多數係太子開餐都係食餃子，都唔係好為意呢條街有間食日本嘢嘅，朋友之前食過話想帶我去試下，咁就GOGOGO啦!
店內面積唔算大，牆上掛住日本畫，餐牌都充滿和風味，提供大路和食，如沙律/刺身/壽司/炸物/鍋類/拉麵等等
除非唔好生食，否則先黎個刺身拼盤 (二人前 / $396) 嘆下先
六款刺身 : 三文魚，油甘魚，甜蝦，吞拿魚，北海道帶子及榮螺
三文魚夠大塊，入口軟滑; 甜蝦一啖一隻食到鮮甜味; 睇下粒厚切帶子..............入口嫩滑帶點檸檬鮮味，超正呀!
食緊最後幾件刺身之際，擺盤精美嘅極尚壽司定食 ($148)就出場啦，時間岩岩好
怪獸三文魚腩，鱆虹魚，龍蝦沙律伴皇帝蟹棒，芒果花之戀，帶子甜蝦戀及珍寶帶子，每款二件，全部都岩食，咁叫當然抵食過單件叫啦 (精明眼又出場....)
最欣賞呢客帶子甜蝦戀，兩種鮮甜海產放埋一齊，鮮甜度雙倍，壽司飯唔會太大舊，仲有空間可以食其他嘢!
叫咗客雜菜天婦羅 ($78)，有香甜南瓜，蕃薯，冬菇及金菇
天婦羅炸漿為食材加添一件"外衣"，表面唔油膩，歡喜食蕃薯，香甜口感，入口唔會一口油，點D天婦羅蘿蔔蓉汁一齊食，絶配!
通常最後都會食番個熱菜，感覺平衡同完滿D! 呢客係北海道雪花牛肉鍋 ($78)，望住中間個橙色蛋黃，應該估到係用"曉"蛋，蛋味濃，讚!
鍋物材料包括雪花牛肉，冬菇，大蔥，娃娃菜，鳴門卷及粉條，想食得飽D就另加烏冬($18)，稻庭烏冬口感清爽滑，岩用黎做鍋物! 湯底係壽喜燒，撈均隻曉蛋增加香滑度，壽喜燒X蛋X牛肉呢個組合，點有得輸呀?!
呢度仲有生果雪芭供應可作為甜品，唯有下次啦...........
#japanfood #foodpics #foodlover #tokyo #東京街 #食咗當去咗
contact me : [email protected] |
