| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2017 年 9 月 22 日 星期五  |
| 為皮膚加加水@It’S SKIN 「 花妍細胞鎖水活肌系列」 |
分類: 美容 |
見到月餅廣告就知好快又到中秋節, 早晚出外都感到有D秋天既乾爽感, 但氣溫仍然維持係一個高點, 休息時總要開冷氣先可以, 皮膚水份好易被抽乾! 要鎖住皮膚水份, 一隻有效既面霜當然少不了!
It’S SKIN 「 花妍細胞鎖水活肌系列」有效抗皺撫平細紋，為肌膚補充水分營養！更得到韓國食品及醫藥安全廳認證其抗皺成分可安全使用，同時經過 ELLEAD 臨床測試證實，抗皺效果4周即時可見！
其中一員就係呢盒花妍細胞鎖水活肌面霜 Flower Cell Cream
HK$352 / 50ml
以植物再生能力修復受損肌膚，同時建立保護膜，肌膚緊緻飽滿，水嫩柔滑，回復彈力。面霜質地柔滑，容易被肌膚吸收。
花妍細胞鎖水活肌系列, 蘊含3大珍貴共同成分 :
[ 雪絨花 ]
雪絨花只生長於達海拔1,800米的高山地區及石灰岩石 縫中，於嚴峻的生長環境表現出強韌的生命力。
經 It’S SKIN 以專業「癒傷組織技術」，從雪絨花的根莖 部分提取組織，利用培養液提煉再生能量。雪絨花再生 細胞有效抑制活性氧，發揮抗氧化、抗老化效果；同時提 升肌膚彈性，展現健康活力！
[ 鮮花複合物萃取 (雪絨花、洋甘菊、水蓮、淺色番鳶尾花) ]
以四種不同的花卉精華精製而成，含豐富營養及水分， 滋養肌膚，為肌膚保濕。其中的洋甘菊為乾燥肌膚帶來 鎮靜舒緩的效用，水蓮及鳶尾花則可修復受損肌膚，展 現健康活力。
[ 雪蓮花 ]
無論是中、西醫學研究中顯示，雪蓮花均是珍貴的藥用 花卉植物。生長於西藏海拔4,800-5,800米高原，含有 多種活性成分，並蘊含豐富的維他命C，具有出色的抗 氧化效果，對預防老化及增強肌膚彈性有著非常卓越 的功效。
帶有咁多花精華, 唔怪之得帶有微香味, 質感柔滑易推
每日潔面及爽膚後，取適量面霜均勻塗抹於全面，輕輕以指尖按摩直至完全吸收。 乾燥肌膚更可在使用乳液後直接使用。
搽於面上感覺舒服, 頗快被皮膚所吸收, 皮膚乾紋消失, 有返光澤感! 即使第二朝訓醒都無繃緊感覺, 鎖水功效唔錯:)
此產品由品牌提供, 內容為個人分享/感受
contact me : [email protected]
|
| 2017 年 9 月 19 日 星期二 |
| 拜見大俠@蜀大俠 |
分類: 飲飲食食 |
天氣已經咁熱, 仲去呢間樓上新開食四川傳統火鍋店開餐, 係咪熱到傻左呀? 友人認真回答 : 就係以熱制熱, 食完出一身汗就會無咁熱架啦! 況且呢間係成都開業, 極具人氣既火鍋店首次落戶香港, 我想試好耐架啦!! OKOK.......既然你咁講, 咁就GO..GO..GO..................
店內面不大也不少, 以紅色中國風主打, 播住中國傳統音樂, 有置身國內開餐感覺
呢度既湯底有紅鍋/紅白鴛鴦鍋, 亦有特辣, 中辣及微辣不同辣度比你選擇, 湯底以豬骨及牛骨烹製, 加上辣椒, 花椒等多種香料, 我地點左微辣, 見到個湯底D辣椒都唔少, 但食落又唔係好辣, 麻味比較出D!
餐枱上已有餐前小食, 木耳青瓜花生, 亦放置左調品料, 如蠔油, 黑醋, 豉油及獨有香油, 但湯底已經很夠味, 基本上唔駛蘸醬料, 但若想增加香味, 可點上獨有的香油, 用麻油作為基底, 伴以蒜, 䓤等配料, 咁就香上加香!
打開呢本"大俠秘笈"就係點餐紙
食物種類都唔少, 亦有唔少特式食材, 例如精品千層肚, 大俠耗兒魚, 蜀味臘腸, 大俠極品黃喉等
而餐牌上列明每款食物的烹煮時間, 唔怕過生或過熟, 影響口感, 又幾細心喎!
鮮鯇魚片 ($68), 起雙飛切法, 片得相當薄身, 魚肉顏色亦幾靚仔, 放落去紅湯入面就變成水煮魚片, 肉質幾嫩滑亦味甜!
特級手切安格斯牛肉 ($198/小), 一客份量唔算好多, 2人分享岩岩好, 肉色亮澤, 脂肪比例均稱, 只需1分鐘, 滑滑牛肉就可送入口中, 正!
望住個咁"火紅"既湯底, 即時要叫返罐青島 ($18)平衡返下, 一啖飲半杯, 爽爆呀!
呢客賣相吸引既叫功夫土豆片 ($48), 差唔多每枱客都會叫, 將薯仔片成薄薄一片, 只需烚8秒就食得, 口感爽脆, 亦食到薯仔既微甜味道, 幾特別!
呢客墨魚滑 ($48)果真性價比高, 雪白墨魚滑可以整成8-10舊, 口感相當彈牙, 味道鮮甜亦食到少少墨魚, 推介!
炸響鈴 ($36), 外型精緻, 唔怕食2條已經好飽肚, 烚5秒就食得, 索左D湯汁令到條響鈴更入味!
鮮木耳 ($28)同皇帝菜 ($28)作為素菜類選擇亦相當唔錯, 淡味鮮本耳既爽口; 皇帝菜既獨特甜味, 兩者係今餐起左"溫和"作用!
每次係火鍋尾聲, 湯底隻成所有食材精華時, 都會叫客"澱粉質", 黎呢度當然叫D特色東西, 呢客特色寬粉 ($38), 係以糯米粉製成, 切成一塊塊濶面狀, 烚3分鐘就食得, 口感煙韌好過癮, 撈埋香油蒜䓤底一齊食, 滋味大滿足!
食物質素唔錯, 價錢合理, 侍應反應夠快, 不時主動加湯加茶, 唯食完衣服會沾上鍋底氣味, 不過食到咁滿足, 快D返屋企沖涼洗頭休息都好應該! 哈..哈..................
蜀大俠: 銅鑼灣軒尼詩道552號澳門逸園中心2樓
contact me : [email protected] |
| 2017 年 9 月 13 日 星期三 |
| 拯救粗大毛孔 CLINICZ XR TREATMENT - 膚質轉煥療程 |
分類: 療程篇 |
每次做皮膚分析，毛孔粗大及角質層厚都係分析結果嘅 "Must Have Items" , 膚色因而望落暗啞也是常識吧! 自從上次體驗左CLINICZ「水原共生」療程， 親身感受到輪廓膚質提升嘅震撼。最近CLINICZ又推出左另一全港獨家而且一次有效的療程 - XR TREATMENT 「膚質轉煥療程」，從源頭收細毛孔，改善油性膚質，令到皮膚變得細緻、平滑，有光澤感及均勻膚色。
療程前，先做720 Scan Genius療程專業綜合評估，一邊飲住杯花茶，一邊聽住專業嘅療程總監細心分析我嘅皮膚問題，當然唔少得係今次療程嘅內容啦！
療程內所有成份通過歐盟CE認證架，好專業啊，獨有「Spectrum Healight 830」光譜科技，配合「XR複合配方」，深入溶解並排出久藏於毛孔的淤塞物，最重要係能夠將我本來嘅肌膚膚質轉至偏向完美的中性膚質，同時修復皮層組織，更生表皮細胞及大幅提升肌膚吸收力。真真正正可以係源頭根部修復壞死毛孔，肌膚從現光澤零瑕疵真係話咁易！！
45分鐘毛孔修復亮肌科技
一直以黎，毛孔粗大問題就一定和 「油」擺脫唔到關係，本身油性皮膚出油旺盛而堵塞、撐大左毛孔。試過不同種類收毛孔產品但往往效果都不如人意，而CLINICZ XR TREATMENT 「膚質轉煥療程」俾到我最大嘅信心係可以無創轉煥膚質，從根部解決膚質問題，只要將膚質轉至偏向完美的中性膚質，減少出油情況，先可以真正毛孔bye bye 還原陶瓷肌。
Step 1 : 抗敏測試及深層潔膚
唔好睇少依個測試，除左係睇你嘅皮膚是否適合進行XR TREATMENT「膚質轉煥療程」之外，同時可以深層清潔毛孔底層 。
搽上面嘅時候係有少少”吉吉地”感覺，但都係正常反應，好快就被抺掉, 細心嘅治療師期間重問我有無感覺唔舒服, 有嘅就要講比佢知, 比到我安心感覺！
Step 2 : 膚質轉煥
獨有「Spectrum Healight 830 修復光譜」一個好似iron man嘅頭罩，配合高濃度「XR複合配方」，徹底清除皮膚老廢細胞，深入清空毛孔並溶解積存已久的油脂垢物，深層修復皮層組織及毛孔構造。
做完之後，治療師立即俾鏡我照下，皮膚充滿返光澤係令架, 膚色去除暗啞感，撫平毛孔，望落去當然精神左好多喇。只係一次就有咁明顯嘅效果，超驚喜！ 記得係皮膚吸收力最強時, 要多搽補濕護膚品，只要避免進行磨砂、美白等程序，仲要做好防曬功夫, 皮膚自然保持得更光澤喇！
療程時間只需大約45分鐘, 建議8－12星期內進行全套療程（共4-6次）
before: 膚色較暗沉，外圍黑色素較多
after: 療程後，皮膚紋理照出黎多左反光，就代表膚色重現光澤，黑毛素減淡不少；一次已有明顯效果
想徹底解決阻礙毛孔問題，立即登記 https://goo.gl/TP2jCG ，進行專業毛孔修復療程咨詢，了解清楚自己毛孔粗大的成因，從此擺脫毛孔煩惱！
了解更多XR TREATMENT「膚質轉煥療程」：https://goo.gl/QbuZM3
CLINICZ於2016年成立，母公司為哈佛諾基基因科學研究所HBS (Healthology Biosciences)，首間旗艦店座落於尖沙咀The ONE 8樓全層。致力引進頂尖創新醫學美容科技，從健康，美容及抗衰老3大範疇，全面開啟醫學美容的新領域。HBS集團旗下專業醫學美容品牌包括：2年取得超過20萬正評， 全球NO.1口碑的MediLASE激光脫毛中心、CLINICX無創微整形專家。
地址: 尖沙咀彌敦道100號THE ONE 8/F
查詢電話︰2333 0988
官方網站： www.clinicz.com.hk
Facebook： CLINICZ HK
微博： CLINICZ
此療程及相關資料由品牌提供, 內容為個人感受/分享
contact me : [email protected]
|
| 2017 年 8 月 30 日 星期三 |
| 滋味又抵食@榮哥廚房私房菜 |
分類: 飲飲食食 |
想食私房菜, 通常都會多幾個飯友一齊食, 今次少少地2個人就上左去呢間私房菜
早已預備好餐單, 名為"精心配"2人餐($338/位)
呢3款精美頭盤, 材料都係有益健康: 有機沙律菜伴芝麻醬, 顏色吸引, 口感爽脆既沙律菜配以微辛辣既芝麻醬, 夠醒神; 涼伴黑木耳, 爽脆口感; 紫薯配鮮淮山, 紫白小方粒灑上花生碎粒, 增加香味之餘亦能提升味道!
另一款既小食係呢個賣相吸引既茶燻流心蛋伴黑魚子醬配厚切茄子, 流心蛋黃汁上有少少黑魚子醬, 侍應提議先食隻蛋先, 軟滑流心蛋食到少少煙燻香味; 跟住到個厚切茄子, 泡油到外皮脆口, 內裏仍然保持嫩滑, 個醬汁濃味之餘亦好惹味, 配搭淡口既茄子食係好岩數!
跟住到我最喜愛既燉湯出場, 原盅燉姬松茸淮山甘荀黑毛豚肉湯 (位上), 一放底係枱上已經聞到香味, 原盅上見到材料豐富, 包括姬松茸, 淮山, 甘荀黑,毛豚肉, 仲有螺片, 啖湯味道清甜唔油膩, 熱辣辣飲完感覺好舒服!
名字好靚既蝦球水芙蓉, 原來係鮮蝦球係滑滑水蛋上, 蝦球爽口, 水蛋蒸得滑口, 就咁食都可以, 食到蛋香味!
肉類出場啦, 夏天最岩以生果入饌, 呢味士多啤梨豚肉伴草莓就正正係咁, 肥瘦適中既豚肉配以味道酸甜既士多啤梨醬汁, 底層伴以香脆窩巴, 口感上軟下脆, 幾特別的一味餸!
侍應推介呢款蒜香極佳級PRIME牛仔柳 ($60), 牛仔柳切成片狀, 入口幾嫩滑, 配以大量炸香既蒜片, 但被惹味醬汁整"淋"左, 如果唔係會更好食!
食完肉類, 點都要食返D菜均衡下既, 呢客米王湯浸碧綠溫室菜苗, 以米水底煮成個湯底, 飲落有米香, 質感似飲緊忌廉湯般滑身, 而個菜苗色質嫩綠, 食起黎鮮嫩及甜, 感覺清新!
確實需要點飯氣, 呢客荷香蒜蓉海斑片原籠蒸鴛鴦飯, 滑身蒜蓉海斑片放係紅白米上一齊蒸, 籠內有塊荷葉墊底, 飯粒索晒佢既荷香味, 配以海斑片一齊食都好岩口味, 而且一客份量都唔少, 兩個人確係需要點"食力"去完成!
最後以呢個精心甜鮮果匯拼作為呢餐既完滿句號, 火龍果, 菠蘿及西瓜切成粒狀, 粒粒都甜美多汁, 用叉吉住食都幾過癮!
總括黎講呢餐私房菜無論食物配搭及餐單設計都看得出有心思, 由淡轉濃再由濃變淡, 層次味道有所轉變, 令人"食力"得以繼續, 腰胃吋數增加多少少都無所謂啦~
contact me : [email protected] |
| 膠袋中的海鮮@The Captain House |
分類: 飲飲食食 |
今個月份既公眾假期係無既, 咁唔開心既日子當然要搵個好地方食一餐靚BRUNCH, 呢度位處18樓, 個景觀都算幾開場, 場內播住輕快流行曲, 係度食一餐海鮮都確實唔錯!
打開餐牌見到食物由頭盤小食, 湯/沙律, 意大利飯/粉, 主菜及甜品一應俱全
飲品類亦有唔少選擇, 由紅/白酒到COCKTAIL/MOCKTAIL都有, 係咁風和日麗既午餐時間, 飲呢2杯Peach on the Beach及Orange Squash, 顏色搶眼, 飲落清新,作為呢餐既開胃飲品都唔錯!
是日生蠔有來自美國及法國, 揸唔定主意時, 侍應會因應你既口味喜好而推介
今次叫左呢兩種, 包括美國既Pacific Rock, 體型較為大隻, 淡口D但食落較爽脆; 而另一款為法國Majestic, 體型嬌少但蠔味濃D, aftertast仲有鮮甜味, 兩款都唔錯, 食得出係新鮮貨!
小食點了呢款好受歡迎既路易斯安那特色蟹餅, 以鐵PAN送上保持溫度, 成個蟹餅係由蟹肉組成, 加入洋䓤粒增加香味, 配上少辣醬汁, 惹味得黎仍然食到蟹肉既鮮甜味, 喜歡食蟹但又唔想剝殼既友人表示相當滿意!
賣相靚仔既芝士煙肉焗薯皮亦係呢度既招牌小食之一, 香脆既煙肉粒灑係焗透既薯皮上, 伴以清新香滑既酸忌廉或微辣既Sa Sa醬, 各式其色!
黎度呢到當然要食以新奧爾良煮法既熱船長海鮮拼盤, 可選3, 5或8種海鮮, 加自選醬汁
即叫即煮, 上枱時會以一個藍色網袋包住個膠袋, 賣相相當搞鬼! 同佢影完相後, 侍應會將個膠袋搖晃, 作用係將醬汁同海鮮一併撈均, 哈.....幾特別既做法!
我地就點左3款:八爪魚仔, 扇貝, 翡翠螺另加虎蝦配卡彊蒜蓉汁，3款海鮮都有咬口及食落鮮甜, 而最欣賞係隻虎蝦夠大隻, 蝦肉彈牙, 點上惹味帶微辣既醬汁, 辣味加上鮮味=好味!
枱上備有膠圍裙, 夾同小叉及盛殼桶, 方便客人食海鮮時過程順利, 相當細心!
除左自選海鮮外, 拼盤內仲有粟米, 腸仔及薯仔, 同樣滋味, 食晒都好夠飽肚!
甜品有法式西多士配自選雪糕, 浸滿牛奶而煎香既西多士, 口感外脆內軟, 再加上焦糖既香味, 誠意之作, 淺藍色既雪糕球係海鹽味, 嗒落有少少咸味, 幾過癮的!
有飲有食, 環境坐得舒服, 回頭率相當高!
The Captain House : 尖沙咀厚福街8號H8 18樓
contact me : [email protected] |
« | 30 | 31 | 32 | 33 | 34 | 35 | 36 | 37 | 38 | 39 | ... | 147 | »
|
