| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2017 年 4 月 18 日 星期二  |
| 美好的Brunch@The Grill Room |
分類: 飲飲食食 |
發生係一個陽光燦爛既星期六中午, 約左友人係呢度共晉午餐, 一打開升降機門就見到餐廳, 侍應安排我地坐係近窗既梳化位置, 一絲絲陽光由窗外射進來, 同晚餐時間昏暗環境形成強烈對比, 由於時間尚早, 前來既客人唔太多, 但之後就有八成入座率!
侍應送上Brunch Set Menu，包餐湯/沙律, 主菜六選一, 飲品檸檬茶/汽水, 價錢由$98-$128!
是日餐湯係磨菇湯, 配一片脆口小多士, 湯味道頗重磨菇味, 入口香滑, 飲完個肚暖晒!
友人選擇凱撒沙律, 份量精美, 爽口沙律菜配以多士粒, 醬汁味道幾開胃, 食完感覺清新!
主菜選擇呢款高級和牛漢堡配沙律薯條 ($118), 份量好夠睇頭, 七成熟既和牛肉夠晒厚度, 外面包住熱熔芝士, 再夾以蕃茄, 生菜絲, 兩片飽係再烤過, 食落軟身得黎又帶點香脆, 一咬落去, D肉汁"必"晒出黎, 果真好味道; 薯條係幼身版, 食落唔油膩, 再食埋個沙律平衡一下個罪惡感! 食晒成個餐..................肚皮相當滿足!
見隔離枱點了呢份8安士肉眼扒配薯角蔬菜 ($128), 相當對眼, 當然死跟.................哈! 果然無跟錯, 落了七成熟既單, 切開裏面仍然到略帶紅色而且有肉汁流出來, 食落幾重肉味又帶點咬口, 呢個份量對於午餐黎講岩岩好!
杯凍檸檬茶亦都頗夠茶味, 中和食肉既膩感!
埋單唔駛三百蚊, 以地區, 環境及食物水準黎講, 性價比相當之高!
The Grill Room : 銅鑼灣駱克道459-461號The L Square 5樓
|
2017 年 4 月 10 日 星期一  |
| 幾時都要白@L‘OCCITANE的白皇后亮白豐凝保濕面霜 |
分類: 美容 |
女生對追求美白皮膚既渴求係永無休止, 美白護膚品長期keep住用, 今次好開心有機會使用呢盒美白新產品
來自L‘OCCITANE的白皇后亮白豐凝保濕面霜 ($530/50ml)
L‘OCCITANE 使用的係有機繡線菊（Reine des Prés），是法國南部德龍省高山草原上的野生植物，含天然水楊酸，接觸陽光的時間越長，花瓣顏色便越白。這種珍貴罕見的特性及功效，使繡線菊成為白皇后亮白系列的天然獨特成份。天然的繡線菊萃取，結合白桑樹精華及維他命 C，成就繡線菊複合物（Reine Blanche Complex），有助改善膚質，促進細胞更新，讓肌膚顯得更亮白、更均勻、更通透。
白皇后亮白豐凝保濕面霜完美滋養及保濕肌膚，不僅提供全效亮白作用和均勻的膚色， 更以柔軟絲滑的水份薄膜包裹肌膚，能迅速融化入肌膚。全方位的專業修護配方，不僅有助肌膚回復均勻及通透，更可有效保護肌膚抵禦外來侵損。
特別適合乾燥皮膚使用，或者任何肌膚在需要額外的舒緩及水份滋潤時使用。 建議於早上和晚上使用完爽膚水及精華液後，塗抹在整個臉部和頸部。 每日持續使用，可以：
- 膚色均勻
- 令肌膚更平滑
- 令肌膚淨白通透
- 恢復自然透亮肌膚
- 明顯美白肌膚
盒內附有膠棒，取份量時就更方便衛生
雖然係豐凝保濕面霜，但質地輕柔易推，帶有輕輕香味，令人有放輕鬆感覺
塗於面部都唔怕會對皮膚造成負擔，用後皮膚變得重回應有光澤，仲有滋潤感覺，打破美白產品會好乾既評語! 一定會繼續用落去呀:)
「受邀於Beauty.Ulifestyle.com.hk 及 L'OCCITANE試用此產品」。
內容純個人分享/感受
contact me : [email protected] |
| 2017 年 4 月 3 日 星期一 |
| 一爐二吃YUM YUM@同人鍋 |
分類: 飲飲食食 |
上一次係呢到打左個龍蝦湯底邊爐, 一個親民價錢任飲任食, 性價比相當高, "烚下烚下會會友"又想再黎食過, 襯天氣仲凍凍地就一於去馬
係門口見到最新宣傳推介牌及會員優惠, 有大熱椰子鷄煲, 好吸引喎.....................
由於時間尚早, 唔算好多人開餐, 但食下食下就差唔多坐滿全場, 勁! 好彩枱與枱之間唔算太迫, 冷氣及抽風系統又做得唔錯, 食得舒服!
飲品係自己出去拎, 飲品種類唔算話太多, 但大路既都會有, 仲有烏龍茶及自家製既菊蜜
呢度既火鍋係一爐兩食, 首先係食左鷄煲先, 辣度有得選擇, 由大辣至唔辣都得, 我地選擇微辣, 但食落都有D辣, 煲內配以大量洋䓤及芫茜香料, 味道非常惹味! 鷄件份量都多, 食落肉質幾滑, 個濃濃醬汁配埋紅薯粉, 索晒D醬汁, 真係一絶! 忍唔住再追加多一份紅薯粉!
之後就可以轉煲開始火鍋時間, 食物配料選擇都唔少, 有海鮮, 肉類, 丸類, 蔬菜粉麵類
湯底選擇除左有全隻龍蝦外, 仲有花膠湯底, 今次就試花膠湯, 夠晒滋補! 奶白色既湯底傳來陣陣鮮味, 湯內有3-4塊大花膠, 而唔係D花膠筒仔, 飲落味道好香花膠味, 有少少"痴咀", 心理作用下覺得飲完靚左..........哈哈!
先由呢個海鮮拼盤開始, 食材包括: 澳洲蜆, 新鮮鮑魚(呢2款只限叫一次, 其餘可以任點), 蝦, 鯇魚片, 松葉蟹鉗, 魷魚, 花枝片; 澳洲蜆同新鮮鮑魚(上枱時仲係郁架!)好鮮味, 食得出係新鮮貨, 蝦都彈牙, 魷魚夠口感, 幾唔錯!
呢碟安格斯牛肉只免費供應一客, 再點收$48一碟, 薄薄一片, 烚10秒內就可食得, 幾有肉味!
而其他丸類及食物, 最驚喜係呢款龍蝦沙律丸, 中間食到少少芥辣味, 味道幾特別; 仲有呢度有水晶飽, 有紫薯及綠茶味道, 首次打邊爐食呢D, 個外皮係咸味但咬入心係香甜紫薯, 感覺幾得意!
當然要食返D蔬菜均衡一下營養, 有我喜歡既學斗, 可惜食落有少少沙粒, 希望下次唔會啦!
每位$288再加一就食到肚圍又長大左, "烚下烚下會會友"表示滿意!
同人鍋: 尖沙咀山林道29-31號廣利樓1樓及地下4A號舖
contact me : [email protected]
 |
| 海膽控會失控@S2 Kitchen |
分類: 飲飲食食 |
喜歡係中環出入既友人好事近, 相約一班姊妹團商討細節, 女生多數對日本菜都唔會抗拒, 準新娘就訂左呢間同我地"開大會"!
店內面積唔算大, 入內有居酒屋既氣氛, 牆身設有餐牌, 亦設有吧枱, 可近距離同廚師互動!
餐牌提供食物菜式選擇多, 有選擇困難症既朋友又發作啦!
呢款係餐廳主打招牌菜特級S2海膽杯, 全杯總共有十層, 由頂至底層包括燒白飯魚脆片, 黑魚子, 北海道海膽, 沖繩海葡萄, 吞拿拖羅蓉, 三文魚子, 白蝦, 北海道海膽, 松葉蟹肉, 北海道海膽及鮮海帶碎, 顏色賣相相當吸引! 侍應教先食頭四層先, 然後再以匙更一"畢"到底, 哇............鮮甜味好出, 軟滑既海膽配搭其它海產類食一定好夾, 好似食緊成個海洋咁, 好勁呀!
食開左條刺身癮, 再點埋呢個精選3點什錦刺身, 包括魚, 帶子及牡丹蝦, 魚及帶子厚切, 食起黎相當有口感; 隻牡丹蝦都幾大隻, 肉質夠彈牙
友人係"沙律控", 只要餐單上有沙律佢都佢點, 今餐比佢搵到想食既呢兩款: 三文魚他他海膽沙律, 材料包括爽甜香梨粒, 三文魚粒, 爽口沙律菜及一版海膽, 將鮮味海膽撈均入沙律內, 食起黎口感梗加滑溜, 當然鮮味亦都有所提升啦!
另一款係牛油果帆立貝洋風沙律, 亦有一版海膽提供, 帶子刺身切成薄片, 加入沙律汁, 伴以牛油果及海膽一齊食, 口感綿滑, 味道幾特別!
食到呢度, 想叫返D飲品沖下味蕾, 見佢DRINK MENU都有酒及非酒類飲品提供, 呢款梅子酒及巨峰有氣梳打都好岩飲呀!
人就係咁心多架啦, 食完凍又想食熱, 呢款S2特色火燄卷就真係夠晒熱啦, 玩埋真火, 係食前一刻, 侍應會係碟底點火燒一陣, 好等飯粒外層有層焦香, 卷物頂層有蟹籽, 海膽及特製醬汁, 飯就包住旦及青瓜, 味道唔錯!
有梅子酒飲, 叫返串燒日本茄子, 鷄腎及秋葵黎送下酒, 最LIKE佢個日本茄子上面有既廚師特醬汁, 為淡口既茄子加添味道, 咬落亦都JUICY!
一客兩件既清酒鮑魚鷄翼, 燒鷄翼去骨, 釀入以清酒煮既鮑魚, 一啖咬落去最先食到香嫩鷄肉, 之後就食到煙韌彈牙既鮑魚, 啖啖肉好味道!
呢客紫芋年糕, 以紫菜包住食, 年糕外面燒到香脆, 咬入裏面又有軟糯感, 夾住紫芋芯, 甜度適中, 食完好有幸福感!
一客兩隻磯燒岩蠔, 岩蠔都幾大隻下, 面頭搽上白麵豉醬, 食落好惹味, 與蠔味都幾夾!
名字搞鬼既日本婆海膽沾竹炭烏冬, 只睇名字係唔會知道究竟係咩黎, 有時心思思期待既心情又幾得意! 當侍應送上枱時, 原來係玩FUSION概念, 以麻婆豆腐配以冷竹炭烏冬, 亦係有一版海膽伴食!
味道微辣既麻婆豆腐伴以冷烏冬, 食落味道都可以, 亦可再另加海膽一齊食, 又比佢諗到咁既配搭, 驚喜創意度加分!
熱辣香脆既鯛魚燒, 細細條相當得意, 咬落入面係紅豆餡, 份量岩岩好!
呢餐真係好豐富, 食物種類亦都幾全面, 廚師喜歡以海膽入饌, 鍾意食海膽既朋友表示相當滿足, 咁又過左一個輕鬆而又滿足既一個吃貨時間!
S2 Kitchen : 中環威靈頓街51號地舖
contact me : [email protected]
|
2017 年 3 月 14 日 星期二  |
| 再戰七福神 |
分類: 飲飲食食 |
每次想食不同種類既和食就會諗到呢度, 日式裝飾環境舒適, 今次安排係房間, 又另有一番風味
餐牌食物選擇夠多, 刺身, 壽司, 燒物, 炸物, 天婦羅, 串燒, 和風料理, 甜品一應俱全, 有選擇困難症既朋友會出事架...................
 
蟹籽沙律 (小/$38), 超大碗, 足夠3-4人份量, 面頭灑上超多蟹籽, 好似唔駛錢咁, 爽脆多汁既青瓜絲及生菜與脆口既蟹籽一齊食, 口感清新, 每次黎呢度都會必叫呢樣!
活赤貝刺身 (2件/$84), 賣相靚仔, 連殼一齊上, 一隻可以切成3件
點少少芥辣豉油一齊食, 食到爽脆感及鮮味, 唔錯!
軟殼蟹手卷 (2件/$36), 紫菜唔淋, 包住熱辣辣炸好既軟殼蟹, 咬落唔會食到一口油, 而且飯既份量適中, 食完都唔會好飽肚, 可以試埋其它野!
炭火燒河豚干 ($32), 味道甜甜地, 雖然話係干, 但食落口感軟硬適中, 點埋附送沙律醬, 食落仲滋味, 用黎送酒既佳品!
土佐豆腐 ($38), 一客三件, 每件比起坊間食到既仲大件D, 個外皮炸到香脆, 包住滑滑既豆腐, 食落都幾有豆腐味, 而佢濃味既醬汁襯住淡口既豆腐, 味道岩岩好!
大蝦什錦天婦羅 (6件/$58), 炸蝦有成3隻, 其餘有南瓜, 小青椒及茄子, 炸漿有少少厚但都幾脆, 蝦肉幾爽口, 南瓜香甜!
鐵板牛柳粒粒燒 ($55), 一口牛柳粒, 肉味有及夠腍; 中間有球薯蓉及面上有D炸脆絲, 一硬一腍, 口感特別!
炭火燒泡菜鷄翼 ($48), 一客三隻, 漲卜卜既鷄翼去左骨, 釀滿鷄肉及泡菜碎, 再點少少辣椒醬一啖咬落去, 泡菜及鷄肉填滿口腔, 食完一隻滿足感爆燈!
赤板魚蛋紫菜手打烏冬 ($42), 一碗份量好足, 煙韌烏冬有咬口, 配上鮮蛋撈埋一齊食, 加添蛋既香味及滑度, 個湯底又夠清, 食完真係超級飽!
一口朱古力芝士年糕 ($38), 最喜歡呢個甜品, 每次都必叫, 外脆內軟既質感, 配合芝士既香甜味道, 真係好正呀!
菠蘿雪芭 ($48), 食完熱又想食凍, 呢個咁精美既雪芭, 用匙更慢慢"刮", 食到好香甜菠蘿味, 用黎清清呢餐既味蕾都好岩數!
食物水準味道不俗, 價錢亦好親民, 每次黎呢度開餐都可以開懷咁食, 仲有............減肥期間千祈咪去呢度呀............會出事架! 哈..哈...!
contact me : [email protected]
|
« | 36 | 37 | 38 | 39 | 40 | 41 | 42 | 43 | 44 | 45 | ... | 147 | »
|
