呢幾日訓覺發好多夢, 個個夢都關於去旅行的, 大前晚是台灣, 前晚是泰國, 昨晚是日本....但每一個都係一d令人煩擾嘅內容...eg. 無帶機票, 趕去寄存行李, 幫人打工... 個個夢都係好長篇大論, 攪到我成晚個腦都無得休息... 有咩辨法可以發少d夢??

最後一個sem, 已開始有group project要傾, 又係product development嘅野....都係嗰句, 如果我地咁叻咁有料發明到一樣野, 我地就唔駛讀做左professor啦!!! 今日上堂睇埋d光纖布, conductive fabric, 好似好勁咁, 但其實又有d無聊, d application好似無咩意思~~ 今次份project仲要做埋實物出黎tim, 真係有d難度~~

今日聽d同學講, 原來有幾個人上個sem 肥左information system!!! 真係超慘!!! 肥左就要retake了, 仲要係defer到下年retake!!即係畢唔到業... 如果係肥其他科都算啦, 要讀多次IS真係會死人!! 呢科明明同我地無關係, 但又要迫我地讀, 讀埋d咩database, ERP, figure n diagram...真係勁辛苦, 又多test, 又多assignment!! 我開頭都有少少驚呢科, 不過check成績時真係幾surprise, 有B+, 呵呵~  如果要我DEFER黎RETAKE呢科就真係 了...

今晚同zoe補祝生日, 依舊去左聚濠食飯, 人物都係有以邦邦狗為首的"4人邦": zoe, homa, 邦邦狗~
今次係打邊爐, 同以往一樣, 攪到成張枱都係湯, d野食周圍飛, 一時就搶野食, 一時就夾哂d野俾人食~~ 走開一陣個碗就會無啦啦多左d粟米...好唔安心~~ 不過同場有d不良少年, 映得我地無咁突出~~ 我地又係一路食一路低能, 笑到好肚痛~~ 一見到肥牛, 蠔, 同埋墨魚丸就狂爭, 永遠輸嗰個都係河馬!! 明明係任食, 都唔知點解要爭... 不過最後都係食唔到雞片, 蘿蔔, 激死!!! 邦邦狗仲對d蠔不敬, 即係對黃x豪不敬!!!

今次我地好攪笑, 發明左"望人"呢個動作, 當一個人講錯野或被針對時, 我地3個就會數一二三望住佢, 原來個感覺係好難受ga!! 不過真係笑死~~

食完野之後就攞野出黎玩, 首先係我們的禮物pp狗布魯圖, 之後有zoe的壽星公利是封, 之後是河馬的日本草餅, then就係斷了線的小邦邦, 最後就係我的3級抽獎遊戲~~

玩完野之後就去左商場坐一陣, 又影左好多白痴相同movie, 今次d相有theme的 eg. 憤怒, 白痴, 鬼眼... 好攪笑, 白痴嗰張實在太白痴了, 不可公開~~~ d movie又好無聊白痴, 攞住隻小邦邦不停咁玩, 最後仲俾人殺死左!! 好可憐~~不過真係笑死~~

正常版

憤怒版

期待已久, 一手策劃的台北之旅終於完結~~ 呢幾日行左好多路, 食左好好好多野, 搭左好多次捷運~~

台北好方便, 好多地方都好易去, 車費都好平~

我地去了:
北投:荷豐館溫泉幾舒服, 環境都幾好, 但要行幾遠先到車站~ 地熱谷幾特別, 有個牌話"不准煮蛋", 邊有人會去煮蛋??!!
淡水:像香港的西貢, 幾多野食, 最喜歡是燒魷魚, 好大隻~阿給就怪怪地, 唔太好吃~ 夜晚仲試左台灣吉野家, 比香港多款~ 情人橋好靚, 不過行左好遠...
西門町:像旺角, 有商場, 有d特色鋪頭, eg. 果風小鋪, condom世界, 仲有好多夾公仔, 籃球機玩~ 街邊仲有好多野食tim, 呢幾日食左3塊蔥餅~~ 燒粟米就....
台北圖書館: 呢個係意外搵到的, 因為MARK想check GPA~ 其實我都要CHECK, 但check唔check都無所謂, 因為無咩期望~~ 去到辦左個臨時証用電腦上網, 順便check埋, 點知有surprise~~ 有3.38~~hoho~~ small business仲攞A tim~~ 真係多謝Roger Nelson~~
故宮博物院:好悶, 行到我好眼訓, 我不是文化人~
中正紀念堂:影相之地, 仲見到"小la"和她的好朋友, 不停大叫"小la"~
士林夜市:賣d野食全部一樣, 無咩特別, 反而出面條街好好多, 有衫睇, 有好多野食~ 最喜歡是炸雞排, 好好好食~~ 
書局街:無買到書, 反而在機場買了3本新版叮噹~~好開心~~每本比香港平$10~~
東區地下街: 無咩特別, 俾PPDD呃了~
誠品書店:休息之地, 可以坐响地下睇書, 但睇到好眼訓~~
美麗華:what the fuck....不值一去, only得個摩天輪, 好彩係免費車!!
饒河夜市:都幾多野食, 胡椒餅好多人排隊, 都幾好食~ 排骨燉湯都好飲~ 搭518公車去左轉乘車站...

台北是一個自由行的好地方, 可以好relax咁周圍食, 周圍行, 不過就無咩特別的景點~~ 如果下次再去, 想去睇埋阿里山, 墾丁, 烏來~ 另外就係港龍d空姐真係唔太得, d飛機餐都好難食, 好求其~~不過回程機上見到"大王"安德尊~~ 佢一家人去旅行, 飛機一land佢就即刻戴番副眼鏡框~~haha~

今日同fanny影畢業相, zico, maggie, 麥o麥, 林希達, 曾慶珊都有去, 到了文化中心時我竟然迷路唔識行入去... fanny一家都有去, 加埋zico一齊, 真係一個好開心的畫面~ 加上我地呢d好友, 仲有禮物, 就真係perfect~ 我地响海旁影左好多相, fanny爸爸好專業, 指示我地點排位~ 最攪笑係見到zico好拘謹, 但fanny爸媽一走開佢就好輕挑~~

影完相就去左食tea, 傾下計, 講下大家近況, 有d人的去向真係令人摸不著頭腦, 另外仲知道遲d有人有喜事tim, 真係鄧佢地開心, 雖然同佢地唔熟~~ 

雖然好耐無見麥o麥, 但感覺仍然好親切, 咩都講得~~

今晚同polly, winsom and gigi gathering, 去了重慶大廈食咖哩, 今次係我第4次黎了~ 佢地就係第一次黎~~ 首先同佢地講下入呢座大廈的規矩, 我地就浩浩蕩蕩咁上去~~

佢地都無咩idea, so由我發板, 叫左咖哩角, 芒果乳酪, 3種薄餅, 咖哩雞and咖哩蝦, 都仲係咁好食~ 食完之後就傾下計, 講下大家的工作, 開開心心又一晚~~