夏天走去食麻辣火鍋係咩玩法? 以熱拒熱?! 今晚同辣妹友人去呢間四川火鍋專門店探究一下
店中間有個調味料站，多款醬料可以自由拼，仲有小食供應
呢個係招牌牛油味鍋($148)，中間橙色隻青蛙係用牛油做成，造型相當得意
有點兒唔捨得將佢放入麻辣湯，但為咗仲香D，青蛙仔..........你唔好怪我呀，因你嘅犧牲係無白費架! 麻辣比例適中，唔會得個辣同油，為照顧到唔太食得辣嘅客人 ，中間係懷舊上海羅宋湯子鍋!
呢間四川火鍋專門店，餐紙上提供嘅食材真係好地道，由當地運送過黎，有D見到未見過，今餐真係無論味覺及視覺都長知識
特色牛蛙 ($36隻/2隻起)，原隻先泡泡油，體積勁大隻，夠晒視覺沖擊
田鷄就食得多，牛蛙印象中都係第一次食，肉量多過田鷄，以為會好好嚼勁但唔係喎，肉質鮮甜，食一隻相當滿足!
原條至鮮黃骨魚 ($38)，亦都係先油泡，烚起黎應該無咁易散開
肉質嫩滑，無咩細骨可以放心食
老成都人氣香腸 ($68)，外貌及味道都似我地廣東食開嘅臘腸，但幼條版，用黎烚都係第一次，幾特別
嫩牛肉串串 ($98)，無需烚好耐，可以幾串一齊食，夠豪氣，肉質果然係嫩滑
招牌烏鷄卷 ($128)，採用烏鷄肉整成，樣子似自助餐中嘅cold cut
烚5秒就食得，口感滑中帶點爽度!
石磨黑白鴛鴦凍豆腐 ($42)，細細件可以一口吃嘅蜂巢豆腐
索滿湯汁，食時小心，一咬麻辣汁傾瀉而出，過癮過癮!
絢麗多彩蔬菜麵 ($48)，五色拉麵，顏色吸引眼球
放入羅宋湯內煮原來都好夾，酸甜中又帶點口感，一注剛好一碗!
放學小肉 ($68)，係鷄肉串，即食小食，個名嘅由來唔知係咪當地學生放學後會食嘅小食
點小小辣粉食刺激又惹味
卡真酥肉 ($68)，另一人氣小食，係酥炸豬肉，啖啖肉，一口一舊，熱氣?! 暫時唔諗住啦!
創 世紀冰粉 ($68)，一盤上夠晒份量，除左有冰粉，仲有奶茶及糖漿，多款配料如穀物，提子乾，芋圓，紅豆及椰果粒等
侍應幫忙加入奶茶及配料，用黎餐中解辣或當成餐後湯水都適宜...........哈哈!
侍應主動介紹食材，每樣所需烚嘅時間，務求令客人食到最好味一刻，呢餐真係眼界大開!
contact me : [email protected]
|
