與野兔的台灣4日3夜:

1st day:

响office等等等, 終於到6:00了, 我即刻拖住行李離開公司 (無錯, 我帶埋行李番公司, 好大工程), 搭mtr去茘景會合野兔, 之後一齊去東涌轉車去機場~  check in後就去左翔天廊food court食dinner, 好豐富呀~~

2110我地就上機, 長榮d service都幾好, 不過個meal係一 個難食嘅菜肉包~ 我地大約2300到taiwan, 捨飛狗轉的士去東龍, 點知個的士司機兜路, 明明好近但兜左好遠, 要NT130!! 可惡, 仲沿途扮好傾tim!!

到左東龍放低行李, 我地就要諗我地今晚嘅落腳點 (因為夜機, 我地第一晚無book酒店, 慳番幾百蚊), 我地去左人地suggest的"holiday" 卡啦ok, 諗住有間房可以俾我地唱下k, hae下過一晚, 點知要成NT500/hr, 真係搵笨!! 我地唔知點算, then去左書介紹私"e書漫", 係一間有得上網, 有得睇書的漫畫屋, 計過後價錢都acceptable, 我地用左一個鐘電腦, 之後就轉去一間獨立塌塌米房間, 有坐墊有毛毯, 總算可以好好訓一晚, 我仲睇左套好核突嘅漫畫tim, 叫"老處男的春天"....

2nd day:

第二朝訓醒我地就去左西門丁食早餐, 我地食左個蛋餅_肉鬆蛋饅頭, 好正~ 之後就行下街, 好快我地就失守, 入到一間boutique狂試衫買衫, 買得好過瘾, 仲遇到吳建豪簽唱會tim!!! 之後好彩12點東龍就俾我地check in, 沖個靚涼休息一陣就再出去了~~ 我地去左大誠品睇書, 之後去左士林夜士食野, 不過太多人了, 我地只係食左大雞排and花枝羹, 2樣都好好味, 不過真係太多人, 我地都行唔到另一邊, 加上我地又好累, 之後就番左西門丁買蔥抓餅and可麗餅番酒店食, 食完10點幾就訓了~~

 3rd day:

因為東龍個早餐實在太唔掂, 我地可以訓飽先起身, 好舒服~ 之後我地就出發去淡水, 去左淡水老街+漁人碼頭, 好休閒咁坐响海邊望海, 好舒服~ 本來諗住去埋北投浸溫泉, 但因為成30度, 太熱都唔想浸~ 之後就番西門食dinner, 去左個food court, 都係被騙了...haha 之後就去夾公仔, 打籃球, 買鞋...好開心~~

4th day

今日係last一日,仲要全日下大雨, 加上我又病病地, 我地食完面線and魚丸就去左誠品西門店睇書, 之後去左一間cafe食tea, 最後就去港記買手信, 仲差d攪到無命番香港tim...我地回程起飛狗笑到勁肚痛, 都係因為某某人實在太核突了, 咁都做得出, 好唔衛生!! 我地6點去到機場, 7:55登機, 10:00到香港, 快樂嘅4日就怱怱咁過了~

今個復活節同mark去了澳門+珠海2天遊, 一早起身就自己一個搭8:20am船過大海~ 等到8:45都唔開船, 原來架船壞左, 要搭另一架~ 咁仲好, 唔使同嗰2個麻煩男人坐, 嗰家人坐左我個位, 仲好似好唔願意咁比番個位我, 又勁講粗口, 好彩最後換船任坐, 脫離佢地!!

1st day 

去到等到mark就開始我地嘅行程, 首先去左漁人碼頭, 地方好大, 雖然無咩野玩, 無咩特別, 但都係一個影相嘅好地方~ 我地仲搭左嗰d仲慢過行路的兔巴士~~

之後就去左氹仔官也街食lunch, 去左嗰間咩"咖哩文", 好多書都推介呢度d咖哩牛腩, 我地叫左咖哩牛腩, 豬扖包, 魚包, 但...咖哩牛腩同豬扖包好普通, 魚包唔好食, 最慘係我未飲過一杯咁難飲的凍奶茶!!! 失望!! 之後去食大菜糕and木糠布丁, 木糠布丁明明唔係布丁, 明明係雪糕, 攪到我以為mark叫錯, 第二日仲要試多次tim...其實都只係綠豆粉加雪糕, 又唔覺得真係咁特別~~

2:00我地就去左駿景酒店check in, 呢間酒店位於氹仔~ 算幾好~ 其實之前幾次去澳門都揀澳門市的酒店, 因為怕唔就腳, 但其實澳門咁細, 由氹仔去邊一度都只係$3.3, 住氹仔就可以慳番幾百蚊~幾好~

 check in完我地就出發去珠海,搭30巴士($3.3)去關閘過關, 大約半個鐘啦~ 今次都係我第一次去珠海, 去到就搵"中藥谷", 睇地圖好似好近咁, 但最後我地都係要搭左$10的士去~  中藥谷個外觀都ok, $99入場費全日浸溫泉, 裡面有好多種藥池 (牛奶, 香薰, 人參, 醋....), 有熱有冷, 不過相信都唔係真正地下泉水~ 不過個環境都ok, 又室外園觀, 又有涼茶飲~ 不過我最想去都係按摩, $60/hr, 做左一個鐘全身按摩, 都有d痛~ 下次都係腳底按摩舒服d~~

番到去澳門, 因為已經9點幾, 好多野都收哂, 都唔知去邊食~ 我地去左議事亭前地一間葡菜餐廳食, 點知睇到佢個餐牌就嚇人, 一樣稍為飽肚嘅main course都要over $200!! 咁點叫呢, 我地諗極都唔知叫咩好, 個侍應又only識講葡文, 攪到我地好不安, 最後都係選擇走人... then去了隔離的類似小飛象的葡菜餐廳食, 食物一般, 價錢都唔平, 但點都好過之前嗰間~~

2nd day

10點去了食酒店早餐, 都幾多野食, 水準ok la~ 之後我地番去再訓到12:00 check out~ 我地去左氹仔海邊住宅博物館, 我幾鍾意呢個地方,好舒服, 好relax, 我地影左好多相~ 之後去左官也街食蟹粥, 竟然唔使等位就有得食, 我地食左炸鯪魚球&水蟹粥, very good~ 之後我地去左新葡京&永利, 相比之下永利正好多~ 不過我地响新葡京玩大細and black jack時都向何生貢獻了幾百蚊...慘(又係本來win, 之後貪心仲輸突.....)... 賭完之後就番去食蟹籽撈面, 都ok啦, 不過份量少左d, 之後我地就搭船番香港了~~ 諗住去新葡京搭免費車去碼頭, 點知上錯左去關閘嘅車, 我地坐原車番轉頭, 點知遇著班核突大陸佬,  大聲講野不特止, 仲嘔到成車都係tim!!!  嘔完仲繼續大聲講野, 真係想死!!!

最後我地搭到11:00船番香港, 真係好累好累呀~~

5日假期開始了, 要好好抖一抖~ 清明唔使拜山, 復活節其實又唔係好關我事, 其實作為香港人真係唔錯, 有好多又中又西的假期, 其他國家是沒有的~~

今個假期除左陪屋企外, 仲會同mark過澳門玩, 今次係我第3次過澳門了~ 經過重重波折, 終於買到package, 抽到時間, 呢個咁難得嘅假期真係要好好relax, 之後都唔知幾時先會再同mark去旅行...

另一樣令人期待的, 就係4月尾同野兔去台灣~~ 呢個trip真係好好好期待, 相信一定好好玩~~ 呵呵~

尋日阿頭同我做左review, 加人工方面, 其他同事都已經同我講左唔好咁大期望, 我亦都無期望過, 係就係有d失望, 因為唔係按表現, 只係個個劃一加一個數, 咁即係反映唔到我嘅能力啦~~ 不過阿頭同我講d野都幾好聽 (聽住先), 讚完一輪做野有交帶, 話我有potential, 話我比其他同事做野好d, 加上有個degree, 會有優勢~ 仲話黎緊呢一年會試下promote我~ 會俾多d SAM 嘅野我做, train up我做SAM,  仲話以我一定唔駛5年先做到m~~ 雖然人工加得少d, 但聽完佢咁講都算係咁啦~ 雖然我一定唔會响度等上位, 但至少會留多大約一年儲經驗, 我唔想份resume咁肉酸, 做唔夠一年就轉工~ 加上其實呢度都ok, 入到呢team d人又好 (某幾個透明人除外), 一d非常令人討厭嘅人都走左, 之後應該會好好多~

最攪笑係我地幾個互相倒數今日嘅來臨, 個個都本著"忍到4/4"嘅心態~ 其實呢個人幾成功, 同佢唔太熟的人以為佢ok無乜野, 仲好似幾得意咁, 但我地3個同佢有深入嘅相處後, 真係未見過d咁cheap嘅人, 搶住邀功, 攞著數, 借錢唔還, 貪錢(幾蚊都貪) 懶醒, 煩, 扮q, 扮細個, 大聲罵同級, 大聲傾幾個鐘私人電話, 重覆人地講嘅野扮係自己講.....最重要係私吞廠送上黎嘅禮物, 我地問佢有無收過仲做戲講大話, 問番我地好唔好食!!!!!!!!! 

太多太多了...不能盡錄, 總之就係一個26歲扮16歲, 成身名牌(屈人送的)而又連幾蚊都呃人嘅港女啦! 呢半個月佢不停提自己幾時走, 想我地問佢之後嘅野, 又或者想我地表示下唔捨得佢, 但sorry, 我地次次都轉話題, 扮聽唔到~ 關於佢嘅野全部都唔想知, 只想4/4快到~  我地3個終於甩難了!!! 簡直要開香鑌慶祝!!

今晚去左apm睇The Pursuit Of Happyness, 係一齣好戲~ Will Smith話要找到自己的目標, 然後努力向著目標前進~ 諗番自己, 真係唔知自己有咩目標...究竟我的目標是什麼? 究竟我想要d咩? 唔知.... 我深信自己是有能力的, 但好多野都out of control, 我唔同普通人, 可以有好多時間去諗自己想點, 我無憂無慮嘅人生已在23歲停止了, 將來, 真是太多變數, 我掌握不到...

點解次次都係咁? 係咪我要求太多太過份? 改不了就改不了, 算吧, 你有自己的一套, 你鍾意點就點吧! 或者要改的是我, 我要學下對任何事都不要期望,  咁就唔會有任何失望, 咁樣大家都會舒服d. 我亦不會再去做一d無謂而又不討好的事!