慶祝友人順利上車並入伙，作為新進街坊嘅佢，帶我去附近呢間日西式餐廳食飯
餐廳走水泥工業風型格裝潢，樓底夠高，坐得相當舒服，仲有吧枱位，提供各式酒類，飲杯嘢再開餐都無難度!
日式餐具中又預備好刀叉，食物選擇有日式及西式
落完柯打，侍應送上汁煮蘿蔔配瑩光魷魚作為免費前菜，蘿蔔清甜無渣夠入味，魷魚一食爆漿，鮮味幾濃，兩者配搭都幾特別!
最先上菜當係係唔駛煮嘅吞拿魚腩刺身 ($88)，一客三片，以冰底保持冷凍感
採用赤身，入口軟綿，最重要係無筋，岩晒我地呢D唔好太肥但又想食腩位嘅麻煩友
食完凍就開始熱食，點了燒原條喜之次 ($168)，份量足夠二人享用，原條劏開成蝴蝶型再用鹽燒
原條燒得香脆，唧少少檸檬汁提鮮，魚肉幼滑，無咩細骨，用黎送酒一流!
西式代表有呢客舞茸菇忌廉汁扁意大利麵 ($168)，畫面構圖精美
舞茸菇佈滿係扁意大利麵中，忌廉汁唔會太過厚身令人覺得愈食愈膩，加入蒜粒啖啖充滿蒜蓉味， 與扁意大利麵配搭更令佢變得滑身，口感適中!
呢客屠夫牛扒 ($328)見網上食評出鏡率相當高，應該係好嘢，當然要叫客試下!
木板上係一客450g嘅美國牛扒，柯打五成熟，已切成一件件無需自己郁手，NICE
備有預熱嘅燒汁，用叉吉住點落去，外圍燒至略硬身，內裏肉質嫩口，即使成舊放入口亦可輕鬆咀嚼
呢個原個燒蒜頭亦係亮點之一
燒至蒜頭嘅甜味出晒黎，無辛辣味，入口即溶，用黎配牛扒一齊食，豐富左肉嘅另一個味道
預留少量位置比甜品環節，呢客煎芝士蛋糕配海鹽焦糖汁 ($68)，以酥皮包住芝士蛋糕，伴以果肉碎及爆珠，擺盤精緻
香脆嘅酥皮包住微暖綿滑芝士蛋糕，牛油味與芝士味交接，驚喜地一D膩感都無喎，偶爾食下果肉碎清一下味蕾，絶配!
欣賞佢上菜係一碟跟一碟，每食完一味就換碟，可以慢慢食，無需加快進食進度，食完仲可以考慮係度飲多杯................CHEERS!
contact me : [email protected] |
