| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
| 藍補濕, 黃潤養@Dove日本極致系列 |
分類: 頭髮篇 |
未到七月, 炎夏日子已經來臨, 又熱又濕既日子真係令人苦惱, 除左護膚品要轉用質地清爽一D外, 頭髮既洗護產品都要有所轉變, 咁先可以時刻保持頭髮健康亮麗! 早前收到Dove日本極致系列, 主打補濕及潤養髮絲功效, 當然樂意使用啦!
呢套係極致輕氧保濕洗髮乳及護髮素 (藍色)
HK$59.9/480g (適合油性或中性髮質)
配方添加獨特Oxy-fusion「輕氧因子」，可撫平髮絲，令秀髮輕盈順滑，加上高科技揉合Oxygen atom於「輕氧因子」中，幫助秀髮凝聚水分保濕，毫不黏膩，更可賦予秀髮絲柔順潤澤感，並由髮芯締造極致絲滑柔亮秀髮
洗髮乳揼2-3下份量已足夠, 清新優雅花果香, 加水後容易做出泡沬
而護髮素特有 Dove Moisture Keratin，令秀髮意想不到的水潤順滑, 同樣有清新優雅花果香!
用後感覺頭髮清爽, 補濕功效令頭油出少左, 前面既留海唔會'痴"埋一舊
而呢套係極致金潤養護洗髮乳及護髮素 (金黃色)
HK$59.9/480g
以高科技揉合與秀髮天然滋養成分相似的Oleic Acid，注入配方，能深入滲透養護髮芯，令乾旱的髮絲從髮芯重拾健康光澤。同時添加了第二重Squalane養護成分，重點滋潤髮絲表面!
亦都帶清新優雅的香氣, 加水容易產生泡沬
護髮素並配合特有 Dove Moisture Keratin，令秀髮滋養順滑，輕盈柔順
用後頭髮帶點光澤感, 即使每晚用風筒吹頭亦能得到柔順感
產品於各大萬寧、屈臣氏、百佳及惠康有售。
有關產品及相關資料由品牌提供, 內容純個人感受/分享
contact me : [email protected]
|
| 勁量桑拿海鮮鍋@德哥火鍋專門店 |
分類: 飲飲食食 |
覓食女子組又再出動, 今次黎到呢間火鍋專門店, 展開我地呢次女子組吹水大會
店舖面積不大, 格局普通唔離地, 魚缸內放滿左各種海鮮, 邊款新鮮靚仔, 一目了然
火鍋就打得多, 今次試下呢個全港首創"浩瀚桑拿海上鮮" (每位$388, 2位起)
侍應透露預備製作需時25分鐘, 於是試下呢2款前菜
"司㰩", 女子組其中一員話好鮮甜; 另一款係麻辣木耳海蜇, 味道都幾麻辣但幾爽口
終於有得食啦, 侍應拎上枱時我地都不禁發出哇一聲, 好有睇頭下喎, 將錫紙揭開時, 香味散發出來
材料包括沙巴龍躉(魚皮食落有膠質感, 肉唔會嚡), 花蛤(肉幾鮮甜), 流浮山生蠔 (煮熟都咁大隻, 勁!), 農場鷄 (肉幾嫩), 海生蝦 (肉質幾彈牙), 鮮帶子 (食落有些少痴牙), 花蚧(雖然唔大隻, 但蚧蓋都有D膏食下)
食緊期間, 可加入豆腐卜索埋D海鮮精華一齊食, 唔夠飽仲可以煮埋個烏冬
食完呢個咁勁量既海鮮鍋, 侍應送上冰涼一點甜...............雲呢拿味道既雪米糍
結束我地呢次女子組吹水大會.........................哈..哈!
地址 : 佐敦廟街286-298號華志大廈地下A舖
contact me : [email protected]
|
| 下一站....甜品@Next Station Dessert |
分類: 飲飲食食 |
下一站唔係天后。。。。下一站係。。。。。。。甜品！
食過午餐，行左陣街，悶熱天氣驅使我地入去食個甜品消下暑
呢款法式朱古力班戟配青檸雪芭 ($58)
朱古力非常香滑, 一舊切開兩份可以一啖一舊, 朱古力充滿晒我口腔內, 最令我LIKE既係佢唔太甜, 食落唔會有好膩既感覺; 而個青檸雪芭夠晒清新又夠凍, 炎夏日子食真係透心涼, 可能係法式關係, 以雪芭黎清洗一下味蕾, 再食下一個甜品........哈
下一款出場係今期甜品紅人 - 紫薯, 化身成九宫格內既紫薯窩夫配雲呢拿雪糕 ($62)
一客兩件, 切開窩夫見到有紫薯餡, 甜度適中, 食到紫薯香甜味, 另有朱古力醬/糖漿伴食, 個人覺得加糖漿會梗加好味, 當然伴以雲呢會雪糕都唔錯啦, 一凍一熱, 味蕾新衝擊
兩款甜品賣相吸引, 份量適中, 食完成個人都Refresh晒！
地址 : 旺角黑布街１３號地舖
contact me: [email protected]
|
2016 年 6 月 3 日 星期五  |
| 是日BRUNCH在這裏@Sweetology |
分類: 飲飲食食 |
一段日子無黎過呢個商場, 舖頭變化都幾大, 又有新舖進場, 呢間外型咁可愛既"小白屋"就係新舖進場之一啦
店舖面積唔算大, 一眼望晒, 裝飾佈置以白色為主, 好岩"姐妹淘"黎開餐
餐廳主打西式食品, 甜品糖水/雪糕/乳酪/咖啡, 係商場行得累時, 岩晒入黎坐底食返個TEA再差電
餐廳營業時間為1400-2300，岩晒星期日當BRUNCH, 一於試下個英式全日早餐 ($88), 包飲品, 轉咖啡/凍檸檬茶加$8
份量都幾足, 一般英式早餐應有既材料都有, 呢度仲會有埋片三文魚! 個人最喜愛佢既炒疍(夠滑但唔油), 薯條夠熱辣又唔油, 加埋個沙律清新一個味蕾, 尤其喜歡佢個醬汁, 酸甜度令人愛上!
友人點選班尼迪疍早餐($78)
賣相顏色配搭好醒神, 除左主⻆外, 伴以大量生果及沙律菜, 減底左食2隻疍既罪惡感, 切開疍可見有疍汁流出, 底部既英式鬆餅已經可以完全索晒疍汁, 方便進食!
雖然食完呢2款早餐已經飽肚, 但打開餐牌又見到佢精緻既甜品...........於是就有佢既出現
香蕉蜜糖吐司盒子($65)
果然好邪惡呀, 總共見到有3片香脆厚多士(已切成條狀, 方便拎取! 讚!), 面頭有一球MOVENPICK雲尼拿雪糕球, 將雪糕, 焦糖脆蕉連多士一齊食..............嗚....肥死都抵!
埋單二人都係二百幾蚊, 以商場其他食店價錢黎講, 呢餐BRUNCH都算幾抵食!
地址 : 九龍塘達之路80號又一城UG層UG22號舖
contact me : [email protected]
|
| 2016 年 5 月 31 日 星期二 |
| 享受一個法式星期天@Oui Oui Bristo |
分類: 飲飲食食 |
對於一D小店向來都有些偏好, 若然由一班後生仔主理既更加會加D分! 星期日訓到自然醒後, 最好就係當然黎個BRUNCH, 今次就黎到長沙灣呢間主打法國菜既餐廳, 享受一個法式星期天!
餐廳面積唔大, 一眼見晒, 後生仔主埋, 裝飾風格偏向型格路線, 燈光昏暗, 給人一種放輕鬆感覺
望下餐牌, BRUNCH既食物選擇都唔少, 仲有以優惠價錢可加埋飲品
我地分別點左LATTE ($10), STRAWBERRY AND PASSIONFRUIT SODA ($10)
雖然係以優惠價加點, 但絶對好飲, LATTE咖啡味香濃, 泡沬幼滑; 而杯SODA即叫即調製, 甜甜酸酸好醒神, 真係買罐汔水都唔止呢個價啦!
天氣好, 心情好, 胃口自然好, 先叫個沙律醒一醒個胃先, 呢款係ALASKA CRAB SALAD ($128)
清新爽口沙律菜打底, 配以唔少份量蟹肉係面, 個COCKTAIL醬汁係自家製, 味道似千島醬汁, 同鮮甜既蟹肉幾夾
BRUNCH既必然選擇, 當然係EGG BENEDICT ($128)
主角選用北海道蛋, 蛋味更濃, 切開仲見到蛋汁流出, 而蛋下面既係餐廳特別搵人訂製既面包, 質感更加能夠索到蛋汁及自家製既HOLLANDAISE SAUCE, 呢款自家製既HOLLANDAISE SAUCE, 味道好香滑, 可以講得係成個菜既靈魂! 而個正確食法原來係菠菜, 菌類, 甘荀仔撈埋醬汁加蛋汁一齊食, 又學到野啦!
另一款就係ALL DAY BREAKFAST ($108)
咁既價錢有咁大份份量, 相當抵食, 所有材料舖滿成集碟, 顏色繽紛, 真係會引起多d人既食慾架! 法式餐廳當然配上鬆脆牛角飽, 充滿香香牛油味, 唔會太大個
個鷄蛋夾住塊煙肉, 好等d煙肉油份可以落入鷄蛋內, 食落更加惹味, 又幾有諗頭喎! 另外對於個薯角亦好欣賞, 好有薯味同上碟時仍然係熱辣辣, 加分!
食得出對待食物既誠意, 環境又舒服, 唔會好嘈吵, 可以輕鬆享受一個愉快星期天 (BRUNCH只限星期六日供應!) 有機會會再幫襯埋佢個晚餐先!
地址 : 長沙灣福榮街512-518號依時大廈地下A舖
contact me : [email protected]
|
« | 50 | 51 | 52 | 53 | 54 | 55 | 56 | 57 | 58 | 59 | ... | 147 | »
|
