呢個年假仲有5日就放完，有些少唔捨得既感覺~

 不過又好想快D番學bor~=v=

好啦，打番日記先，首先打左今日，再由26號開始打起啦~

今日呀，我較左電話鬧鐘，9點起身做功課~

但國因為尋晚2點幾先訓，起唔到身~嘻….

跟住我禁熄左首鈴聲，繼續訓~

之後呢9點幾，俾人叫醒左，話去飲茶喎~Help><”

飲完茶番到去，嘩，熱鬧lu~成十幾個人番左黎~

呵，大把利是….. 可惜我自己逗左3卦番黎~嚇得我，以為得3卦~

點知後來爸爸俾番我5卦~^^呵….. 正…

之後我就同我表姑姐(留意: 同我同年紀架，一樣F.2既學生) 傾計

真係唔明白，點解D家庭關係咁複雜=.=

一樓果D係陳家人，二樓果D係徐家人，嘩，簡直大家庭~

我爸爸竟然係同我同年紀既人既表哥~

我表叔竟然得9歲~勁呀!!~ 都係唔講呢D啦~

跟住我地玩下玩下，唔知點解，上左天台玩煙花~

低能的，日光日白玩煙花=.=”

無幾耐4點幾，我跟我舅公果D番香港~

正爆，本來聽日番既~點知天賜良源，好機會呀!!~

番到黎香港，都6點幾lu~坐舅公架車番佢屋企~

講開講，我都幾年無去lu~嘩，靚左好多下~

跟住佢地話去天悅食，初頭我以為係樓下有間都叫做天悅

後來佢地話要去拎車車，我就問，係咪置樂果間~佢地話係!!

果刻，我諗起一個人，佢都成日去天悅，唔知會唔會咁好采，咁有緣見到佢~

之後就坐車，途經恆順園，又諗你，唔知你做緊咩呢，可???

跟住去到啦，我見到3個識得既人，有兩個竟然係6e班既~

第一個，亦係最想見果個，竟然趙琳都係度食，係咪真係咁有緣呀?

我都係第一次去呢間野食，真係要多謝我既舅婆呀xdd….

之後見到綺媚最鐘意見到既彈下彈下…. 哈……笑屎我^^

跟住舅公就車我番屋企啦，番到去，第一時間….. 開電腦….

親愛的電腦，無見咁多日，真係掛住你呀……

我諗住應該無乜people on~點知你有on~好興奮下!! 掛左你咁多日~

then傾下傾下……打俾詠欣、綺媚….^^

死啦死啦，我未做哂功課呀~><”

好，由26號講起~
am….. 呢三日(26,27,28) 係同媽咪過既，我個肚發達啦~   
第一日，食蒙古野~第二日，飽參翅肚，魚蝦蟹齊~……嘩哈哈~正爆!!!
夜晚，本來呢，俾人叫去行花市~我打死都唔肯去~
我要玩icq~原來呢，用英文呢，好難表達到感情架!!~

好…. 跟住講下係爸爸果面啦~
am….. 今年都ok開心架~不過衰在成日掛住人~^^嘻嘻….
我呢，終於同我表姑姐熟番啦，都係唔慣細過我既人，輩份大個我呀^^
佢呢，讀LKK(劉金龍) 以前細細個都一齊玩，後來無…. 見到都好怕羞呀我…
今日同佢傾開計，原來呢，好好傾下……..

30號的下午，四表兄妹打麻雀……我地唔賭$$架~我地賭花生~
邊個最少花生就請食”消夜”…. 呵，當然…我唔輸啦~^^
then….. 夜晚，我係房睇電視…. 佢地去左買煙花~
跟住就上天台玩啦~黑麻麻….kick左幾次~原來呢，係天台睇風景，超爆正!!
果一刻既我，又係到諗緊你….. 好多星星呀，好閃~係HK好少睇到咁多星星架
唉唉，晚晚睇喜劇睇到3點幾先訓~勁!! 初一、二呢兩日朝早打”爆掌”
嚇鬼醒，驚氣呀!!
下晝諗住一路聽歌一路睇水壺傳，點知訓鬼著左….><”
仲發左個夢，又係你…..^^

31號即尋晚~
嘩，買既煙過靚個前日~原來自己放既係唔同D架~
wa….. 超大聲，超靚，不過仰視得好累條頸….
呢日下午，又打左陣牌，睇電視果陣，聽到” 空凳” 呢首歌…..
F.1果陣，唔知上中文堂聽既….. 好多回憶呀…..
仲諗起中倩華….. 有種…. 唔識形容既感覺=w=算啦……

依家就一點，好似仲好精神下咁.....
聽日加油做多D功課，有兩個人，一個係林白痴，一個係董幼稚
話唔識做數喎，要我黎教....我都唔識呀，不過，盡量啦....^^
死啦死啦.....我俾人話我成日發開口夢，唔知講左D乜呢?大鍋啦....
我爸爸仲好奸咁話知道哂我D秘密，死啦死啦...唔知我有無講到關於"佢"既野呢??
驚驚呀~!!不過應該唔會爆左D不可告人既野出黎掛!!~=.=

------------------------------------------------------------------------------------------

呢幾日，都好掛住好多人，特別係某D人^^