| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2016 年 9 月 15 日 星期四  |
| 尋找屋企的味道@新蒸武門 |
分類: 飲飲食食 |
對於每天3餐都出街食既人黎講, 多渴望有餐住家菜食, 家庭式菜式, 無味精靚湯, 唔花巧, 或者係你同我由細食到大既餸! 呢間名字咁搞鬼既食店, 與食物聯埋起上黎會諗到健康簡單, 皆因"蒸"者, 係比較健康既烹煮方法!
食店面積普通, 配上鮮紅色椅子好搶眼, 坐得幾舒服!
呢到既茶唔係一般食店所飲到既中國茶, 呢個用焗盎侍用既係八寶茶, 材料包括菊花, 紅棗, 圓肉等, 倒入熱水焗一陣就飲得, 飲得人好舒服, 侍應仲會不斷主動加水, 好細心!
呢度供應套餐/散叫, 價錢合埋, 菜式真係好屋企FEEL, 望下套餐都幾岩胃口, 就唔諗啦!
先黎個冷盤, 包括燻蹄, 牛展及鮑魚, 三款都味道可口, 份量岩岩好!
期待既時候出場啦, 有燉湯飲, 今晚呢款係猴頭菇燉雪耳鷄, 欣賞佢夠晒熱, 湯味夠清, 不燥熱又滋補, 夏天飲都好適合
呢款蒜蓉蒸頭腩, 底層有勝瓜及粉絲, 索晒頭腩既精華, 食落好鮮甜, 而個頭腩配以果皮絲一齊蒸, 食到陣陣果皮香味, 質感腍滑!
荷葉香菇蒸鷄, 荷葉, 金菇菜及粉絲鋪底, 配以開邊紅棗, 杞子及香菇一齊蒸, 鷄肉夠鮮嫩!
蒜蓉炒菜芯呢碟賣相真係好有屋企FEEL, 蒜蓉味好香, 菜芯唔老!
加多個蓮藕煎肉餅 ($78), 出奇地唔用蒸既方法, 煎得個色澤幾靚, 味道幾重味, 用黎送飯好岩胃口, 略嫌食唔到蓮藕既爽口感!
包埋呢個欖菜肉碎炒飯, 炒得夠乾身, 味道調教得幾好!
此店食物標榜無味精, 食物款式夠家庭化, 就似返去屋企食飯咁, 食完都無口渴, 想念家中味道又未能回家食飯時, 呢度可以幫你暫時止到渴.......................
地址 ：觀塘開源道６０號駱駝漆大廈３座１樓Ｑ室
contact me : [email protected]
|
2016 年 9 月 7 日 星期三  |
| 性價比高@Donkey Milk Celluminator Essence |
分類: 美容 |
牛奶護膚就聽得多, 驢奶製既護膚品就真係首次聽, 仲有機會親身體驗, 唔知效果係點呢?
呢支就係來自意大利Skin Ceramic 既Donkey Milk Celluminator Essence
驢奶保濕精華 ($168 / 50ml)
具有抗氧化、保濕、抗皺，抗衰老、鎮靜、修復受損皮膚等多種功效; 質地透薄的高濃度營養補濕精華，富含多種發酵精華加快細胞代謝，提升肌膚抵抗力、彈性、改善暗沉，保持肌膚健康。 使用後皮膚透亮彈滑，重現健康活力，散發自然光澤感。
主要成份:
透明質酸及葡聚糖 - 保濕
酵母菌發酵精華 - 改善膚質，去除老化角質，補濕，令肌膚澄淨透亮
乳酸發酵精華 - 保持肌膚健康，活化細胞，提升彈性、抵抗力
馬齒莧及米糠提取物 - 美白，抗皺 ，舒緩，平滑肌膚
韓國製造, 滴管式設計
延展性相當好, 每次只需2-3滴就可足夠搽於全面, 有微香!
使用方法 : 早晚潔膚及爽膚後,取適量塗於面部，續後配合面霜。
早晚使用, 改善暗黃膚色, 觸感更覺柔滑, 補濕效能唔錯, 若然於日間使用, 唔駛再搽面霜都足夠!
此產品由品牌提供, 內容純個人分享
莎莎獨家發售
contact me : [email protected]
|
| 2016 年 9 月 1 日 星期四 |
| 法式地甜@Pheromone Dessert |
分類: 飲飲食食 |
係呢頭附近開左好多食店, 甜品舖亦有幾間選擇, 呢間外型咁優雅既甜品店, 似走法式女生路線, 係水晶燈底下食甜品, 會唔會更好味D呢?
甜品選擇都唔少, 有窩夫, 厚多士, 綠茶, 法式蛋糕及飲品類, 今次試左呢2款 :
友人係朱古力控, 見有呢款特濃朱古力慕絲 ($52), 當然發出心心眼, 賣相唔錯, 頂層係朱古力雪糕球, 味幾濃, 底層係朱古力慕絲, 質感香滑, 配以綿花糖一齊食, 雙重口感~
另一款係香蕉吐司配雪糕($58), 可自選雪糕味, 我選左雲呢拿; 吐司已切成一粒粒, 方便進食, 只需用叉吉片香蕉及點少少雪糕及朱古力醬一齊放入口就可以, 岩晒我呢D懶人食! 多士粒好香脆, 份量足夠二人分享, 食晒岩岩好~
此店收加一服務費, 可向店員要求暖水中和甜味, 聽住店內播放流行曲, 感覺都唔錯!
地址 : 旺角白布街藝興大廈8號地舖
contact me : [email protected]
|
| 並非大排檔@西餐大排檔 |
分類: 飲飲食食 |
從轉左工作地點後, 係港島區開餐既機會又相對多左, 友人介紹下呢間名字幾特別既餐廳, 不期然令我聯想起"豉油西餐"?! 哈.....
見到門口佈置幾特別, 仲有報紙報導過, 一於試下咩料先
店內面積唔算十分大, 但某部份位置有窗口位, 昏暗燈光伴著首首懷舊歌曲, 情調氣氛都唔錯
望下餐牌, 見到佢呢個精選二人晚餐($888)都幾吸引, 加上侍應都推介, 就咁話啦~
先送上海鮮拼盤, 份量夠晒睇頭, 底層舖上大量冰粒, 確保海鮮維持低溫, 食落口感都好D啦! 食材包括生蠔4隻 (每款2隻), 鮑魚2隻, 日本刺身帶子2隻, 鮮蝦4隻,及紐西蘭聖子刺身
配以3款不同味道醬汁, 包括: 酸甜醬汁; 柚子芥苿汁及日本刺身Wasabi豉油, 見到生蠔都唔細隻, 食落JUICY有蠔味; 鮑魚幾厚身食落有咬口; 帶子及蝦鮮甜; 聖子刺身好爽脆! 個人好歡喜個酸甜醬汁, 同D海鮮都幾夾, 炎夏食呢D好開胃呀!
海鮮拼盤
海鮮拼盤
跟著到餐湯, 係黑松露磨菇湯, 好香黑松露味, 飲落就食到磨菇粒, 若然配埋個餐飽就仲好D
之後再送上兩款熱前菜, 分別係燒牛脷配蜜糖芥辣, 份量係前菜Size, 牛脷燒到好香, 質感好腍, 用刀一切就切開, 點少少蜜糖芥辣醬令人食慾大增
燒牛脷配蜜糖芥辣
燒牛脷配蜜糖芥辣
另一款係黑松露年糕, 似乎個賣點係個黑松露醬, 醬汁杰度恰當, 每片年糕都可沾滿個醬汁, 食落煙韌, 又可增加澱粉質
黑松露年糕
黑松露年糕
好啦, 主菜黎啦, 呢款係侍應推介既美國慢燒牛肉眼(約4成熟), 見到粉紅色肉質就覺得應該幾嫩滑, 食落果然無估錯, 肉味幾濃, 配以燒汁更加香滑, 果然無介紹錯
美國慢燒牛肉眼
美國慢燒牛肉眼
另一款係紐西蘭羊T骨, 兩件份量, 見到燒既坑紋係羊肉上, 上枱時已經聞到好香, 點左七成熟, 切開見到有粉紅色, 肉質比牛肉眼帶點硬身, 羊肉味唔算太濃
紐西蘭羊T骨
紐西蘭羊T骨
值得一提既係呢兩款主菜既伴碟薯蓉, 並唔係坊間用薯粉開, 而係食到有粒粒薯仔, 口感雖然無咁滑, 但薯味好夠, 好想講廚師用咩料煮, 食客係食得出既, 就憑呢D咁細微地方都見到廚師既心意, 好想比兩下掌聲佢...................
加埋個是日甜品, 今晚係菠蘿芝士蛋糕, 賣相精緻, 食落食到菠蘿果肉粒, 個人都係首次食菠蘿芝士蛋糕, 又幾好味喎
菠蘿芝士蛋糕
菠蘿芝士蛋糕
套餐包餐酒2杯, 由於唔酒, 可轉其他飲品, 呢杯Latte為呢餐劃上了完美句號!
LATTE
LATTE
發現侍應會因應食客進食進度而上菜, 食完一款先上另一款, 唔會一次過上晒枱, 呢點值得加分, 雖然名字叫大排檔, 但食物質數及服務當然唔係啦^^
|
| 2016 年 8 月 26 日 星期五 |
| 幫頭髮回春@Dove Nutritive Solutions系列 |
分類: 頭髮篇 |
短頭髮可以變化性唔太大, 最易搞既係造色, 但每次造色都對頭髮造成無可避免既傷害, 加上吹頭既熱力, 頭髮變成易斷及乾旱, 希望從每日既護理程序可以幫到佢回復健康!
Dove推出全新系列，創新髮質重建科技，深層修護受損秀髮，持續潤澤避免再受損傷，助妳重建年輕髮質，每一次使用都有驚喜。
全新Dove Nutritive Solutions系列添加6倍髮絲纖維修護因子(Fibre Actives)，能立即修護髮絲損傷，強化受損髮絲。每天使用，持續修護及潤澤，從此，髮質改善不止於初次使用，而是持續進步，日覆日令秀髮重拾如同未受損傷前的潤澤柔順，重建年輕髮質。
深層修護洗髮乳 (680 ml)
揼取2-3下份量已足夠, 加水容易捽出泡沬, 香味清新
洗完頭就用埋深層修護潤髮乳 (660 ml)
同一種香味, 避開髮根位置塗搽於中段至髮尾位, 按摩後即可沖洗, 沖洗容易, 摸望柔順感大增
兩款產品同樣含角蛋白修護因子(Keratin Repair Actives), 能立即修護秀髮表面受損, 同時深入滲透髮芯、持續補充流失的養分
只要每日持續使用, 睇下.......髮絲真係有明顯改善, 變得有返光澤及順滑, 就算keep住造色都問題不大~
有關產品由品牌提供, 內容純個人分享!!
產品於各大萬寧、屈臣氏、百佳及惠康有售。
contact me : [email protected]
|
« | 46 | 47 | 48 | 49 | 50 | 51 | 52 | 53 | 54 | 55 | ... | 147 | »
|
