| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
| [內含送禮活動]抗老補濕@日本人氣胎盤素品牌fracora |
分類: 美容 |
有邊位女士唔想素顏都可以見得人?! 但隨住年齡增長, 外在環境污染及生活壓力等因素, 皮膚質素明顯每況愈下, 唔想肌齡"老"過實際年齡, 當然要使用有效既抗老護膚品
日本人氣熱銷的胎盤素品牌 fracora已經登陸香港，其WHITE’st胎盤素系列專門針對肌膚老化問題，有效提升製造細胞力量，活化細胞啟動青春能量！ 胎盤素4大美膚功效：深層修護、恢復彈性、水潤細滑、透白光澤! 品牌全採用頂級優質的日本原料，安全無添加。 用緊佢以下幾款產品
皇牌產品fracora WHITE’st Placenta Extract是含有100%未稀釋的胎盤素原液之活膚精華 (30ml)，有效深層修護肌膚，促進肌膚煥然新生，曾屢獲【日本最大綜合美妝網站COSME導入液部門評選第一名】及【美容液部門第二名】等殊榮。
早晚完成臉部清潔後, 立即以滴管取次保養份量, 輕拍在臉上讓肌膚充分吸收, 質地水凝, 亦可以與化妝水混合後一起使用
完成後就再用上胎盤素活膚凝露Placenta Clear Treatment Lotion (150ml)
不只是水！基底採用富含營養的「蘋果果實水」。
一般凝露中「精製水」佔了最高比例的含量，但fracora胎盤素精華活膚凝露則使用含有高營養美顏成份的「蘋果果實水」，製作全程中滴水未加零稀釋，含有豐富的美顏成份。
除了主角胎盤素萃取物外，還含有膠原蛋白、三重玻尿酸、彈性蛋白等成份，讓肌膚更加緊緻美麗。
早晚使用, 使用時適量按壓3-5下後, 用手心或是化妝棉沾取活膚凝露, 均勻塗抺全臉, 可重覆塗抺咀角及眼周以加強效果
之後再用埋fracora胎盤素精華全效面霜Placenta Lift Cream (20g)
除了胎盤素外，還含有其他多種美顏成份，是滋潤與緊緻肌膚的全效面霜。
取適當份量均勻塗於面上, 亦可於特別乾燥既位置重覆使用, 為加強緊緻效果, 塗抺既手勢亦要由下而上方向
用齊以上三款產品, 每款都好快被皮膚所吸收, 覺得皮膚重回應有光澤感, 就算晚晚開冷氣訓覺, 第二朝皮膚都唔會覺繃感, 亦唔會因底層缺水而出面油, 感覺幾唔錯!
睇完以上分享你都想試?! 機會黎啦, 現回答以下簡單問題, 將答案私訊(PM)我, 答中問題既最快5位朋友, 可以得到有關產品, 仲由專人送到你手上, 係咪好吸引呢?
問題: fracora 在哪裹可以買到？
快D行動啦!
fracora 現於香港萬寧有售
有關產品及產品資料由品牌提供, 內容純個人分享/感受
contact me : [email protected]
|
2016 年 6 月 30 日 星期四  |
| 又一餐@OCIO |
分類: 飲飲食食 |
呢間西餐廳OCIO, 好多時行過都會見到有人係門口等位, 今日放假可以早少少食晚飯, 時間尚早未見要係門人口等位, 咁就一於再試下啦!
門口見有晩餐餐牌, 食物選擇都唔算少, 包餐湯沙律, 主菜選一, 餐茶及甜品, 都幾豐富!
餐廳面積唔大, 裝潢格局走CAFE路線, 牆上掛上食物推介
點餐後, 我們二人各選了餐湯(蕃茄濃湯) - 份量頗多, 喜愛蕃茄人士絶對唔可以錯過, 濃度強勁, 質感比較厚身, 見到蕃茄籽在內, 每啖都充滿蕃茄味, 飲到尾都覺酸
喜歡多一點綠色, 選擇要田園沙律 - 醬汁另上, 可以根據自己口味落多少份量; 沙律菜好爽甜, 配以少量菇菌, 但整個沙律係室溫, 食唔凍既沙律有D古怪
主菜到...............呢款係黑松露野菌肩意粉 ($139)
上枱時聞到好香黑松露味, 配以甜椒及野菌, 野菌口感爽脆, 意粉口感夠al dente，味道配合得唔錯
另一款主菜係車打芝士安格斯牛柳漢堡伴薯條 ($189)
份量夠晒巨型, 除左主角外, 仲有沙律菜及薯條, 主角"內涵"包括芝士, 安格斯牛柳, 厚蕃茄及少量野菌; 安格斯牛柳肉質嫩滑又多汁, 一咬D肉汁係口內爆發, 正! 值得一提係個飽內裏香脆, 食落好香口, 簡直為呢個食品加唔少分
飲埋餐茶就到甜品, 有呢款賣相唔錯既綠茶戚風疍糕
綠茶味幾濃, 配以少量紅豆, 味道唔太甜又夠鬆軟, 以餐包括在內既質數黎講算中上!
加一服務, 埋單三百幾蚊都算幾唔錯, 唔怪之得咁多人係門外等位!
地址： 旺角煙廠街33號朗廷軒地下B舖
contact me : [email protected]
|
2016 年 6 月 28 日 星期二  |
| 韓一寒@Nun Korean Dessert |
分類: 飲飲食食 |
飯後食個甜品是常識吧! 對於韓式甜品一向都LIKE, 之前對佢地既韓冰一試難忘, 路過呢間主打韓式甜品既店舖又點可以唔巡視下業務呢! 哈.........
店內以自助式主理, 選好食物比錢, 再自行拎食物
呢個到餐提示器, 食物預備好會叫, 提你去取餐處拎食物, 幾搞鬼
餐牌上提供甜品選擇都唔少, 應該實會有想食既甜品
行到熱辣辣, 食番碗韓冰, 呢款係麻糬紅豆雪奶 ($55)
份量都幾大份, 足夠二人一齊分享, 面頭蓋滿黃豆粉, 加上有麻糬及紅豆, 食落都幾飽肚, 冰質地算幾滑身, 但若然奶味再重D會梗好, 冰溶既速度都幾快, 要快口D食!
另一款係魔鬼意大利粉雪糕 ($68)
未見真身時會諗意大利粉雪糕究意係咩東東, 見完真身即係將雪糕唧成條狀(類似打邊爐時既唧魚面), 雪糕好重奶味, 份量亦係大份, 伴以香蕉一齊食, 味道都幾夾, 但食完就好有罪惡感啦..............哈!
埋單百幾蚊, 以後食甜品又多個選擇啦!
地址 : 銅鑼灣勿地臣街12號地舖
contact me : [email protected]
|
| 2016 年 6 月 24 日 星期五 |
| 豬出沒注意@Pork Bistro |
分類: 飲飲食食 |
一間主打食豬肉既西餐廳 PORK BISTRO, 中文名字相當搞鬼 - "豬肉在前", 擺明玩食字, 保證不用味精, 即叫即製, 不設加一
店內面積唔算好大, 似走簡約時尚路線, 入內見"豬"踪影處處, 屬豬既朋友有無好有親切感呢?! 哈..
打開餐牌, 食物選擇都幾多, 價錢合理唔算貴, 一班朋友就點左以下幾款食物
豬骨醬汁芝士薯條(分享份$85)
面頭有香脆煙肉碎粒, 熱溶左既芝士醬伴隨熱辣辣薯條一齊食, 味道偏咸, 建議叫杯BEER一齊食
豬骨濃湯黑松露意大利飯 ($100)
味道偏濃, 唔係好食到黑松露味, 意大利飯粒口感偏硬, 似未夠時間去令湯汁被飯粒索晒
豬皇飯 (多款西班牙"伊比利"及黑豚肉加特式芝士白汁配白飯) ($175)
見到兩款唔同種類豬肉(深淺顏色), 豬肉味幾濃, 芝士白汁配白飯口感較意大利飯好好多
招牌燒排骨 (半份/$95)
燒到骨肉有D分離, 食落肉質有D嚡口, 配以甜酸燒烤醬, 味道一般, 無咩特別
食滿指定金額, 送上特色甜品, 今次有賣相可愛既馬卡龍, 每人一個唔駛爭
侍應服務一般, 食完都費時再坐咁耐, 轉場去食甜品好過!
地址 : 九龍城褔佬村道63號地下
contact me : [email protected]
|
| 2016 年 6 月 21 日 星期二 |
| 夏日炎炎正好甜@Joyful Dessert House |
分類: 飲飲食食 |
見到米芝蓮推介呢個"光環", 想試既意欲當堂會高D
而呢間甜品店就有呢個光環啦.................
店內環境佈置比人舒服感覺, 播著外國流行音樂, 甜品選擇幾多, 今次試下呢2款
伯爵茶奶凍 ($52) - 用耳杯著住, 驟眼睇以為係一杯奶茶, 試一啖食到好香伯爵茶味, 奶凍又夠滑, 相當唔錯, 甜度適宜, 伴以雲呢拿雪糕, 反覺雪糕偏甜
出面溫度入夜後都係咁熱, 試呢個菠蘿雪芭($52)就最岩不過 - 面頭有片有糖焦面既菠蘿, 下面就係滿載菠蘿味既雪芭, 切開一小塊, 伴著雪芭一齊食, 口腔充斥著香甜菠蘿甜味, 到肚後簡直涼透心, 份量仲足夠二人份享, 誠意推介呢款夏日消暑之選
不收加一, 侍應服務細心, 回頭率.........高!
地址 : 旺角黑布街74號藝興大廈地下2及3號舖
contact me : [email protected] |
« | 49 | 50 | 51 | 52 | 53 | 54 | 55 | 56 | 57 | 58 | ... | 147 | »
|
