| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
| 去吧....龍蝦@Day and Nite by Master Kama |
分類: 飲飲食食 |
由於媽媽喜愛食龍蝦, 出街做節時好多時都會叫龍蝦, 而中式煮法離不開都係傳統既上湯/芝士伊面底, 之前行經呢頭都知開左呢間以龍蝦做主打既新式餐廳, 一於帶媽媽試下新野!
去到見到呢個燈箱就知係呢度, 同侍應講幾多位後就可上一樓安排入座
入到去以見到裝潢以粉藍色為主調, 配以淺色木枱椅, 有隻龍蝦公仔及意粉作點綴, 播住輕快節奏既歌, 感覺都唔錯!
 
打開醒神餐牌望下有咩食先, 原來呢度係除左以龍蝦做主打外, 都有其他日式及意式食物可選擇, 價錢都唔算貴!
今次我地為住龍蝦而黎, 當然係食龍蝦菜式啦, 芝士焗龍蝦配伊面底媽媽就食得多, 呢度都有個西式變奏版, 就係呢個龍蝦芝士Mac N Cheese ($208), 以鐵器盛載熱辣辣上枱
重量級長通粉被芝士龍蝦汁重重包圍住, 口感煙韌, 一咬落去d醬汁會係口腔內爆發, 小心燙口; 而龍蝦肉質感彈牙, 配埋個長通粉一齊食好夾喎, 媽媽表示滿意!
早前係朋友fb洗版既火紅既龍蝦包, 呢度都有得食, 當然要試下, 除了主角龍蝦包($188)外, 仲有薯及蕃薯條一籃及沙律菜, 無論份量及賣相都相當吸引
食前先淋d檸檬芝士汁落個龍蝦包上, 一啖放入口會食到彈牙既龍蝦肉及鬆軟既面包, 由於面包面有焗至微微脆身, 增加左香味, 無需拆肉就食到鮮味龍蝦, 岩晒我呢個懶人, 食完呢個包好滿足! 當然佢既薯及蕃薯條都炸得唔錯, 食完唔會一口油, 成個餐食晒...........飽晒!
有食點會無飲呀? 呢杯Peach & Lychee Tea ($48)似係呢度熱賣, 點解咁講? 我見有幾枱都有客又係叫呢杯, 飲落桃味好突出, 味道甜甜地好好味, 而且一杯份量都幾大, 同媽媽一齊分享都可以!
設加一服務費, 呢餐與媽媽既龍蝦餐之旅............取得完滿結束!
Day and Nite by Master Kama : 旺角山東街50號 1-2樓
contact me : [email protected]
|
| 腸道健康無煩惱@JOY-IN K-1 超強益生群 |
分類: 口服產品篇 |
每日三餐都係外面搞掂, 就算唔多肉都未必一定多菜, 生果就更加未必日日都會食, 咁既飲食習慣, 腸胃又點會好呀?! 腸胃唔好就好直接引起排便問題, 肚腩突左出黎, 好似有左3個月咁, 谷住谷住都幾辛苦, 有苦真係自己知! 想方便又輕鬆咁改善問題, 我有佢..........
呢樽係JOY-IN 最新推出 K-1 超強益生群，日本製造， 蘊含 10,000 億活性 K-1 植物性乳酸菌首創配方，採用獨特技術為乳酸群提供防護罩，避免胃酸破壞活性，直達腸道發揮最大功效，更可阻截體內細胞變異，同時全面提升免疫力；再配合日本高鹼大麥若葉，能中和體內酸性毒素,解決便秘及維持定時暢便。
特點:
3日可增加益菌, 增加纖維吸收
7日排走毒素, 加強腸部蠕動, 排走積聚宿便
14日穩定腸道, 改善腸胃敏感情況
30日重整健康, 排便習慣得到改善, 肚腩胃腩收細, 皮膚質素有所改善
一樽份量 : 30粒 (每天進食1-3粒)
細細樽帶出街都好方便
每樽都有封印保護, 確保品質
無需用水送服, 是要咀嚼的, 味道係酸甜乳酪味, 好易入口!
以往大都係靠返工前飲杯咖啡幫助去厠所, 依加早上一粒, 之後都係按照平時飲水模式, 係無飲咖啡既情況下都有得去, 確係有料到, 去時係舒服暢順絶無搞肚痛! 依加發現肚仔細左D, 個人感覺輕鬆左, SO GOOD!!
產品由品牌提供, 內容純個人感受/分享
contact me : [email protected] |
| 比HIFU更advance 的緊緻療程 CLINICZ 水原共生一次過提升輪廓及膚質 |
分類: 療程篇 |
上星期又去左尖沙咀THE ONE 8樓，但今次唔係去MediLASE做脫毛療程，而係去左隔離CLINICZ扮靚。
CLINICZ水原共生療程係全港獨有亦同全球No.1 激光脫毛科技MediLASE同屬一個集團，口碑同實力自然令人放心。但隨著年齡增長，皮膚失去彈性，流失水份，要保持肌膚水潤彈滑，不是易事。單單靠保養品不能直達真皮層，想效果明顯、持久，還是進行美容療程！
其實皮膚衰老的主要元兇不外乎年齡增長、飲食、日照、環境等因素，要花容持久不老，「水」與「膠原」缺一不可。
膠原蛋白佔肌膚70%*，而膠原蛋白必需活養於自身3.5倍份量的水份環境，才能生長及保持彈性。但只靠膠原是不足夠，想皮膚真正變靚，膠原增生後要時注入充夠水份先可以令膠原的再生速度加快，令皮膚真正水潤彈滑！另一方面，對水原共生有興趣的是因為都想尋找輪廓提升、緊緻的療程，有聽過HIFU是好痛，而且做完會好乾，而聽說水原共生療程其中一part “MDS膠原激活技術”是HIFU advance 療程，所以去一試。
整個療程共分為三步曲：膠原激活--MDS膠原激活技術、二) 水養膠原--PTLI激光水脈導入、三)延效再生--S2延效再生組合，只需三步就能重建水彈美肌，回復緊緻年輕輪廓。
一路享受住The One獨有的The Café花茶，一路登記個人資料和詳細的美容評估。
在開始療程前，進入看似太空倉的CLINICZ全球獨有720 Scan Genius療程專業綜合評估(720 Scan Genius) ，以360 度全方位拍攝，利用最新VR拍攝原理，用在輪廓測量及記錄上，光學線點定位，3D高清全方位檢視面部輪廓，精確辨識可提升空間。第一次看到自己的3D頭像，全方位不論任何角度都一覽無遺，連照鏡時自己沒有留意的角度都一清二楚。實在太高科技了！
照完720 Scan Genius，療程總監詳細分析我的皮膚和輪廓及講解整個療程的程序，治療師就帶我入房。每次療程都會有一個療程總監 +一個治療師跟進，感覺好尊貴，仔細分工感覺會更專業！
治療師帶我進入潔白簡潔的療程房間
Step 1膠原激活 -- MDS膠原激活技術
屬於進階版高聚焦超聲波技術，同HiFu / Ulthera最大唔同係熱力係螺旋形進入，而且不是一層一層做，而是一次過做到皮下3mm至4.5mm整個layer，能量會好均勻咁刺激全段膠原層及SMAS，令膠原蛋白大量增生，提升輪廓。重有一個觸感舒緩科技，效果好之餘仲唔駛搽麻膏添，過程無痛舒適，唯一做面頰時會有少少酸軟感覺，算係做過嘅拉提療程中最舒服一個，我差唔多瞓著左！
Step 2水養膠原 -- PTLI激光水脈導入
為皮膚注入充足水份，平日做facial要補水都是用敷mask或導入機，但其實水份可能只停留在皮膚表面不被深深層吸收。水原共生療程當然不會只是用導入機這麼簡單，用上的是醫學級科技PTLI脈搏偵測科技配合修復激光，捉緊皮膚細胞膜打開的一瞬間，再將CLINICZ獨有的SR140肌膚重建元素中的超級水份子，極速深層滲注細胞的空隙，讓細胞飲水，就可以養住新生的膠原。
Step 3 延效再生--S2 延效再生組合
當膠原被激活、活養後，必須改善水和膠原的共生環境，重建膚質，以增強膠原再生能力，長效延續水潤彈滑效果。治療師為塗上SR140的營養元素後，皮膚會開始感覺到越來越收緊！而面譜蓋住臉時有點暖，這個step將真皮層裡的「水原共生微循環」啟動，讓細胞及真皮層中的膠原與水的共生循環生生不息，迅速修復細胞，強化肌膚機能，有效緊緻毛孔，令膚質回復幼嫩。
這個太空人「頭盔」是CLINICZ獨有的Spectrum Healight830修復光譜儀器
整個療程時間只需90分鐘，建議八星期內進行全套療程（共４次）以達至維持2年的效果（效果因人而異）。
完成療程後的皮膚不但沒有泛紅，膚色均勻更顯光澤，面頰位置變得飽滿增加年輕感。只需避免做高溫活動(如焗桑拿, 高溫瑜伽, 暴曬) ，加強補濕程序就可以了。兩個星期後再進一步見到皮膚拉提緊緻效果，做到真正水潤彈滑即係愈來愈靚啦哈哈!!
地址: 尖沙咀彌敦道100號THE ONE 8/F
查詢電話︰2333 0988
官方網站： www.clinicz.com.hk
Facebook： CLINICZ HK
微博： CLINICZ
療程及相關資料由品牌提供，內容作個人分享 / 感受
contact me : [email protected]
CLINICZ水原共生療程係全港獨有亦同全球No.1 激光脫毛科技MediLASE同屬一個集團，口碑同實力自然令人放心。但隨著年齡增長，皮膚失去彈性，流失水份，要保持肌膚水潤彈滑，不是易事。單單靠保養品不能直達真皮層，想效果明顯、持久，還是進行美容療程！
CLINICZ水原共生療程係全港獨有亦同全球No.1 激光脫毛科技MediLASE同屬一個集團，口碑同實力自然令人放心。但隨著年齡增長，皮膚失去彈性，流失水份，要保持肌膚水潤彈滑，不是易事。單單靠保養品不能直達真皮層，想效果明顯、持久，還是進行美容療程！ |
2017 年 7 月 6 日 星期四  |
| Keep到水準@Amico 1890 |
分類: 飲飲食食 |
係旺角行完街想食西餐, 呢間係我呢牌心水餐廳
店內面積唔算大, 亦有樓上用餐區, 樓下設有開放式廚房及水吧
餐牌有套餐
亦有散叫, 提供沙律, 小食, 意大利飯/粉, 薄餅及主菜式
餐飲類呢度有幾款名子非常搞野既特飲, 係叫杯普通凍飲都有十幾廿蚊既情況下, 當然要試下啦:
呢兩杯名為"可遇不可求" ($38) 同 "垃圾桶" ($38)既特飲, 以生果為主要材料, 味道酸中帶甜, 飲落醒神舒服, 係熱天日子飲返杯.......................爽晒!
芝麻醬淋在沙律菜, 伴以幾片煙三文魚煙, 就成為左呢個三文魚田園沙律 ($58), 煙三文魚食落軟滑, 與爽口沙律菜形成雙重口感
食薄餅既習慣喜歡簡簡單單, 最緊要有芝士, 呢款香草芝士薄餅 ($98), 餅底係以薄脆底, 食落香脆可口又唔會好飽, 芝士裏包含左香草,無任何肉類, 只食到脆(餅底), 香(香草), 軟(熱溶芝士), 正呀!
以木板上菜既呢一客美國安格斯肉眼 ($178), 配以粗大薯條及沙律菜, 份量相當吸引
點了七成熟, 切開時仍見到裏面帶紅色, 口感有少少嚼頭但絶對唔韌, 肉味幾濃, 無需另加醬汁, 點少少鹽提升味道, 超好味! 唔怪得之係咁見侍應送呢份餐去唔同枱號, 證明相當多客人都有同感!
賣相靚仔既呢一客南瓜帶子意大利飯 ($128), 中間以煙三文魚捲成既玫瑰花, 底下有原粒厚帶子, 醬汁以南瓜煮爛, 加埋甜椒粒, 洋䓤粒及鮮菇, 增加香甜味道, 而個意大利飯似乎未煮得太透, 若可煮耐少少會好D!
 
呢間餐廳出品令人滿意, 價錢親民, 侍應服務態度唔錯, 反應行動快捷, 埋單時仲送上$50 COUPON可以留返下次用, 呢張當然要KEEP啦...................哈!
Amico 1890 : 旺角洗衣街24號地舖
contact me : [email protected] |
2017 年 7 月 4 日 星期二  |
| 食得的花店@花子舍 |
分類: 飲飲食食 |
友人知我喜愛花, 特登同我去呢間以花為題既西餐廳食飯! 店外放滿花飾佈置, 立下眼真係以為係花店....哈!
店內面積比較精緻, 昏暗燈光配以木傢俱, 白色磚牆上掛上各式綠色植物, 比人一種悠閒感覺
侍應送上餐牌, 見到有晚市套餐, 主菜選擇有意粉/飯, 肉類, 魚類等, 包餐湯, 沙律及飲品, 價錢都夠貼地
另有甜品供應, 咁食完飯就無需轉場搵甜品食啦!
是日餐湯係松露雜菌湯, 湯夠熱, 飲落充滿菇菌味道, 口感順滑, 配多個面包就仲正!
沙律係煙三文魚雜菜沙律, 咸香煙三文魚充滿油潤感, 配以開胃醋汁加爽口沙律菜, 清新一下味蕾!
主菜點了呢款美式特厚芝士漢堡包, 落單時侍應會詢問想要幾成熟? 點左七成熟, 咬落仍然帶有肉汁, 但邊位方面比較硬左D, 若果要4-5成熟就應該無問題 (早知聽侍應講啦!), 不過個包有埋芝士同蕃茄片一齊食係好味既, 個包本身又夠鬆軟, 唔會食左一口乾! 仲有佢伴碟既炸薯條都炸得好香脆同唔油膩, 千祈咪漏左佢呀!
餐廳推介之一德國脆皮咸豬手, 上枱時已經聞到好香燒肉味, 熱辣辣伴以芥辣及酸椰菜絲, 成隻咸豬手份量十足, 足夠同友人開心share, 已經切好一舊舊方便進食, 皮係脆, 食時仲聽到"咯洛"聲, 肉唔會燒到太乾身, 咸味適中!
呢種小店有着個人特色, 憑著對烹煮既熱誠去開創自己既天地, 實在應多多支持!
花子舍 : 銅鑼灣信德街2號百威商業大廈2-3號地舖
contact me : [email protected] |
« | 32 | 33 | 34 | 35 | 36 | 37 | 38 | 39 | 40 | 41 | ... | 147 | »
|
