之物, 唔同種類, 唔同功效, 一定有存貨, 針對當時皮膚問題而使用, 有D仲要日日使用先見到最好效果, 所以若然有價錢親民又好用既面膜你話幾咁好呢?!
呢盒咁靚既盒子就係《我的美麗日記》奇幻珠寶盒組 Beauty Treasure Box
盒入面有除左有經典明星面膜(2款), 仲有新出4款極地新星面膜, 一盒有齊6款面款比你使用
《我的美麗日記》全新升級自然鑰匙篇，首次以精華液劃分成兩組面膜，以不同的肌膚需求研發出2款保濕效果不同的精華液，全新貫穿保濕成分Tinysome，提升4倍滲透力，細緻呵護肌膚的需要，瞬間敷出嫩滑肌。全新極潤精華液，加強保濕所需；現有的清爽精華液，適合日常保養，滿足保濕基礎、美白及毛孔管理需求，全天候照顧肌膚所需。
兩款經典明星面膜(每款5片)均配以清爽精華液, 分別為:
黑珍珠煥白面膜 - 保濕、滋潤、美白
玻尿酸極效保濕面膜 - 保濕、修復
是次升級版自然鑰匙篇不但全線UPGRADE，搭配3大完美保濕成分外，更包括4款全新面膜，配上世界各地的極地精華元素，帶你走過極地巔峰，令肌膚無懼各種挑戰！
4款全新面膜(每款2片)為:
墨西哥復活草毛孔緊緻面膜(清爽精華液) - 保濕、緊緻毛孔、淨化
撒哈拉沙漠柵藻平衡控油面膜(清爽精華液) - 保濕、清爽、舒緩、控油
阿爾卑斯雪絨花極緻修護面膜 (極潤精華液) - 保濕、舒緩、修復
南極冰河醣蛋白滲透保濕面膜 (極潤精華液) - 保濕、滋潤、好吸收
撕開精美包裝袋, 就見到非常濕潤既面膜(每片容量有23ml), 面膜質地非常透薄, 亦因為咁而好貼面! 清潔完面部搽上化妝水後, 用於面部20-30分鐘, 之後仍有精華液留於面上, 無需洗面, 用指尖再輕輕按摩等皮膚完全吸收精華液, 之後再搽返護膚品就可以!
極潤版面膜紙質料較為厚身D, 都係充滿晒精華液
針對皮膚狀態而選用合適面膜, 一盒有幾款比你使用, 皮膚得到適當日常保養而維持良好狀態, 價錢親民, 點可以唔keep住用呢?!
想要多D資料, 可上品牌網址 : http://www.beautydiary.com.tw
萬寧熱賣
產品由品牌提供， 內容純個人分享/感受
contact me : [email protected]
|
« | 47 | 48 | 49 | 50 | 51 | 52 | 53 | 54 | 55 | 56 | ... | 147 | »
|
