今日下午我要出去旺角搞少少嘢，咁咪放低兩個女比亞媽睇，唔知係咪心理作用呢，今日下午覺得個人放鬆晒，好舒服。可能係因為一嚟我可以出去行下，二嚟我又唔使趕時間返嚟睇女，因為放得係亞媽度，一定唔會有事呀嘛，咁我可以專心搞自己啲嘢呀。

雖然只係短短兩三個鐘頭，但係我都覺得個人輕鬆咗，舒服咗，起碼個人冇咁燥先。

今日真係好多謝媽咪幫我手湊兩個女，等我行下，放鬆下，真係好多謝佢呀！

今日有社工打比我約我星期四下午3:00鐘見面傾下經濟同夫妻間嘅事，點知我同老公講，佢居然叫我自己去，佢要返工，我真係好想知佢諗咩架，明知我有精神病佢唔陪我，咁我點呀，又成日困住我係間屋度，我真得覺得好辛苦呀，每日都係對住四塊牆同兩個女，邊到都去唔到，次次想出街嘅時候都有搵人陪，但係唔係個個都得閒陪我架嘛，佢放假又唔陪我出去行下，只係識得係屋企打機、睇電視、瞓覺，我真係覺得呢種生活好悶呀。我好想搵嘢做返工呀，又冇人幫我湊女，咁即係要我死姐，我今日諗咗好多死咗都唔會有人知嘅方法，例如：跳樓啦！攞把介刀入去廁所割脈啦！又或且行落海度死咗佢 ( 因為我唔識游水 )！好多好多，我真係好想死咗都冇人知，因為我唔想有任何人為我傷心同為我留一滴眼淚，所以我唔想比人知我死。

更何況我呢啲人死咗都唔會有人可憐，仲會比人話我自私，一個唔該就咁死咗，留低兩個女比人睇，仲要人搞我啲生後事，要人搞一大餐，所以我話我死一定唔會比人知，我唔想再比人話“生前累街坊，死咗累朋友呀”，我聽呢句說話聽咗好多年啦，我唔想再比人話呀，所以我同自己講過一定要死咗都冇人知，我唔想有人幫我做任何生後事。

不過，我好肯定我死咗，我老公一定唔會傷心，因為佢跟本就唔鍾意我，佢只係想有個人陪下佢咋。同埋佢唔想冇咗個女咋，如果唔係都唔會到離婚嘅最後一刻先提出唔好再搞離婚呀。

今日佢又再一次提出離婚啦，我今日靜靜哋咁諗清楚我哋呢段婚姻係咪應該繼續維持落去，因為佢比個感覺我，就係佢唔想再理我哋三母女，佢只係想自己一個人生活，所以當我聽到佢又一次提出離婚，我就決定順佢意思，搞離婚，比番兩個女佢，咁我就可以去死啦。

希望大家唔好為咗我嘅死而傷心同留一滴眼淚，呢個係我嘅遺願，希望大家幫我完成，唔該。

我尋日帶細女去打針嘅時候終於證實我有中度嘅產後抑鬱，個姑娘仲同我老公講咗，而且約咗10月4日見精神料醫生，但係我覺得佢好似唔覺得呢個係啲咩大病嚟，真係好想死呀！

事原係咁嘅，尋日細bb打完針之後發燒，而我又唔舒服，咪叫佢今日唔好返工幫手睇下女，點知佢話唔請，仲要叫我自己帶細bb去睇醫生，比佢返工；跟住又講不如唔好做啦，大家齊齊食屎啦，我聽到嘅時候，我當時嗰一刻好想速出走廊跳樓死咗佢一了百了，起碼唔使再同佢嘈呀，反正佢都唔理兩個女，更加唔理我啦，咁佢都唔理點解要我理呀。跟住佢返咗工我咪帶細bb去睇醫生囉，因為亞女係冇孤架，冇謂囉佢嚟搞，所以我就帶咗佢去睇醫生，連我自己都睇埋，點知細bb食完葯都唔退燒，咁我咪叫佢返嚟睇女囉，點知佢話唔返囉，我當時就仲嬲，仲想死。好采，大bb同我爸b唔理你仲有我理你，你唔好唔理我呀，我會聽話架啦，你唔好嬲啦，我聽到呢句先放低死嘅諗法。但係當我再問多佢一次嘅時候，佢堅持講唔返嚟，我又想死啦。

我真係唔明佢點解明知我有呢個病，都唔理，仲要比以前更加唔理我，我真係好想死呀！

因為我呢個病想快啲好番，就要得到家人嘅支持，最好就老公嘅支持，咁會最快好番，點知佢支持我之餘，仲咁對我，咁我生存仲有咩意義呀！

今日我好開心呀！點解？因為今日我終於唔使坐監啦！

今日我同亞妹再同埋兩個寶貝去咗新北江行街買衫，雖然只係買到底衫，其他咩到唔到，而且只係行咗3個鐘，但我都覺得好開心。因為我可以出去透透氣，唔使再坐監。因為係屋企真係好悶架，只係對住四面牆同兩個女，邊到都唔去得，咩都唔做得，仲要湊佢哋，真係覺得好辛苦。

不過，辛苦我都覺得值得架，點解？因為當你見到佢哋做啲奇怪嘅動作，或且突然走埋嚟錫一啖嘅時候，你就會覺得辛苦都值得。因為佢哋知道你係真心錫佢哋，佢哋會做一啲嘢氹你開心當係回報，雖然只係錫一啖或且對住你笑一下，佢哋都係發自內心架。所以話呢，細路永遠都係天真冇邪架，佢哋諗到咩就做咩架啦，完全冇理由架。

我好多謝個天比咗兩個咁靚女，咁可愛同咁乖嘅女比我，等我可以做佢哋嘅媽咪，同埋可以比佢哋錫。更加可以比睇住佢哋成長，我宜家冇嘢望，只係望佢哋身體健康同快高長大咋。因為呢兩樣係有錢都買唔到架。

另外，今日同亞妹整個假嘅生日蛋糕，係等生日會用架，雖然係照住張相嚟整，但係我覺得一啲都唔靚嘅，而且啲眼耳口鼻都唔貼係餅底，成日跌，真係激死人呀。不過都好好玩呀，我哋都係用咗個半鐘左右就做起，不過真係唔靚，希望亞妹個校長唔好唔收貨啦。

好開心呀！點解？你哋估下呀。好啦，我開估啦！就係搞咗我成年嘅兩件事終於搞掂咗啦！邊兩件事？

1)我係和記上網嘅欠費同壞賬都會係今日取消。

2)我嘅懷孕歧視投訴，公司終於認輸啦，平機會比咗個電郵我，話今曰收到公司開嘅支票同一封信，雖然係寫錯咗名，都總算係好事呀，因為我相信平機會會幫我同公司講佢哋寫錯人名，要佢哋寫個一張新。

今晚唔知點解我突然鬆口氣，可能係因為收到呢個咁開心嘅消息啦，所以我今晚嘅心情特別開心。

我相信大家同我一樣有啲嘢搞住你好耐，而係同一日入面搞掂晒，你哋都會好似我咁開心架。

但係仲有一樣嘢未搞掂，就係調遷嘅問題啦，如果房署話比我聽有屋可以比我即刻調遷就好啦。希望呢一日唔會離我好遠啦。