| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2016 年 7 月 22 日 星期五  |
| 拾下拾下好去處@火鍋頭 |
分類: 飲飲食食 |
去九龍城開餐, 未必一定食泰菜/潮州菜, 火鍋都係一個唔錯選擇, 尤其係香港人一年四季都喜歡, 呢間火鍋店門外以魚缸作招來, 打正旗號以海鮮作賣點
裝潢簡單舒適, 餐具以日式主打, 有電視設備, 食火鍋最緊要冷氣夠, 呢間做得到, 唔會食到一頭汗
真係又要威又要帶頭盔, 唔想咁熱氣, 一於叫定樽足夠竹蔗矛根水打定底先, 然後再慢慢"混醬"
火鍋味道好與壞, 首要條件係湯底, 呢度既湯底選擇都有數款, 我地點左秘製胡椒豬骨煲 ($178), 材料非常豐富, 有豬骨, 蘿白(好鮮甜), 蝦乾, 芹菜及粟米(好甜), 一路滾住, 就聞到好香既胡椒味, 湯底味道唔太辣, 忍唔住飲了一小碗~
打開餐單, 食物種類選擇都唔少, 當然有特式生猛海鮮, 落了單就等食LU..................
等食之際, 侍應推介呢款冰鎮花螺 ($88), 價錢唔貴, 份量都適中, 係咁熱既天氣食D冰鎮既爽口螺肉, 味道夠, 無需點任何醬汁
見魚缸有本地龍蝦, 價錢幾抵食, $138一隻, 每人一邊, 放落湯底時仲郁架, 保證生猛, 肉多又鮮甜彈牙, 絶對食得過
鮮開有條癮, 再整多碟爽脆鯇魚片 ($58), 賣想靚仔, 切得幾薄身, 所以無需淥太耐, 幾爽脆兼食唔到泥味, OK!
呢款係馬刀貝 ($88), 一碟份量都好多隻, 雖則肉質細少, 但食起黎都幾爽口, 可以一試
火鍋又點可以無牛肉架?! 呢碟特級手切安格斯肥牛(例/$198), 牛肉肥瘦分佈適中, 過瘦怕嚡, 過肥又一口肥油; 淥10零秒就食得, 口感非常嫩滑, 加少少䓤粒一齊食仲好味
食完完全挑起肉食條根, 加多碟西班牙黑毛豬 ($78), 油脂分佈平均, 薄薄一片, 食落完全無豬既"騷味, 肉質淥完亦保持嫩滑, 正!
丸類亦唔可以缺少, 呢款手打芝心蝦丸/牛丸($98)又點睇呢? 個人比較喜歡芝心蝦丸, 彈牙唔在講, 裏面有芝心, 食時要小心呀, 但兩隻味道都夾到, 可以做到朋友....哈~
食返D菜平均返先, 點左皇帝菜($38), 份量夠多, 幾鮮甜又無渣
環境坐得舒服, 侍應服務細心又反應快, 食物質數高, 價錢合埋, 同朋友拾下拾下又一好去處:)
地址 : 九龍城南角道12-14號地舖
contact me : [email protected]
|
| 2016 年 7 月 18 日 星期一 |
| 慢食享受@曼克頓餐廳 |
分類: 飲飲食食 |
約左係附近收工既朋友飯局, 佢介紹呢間有得HAPPY HOUR又有飯食既餐廳
門口位置係飲野既BAR區, 再行入D就係用餐區, 見到OPEN KITCHEN, 㕑師煮緊食物時既香味都聞到
打開餐牌, 食物款式選擇都幾多, 頭盤, 小食, 沙律, 肉類, 意粉及甜品都有, 仲有新鮮生蠔, 岩晒呢到有酒類供應
侍應推介今晚呢2款同樣來自澳洲既生蠔, 塔斯曼尼亞及煙霧灣($38@), 咁就一於試下! 塔斯曼尼亞較煙霧灣為大隻少少, 兩款味道滿載海水鮮味, 餘味幾濃
之後想食埋個沙律, 最簡單對胃既當然選凱撒沙律 ($88)
份量頗大份, 二人分享岩晒, 沙律菜夠爽脆, 若然加埋有煙肉碎會香口D
呢款白汁蟹肉扁意粉 ($128) - 蟹肉份量唔太多, 配以甜椒入味, 意粉有口感, 個白汁做到可掛係D意粉上, 唯味道較為清淡
味道開始漸濃, 肉食類上場, 叫左呢款BBQ燒鷄 (半隻), ($138)
醬汁味道係食開既燒豬肋骨味道, 酸酸甜甜非常惹味; 鷄肉切開已感嫩滑, 一下就可以分成兩件, 食落果真係嫩滑, 配埋熱辣辣薯條, 滿足度大增
朋友熱烈推介呢款威靈頓牛柳 ($298)
事關呢款菜式唔係好多地方有得食, 見呢到有就要試下啦! 外型有別於其他餐廳出品既長條型, 呢度做既似係一個面包, 侍應建議為五成熟, 切開見到肉汁已經流出黎, 仲見到有紅色, 熟成程度控制得幾好! 酥皮連埋多汁牛柳一齊食, 味道又幾夾喎! 份量岩岩好, 食完都唔會覺太膩!
埋單幾百蚊可食到咁多款食物, 都算價錢合理, 唔怪之得朋友回頭率咁高啦~
地址 : 觀塘觀塘道414號 - 亞太中心3樓303號舖
contact me : [email protected]
|
| 超滿足的一餐@阿麥廚房 |
分類: 飲飲食食 |
行經附近, 見到呢間門面咁骨子既餐廳, 決定跟哈比在此開餐
店內面積唔算太大, 樓底都幾高, 唯枱與枱之間距離都幾近, 大部份既枱面都放左"留座"牌, 睇黎今晚應該會爆滿
侍應送上餐牌, 睇到呢度既套餐都算多選擇, 價錢亦都算合理
選好主菜就開始送上前菜, 有清新凱撒沙律, 菜好甜又爽脆; 可加$58升級至大蝦占米多
蝦真係好大隻, 起左蝦肉變粒狀, 另有洋䓤粒及菇類, 個醬汁充滿晒蝦膏味, 鍾意食蝦既朋友絶對會LIKE
之後到餐湯上枱, 我地分別加($38)升級至黑松露菌忌廉湯 (好香菌味)及蟹肉南瓜忌廉湯(有一絲絲蟹肉係面, 南瓜味超香甜), 湯質地濃滑又熱辣, 值得加錢!
主菜為香煎帶子配黑松露野菌意大利飯($178)
意大利飯口感好, 每粒飯都索滿晒醬汁, 好香, 配埋露荀好有清新感覺; 帶子好厚身, 食落唔痴牙! 好味!
肉食女子又出動, 我當然唔會放過呢款德國式燒咸豬手 ($208)
上枱時已經聞到好香, 引到人流晒口水, 份量超大份, 伴以大量薯條(好香脆, 唔油膩); 豬手燒得皮脆肉嫩, 一D都無過火, 配以特式酸甜醬一齊食, 中和佢既膩感
仲包餐茶, 呢餐絶對令我滿意!
地址 : 銅鑼灣加路連山道9號地舖
contact me : [email protected]
|
2016 年 7 月 11 日 星期一  |
| 抗敏補濕 一Take 過@NUXE Crème Fraîche植物鮮奶面霜 |
分類: 美容 |
天氣持續不穩定, 氣溫愈升愈有, 太陽伯伯大發神威, 晒到面部皮膚紅卜卜, 不得不長時間都躲進冷氣房間, 一時熱又一時凍, 加速面部出現敏感情況及水份好快被抽走, 確要使用返D岩用既護膚品!
來自法國既NUXE Crème Fraîche植物鮮奶保濕系列有效拆解敏感危機，在肌膚表面形成一道天然「保鮮膜」，系列糅合8種植物鮮奶成份，為缺水敏感肌重點舒緩，減少因敏感引致的刺痛和燒灼感，同時修復真皮層水循環系統，防止表皮層的水份流失，24小時持久保濕!
植物鮮奶乳霜 ($336/ 50ml)
適合中性敏感肌膚
納米拉(Lamellar)結構技術令成份被肌膚迅速吸收，即時發揮保濕舒緩功效，並讓肌膚進行修護及再生，使肌膚如絲順滑。
每盒面霜都採用錫紙封面, 保證產品衛生
質地柔滑, 展延性相當好
使用方法︰早晚潔膚及爽膚後，取適量塗於面部及頸部即可。
帶有清香花味, 令人有舒緩感覺, 搽上面無刺痛覺, 輕輕推開都好快被皮膚所吸收
用後皮膚變柔滑, 帶點光澤; 於晚間用後, 第二朝皮膚都無因冷氣而變乾, 補濕持久度令人滿意!
Crème Fraîche植物鮮奶保濕系列全線莎莎獨家發售
是次產品由theZtyle.com提供
contact me : [email protected]
|
| 2016 年 7 月 7 日 星期四 |
| 和味和味@七福神和食亭 |
分類: 飲飲食食 |
未到七月, 天氣已經咁鬼熱, 當然想搵D無咁熱既野食, 首當其衝一定諗到食日本菜, 唔想只食壽司, 幫襯和食亭就岩數啦
呢間和食亭需上一樓,係地上已經見到接待處, 好易搵到
提供食物選擇都好多, 包括刺身, 壽司, 燒物, 天婦羅, 及料理長推介, 望下價錢都合理, 咁就展開左我地今次和食之旅
行到身水身汗, 當然一切從刺身開始, 呢款六合刺身盛盒, 包六款刺身($168), 賣相吸引, 每款食落都鮮味, 特別喜愛甘蝦及帶子, 幾鮮甜~
呢款蟹子沙律係我每次和食必叫之一, 柯打份量雖然係細($38), 但黎到時見到咁大碗不其然發出"哇" 一聲, 面層舖上大量蟹子, 加埋青瓜絲既清爽口感, 食完真係個人都FRESH D......哈!
之後就可以上熱食, 個人推介呢幾款:
炭火燒河豚干 ($32) - 切成條狀, 方便易食, 有口感, 味道咸咸甜甜幾得意, 點少少沙律醬仲好味
鐵板牛柳粒粒燒($55) - 一口一粒好易食, 肉質當然嫩滑, 配上脆脆絲加少許薯蓉, 一硬一軟, 口感多重層次, 唯醬汁有少少咸, 伴白飯就岩岩好
芝士焗天火蠔 ($20單隻) - 非常抵食, 蠔都唔細隻(掛住食, 忘記影相); 外層包住熱熔左芝士, 另有煙肉碎在內, 要2啖先可以KO佢, 鍾意食焗蠔人士必食!
炭火燒泡菜鷄翼 ($48/3隻) - 起骨後內裏釀滿泡菜, 有D辣; 鷄翼燒到外皮香脆, 用黎送蕎麥冷麵及稻庭烏冬就最岩
大蝦什錦天婦羅 ($58/6件) - 有3隻大蝦, 其餘有茄子, 番薯等, 即叫即製, 熱辣辣上枱, 好味道
最後當然要食埋個甜品先走, 呢款係一口朱古力芝士年糕 ($38/3件) - 炸到外香內軟, 芝士味幾濃, 口感軟糯
每款食物都係幾十蚊有交易, 食完呢餐飽到咩咁, 因為全部都食晒, 下次要提醒自己唔好太興奮, 唔係做大嘥鬼就唔好啦!!
地址 : 佐敦彌敦道311-313號1樓
contact me : [email protected]
|
« | 48 | 49 | 50 | 51 | 52 | 53 | 54 | 55 | 56 | 57 | ... | 147 | »
|
